janice107084的个人专页

叫咗個2人set dinner ，好抵食👍而且每樣野都唔細份😋墨西哥雞肉芝士餡餅好多雞肉同配料，而且都幾辣下，不過配埋乳酪醬同牛油果醬就中和翻😋蘑菇濃湯配蒜蓉包 幾濃郁，蒜蓉包就唔係脆嗰隻泰式柚子墨魚仔沙律 勁香泰式嘅味道 👅有酸甜同少少辣味好開胃，墨魚仔好爽口！黑松露燴飯 好濃奶味同黑松露味😍啲飯軟硬適中，都幾大份荔枝芒果手工芝士蛋糕🍰依個蛋糕超好食，真係有荔枝同芒果味！加上我事前係app到book 枱寫咗會慶生，餐廳好好安排咁畫咗好靚嘅生日碟俾我地打卡！仲有一張即影即有送☺️好有心思！整體餐廳水準好，環境氣氛不錯，又好抵食！特別想講個服務好好👍好nice😃…查看更多

夏天好熱，咁啱依排興甜品食冰，所以去左依間日本野食刨冰，價錢比較貴，但係好似幾大座咁，2到3個人share都ok ge😯今次我試左個宇治金時刨冰，加左12蚊有3塊黃豆粉蕨餅。原來係好大嘅一個刨冰山，個樣同餐牌張圖一樣咁靚😍 個刨冰好棉入口即溶，耐抹茶味好濃郁😆 加埋黃豆粉仲好食。蕨餅其實可以多d，但係咬落去好彈牙好Q彈，不錯。我上次仲有試過牛奶味同芝麻味，我覺得兩個都好食過抹茶味😂 可能因爲我唔係抹茶控？…查看更多

同屋企人落街食飯，咁岩想食泰國野就揀左呢間泰國餐廳，點咗一個2人餐$298，一共3個菜式可以揀。好大份，可以比3個大人食飽。夜晚7點呢啲位，排1，2張枱就有位。😋咖喱軟殼蟹包好巨型，咖喱醬好好味，個包係蒜蓉包黎，令整道菜味道更豐富！個麵包好軟容易入口，吸左咖哩汁好好好食。而軟殼蟹好脆，但係味道就普通。泰式串燒 (雞、豬各3串)好大舊肉，我地2個人食唔曬。豬肉有點硬，沙嗲醬的花生及椰香正好，唔會好死甜。蟹肉炒飯都係好大份！加左好多蟹肉同雞蛋去炒，食落蛋香豐富，乾身而粒粒分明，但個蟹肉味就比較唔突出。整體比較淡味。人均💰：$160…查看更多

咁啱喺旺角行街，諗緊食咩時候就見到一間新開嘅一人燒肉，環境望落簡約舒服，都幾多位，就決定入去試吓。嗌左個黑毛豬豬頸肉同牛舌，仲有2個飯一個係蟹粉蘭皇王蛋飯，另一個係鵝肝炒飯。兩個飯都係要加錢叫，但係各有特色，個蟹粉飯賣相吸引，但撈埋個飯食有點淡味，但不過不失。而鵝肝炒飯，鵝肝香濃飽滿，咬落去肉汁豐富。而燒肉方面，個人感覺就無話新奇地方，主要都考究個人燒烤手勢，燒得好，一樣食到好食既燒肉😂而餐廳醬料選擇多有：黑松露燒汁，韓國辣汁，焙煎胡麻汁，蘋果燒汁，柚子胡椒汁。個人偏好黑松露燒汁，一黎少見，二黎用黎點醬可以令燒肉鮮味更出😊…查看更多

夜晚喺銅鑼灣食飯，見呢間分店環境幾靜，餐牌除咗有佢哋招牌嘅pancake同埋疏乎厘，仲有焗飯同咸pancake，覺得都幾啱做晚餐。兩個人叫咗兩樣嘢share都夠食。pancake上面嘅三文魚鹹鹹地，pancake就甜甜地，配合一齊都幾好食😃 但係另一個雞肉焗飯，我就覺得普通，因為飯上面嘅疏乎厘係甜嘅，同啲飯一齊食，我覺得有啲奇怪😂總括係幾有特色，但係就有點貴。餐廳有啲卡位係要除鞋坐，都幾特別，感覺好日式💰人均:$80-$100…查看更多

因為最近做多咗運動，所以想瘋狂食肉！今日出尖沙嘴行街，所以去咗K11 art mall呢間日本風慢煮牛肉丼飯店🐮未入去就俾個裝修吸引左。原來主菜就係個牛肉丼👍🏻薄切牛肉，鮮嫩，有肉味👍🏻蘭王流心半熟溫泉蛋，好新鮮👍🏻珍珠米好有米香👍🏻咖喱醬汁凍凍地，撈埋飯好食👍🏻自家製忌廉味道甜甜地，原來同個牛肉幾夾朋友個芥末籽肉汁我覺得咸得濟，但係佢覺得ok🤔我以為薄切牛肉得幾片會唔夠食，原來食完成碗都幾飽👅💰人均：$100…查看更多

K11周圍嘅餐廳都勁多人 冇位坐 所以就去咗呢間見佢啲裝修都唔錯 4:30就入坐 諗住叫嘢食 個餐牌寫午餐到6:30都供應 結果佢同我講而家淨係供應啲炸嘢👌嗌咗個黑松露西多士 跟一壺玫瑰茶 睇漏咗小食唔跟飲品 以為$20結果係買單$58 重點係我地有2個人一壺茶佢俾得一個杯我哋？😅😅😅咁我再叫佢比多個杯 個侍應就同我講壺茶冇得refill🤔我心諗$20就算啦 ！頂😀埋單58 個壺茶迷你到一個人都5夠飲啦 仲係茶包！我心諗你裝啲水入去都唔得？ 佢地d水係咪好貴 怪唔之得呢間嘢冇人啦😃…查看更多