missytipsy的個人專頁

呢間酒店餐廳有無敵180度全海景（當日陰天有啲落雨，如果唔係仲靚❤️），環境裝修都好靚🤍❗️Free flow brunch做緊買一送一優惠，有齊四款前菜、主菜、配菜同甜品，再加埋任飲氣泡酒、紅/白酒、其他無酒精飲品都係大概四百幾蚊一位❤️‍🔥- 前菜拼盤：1️⃣ 手拆蟹肉牛油果米餅 - 入面充滿蟹肉，加埋牛油果調味好夾💚2️⃣ 迷你乳豬漢堡 - 細細粒好得意，好食！3️⃣ 迷你龍蝦湯配魚子醬 - 龍蝦湯好濃，有埋魚子醬喺上面，豪華！4️⃣ 北海道帶子 - 帶子好新鮮煎得啱啱好，好食！- 主菜：麵豉鱈魚配花椒牛油汁 - 鱈魚嫩滑，麵豉再加埋花椒牛油汁配搭幾有驚喜，係我食過煎鱈魚嘅其中一個最好食嘅汁！西班牙黑毛豬梅肉 - 睇落賣相麻麻，本身冇乜期望，但食落好有驚喜，仲有炭燒嘅香味！- 配菜：黑松露薯蓉 - 呢個配搭一定唔會出錯！芝士通心粉 - 覺得啱啱好！- 甜品：400次咖啡提拉米蘇 - 咖啡香味好濃郁，食落好Creamy🤍忌廉芝士蛋糕配雜莓 - 食到後面已經好飽，但呢個蛋糕用咗酸忌廉食落唔漏，好味道！加埋任飲，呢個份量真係食到好飽！同埋呢度屬於酒店餐廳，服務一定夠晒好🫶🏻 買一送一優惠，可以去酒店嘅E shop預訂！…查看更多

板神鐵板燒 一向出名性價比高，最近推出5週年套餐特別抵！套餐只係$555- 805套餐（另加一服務費）入面好多嘢食 — 有齊前菜、西班牙紅蝦、鮑魚、季節魚、季節野菜、美國牛或和牛同甜品😋另外影低海報post上社交平台仲可以每人免費獲得火炙魚子醬一份，好正🔥 同埋好多加配選擇都幾抵例如生蠔、鵝肝都係HK$85👌🏻 （生蠔好新鮮好大隻、鵝肝好肥美，推介）各款食材用料都好新鮮🌟 各個套餐分別主要係牛嘅選擇當晚揀咗美國牛薄燒HK$555同厚燒HK$605，個人鍾意美國牛多過和牛，肉味重啲😋 又要抵啲添🫢套餐份量都好足！飽到我只係要咗一半份量嘅飯（片入面就係一半，如果唔係仲大碗）沙律都有驚喜，用料新鮮加咗甘筍醬幾特別🥗🥕 西班牙紅蝦天使麵個人幾鍾意 — 紅蝦幾甜、天使麵好幼炸到脆身加埋紅蝦同醬一齊食幾正🫶🏻 另外估唔到連最後嘅燒多士同甜品芝麻豆腐布甸都咁好食🖤師傅手勢都好好亦都細心地介紹食物同問每位客人嘅preference😊環境又舒服，銅鑼灣望出去個景都幾靚，平時食餐鐵板燒晚餐質素好啲都要差唔多食千蚊，所以呢度真係超值！…查看更多

日本宮崎A4、A5和牛燒肉❤️兩年獲得米芝蓮推介👍🏻 呢間日本燒肉口碑都唔錯，採用日本宮崎進口嘅A4同A5和牛，質素有保證👍🏻當晚叫咗$498 + 10%嘅Tasting Menu除咗和牛之外，套餐入邊都有好多其他嘢食，包括前菜（沙律同和牛他他）、海鮮（大蝦同帆立貝）、鹿兒島五花肉、海鮮燒餅、冷麵或烏冬同甜品❤️前菜宮崎和牛牛肉他他調味啱啱帶出黃牛嘅鮮味，加埋法包啱啱好😬套餐入邊覺得最好食嘅係薄切牛舌心芯❤️ 順滑得來又大少少爽口，和牛味好香😋宮崎和牛壽喜燒風牛板腱燒完之後配生雞蛋，帶點甜味配合得啱啱好🤎因為以上兩樣火喉要掌握得啱啱好，所以職員都會幫你燒🫶🏻宮崎和牛特上肩肉眼、上牛排肉、鹿色島五花肉都可以自己燒，每樣質素都好高，跟埋生菜可以包住一齊食💚大蝦同帆立貝都幾新鮮，燒起上嚟都幾鮮甜🦐最後嘅海鮮燒餅、冷麵同烏冬，同埋黑糖珍珠雪糕都好好食，有驚喜🖤另外經理哥哥服務好好，值得一讚👍🏻…查看更多

點咗「米麻糬紅豆紫米粥盛盤（熱）」，第一次食米麻糬，雖然冇好似其他食評講係脆嘅，但都有淡淡嘅米香同紅豆紫米粥好夾💜本身紅豆紫米粥唔算好甜啱啱好，加埋另上嘅芋圓同珍珠都幾豐富，唯一係芋圓同珍珠如果都係熱嘅就好，因為同熱嘅紫米粥底有少少唔夾。…查看更多

有時去東京想食都好多人排隊，次次都冇食到。尖沙咀呢間有時都要等一陣，等嘅時間唔長可以接受。點咗柚子鹽味拉麵，加小食（炸豚肉餃子）同飲品（玄米茶）套餐$158。柚子味真係幾清新，個人不嬲鍾意唔係太鹹嘅拉麵，呢款真係啱晒。另外麵嘅質地順滑有咬口，唔錯👍🏻餃子外脆，肉質鮮嫩👍🏻…查看更多