唔鍾意寫負評俾餐廳，今次係第一次Bucket list 咗minimal一段時間，於是約咗朋友星期四七點嚟食晚餐，舖頭只有幾枱食客嗌咗雜菌貓耳朵粉，牛柳配黑松露薯蓉，tiramisu[貓耳朵粉]醬汁味道過得去，粉體煮得唔入味，可以進步[牛柳配黑松露薯蓉]（原諒太失望冇影到相）牛柳表面醃過鹹，嚿肉入面又冇味，好韌 + 冇煎熟 =切唔開（莫講話膠碟用喺膠枱度，只會不停咁跣走）黑松露薯蓉只有黑松露調味料，凍晒蔬菜有粟米仔同西蘭花苗，白烚嘅俾啲誠意好冇🙏🏻Cream cheese同cream打發到好似梳乎厘咁，只有泡沫嘅口感沒有creamy嘅感覺入面嘅lady finger/ 蛋糕俾酒浸到好似濕水海綿咁，因為酒太濃烈居然濁親餅底有餅碎加焦糖脆片碎，cream又痴唔住成個甜品元素根本夾唔埋，只有賣相服務客人需要自己離開座位斟水，侍應企喺度等收工由頭到尾都冇表情，我仲有禮貌客氣過侍應們🙉去到九點鬆啲，佢地就拎住卡機，講咗句：「要埋單。」收完乘客錢之後待應就準備好執包袱走了，但舖頭客人仲未食完離開，留返洗碗姐姐喺度等到底生意點樣做到咁受歡迎，真係唔理解…查看更多
