sumsumtsui55的个人专页

今日黎青衣行下見到呢間主打台式滷味嘅餐廳圍住好多人咪行埋去望下😂叫左碗滷肉飯、滷肉麵同手撕雞拼盤～餐廳位置唔多，只要三張枱同幾張櫈，所以佢都係主打外賣嘅～餐廳介紹話佢地係台灣滷味，講真平時滷肉飯就食得多，但通常都唔係咁地道滷肉飯我覺得煮得幾好喎，滷肉好入味，又唔係油膩。飯嘅份量都幾多。整體而言都唔錯份麵都唔錯，煮得幾爽口，比飯會再鹹少少嘅，不過都幾惹味手撕雞份量夠晒多，有埋豆腐滷干等，食到好飽！…查看更多

鯷魚醬沙律作為前菜所吃的沙律，新鮮的蔬菜點上由蠟燭座加熱鯷魚醬，氛圍滿滿的。鯷魚醬入口鮮鹹，十分開胃。燒鱈魚乾上碟時溫度微暖，脆卜卜的質感。火炙左口魚邊沙律 左口魚邊入口即溶，沙律加入了柚子醋，蔬菜也是新鮮的，都一樣是開胃前菜。🔅值得一提，服務員會先遞上未經烹調的原隻海鮮給我們先看看，並逐一介紹其烹調方法，十分用心。客人也可以趁機拍照打卡📸🔅北海道喜之次上碟時已擺放得十分漂亮，這魚種沒什麼細骨，用餐具輕輕弄一下就可以將魚肉起出來。肉質鮮嫩，厭食魚麻煩嘅我都食得好滋味。南非活鮑魚配柚子胡椒醬完全係食得出鮑魚陣鮮味，口感外邊堅挺內嫩滑，絕對建議頭一兩啖先不要點上柚子醬，先嚐嚐飽魚原本的味道。最後的才點上柚子醬。北海道活帆立貝服務員將帆立貝燒得剛剛好的，搭上啲像是牛油味的醬汁，好吃。時令活蠔鮮蠔每隻size也十分肥美，配上檸檬汁食一大享受！鹿兒島A4和牛烏冬 細細碗嘅烏冬已有三大片和牛，十分足料。和牛入口即溶，略嫌湯底偏鹹，烏冬口感彈牙。巨峰提子卷蛋/香蕉朱古力卷蛋十分好吃！兩種味道嘅蛋糕都十分濃，中間夾著雪糕配上蛋糕，好好好食！尤其推薦香蕉朱古力卷蛋！這一餐差不多和友人吃了兩小時，期間服務員不斷為我們斟茶，每樣食材都是新鮮即叫即煮。服務態度非常好👍🏻。…查看更多

最近同朋友去左荃灣金屋泰國菜館到食飯，整體感覺都幾抵食～食咁多野都係人均$170！泰式滷水豬手都煮得唔錯，肉質幾軟熟，份量都唔細；私心希望有埋白蘿蔔就更豐富啦😙！鮮菠蘿海鮮炒飯真係有半個菠蘿裝住！配料都幾豐富，包括蝦、青口、腰果、菠蘿等，我地三個人share每人都有2碗！泰式煎蠔餅份量都幾大，而且雞蛋煎好好香，點埋醬汁一齊食都幾開胃！芒果糯米飯拼盤好豐富，除左糯米飯仲有椰汁千層糕、芒果大菜糕、椰汁芋頭糕同埋椰汁紅豆糕，當中我同朋友最鍾意椰汁千層糕😆 嘢飲方面我地叫左兩杯青檸梳打同一個鮮椰青～天氣熱辣辣個陣飲青檸梳打真係好解渴；而椰青都唔錯，呢個價錢有成個椰青都幾抵飲～…查看更多

平時食拉麵多數都係豬骨湯或者醬油濃湯，今次黎到元朗隱世日式小店，試下主打嘅雞白湯拉麵。餐廳門口裝修佈局已經比人一種日式拉麵店嘅感覺🇯🇵餐廳主要有五款雞白湯底配上雞肉叉燒，今次就試左鹽雞白湯配湯麵 ($80)首先見到奶白色嘅湯頭已經相當吸引😍，飲落都幾滑，而且雞肉味十足。拉麵軟硬度適中，夠彈牙。雞肉叉燒食落好重胡椒味，肉質都幾嫩滑。而最特別就係原隻溏心蛋，蛋黃大得黎又有滿滿嘅流心，而且相當入味☺️。總體黎講，相當有質素，值得推介👍！小食嗌左餃子5件 ($22)，煎餃煎到幾香脆，入面仲鎖有肉汁，都唔錯😋飲物就試左富士山柚子梳打 ($22)，日本原產嘅梳打水汽量十足，柚子味都幾重，幾好飲😝…查看更多

最近同朋友試左間性價比高既泰國菜，味道同價錢我地都滿意😋❤️❤️❤️首先講下泰式拼盤，佢既擺盤賣相吸引😍，拼盤包含食物種類都幾多，有蝦餅、炸肉餅、燒雞肉串、春卷，而且份量都唔少，配埋泰式甜辣醬同埋沙嗲醬一齊食，味道都唔錯，值得推介😋泰式煎蠔餅係大大塊蠔餅連埋鐵板一齊上，賣相十分吸引，而且用料十足，蠔餅夠厚身，煎到夠香脆，配埋泰式辣醬，相當滋味，不妨一試😝燒豬頸肉生菜包沙律估唔到有驚喜，燒豬頸肉燒到夠曬香口，配料都幾豐富，有洋蔥、青瓜、生菜，另外泰式酸辣醬都幾正宗，夠辣，用生菜包住黎食相當滋味，鍾意正宗泰國菜嘅朋友就不能錯過啦🥰鮮蝦炒金邊粉炒都夠乾身，幾有鍋氣，蝦肉幾大隻而且都幾新鮮😋，食落味道都唔錯，而且份量都唔少菠蘿海鮮炒飯賣相都幾吸引，金黃色嘅炒飯加上豐富嘅配料，包括魷魚、鮮蝦、腰果、提子乾、菠蘿、肉鬆等等，食落都幾香口，份量夠大☺️原個鮮椰青椰青都幾大個，味道純正，椰子肉食落都幾嫩滑，啱曬用黎解下滯，而且以哩個價錢黎講性價比相當高😍…查看更多

呢份米芝蓮車胎人燒肉早已揚名國際，抱著極大期望過黎食；佢係提供左青色芥末醬比我地點黎食，燒肉食落唔油膩，而且份量都幾大；可惜既係可能因為影相影耐左，感覺燒肉皮比較硬同凍左，扣左D分金蒜蒸北海道元貝皇真係幾大隻，而且新鮮出爐連個殼都係熱辣辣，上面鋪滿粉絲同埋蒜蓉，來自北海道既元貝肉質食落唔錯～容記第一嘴其實係墨魚嘴黎，食落都幾彈牙幾有咬口，份量十足，炸粉唔會好厚身🤪鮮濃湯雜菜煲好豐富，除左勁爆多粉絲之外，菜既種類都有好多款，包括生菜、西蘭花、白菜、娃娃菜同菜心，海鮮方面仲有蝦、螺肉等，我同朋友連埋湯一齊飲，表示好滿足😙…查看更多

最近同朋友黎開美麗華staycation，想係附近搵野食，見Muta評價唔錯就黎試試佢～蟹肉柚子酪梨義大利麵 ($168) 都煮得唔錯，首先意粉軟硬適中，醬汁濃稠適中而且幾掛汁；蟹肉份量合理，牛油果份量幾多，除左柚子味道唔係咁突出，整體感覺都唔錯北海道帶子明太子奶油燉飯 ($178) 係幾滿意既一道菜，飯粒煮得粒粒分明，而且有risotto應有口感，醬汁同眼幾掛汁，煎過既帶子幾香口，配埋D飯都真係幾好食，加分位係賣相幾靚炸窩夫烤餅鮮果楓糖鮮奶油 ($118)都唔錯，三塊窩夫雖然係炸既但唔覺得好油膩，脆脆地既窩夫再配埋草莓藍莓同cream咁食都唔錯，食完飯再食呢個都唔會覺得太飽或者太漏板栗拿鐵 ($56)同 Baileys Coffee ($52) 都係好好飲！前者飲到最後有栗子蓉所以成杯都幾香；後者就係帶有少少酒味感覺幾新鮮餐廳環境幾好而且店員友善，值得回訪👍🏻…查看更多

好耐冇食台灣野又口痕想食😝，於是上網又搵到間評價唔錯既親民台灣菜餐廳，為食鬼又約埋朋友一齊去試試👀餐廳位於工廈入面，去個日係平日，我地12點入座就唔洗等位；1點左右嗰陣勁勁勁多係到排隊先，可見餐廳都幾受係荔枝角番工人士既歡迎🫶🏻◦ 慢烤雞腿芝士蛋吐司 ($53)一見到呢份吐司既芝士同埋流心蛋真係流曬口水🤤餐廳仲好貼心，提供手套比我地食吐司🍞呢個去左邊既麵包係烘過既所以食落脆脆地，慢烤既雞腿肉質嫩滑，再配埋甜既麵包醬、大量芝士同埋流心蛋真係大滿足👏🏻係一份食完仲想encore既食物！◦ 古早味手工滷肉飯 ($48)首先份量以$48黎講真係幾抵食！滷肉係半肥瘦，有部分仲有豬皮，食落有軟滑既肥肉位，又有煙韌味豬皮位，食落唔會油膩，味道唔錯；白飯煮粒粒分明，都唔錯！如果醬汁可以再濃D就更惹味😍◦ 黑布台式香腸 (+$28)以前去台灣個陣成日買勁多包台灣腸番香港，疫情之下已經好耐冇食😭今次黎到終於搵番熟悉既台灣腸味道，香脆既外皮再加埋部分肥肉係香腸入面，食落好香口！ ◦ 台南蝦捲 (+$28)熱辣辣既蝦卷炸得香脆可口，仲食到一粒粒洋蔥同埋馬蹄，食呢個真係開胃🤤◦ 芋頭椰子三色圓 ($46)芋頭椰奶既味道好出色！呢碗糖水既芋頭同椰奶比例岩岩好，兩者之間既味道好夾得來又唔會掩蓋左對方既味道，幾出色👏🏻三色圓包括芋圓、地瓜圓同埋紫薯圓，三者同樣係係大大粒，比較軟身好易入口，食完一粒又一粒😛本來係想同朋友share，最後發現大家都覺得呢碗糖水好好味所以唔夠食😙◦ 三花凍頂烏龍茶 (+$12)、桂花烏龍 (+$8)呢兩杯茶同樣係用台灣茶葉，唔加糖唔加防腐劑。三花凍頂烏龍茶係餐廳既養生茶之一，分別用左玫瑰花、桂花同茉莉花配上烏龍茶而成有，飲落口感順滑，味道豐富，同時飲到三種花既味道都幾特別🫖桂花烏龍就有種淡淡既桂花味，配上烏龍茶既味道，食完滷肉飯飲啖呢個可以解解膩😝📍黑布小巷荔枝角長沙灣道883號億利工業中心4樓405室 (到訪分店)葵芳葵富路7號葵涌廣場3樓摩登世界26號舖北角電氣道160號木蘭苑地下A號舖…查看更多

復活節假期又到啦，今次仲一連放四日咁多🎉，第一日放假就想近近地搵間餐廳悠閒地食個lunch☺️行行下個陣發現呢間坐滿人既冰室，裝修又新淨，就同屋企人入去試試👀◦ 🥘鮑魚雞煲轉套餐跟冬瓜豬骨薏米湯 (+$12)送上枱個陣雞煲係出曬煙，勁香🤩而且份量都幾大，有幾隻鮑魚係上面，整體黎講賣相好吸引！熱辣辣既雞肉同冬菇都煲得好入味🤤配料方面仲用左洋蔥、香蔥、蒜頭、薑，洋蔥尤其入味，我將D洋蔥全部食曬😆呢份雞煲撈埋白飯食真係好滿足！呢個價錢又有鮑魚又有雞，都幾抵食！冬瓜豬骨薏米湯真係好夠火候，有家的味道，飲完一碗都想飲多碗！感受到餐廳係用心去將呢份家庭溫暖帶比食客🥰◦ 🐔無骨海南雞飯跟羅宋湯 ($68)海南雞肉質幾滑，雞皮都幾爽口，食落唔會好油膩，而且份量好大😙！油飯份量同樣好大，粒粒分明，食落同樣唔會好油膩；不過我比較鍾意油D既飯。因為會更香😝◦ 🥤華田紅豆冰 (+$8) 鮮檸檬柑桔蜜 (+$12)店員一送上黎我地表示「咁！大！杯！」唔講仲以為係飲啤酒😂(睇圖都睇到我好用力拎住個杯，因為真係好重手😂)華田紅豆冰真係好特別，佢係沙冰，表面再鋪D紅豆，我都係第一次飲阿華田沙冰，係熱辣辣既天氣飲呢杯真係透心涼🤣 鮮檸檬柑桔蜜同樣好大杯，不過就相對普通D，如果大家想試既強烈建議試試華田紅豆冰😋餐廳裝修比較新，統一用黃色為主題，配合番餐廳名「檸檬冰室」，而且燈光都幾光猛，係呢到食飯都幾舒服；店員好友善，會主動介紹午市套餐，上菜速度都幾快😁📍🍋檸檬冰室葵涌禾葵里2號葵興商場地下10-12號舖 (到訪分店)深水埗汝州街264-266號地舖深水埗荔枝角道246-248號地舖觀塘康寧道11號冠天閣高層地下…查看更多

上次食完榴槤甜品之後真係無晒抵抗力，好想再食！上網搵下又比我搵到一間有榴槤甜品賣既甜品舖，而且勁多好評，一於要去試試係咪真係咁正🥳◦ 貓山王榴槤爽冰 ($59)呢個爽冰真係不得了！首先上面有一球真貓山王榴槤肉，未食都聞到勁勁勁香榴槤味！佢D爽冰質感似比較傑身既雪糕，口感好滑；味道方面真係好正，我最怕d人工榴槤味😖，但呢到係用真榴槤肉打出黎，仲要係好重榴槤味，我同朋友都表示超級滿意！🤤◦ 杏仁茶燉蛋白 ($55)杏仁茶既杏仁味好重，打得好均勻，飲落好滑👍🏻蛋白晶瑩剔透，同樣做到好滑身，兩者比例岩岩好，相信中意飲杏仁甜品既朋友會好滿意‼️。全家福湯圓 ($49)呢碗係集齊左榴槤、抹茶、黑芝麻、奶黃四隻味道既湯圓☺️佢四粒湯圓口味同湯圓皮各有特色，當中最驚豔既係最常見既黑芝麻湯圓。平時食開芝麻湯圓都係急凍既，所以食落既芝麻味唔會好香，而呢到既芝麻味感覺比較新鮮，有種香口既感覺；而湯圓皮厚度岩岩好，咬落去亦比較煙韌😍舖頭地理位置都方便，就係美麗華附近，而且舖頭裝修既顏色令人好舒服，好適合同三五知己一齊坐低食下甜品😁總括而言呢間甜品舖好用心製作食物，而且食物質素真係唔錯，推薦比大家去試下！😘📍杏甜品尖沙咀加拿分道40-46號香檳大廈地下6號舖如果你鍾意我既分享，希望你可以Like❤️、Share和Follow @ourfoodstephk…查看更多

話說紅磡最近岀現一條人龍，食過既人人讚好。呢間餐廳本身有做午市，後尾因為太多客做唔切，唯有下午2點先開始賣。今日3點幾黎到，都要排20人，但聽講係排得比較短既時間點。買左半隻翻去，份量都幾大，證明隻雞幾大隻！真係煮得幾好，雞肉好滑身，而且煮得岩岩好，唔會老！ 另外雞皮都幾滑，同時唔會好油膩，亦幾香雞味！唔怪得呢間咁多人去，相信我都會繼續推薦多啲人去，因為真係好好食！屋企人仲話，佢既水準稱得上為酒店岀品！…查看更多

自從上次係韓式料理之後就好想再食韓國野，又比我搵到一間值得推介既🇰🇷韓國餐廳！◦ 豬軟骨拼拳頭飯 ($138)呢份食物係用左韓國原材料黎製作，而且食物種類豐富，包括有豬軟骨、蘿蔔、椰菜同埋紫菜包飯！當中我最中意既紫菜包飯，除左外型好似拳頭咁咁得意😋，飯團本身都好高水準，用既紫菜都好有韓式風味，加上D芝麻一齊，真係好有韓國既感覺！軟骨切得幾薄，啖啖都食到軟骨既口感好正！❤️◦ 薯仔煎餅 ($78)呢到既煎餅賣相已經相當吸引，用左薯仔、洋蔥絲再加D粉去一齊煎，食落口感好煙韌，而且十分香口，份量都幾大🤤◦ 炸紫菜粉絲卷 ($52)我都幾中意呢碟小食，首先份量都幾大有6件，而且炸得岩岩好，唔會好厚炸粉或者好油膩，香脆嘅紫菜包住韓式粉絲一齊咬落口感好豐富😍◦ Terra啤酒 ($48)啤酒好夠麥味，雪得夠凍，而且店員比左兩隻雪過嘅杯仔用黎飲啤酒，食住韓國街頭小食加上一杯冰鎮啤酒，無得彈🍻📍hoo韓國包車@hoo.pocha尖沙咀厚福街12-12A號藍馬商業大廈22樓…查看更多

最近同朋友講起，好耐冇食過烤魚邊爐，於是係網上搵到呢間評語唔錯既烤魚，仲話係午市$88一位仲要免加一，我地都半信半疑點解會咁平😂唔理咁多就一探究竟‼️ 一坐低店員就同我地介紹，原來$88/位係可以選擇烤魚放題(老壇酸菜/秘制麻辣味)或者雞煲放題(麻辣雞煲/香辣啤酒雞/胡椒豬肚雞等)，加$48就可以升級為晚市套餐，姐係可以任食埋滑牛、龍脷魚同埋串串(蝦同埋魷魚)，一場黎到一於食好D，試試升埋級食多幾款😝◦ 皇牌烤魚(老壇酸菜味) 升級套餐我地因為怕辣所以揀左老壇酸菜湯底；怕辣既朋友都唔洗驚，佢地可以選擇辣度，最低可以叫到BB辣🤣酸菜既味道都唔錯，唔會整得好酸😙廚師先將魚烤焗，再淋上湯底同埋配料，所以魚食落既口感係比較實淨，煮耐左都唔怕煮爛左D魚肉🤩成條魚真係啖啖肉無乜骨，兩個人share一條黎食真係飽左一半有多😆升級套餐會包埋任食滑牛、龍脷魚同埋串串(蝦串串、魷魚串串)，當中我最鍾意就係魷魚串串！每一片都係好爽脆，而且都係預先煮熟左，所以我地淨係加熱就食得，方便好多🤩忍唔住食完一條又一條！◦ 打邊爐打邊爐配料種類都唔少，各種丸、菜、蓮藕、薯仔、芋頭、豆卜、豬皮等，當中最推薦豆卜同豬皮，因為索晒D湯汁十分惹味🤤醬料包括豉油、蒜頭、蔥等，選擇雖然比較少，但酸菜魚湯底已經好入味，基本上唔洗點醬汁😛飲品就係常見既飲品包括可樂、雪碧、啤酒、檸檬茶等◦ 甜品臨埋單個陣餐廳送左兩份百福豆腐花比我地，食完重口味既烤魚之後有碗豆腐花都幾解膩❤️總括而言呢間川菜餐廳真係好抵食，限時90分鐘真係唔夠喉🤪冇計啦真係太受歡迎，到2點幾都座無虛席，可想而知受歡迎程度係幾犀利👍🏻喜愛烤魚既朋友不妨試試😋📍渝痴漁醉@drunkenfishhk銅鑼灣記利佐治街1號金百利廣場8樓R1號舖如果你鍾意我既分享，希望你可以Like❤️、Share和Follow @ourfoodstephk…查看更多

早前見到K11開番喜茶，買一送一個陣大排長龍，見到條龍都驚左唔敢排！今日襯平日冇人排隊專門黎試下！係生日正日當日，K11 既會員就可以免費任換一杯喜茶，今次我就換左一杯芝芝莓莓，揀左少少甜。等左5分鐘左右就拎得，拎到上手望兩望，覺得奶蓋略少。飲落奶蓋同以前一樣，都係鹹既，係我中意既味道，不過真係飲幾啖就無曬，覺得唔夠喉而冰沙部分就比較遜色，覺得冇咩味，原來係呢杯係少少少甜，姐係基本上冇乜糖咁，就真係好淡，而士多啤梨味都冇乜，感覺冇以前好飲。以前佢好飲之處係落左好厚奶蓋，今日呢杯真係太少覺得呢個價錢($45定47)但呢個質素真係好一般⋯⋯下次可能會試其他，芝芝莓莓就不了…查看更多

上次去長沙灣Cafe個陣發現有間冰室係下午茶時段都坐滿曬😳，仲有人係出面排隊，就Bookmark左要搵日黎試下佢既下午茶‼️原來雪山冰廳早係1956年就開業，食物款式充滿經典港式情懷，而且價錢親民，唔怪得下午茶時段都坐滿晒❤️◦ 波士頓龍蝦叻沙摻摻 ($88)勁勁勁大碗🤩估唔到呢個價錢半隻波士頓龍蝦🦞，再加埋魚片、雞蛋、豆卜等，配埋大大份既麵底，口感豐富，湯底好夠香，食完唔會覺得好口渴😋◦ 避風塘生炸肶 ($35)好少食到咁高質雞髀🍗賣相好吸引，雞髀皮上滿佈炸蒜超香口，而且炸到好脆而唔會好油膩/厚粉，同時雞肉都好嫩滑，大大力推薦佢‼️◦ 榛子醬西多士 ($32)一場黎到傳統冰室當然要試下超邪惡既西多士，平時怕肥都唔敢食🤣睇住大塊牛油慢慢溶化，再倒埋糖漿，好治癒😝平時西多士都係配花生醬，呢到反而係配榛子醬，都幾特別😙◦ 始祖椒鹽豬扒飯 (炒飯底) ($65)椒鹽豬扒味好香，味道偏辣，而且好多塊豬扒😆炒飯炒得幾乾身，辣辣地食落好滋味😋◦ 上湯香菇浸時蔬 ($35)平時出街都中意叫碟菜，可以清下味又健康D🤣時蔬可以揀菜心或者白菜，我地就揀左白菜，大大碟又新鮮，推薦😝◦ 樽仔奶茶 ($25, 跟餐+$9) 高質港式奶茶👏🏻首先好夠凍😍而且奶茶口感好滑，茶味好香無澀味，同時奶味都重，甜度適中，好高質😘◦ 華田曲奇妙趣 ($25, 跟餐+$9)華田加Oreo真係令我童年回憶番晒黎❤️味道都唔錯，上面既cream唔會好漏，整體亦唔會好甜，可以中和熱辣辣既摻摻同埋炒飯😋總體而言雪山冰廳既食物係大件夾抵食，值得一試👍🏻…查看更多