suettung的个人专页

放工同朋友一齊食野，去左土瓜灣，上網睇到都好多好評，試下先～一黎試下佢個麪豉湯已經有驚喜，佢有蝦油既味！好香，搞到我對佢既野食已經好大期望！我地坐對住佢整野食既地方，我覺得OPEN KITCHEN好好，又衛生。平日既晚上都滿坐！先上既係佢既夢の丼，配料包括帆立貝、牡丹蝦、海膽、燒三文魚蓉、松葉蟹、三文魚子、左口魚邊等。所有野都好新鮮，仲有配埋佢個醋，小小一啖，再配佢既海鮮，very good!另外我地叫左花錦魚生丼，有三文魚、白身魚、赤蝦、左口魚邊、金蟹子、三文魚子、櫻花蝦、蟹膏、豆腐、松葉蟹、蜆肉、玉子等，係勁豐富，每一啖都好滿足！小食我地叫左蟹皇醬燒蟹膏豆腐，呢個真係勁驚喜，一定係日本靚豆腐，好香濃，呢個係一定一定要叫。慢煮鮑魚配肝醬，正！大大粒帶子，正！…查看更多

放工同朋友一齊食野，估唔到呢頭都搵到間好野食～睇menu完全係平民價～我地第一樣叫左海南雞，好滑，以價錢講真係性價比高，味道good～之後有蒜蓉包，香脆，勁蒜蓉味，I like it！！！個冬陰公估唔到佢做到咁有泰國feel，又香又辣～同埋勁大碗, 好彩一行3人先食得晒。小食拼盤當中我就最愛春卷，佢係素春卷，我覺得仲更加好味～食咁多濃味野，我都要食返個清清地既菜先得～夜晚唔多人，我覺得呢d小店更加要支持下,以佢味道同價錢, 係真係物超所值，佢樣樣野都大大碟，又好味，我都多D黎幫襯下～…查看更多

男朋友話好耐冇食過sushi,帶我黎左呢個商場,我半時心諗點解會黎呢個新文華中心, 佢話朋友介紹一間又平又好食要黎試下~我地兩個人一個叫omakase(驤)一個叫鰻魚飯share食先黎既係鰻魚飯 $138香噴噴,熱辣辣,正呀~鰻魚燒得香,再加上蛋絲,令我非常想念日本…呢個價唔貴,想起係日本食個鰻魚飯都要$300面豉湯非常濃郁佢個茶碗蒸放左蟹肉, 好鮮味~到omakase出場, 最先到既係手卷, 師父話今日最新鮮係油甘魚一咬落去既油份好重, 正~ 我最愛油甘魚~燒過既油甘魚特別香特別好食~其他sushi都上晒, 由於面對師父既位已經比人訂左, 我地就用呢個形式上碟.Sushi當中最好食就係海膽!拖羅都正! $328呢個價錢呢個質素真係算唔錯!…查看更多

The One 呢間Fifth Element Shokudo成日見到佢openrice都好高位置，一於試下佢！佢比我感覺係沖繩feel,waiter 都係外國人, 要同佢地講英文~日西fusion 永遠都係簡單又美味既配搭，見menu都覺得吸引，又多款式，丼飯，沙律，pizza，意粉乜都有～我地兩個人唔太肚餓就叫左美國黑毛和牛沙津同蟹肉手打意粉。Matcha Latte蟹肉手打意粉：手打意粉軟硬適中，依加出街食開手打意粉已經唔想再食ｄ普通意粉了，因為呢種意粉先食得出屋企整唔到既味道。美國黑毛和牛沙津：比起一般餐廳後講，佢牛肉比好多片，個份量對女仔黎講係可以以正餐黎食得飽肚，而唔係一個前菜。蒜片黑毛和牛好香，色香味俱全～火箭菜同沙津菜都有，加上佢用olive oil調較好個汁，愈食愈開胃！ …查看更多

同男朋友行街行到餓，突然好想食pancake之類既甜品，我地行過見到呢度水牌有，就搵左呢間食～上到黎先知原來呢間係成間mirror fans club 咁，好搞笑～成間粉紅色，好少女感覺呀～見到menu d 野食都幾平，同埋種類超多，正！我地叫左2個意粉同2個甜品～香辣蒜片大蝦意大利麵：有4隻大蝦，蒜片味道好香～意式肉丸意粉：同樣都係4粒肉丸，佢用芝士粉同蕃茄醬整，好match～之後到我最期待的pancake！我地叫左綠茶味，佢既綠茶係非常甘口，一定要配搭隔離既紅豆一齊食～我自己就覺得佢pancake個base 做得好好，好鬆軟，食幾多都唔會”溜”，下次可以叫另一個味再試下！之後我地唔夠喉，再叫埋依加好興既牛角包waffle～呢個有驚喜！牛角包好鬆脆，牛油味好香，可以一次過滿足食牛角包同甜品既慾望，朱古力同香蕉呢個配搭直頭冇得輸！…查看更多

同男朋友出旺角行街，行到餓想搵間西餐食下，上openrice 見到呢間個景好似好靚，比佢吸引左上去睇下～上到黎佢安排左窗口位比我地，非常開心～我地打開menu，d野食比普通旺角既西餐貴d，都明白既，旺角都冇乜可以有靚景睇既餐廳～我地最後叫左香蒜鴨肉紅菜頭扁意粉同慢煮黑毛豬鞍配意大利黑醋汁首先黎既香蒜鴨肉紅菜頭扁意粉，好香，熱辣辣，個賣相都好吸引～呢個意粉比較少係出面café食到，所以我地叫左呢個。第一啖食落去就食到好重既紅菜頭味，蒜味在之後，份糧都好大，滿意～之後好快就到慢煮黑毛豬鞍配意大利黑醋汁，由於慢煮黑毛豬鞍係用低溫做，入面既肉有少少紅都係正常的～一咬落去，feel到豬鞍既爽口，呢個係慢煮先有既效果，我係出面好少叫豬鞍食，因為怕鞋，呢度不錯。黎到呢度最緊要係＂食景＂，當然要打多幾下卡啦～…查看更多

今日朋友出尖沙咀，望到呢度新開有點心同蒸飯食，決定試下～我叫左套餐Ｂ，有肉餅飯，椰子雞湯，蝦餃同燒賣~朋友叫左另一個餐。一黎到試下個椰子雞湯，幾清甜，飲得出係無味精，好足料，如果呢個價錢黎講有飯有點心有湯佢一Ｄ都唔貴！即叫即蒸肉餅飯真係鮮味好多，同我平時去茶餐廳個ｄ差好遠，特別香特別好味！燒賣好好食，個豬肉味都比平時出面既新鮮好味！蝦餃入面好足料，好多蝦，令我喜出望外！我本身係唔中意去酒樓飲茶，覺得又嘈又盛，呢度幾好，環境舒適，地方又大又靚，好岩女仔打卡影相，因為呢度係ＦＯＯＤ　ＣＯＵＲＴ咁，有好多唔同店，如果同行朋友唔想食點心又可以叫另一間，唔一定要一齊食同一間，我見佢menu仲有好多唔同套餐，下次我會試下蒸魚飯先～…查看更多

放工同朋友出旺角行街，突然好想食韓燒，朋友竟然話佢冇食過好食既韓燒！好～即刻搵間好野食！呢間係兆萬上面，一上到去超多人！係平日都full晒！好彩我地等左一陣就有位～我地兩個揀左大君御膳$218我地主力食牛同豬，要推介的是LA牛扒同牛肋骨肉！超好吃！無論味道同肉質都好好～另外我自己非常愛牛舌，兩款味道的牛舌都好吃！同埋順帶一提，佢既辣味牛肉同豬肉都唔太辣，唔食開辣既朋友都可以試下～除左肉類，我最喜歡既燒鰻魚同燒蝦都有～呢個價錢可以任食呢ｄ野真係超超超抵！我地仲叫左D料理食，醬油鵪鶉蛋，海鮮蔥餅，炒粉絲，仲有水冷麵！醬油鵪鶉蛋好好味！細細粒令人食唔停咁，一定要試！炒粉絲麻油好香，正！我覺得燒肉熱辣辣一定要配個水冷麵！煙煙韌韌，又涼快～同埋呢個價錢，啤酒都任飲，太正啦！！…查看更多

終於開返堂食啦！日日都約朋友出街食飯，又到月尾，最窮既時候。今次同朋友約左係旺角女人街食，見到呢間日本野不記錯都好多年，價錢好經濟，我地即刻入去試下～ 見到d定食都唔錯，仲有魚生，麵豉湯送埋。 我叫左網燒牛肉定食，用珍珠米，隔黎配沙律都幾好。當然唔好expect 好靚嘅牛，以呢個平民價錢佢做得唔錯，份量又夠，配埋bb沙律醬更加好味，好送得飯。朋友叫左豚肉生薑燒定食，配埋洋蔥之類既配菜，又係好送得飯～ 另外，餃子佢煎得香脆，有別於其他店既餃子，佢係野菜餃子，而其他店既餃子好多都只係煎個底，佢就4面都煎晒，配既汁有d似沙律汁。 呢度最令我諗起係中學時期，同同學想食日本野，就會入呢類平民日本小店，滿足下個胃～…查看更多

放工等朋友睇戲個陣，行左黎朗豪方又想食d野，見呢間個蘋果批好似好吸引，試下先～ 有好多唔同口味既批原來仲有好多唔同款蛋糕我最初以為凍既，原來熱咖～入口脆卜卜，第一啖食到吉士味重d，之後第二啖就咬到蘋果，香甜得黎又唔太甜，GOOD! 之後朋友黎左，佢叫左個hojicha cake，我最初以為呢度係出名蘋果批，點知個hojicha cake仲驚喜～佢茶味香濃，我仲好驚好甜點知又唔會，very good! 我地唔夠喉，仲叫左杯抹茶脆脆，個脆脆比客人自己倒上去～抹茶鮮奶呢個配搭一定好味，不過我地略嫌多冰左d，下次我地會叫少冰。呢間店出品既野食同野飲都係少甜，我覺得好岩我口味～ 雖然舖頭小小，但都幾多人食。會放紙巾比客人，好細心。…查看更多

無得堂食又想打邊爐，最好就係叫外賣火鍋😊我以前都會去買餸打邊爐，但又返工又攰，依加叫過一次外賣邊爐就上癮😆呢間邊爐其中一個好值得欣賞嘅地方係佢個湯底包裝得好好👍🏻湯應係冬瓜湯，好足料！好似自家製嘅冬瓜湯咁，好好飲，唔覺有味精材料有冬瓜，肉粒，仲有啲菇菌，個菌味好香濃打邊爐嘅料我叫左台灣腸，比較少地方有，打邊爐都好適合㗎！餃子同雲吞，隻隻都肥嘟嘟，足料又好味😋！鱔片同各類丸子，丸子係自家手打，食得出係靚野，如果比著平時去買餸街市個啲丸一定無得比，呢個正得多！當然唔少得靚牛肉啦！係安格斯啊！一睇就知係幾靚，脂肪比例岩岩好入口即化我哋一家三口食都飽飽，最緊要係唔使煩唔洗買餸煮，又切又洗，乜嘢都搞掂哂，又好味😋！…查看更多

嚟到加路連山道，餐廳小店林立的地方，每一間都富有特色！今晚就嚟呢一間經常大排長龍嘅炊豕店！😆😆😆蔥油豬扒飯。呢個係店主推介的！最多人選擇！當然要試啦！首先有豬扒飯上有一大堆蔥油，蔥油香味膿，不會太鹹。豬扒係香煎並且油炸，原本以為係冇乜肉汁！點知食落去係非常Juicy！真真正正做到外脆內軟！真係估唔到！😛😛😛豬手餐肉撈麵，豬手煮得軟身入味，醬汁不會太鹹，另外餐肉十分厚切！油炸過又係脆皮！非常好味🤩🤩🤩不得不提呢間小店的裝修還有少少日本工業風，適合喜歡日本的朋友仔到來這家店打卡！🥳🥳🥳雖然呢度成日經過都要排隊，但如果有野食好食嘅話我都覺得係值得排的！…查看更多

買左兩個味返屋企食，一個咖啡，一個焙茶兩個都超級好味！！！咖啡香濃，唔係平時d甜品咁好似雀巢咖啡個d，係咖啡店個種又有布甸口感又有蛋糕口感，好正焙茶個個仲正！我本身好鍾意食焙茶味嘅甜品，唔係度度都有得買，呢間仲做到焙茶嘅甘味同布甸嘅甜match 得岩岩好，大力推薦！同埋佢有得印你想要嘅圖案同字，事先訂個陣講就ok，可以訂比朋友一齊食同打卡🥰🥰Btw, 係要倒出嚟食，唔好好似我咁食左一啖先記得要倒出嚟😂…查看更多

Happy Friday! 銅鑼灣放工同男朋友Relax下，見OpenRice呢間都幾多好評就上嚟試吓佢裝修好得意有啲復古味道我哋兩個叫左five course menu 頭盤每一款包都好好食日本紅蝦他他上面配有三文魚子，咬落爽脆，同紅蝦嘅甜味配合得啱啱好日本岩手縣生蠔🦪，super yummy!!! 喺香港唔係度度都可以食到好食嘅日本蠔，呢間值得表揚👍🏻南瓜湯日本岩燒鮑魚配以清酒牛油煮法，色香味俱全男朋友唔識得牛扒所以叫咗日式雞扒，佢話好好味香煎法國鴨胸，煎到半生熟嘅鮮鴨胸唔係度度都食到，滑溜嘅口感一流最後甜品一人一份，原來呢度除咗主菜之外甜品都非常出色！！超鍾意呢個朱古力波波好香濃嘅黑朱古力味，唔太甜，完全係我杯茶！你間餐廳我覺得好適合情侶慶祝節日，無論味道同埋氣氛都非常之好…查看更多

今日放工行過去fashion walk，見到呢間天天海南雞飯有米芝蓮推介，就抱住朝聖的心態入去了。裏面裝修都幾有品味，好舒服，座位好寬敞！我哋兩人的座位都像平時的四人枱首先餐牌就是一個一個米芝蓮公仔，好吸睛，好似要我試咁！於是就點了幾個名菜。啊！不得不讚就是這裏使用的所有餐具！每款都是非常精巧！富有特色！真的比得上米芝蓮的星級餐廳！首先到桌的就是海南雞飯，先說說飯，雞油飯是用一個小瓦煲裝著！比一般的海南雞飯店賣相更加吸引，而且這煲的保溫效果非常之好！真的讚！而雞的肉質非常嫩滑，配上自家製特別醬油，口感比一般的海南雞飯店更鮮甜！我很喜歡那個自製辣醬，小甜小辣，吃下去很有層次！酸菜魚，魚肉相當滑，湯的酸辣度適中很易入口，而且份量都不會太多，很適合情侶一起享用！肉骨茶，肉汁鮮嫩而且骨茶香膿！另外我很喜歡豆卜，因為比較少在肉骨茶上找到，原來這配搭非常相襯！越南咖啡，啡味重而不過，配上略偏甜的越南的煉奶，就像西方的”茶走”，相比其他越南咖啡店的越南咖啡，這款算比較易入口！果然是米芝蓮推介的餐廳，裝修舒服，很適合一班愛高級享受的朋友們聚會或慶祝！…查看更多