msfood__special的個人專頁

小妹今晚同豬去K11 Art Mall「Slow cow」食飯🍽️位於2樓一個小角落既餐廳，餐廳裝潢以復古美式為主，非常新淨及坐位間闊落～餐廳主打慢煮牛肉四元豚等….入坐後只需掃一掃二維碼就可以落單，非常方便😝慢煮熟成牛肉飯《紅酒照燒汁🍷 自家製忌廉汁、流心香煎日本蛋🥚拉絲芝士🧀蕃茄醬🥫意粉🍝 道地清麥茶🥤》每塊慢煮牛肉排得好整齊，肉質好鮮味😝 蕃茄醬🥫意粉🍝好入味，每條意粉🍝掛滿蕃茄味醬汁😍 當紅酒照燒汁，拌勻流心香煎日本蛋🥚將口感再提升層次😋賣相一流🤩A4日本和牛丼🇯🇵 《蒜香醬油泰國絲苗米飯🍚🧄咖喱蛋黃醬、自家製忌廉汁、蛋黃🇯🇵🥚玄米茶🥤》蒜香醬油白飯重蒜香味，每粒白飯都好有口感🙂 蒜香味道亦好夾A5和牛，和牛切粒，份量不少😙加上肉質嫩滑，每粒點埋咖喱蛋黃醬就更加出色～配上蛋黃🥚味道層次再豐富，令人更感開胃🤤日式炸雞🍗共三嚿大大件，炸至金黃色，非常脆口一流👍🏻小妹覺得以尖沙咀K11黎講，二百多元既價錢就可以食到兩個晚飯+兩杯飲品🥣真係好抵👍🏻…查看更多

今晚小妹去油麻打食潮州打冷食物，就諗起呢間店好近油麻地地鐵站，非常方便及容易搵😌呢間店雖然讓人感覺較地踎，但勝在坐得舒服，且坐位間好闊落，唔會覺得迫，而且呢間店樓高兩層，可以容納不少客人，充滿香港地道特色及風味🙂金菇肥牛煲🍲以砂煲來呈現出來，非常熱烘烘，份量合適；肥牛肥瘦均勻，牛肉肉質嫩滑👍🏻每條粉絲吸收唒濃郁醬汁既味道，加上配埋金茹，絕對送飯一流😋豉椒炒蜆🧆份量多，每粒蜆都充滿豉椒既味道，重點係唔會好多吉殼，正🤩🫶🏻馳名煎蠔餅🌮潮州菜必食點都要試下，兩嚿大大件，上到枱時已經見到炸至金黃色，不油膩，每嚿都有著香蔥及蠔肉，比例相當均勻，有口感，食落口時啖啖蠔肉，及香脆可口。職員更貼心給予一小碟魚露作調味 😝❤️蜜椒薯仔牛柳粒🍛牛柳鬆軟，薯仔外脆內軟，充滿黑椒和蜜糖的香氣，充滿鑊氣😎感受到「大排檔」風味，絕對惹味且帶有甜鹹風味既食物🥳整體黎講，呢度地方乾淨及闊落，想食大牌檔和打冷食物風味的朋友仔，絕對不能錯過呢間；味道及份量都合宜，且仲可以使用QR code落單，好方便😻…查看更多

小妹同屋企人慶祝生日🎂今次就擇呢間「THE MOCHIFFON CAKE」買黎試吓🤗只需要預先透過網上落單，門店取貨就可好😚當然門店亦有部分產品，可供購買😆呢間蛋糕店🍰主打以戚風蛋糕 X 軟熟麻糬😍仲係呢排人氣蛋糕網店🔥係香港🇭🇰絕對係數一數二既麻糬蛋糕店🍰 香港、九龍，非常方便😙除咗蛋糕🎂外，當然唔少得散水餅、多款迷你款式蛋糕🍰等，好多選擇🥰柚香伯爵蛋糕🎂呢款蛋糕🎂以「小清新」味道👅為主，以伯爵茶戚風蛋糕搭配低糖伯爵茶及鮮奶油🧁口味，一食落口已經食到蛋糕🍰非常軟熟♥️味道👅新鮮，口感軟綿，而內餡包住招牌煙靭麻糬，麻糬Q 彈及柚子風味脆脆，整體層次豐富，口感獨特🥳加上以雪白鮮奶油🧁圍成花圈，外觀絕對精緻高雅👍🏻好味🤤整體價錢合宜，每個蛋糕🎂亦做到高貴大方既感覺😆加上味道唔差，亦多款口味選擇😎但重點一提要帶備環保袋♻️☺️…查看更多

今晚同家人去咗「小李車仔麵」食晚餐，呢間車仔麵好多人幫襯🥳 地方算幾大，裝修偏向簡約風格，價錢非常清晰，使用QR cord 擇餐非常方便，由兩餸至四餸都有，好有懷舊風味🤭今次叫咗兩碗四餸麵🍜四餸麵：金牌腩汁，自家製韭菜餃，自家製必食溏心蛋，70度慢煮火焰和風豚肉叉燒，真係自家製酸齋配油麵🍜韭菜餃口感豐富，每粒包到滿滿，非常滿足😌 溏心蛋蛋黃軟嫩，濃郁蛋香，口感不錯👌🏻 70度慢煮火焰和風豚肉叉燒分開上，肉質🥩嫩滑，亦有少少燒焦味道👅 酸齋爽口入味，每嚿好大嚿，索晒湯汁，超入味🙌油麵掛滿湯汁，每條油麵好彈牙，吸晒湯汁，口感及層次好衝擊，一流🤘🏻四餸麵：彈牙白魚蛋、魚肉春卷🐟想再食牛腩、蠔油花菇配油麵🍜牛腩肥瘦均勻，牛肉香味與滷香好夾；魚蛋口感嚼勁十足，好爽口；魚肉春卷非常特別，鮮竹滑嫩包住鮮美魚肉；蠔油冬茹非常入味；油麵麵質爽口彈牙，份量不少😎菜心🥬用咗金牌腩油做主打🎖️每條菜心非常鮮甜🙂份量不少～凍檸茶🍋🥤呢度不少麵類選擇，當中有油麵、粗麵、幼麵、米粉、河粉、烏冬、公仔麵及米線😋加上有不少餸菜選擇，飲品有優惠價，價錢合宜，真心吸引。車仔麵有著街頭地道風味及懷舊感覺，絕對係平民美食😍…查看更多

今日去西九龍中心逛街買野，諗起呢度有美食廣場，就去搵野食😆 見到有間「Pizza Ha」小店，讓人感覺好親民既小店🥰 呢度主打不同口味既Pizza､韓式炒年糕、飯卷等，價錢親民😚卡邦尼炒年糕公仔麵🍜呢款公仔麵🍜份量不少🙀加上卡邦尼汁不少，令每條麵及年糕都掛滿醬汁😈 年糕入口Q彈，加上口感煙韌軟糯，真心正🤩千島海鮮pizza🍕千島醬酸酸甜甜，好開胃，搭配海鮮、菠蘿、青紅椒等餡料，令口感更有層次，而且份量足夠，非常滋味🤤焗意式肉醬飯🍛口感豐富，且味道濃郁，份量剛好🤘🏻 加上配以番茄🍅洋蔥🧅牛肉碎等，熬煮而成，搭配濃郁的芝士，味道層次豐富🤭由於美食廣場既關係，幾易搵位😝 加上食物有質素😼價錢抵😃…查看更多

小妹今晚去咗九龍塘搵茶餐廳🍴食，見到有間走懷舊風格既茶記，以霓虹燈為主打既「金記冰室」相當吸晴🥰 入到去覺得茶餐廳🍴充滿舊式風味😚 非常特別👍🏻 坐位間坐得舒適，仲有免費wifi任用，真係好正🙌點餐時可叫職員👩‍💼協助或自助二維碼自行處理，超方便👀二人餐：兩款餸菜、兩碗白飯、兩碗湯、油菜及兩杯飲品呢度有多款小炒供應，點都擇到一款岩💪🏻湯🥣 中式湯好足料，而且好入味🤭油菜：菜心🥬每條油菜食到新鮮既味道🥬份量不少😚😂小菜：椒鹽豬扒🐖每塊豬扒好足料😍 每嚿都食到肉質嫩滑，又唔會好咸好辣，送飯一流👍🏻🥳海味雜菜煲🍲份量合適，又健康，除蔬菜🥬外，更有魷魚🦑、蝦乾🦐冬菇等，好足料～海味既鮮味和蔬菜🥬清甜融合，加上粉絲掛溝湯汁，味道豐富😙金牌乾炒牛河🍝牛肉薄片，保持到肉質嫩滑，每條河粉Q彈且每條分明，唔會黏糊成一團😆加上不少配料，炒後保持爽脆口感，亦增加口感層次🤞🏻凍檸茶🍋🥤紅茶底☕️香濃，醇香甘澀，酸中帶甜，開胃解膩😆整體來講，餐廳🍴採用懷舊風格為主，讓顧客感受到舊香港🇭🇰既味道👅卡位坐得舒服🥰食物選擇不少，且價錢合理😎…查看更多

今日下午小妹同朋友去咗位於旺角金雞廣場25樓，以白色主打既樓上Cafe，鄰近旺角地鐵站🚉 交通方便，主打西式及港式餐飲😚 Cafe座位闊落，坐得好舒服，近門口位置仲放咗好多「 Board Game 」讓客人選擇🤩cafe亦會播放不同歌曲，絕對讓客人心情好hea😊午餐小妹擇咗呢個午餐🥣包$38飲品(如$38以上則補差額)，加$38包蛋糕🍰黑松露帶子鮮菌燴意大利飯🍲黑松露香氣樸鼻，雖然帶子細細粒，但份量不少😍，每啖都食到鮮甜帶子，飯粒分明，每啖都食到黑松露味道，呢個意大利飯口感非常Creamy，好食😙香蒜白酒蜆肉意粉🍝辣🔥度適中，細蜆肉同樣不少，食唔到腥味及有沙，意粉炒得很乾爽，充滿海鮮味同濃郁蒜香🧄令到味覺更豐富😌卡邦尼煙肉雜菌意粉🥓忌廉令醬汁更濃稠滑順，口感好豐富，加上用咗不少雜菌及煙肉🥓提升口感層次😆而呢款卡邦尼意粉麵條好有嚼勁，唔會過於軟爛，不錯👌🏻魚手指配薯條🍟🫔份量不少，魚手指及薯條🍟同樣超香脆，好好味🤤🤘🏻開心果麻糬提拉米蘇🍰 用上既碗有點似馬戲團🎪🤡既感覺，呢款甜品口感豐富，且忌廉順滑，面頭舖滯超足料既開心果，令開心果味道超濃郁，加上入面濃郁既開心果醬配上煙韌既白玉麻糬，每口都食到堅果香味🥰巴斯克芝士蛋糕🧀 🍰呢款蛋糕🍰用咗焦糖舖面，凍熱交融，口感幼滑，食完唔覺太膩😊而且甜品佈置精美，畫碟好靚🤩🤩🤩打卡一流呀！紅莓果茶🍓🫖Cafe提供多款花茶🫖小妹就擇咗呢款特首，由蔓越莓、蘋果片和芙蓉花沖泡而成，味道👅完美融合，彰顯了蔓越莓的天然美味🤗正～青蘋果紅茶🍏味道唔太甜，清爽既茶香與蘋果香氣好夾，加上杯身因照到陽光☀️而變色，一次過擁有視覺與味覺的雙重享受巨峰提子乳酪🍇呢杯飲品🥤絕對香甜多汁又唔酸，賣相一流😍杯上層仲有不少cream，非常吸晴😚味道清新🤩呢款Boardgame選擇多，環境舒服😌 餐廳🍴仲放左唔少三眼仔作裝飾，重點食物及飲品都係高質🥰呢度絕對係好hea處😆 但提提冷氣都幾大🌬️記得一定要帶外套🧥喔🥰…查看更多

小妹同豬好耐冇去cafe店，今日就去咗位於太子一間好舒服😌既cafe店嘆下😆呢度坐位數量一般，但唔會坐到過於逼，環境讓人感覺好舒適😍以日系裝修為主，仲帶點少少復古味道，以啡色格調做主打，相當吸引🤩呢間Cafe店全日免收加一😍 需要先自行到收銀處點餐，職員就會將食物送到比你，非常方便～全日早餐🥣一上到枱份量超足，好大份，當中有牛油果🥑三文魚🐟厚吐司🍞香蒜什菇🍄‍🟫炒滑蛋🧈🍳辣肉腸、豬肉腸及車厘茄🍅蔬菜沙律🥗 牛油果🥑切碎，味道👅好新鮮，厚吐司🍞烘至脆身，煙三文魚🍣味道帶點鹹，食炒滑蛋時，食到滑嫩感覺，什菇份量不少，而辣肉腸及豬肉腸味道不錯，最後食田園沙律，平衡味道😚超級滿足，好飽肚😎冬蔭公鮑魚海鮮意粉🍝呢款意粉🍝醬汁微辣濃稠，酸味唔會過重，每條意粉🍝都掛上冬蔭公味道👅 夠晒惹味👍🏻 鮑魚及海鮮同樣足料，整體微辣又滋味十足🤭生酮巴斯克蛋糕🍰份量合適，食落口時口感綿密，芝士味道非常濃郁幼滑，甜度剛好🥳外層帶點微焦，內裡幼滑柔軟，食完超級幸福感🥰凍冰熱帶水果茶🥤甜度合適，果香味道好清新，非常解膩😍焙茶latte☕️職員拉花拉得好靚，打卡一流🤩焙茶味道香濃，真心不錯👌🏻呢間cafe店食物份量十足，絕對有驚喜，食時感受到每樣食物用心製作，加上全日不加一，絕對值得一試🤗…查看更多

小妹同豬又去旺角專食牛肉丼飯既地方食晚飯🥣呢間牛肉丼飯係齊柏林旗下既餐廳，餐廳以米白色簡約風為主色，有兩層，環境寬敞且舒服😌部份位置更有USB插頭充電，非常貼心😛如果擔心買野食大排長龍等得耐，仲可以使用自助點餐機，非常方便。價錢上亦相當優惠抵食，20幾蚊起就有一個飯🤑👍🏻芝士雙重魔王堡🧀🐂呢款「芝士雙重魔王堡」牛肉漢堡餡料唔會好乾，牛肉好濕潤😚夾滿芝士🧀非常吸睛又好味😝一啖咬落去時，芝士🧀雙重牛肉漢堡🍔口感交集，的確相當美味及滿足🥳套餐+魚手指3條炸到脆卜卜既魚手指，份量岩好，炸脆味道👅味道不錯套餐+白桃茶 (少冰)🍹呢期咁熱係需要凍飲衝擊下🥵呢杯白桃茶唔會太甜，好味😋👌🏻牛肉豚肉飯🐂🫓🥚牛肉豚肉份量各一半，香氣四溢，配上白飯一齊品嚐，口感超級豐富😋每啖都食到豬肉及牛肉肉質細膩柔軟，兼多汁，唔會覺得好乾，絕對好味🤤套餐+青菜🥬青菜係油麥菜，份量不錯，每嚿青菜都非常翠綠，清甜健康🤗套餐+罐裝雪碧🥤牛丼家GYUDONYA絕對可以一戰既餐廳🥰份量多，最緊要價錢經濟實惠，有質素👍🏻…查看更多

小妹今晚同豬去咗位於佐敦廟街新開張既「幸運茶點點心」食晚餐🍽️唔好以為夜晚就冇點心食呀🤣呢間點心舖🥧有唔少選擇😙當中有蒸、炸、飯、甜品🍮等，選擇不少😍加上呢間港式點心店主打以米芝蓮星級廚師主理，即叫即蒸，絕對保持到新鮮味道👅而家真係賣少見少…店內亦充滿色彩，以藍色及橙色做對比🆚 當中壁畫以香港🇭🇰城市🏙️作主打，色彩繽紛鮮豔，為點心店增添不少藝術氣息😆蕎麥茶🫖呢壺茶好重蕎麥味道👅茶香清澈，茶色淺金，而且呢款茶可以幫助消化及穩定血糖，相當健康💪🏻奶黃流沙包🍞共三個，奶黃香濃，當一撕開做到流沙效果，非常香口，但留意食時小心👀爆出黎～櫻花蝦蘿蔔糕🌯同樣三件，蘿蔔糕好香臘味及蝦味，而且蘿蔔軟腍，表面煎到金黃色，口感脆口🤩沾上甜醬令口感層次提升😎小籠包🥯3嚿小籠包既肉餡肥美，當咬開時內裡多汁飽滿，皮薄汁多，每口都超滿足😌蔥花炸兩腸🌯份量不少，油炸鬼超香脆，腸粉中包滿蔥花及炸兩，真係好滋味～鮮蝦菜苗餃🥟食得出新鮮味道👅外皮晶瑩通透，入面包住鮮蝦及菜苗，每粒餡料飽滿，蝦🦐肉爽口彈牙，菜苗清新🌝陳村粉蒸排骨🍲呢款陳村粉吸收哂蒸排骨既肉汁及醬油，口感滑嫩且味道十足，與排骨既軟糯好夾🌸籠仔黑椒牛仔骨飯呢款飯用籠仔呈現，牛仔骨份量好多，且每嚿好大塊及薄切有厚度，牛肉肉質軟腍，每啖都食到濃郁黑椒味🌞送飯一流🐵呢間點心店真材實料，每樣食物都好新鮮，即叫即蒸，價錢合宜，茶位☕️每位$7，仲免收加一服務費，岩哂一家人🧑‍🧑‍🧒或朋友聚會既好地方🤤…查看更多

小妹今日同豬去吓何文田「滿堂樂」食飯，呢間餐牌主打粢飯 、酸辣湯 、豆漿、水餃🥟🥰熱吸引🤩餐廳🍴環境闊落，坐得舒服😌無論何文田站或紅磡站都只需步行約10分鐘內，好方便😙即做粢飯呢度既粢飯係即叫即整，上枱時熱辣辣，分開時可切開/全個上，每邊粢飯好似拳頭👊咁大，入邊滿滿餡料，當中有肉鬆、榨菜、油炸鬼🌝超級足料😍 肉鬆及榨菜配搭非常好，鹹鹹地，配埋脆炸油炸鬼比例恰到好處，整體非常滿意😀👍🏻雲吞豬扒上海中麵 份量不少，每粒雲吞皮好薄，幾大粒😆 豬扒切開並另上，所以每嚿酥脆香口，食落好乾身，保持到豬的鮮味🥰津白水餃上海中麵津白🥟與豬肉餡料非常夾味，食落口同樣清甜多汁，仲帶點鮮香味道👅連埋上海中麵食絕對一流🌝凍+熱豆漿可以叫凍或熱、鹹或甜，全部都係餐廳自家製😛入口已經感覺到好香滑，好重豆味，大大碗好飲👍🏻小妹覺得呢間餐廳🍴環境乾淨及衛生，價錢公道，不錯👍🏻…查看更多

小妹今晚去咗紅磡置富都會食晚飯🥣呢間主打食酸菜魚，紅糖糍粑小食及主打蕃茄湯清甜魚😆環境闊落及光猛，坐得幾舒服😌 同樣使用QR Code落單，又快又方便😆人氣蕃茄湯清甜魚🍅🐟🍚呢款蕃茄湯清甜魚連一碗白飯，幾扺食😙食落口時感覺條魚係海鱸魚，食落口好少骨，而且份量不少，魚肉嫰滑🤤夾起黎唔易散，當中更有大量芽菜，蕃茄，萵筍及水晶粉😆酸酸地非常開胃，而水晶粉吸收🧽哂蕃茄湯既精華，相當入味～三鮮組合米線🍜呢碗米線好大碗，湯底非常鮮美清甜，每條米線爽滑彈牙，當中配料好豐富，當中有螺片、火腿、豬肚、肉、鮮腐竹及菇等，絕對提升呢碗米線既口感🌝蒜蓉手拍青瓜🥒🧄呢款青瓜🥒份量不少，口感清脆爽口，味道酸甜開胃🤤擂椒松花皮蛋🥚上碟時成個花形，打卡一流，當中酸辣口味絕對係開胃小食😚 傳嚿皮蛋口感嫩滑，相當惹味😎熱柚子蜜🫖凍檸檬薏米水🍋呢間餐廳🍴好易搵，價錢合宜，如果想食酸菜魚既朋友仔不仿一試🐰…查看更多

今晚小妹同豬去完銅鑼灣世貿廣場食飯，見到有間「氷舍」，突然口痕款入去食飯後甜品🍧呢間甜品店以日系風格為主，簡潔光猛合適打卡及聚會🎈呢度除咗有沙冰外，更有凍熱傳統糖水🤭不錯楊枝甘露小丸子🥭🍡份量十足，每嚿芒果🥭充滿芒果鮮香味，加上配搭西柚，西米及啫喱等，每啖充滿口感，小丸子🍡細細粒煙韌軟糯🤗口感一流，每口充滿清新果香🤩D24 榴槤飄香芋圓🥣一上台傳黎陣陣榴槤香味，香氣四溢，加上榴槤足料，每口都食到榴槤，可能D24關係味道濃郁，配料方面揀咗芋圓，份量同樣不少，口感煙韌😬紅豆沙+芋圓+麻薯+芋泥🫘傳统糖水可以加不同配料，呢款紅豆沙食得出綿密 細膩既口感，加上粒粒紅豆🫘口感一流，而且加咗芋圓、麻薯及芋泥，完全將傳統與新式合併💯提升呢款紅豆沙既層次🤩呢間甜品🍧店乾淨衛生，而且利用QR code落單，選擇種類不少，雖然有最低消費，但作為飯後甜品🍧真心不錯，打卡一流🍨🍧…查看更多

豬今日去咗位於荔枝角(杞醉)外賣店買咗呢個「2人沉醉雞煲套餐」，性價比超高，份量十足，絕對3個人食都得，呢個餐包好多款式，絕對咩餸都可以試晒🫦湯底充滿濃郁酒香味道，唔會覺得油膩，味道帶有甜味，跟湯仲附送一支100ml杞醉純酒，食食吓湯底少咗時可以加酒味，唔需要加水，保持濃度，非常貼心🐰前菜呢個餐仲包埋前菜，當中有杞醉蝦🦐杞醉花甲🐚一份。杞醉蝦🦐職員好貼心已碌蝦中間的部分食時只需要碌頭及尾便可以。每隻蝦充滿酒香，蝦肉鮮甜，且爽彈彈牙，真心正😋醉花甲🐚份量不少，每粒冇沙，蝦肉清甜彈牙且肉質鮮嫩，酒香味不少，非常之入味，每隻肥美均衡，食唔停口🥰配料方面，分別有手工韭菜豚肉餃子🥟手打蝦滑墨魚滑，雞肉，蔬菜🥬丸類🍢等，每樣份量不少😝雞肉🐓份量不少，每嚿非常滑嫩，沒有骨；餃子皮薄，餡料足夠，肉汁好多，韭菜香濃🫢蝦滑及墨魚爽口彈牙，配埋特製醬料食，絕對一流👐🏻每樣食物均吸收唒湯汁，食到停唔到口😆最後食埋四粒芝麻湯圓作結尾，芝麻餡超足料，做到爆漿味道👅真心絕對推介呢間杞醉食店，位於荔枝角😍岩唒一家人或朋友聚會，外賣打邊爐，性價比超高，除咗價錢抵外，食物質素好高質😊…查看更多

今日小妹同豬去咗位於太子既糖水店食糖水+小食，呢間店舖雖然唔大 但坐得舒適，乾淨企理又衛生，除咗糖水外，更有養生湯水，飲品及小食，選擇不少😍新鮮海底椰椰汁雪燕桃露🥥可選擇凍/暖既糖水😻非常貼心～呢款糖水絕對係養顏之選～食落口有淡淡的椰子🥥香味，海底椰煮到腍身，每嚿爽脆清甜，而且雪燕份量不少😼口感滑溜，桃膠同樣大嚿，腍身，絕對好吃又養生🤭日本紅豆椰青紫米露🫘 🥥呢款糖水甜度適中，且非常足料，每啖都食到紅豆🫘紫米及椰子🥥口感一流～清甜又爽口🤩香脆豆卜釀豬肉🧆一共5粒既豆卜，每嚿炸得非常香脆可口😍內裡釀滿足料豬肉，一口size份量岩岩好，外脆內軟，點埋泰式辣醬又係另一種風味😙瑤柱花膠碗仔翅🍲超級足料，花膠同樣好大塊，味道濃郁，絕對真材實料😎百香果茉莉綠妍茶味道清甜👅樽底更有不少百香果，正😄呢間糖水店絕對真材實料，每啖都食到用心製作，呢間小店真心值得推介👍🏻😝…查看更多