ericopenrice的个人专页

6月最後一日，同個衰仔正式farewell, 除左三個我最鍾意的女人外我發現我仲幾錫呢個衰仔。。。大獲。。。唔通真係「大叔的愛」左🤣比預定時間早左少少去到發現餐廳都幾正，一入去見到幾張大梳化，雖然我地有板隔住但起碼可以坐埋一齊，farewell 呀唔好要我地分兩檯啦，我地好乖女乖仔有分隔架餐廳好爆好多人，侍應不停走來走去十分繁忙，我地先叫左D前菜冷盤食下先餐廳叫得「波塞冬」無理由唔會一會叫D海鮮，先來一打生蠔-$498價錢對得住質素，每隻蠔都明顯處理過，一啖就可以擺得落口好方便女士食用，蠔身結實有海水味，食落新鮮，雖然唔係最好食個隻不過價錢對得住質素，為我地快樂的晚餐展開序幕🥰黑魚子三文魚他他-$128呢份他他真係太靚靚靚喇😍最底層係紅菜頭粒粒，中間係煙三文魚粒粒，最頂層係黑魚子，最頂頂再鋪上金箔，咸香魚子同紅菜頭甜味加上三文魚煙燻味好夾口味，兩款冷盤同白酒好夾之後再來棒棒雞翼，單骨雞翼加上輕輕的辣味好開胃下，不錯的餐前小食之後大家飲過餐前酒就再叫下cocktail/ mocktail 飲下，杯杯睇相都好靚好吸引，每杯$100樓下都好想試呀衰仔叫左杯Tropical Prince, 熱情果汁加檸檬汁同橙汁配上茶底，最正係個條藍色的羽毛🤣🤣🤣，最型王子仲唔係你個衰仔咩蜜桃梳打唔係汽水/藥水味，好清新，熱熱的天氣飲杯真係好舒服喎仲有一杯Pearl, 椰奶菠蘿為主唔會十分甜，都係清新好味再來介紹一杯Cocktail, Amazon Forest，呢杯正呀、杯底有少少糖漿，青瓜包住成個杯裡面加上Gin 酒同少少梳打，加埋薄荷葉，成杯青青BB，好輕鬆好舒服，好解渴！好唔小心就會飲晒🤪傾下傾下就9點喇，要叫主菜，叫左個德國腸拼盤，德國豬手同一個唔辣的雞翼腸仔拼盤有三款，三款都正正常常，配上沙律同超多薯蓉，又係好岩配酒食到一半我「呀」左出來，我都見慣大場面架啦，呢隻豬手咩事，睇圖睇價錢唔夠咁大隻喎，真係大隻，上檯熱辣辣，都係配上酸菜薯蓉，切落去已感覺到佢有幾脆，搞左3-5分鐘先搞得佢掂，食返舊先，正呀，皮脆肉嫩，皮真係好脆，好香口十分推介！食完豬手都飽左9成，所以隻唔辣雞翼反而無試到，聽朋友講都係辣的軟吸引食物環境都無得挑剔，唯獨侍應可能真係太忙，要叫好多次先搵到人但都好有禮貌的，如果再有一班朋友食西餐呢間我都會再來5個人total $1500左右，抵食…查看更多

星期六去左搵倉，搵左成朝總算搞掂，睇一睇錶已5點有多😩5點幾下午茶又好似唔夠飽，晚餐又未有咁就上下佢地個番茄濃湯通粉餐，好似都幾吸引咁一大碗番茄湯配上炒蛋仲可自選一款餸，瑞士雞翼丫唔該！個湯底真係唔講得笑，真心濃架喎，不自覺地一下一下一下咁就「吸食」左半碗（其實呢個湯好鬼熱，我應該係餓到痴痴地🤣），炒蛋就喎算特別！雞翼都ok好食，入味的！當然唔可以同太平館個D入口會溶個隻可比，但$50又真係十分合格有餘！雞翼真係好入味，最好咬的雞翼尖😍雞翼位都好食，最後加左$11叫杯咸檸7，食飽飽就返屋企喇…查看更多

放工買完Bearbrick 都8點幾，行左去朗豪坊睇下有咩食，茶木好多人就試下對面間燈籠鹵味，一直都好想試今次終於有機會豪豪二人餐有個招牌麵，兩款台式小吃同兩杯飲品個麵可以要烏龍麵，王子麵，米線等等幾種選擇，之前去過幾次牛大人都無食過王子麵今次反而想試上檯個麵都真係夠兩個人食，有豬手，豬耳，花枝丸，豆腐，杏鮑菇等等餸，個麵有D似福麵原來，但超級入味，好吸滷水汁，配合多種餸菜一齊食幾好味我呢D「年青人」，小食兩款都叫晒煎炸野就一定架喇😂板橋夜市蚵仔煎-呢款唔知係因為廚房就收定點，唔太好食，蠔仔好少炸粉好多仲要好多似番炸過唔脆口同好硬身，食左一半無食了，應該叫個鹽酥雞可能更好另一款小食就新鮮得多，甘梅香脆地瓜條，食落口熱辣辣，配上少少梅粉食落無咁油膩飲品叫左凍蜂蜜荔枝紅茶同熱的台味奶茶，兩杯都正常發揮，夠茶味有台味😂整體來講個暫時只有鹵味麵可能會再吸引到我再來…查看更多

又係悶悶熱熱的一個星期五今日有野要搞行遠左反而搵到好野食又係比沙律同咖啡Menu吸引，原來尖東都有呢類型的小店門口幾靚仔，有兩個外國人飲住咖啡好chill，陽光照射下有少少去左澳洲的感覺，我。。。真係好想去旅行返來現實喇！Menu 有意粉同沙律，包類！為左沙律而來就緊係試下個沙律啦先係安格斯牛肉沙律-$74牛肉用洋蔥炒起，沙律底係蘋果，大量沙律菜，羽衣甘藍火箭菜，食沙律都食飽呀，黑醋同沙律絕對係好朋友！好食另一個沙律就叫左煙三文魚焙蛋沙律，擺碟好靚仔！三文魚有三塊加一隻蛋，碟底都係蘋果，呢度比較多深綠色菜！食落去會比較攰但好清新丫兩隻勤力小牛食呀食，食呀食，食飽就要返去開工做野架喇🤣咖啡都有好多選擇，我要左杯「希嫂甩」Latte, 好香好飲，下次有機會晏就off就落來飲杯手沖，聽咖啡師講手沖都係$60-$120一杯，下次有機會我會來試簡簡單單就過左一個lunch, 呢間小店應該會成為我其中一個飯堂😋…查看更多

天氣悶熱又濕又焗，第一時間諗起呢間泰國野，有人軟喜歡Namo,我就喜歡呢間多D叫左大蝦檬粉，配木瓜沙律同冬陰公，冬陰公有蝦有蘑菇同好多蜆肉，味道好好唔會只係死辣味！木瓜沙律輕輕辣木瓜有咬口，好開胃，越食越開胃主菜係大蝦米粉，面頭有炸豬油渣好好食架，仲要有5隻大蝦，好滿足，所有野都係好岩夏天食另一款係豬肉串燒，配沙律冬陰公同泰式臘腸炒飯，炒飯炒得好好，唔會好油，串燒燒得乾身D會再好D,隨碟的青瓜都好好食最後餐飲叫左一杯伯爵冰茶，一個完美的結束😋…查看更多

夏天有時候無咩胃口，晏就又唔想食咁多野會好想食沙律，今日去左荃灣咁岩見到呢間鋪頭仔有沙律menu, 有個FD附近住又因為睇完波請左假，叫左佢落來一齊食個lunch傾下計啦可能未到真正食飯時間，都一到可以有位，鋪頭細細間應該都係做熟客仔生意，唔知點解等等下個朋友真係坐到一份「家」的感覺😆睇menu發現原來大部分野食都好健康，飲品可以轉果汁，十幾份咁多呀，女仔想食light D真係可以來試下，食個沙律飲杯果汁一定無罪惡感佢的沙律好有彈性，任得你自己選擇，base 可以要藜麥，沙律菜或意粉，三款蔬菜配菜再配醬汁，夠晒彈性，食多幾次都唔會悶啦，我叫左煙三文魚紅菜頭粟米雞蛋沙律配日式麻醬，份量十足材料豐富食落好滿足，沙律最平$29，我加左煙三文魚（$18）都平過響超市買現成沙律，可惜唔係住附近啦，如果唔係一定會成日來買沙律食朋友就叫左個浦燒鰻魚飯-$68，都係好多蔬菜件碟，燒汁同鰻魚同出面日本餐廳差唔多，但我見佢食得快過我過沙律😆呢間鋪仔感覺D意粉，扒同湯都應該唔錯，下次有機會會再來試下整體感覺係一間好有心同健康的小店，加油！…查看更多

星期日無無聊，友人終於醒起我來搵我食Lunch, 咁耐無見想搵個傾到計的地方第一時間諗起油麻地locker room，不過響朗豪坊等就自自然然行左去通菜街，經過Coffeebreak 又見到唔駛等位可以直入，咁就直接行左入去上次食過春雞今次就試佢地的豬肋骨配沙律薯條-$138，另外叫左個芥末蜜糖雞肉Pizza-$98兩款都要等20-30分鐘咁就開始吹下水，點個原來發現頭頂個喇叭好好好大聲🤣都唔係好傾到計，明明上次感覺好舒服好chill 今次感覺環境明顯無上次咁好講返食物先，先來pizza,餅底係薄批食落脆脆，餡料豐富唔會太重芥末味，整體帶甜幾好食，食下一塊食下一塊，咁就每人食左四塊喇😛之後個rib都上檯，嘩。。。好大份量好豐富，同場最少2-3檯都帶叫，沙律正常薯條出色好味，豬肋骨唔係OB/RT食開入口即溶個隻質地，反而係比較痴骨有咬口的感覺（有少少似金沙骨）醬味濃郁好好咬，仲要切開有6大條骨，好滿足，個人十分喜歡（比食Ruby Tuesday好似更加吸引）真係條條多肉唔乾身。。。好好食好好食😋今日天氣好焗又濕濕熱熱叫左杯凍Mocha, 朋友飲凍朱古力，cream 帶點厚實但飲落唔會好肥好「流」，prefect!輕輕比個喇叭扣左D分不過絕對唔會阻到我再來😆…查看更多

今日有事返左公司，原來女王又要返去，4點令鐘差唔多就行去尖沙咀行下，全日無食野又有D肚餓想搵野食，見到牛大人之前響銅鑼灣打過一次感覺良好，今日多口一問女王竟然一口話好，5點可以打邊爐🤭Let’s Go!!!!!!!!上到二樓無見人龍太好喇，6點入坐應該係食牛大人的最佳時機，大家唔想等位可以留下喇😜填完紙仔就被安排坐一個特別的卡位，因為舊會員無特別優惠了，因為人唔多食唔到咁多先選左$208餐，星期六日加$10，都有三款牛可選擇架👍出去拎茶混醬後就馬上QR落單啦，拎左白桃烏龍同桂花烏龍，呢兩支都好推介，去牛大人我飲茶唔會飲可樂架🤣醬料多蔥多茜好開胃，綠綠的好靚好想食野喇我🤤湯底我要左鳳梨雞窩，好清好清好清，如果大家喜歡濃味記得唔好試，要叫牛骨湯底！牛試左上腹牛五花，簿簿地肉味唔夠濃，我食左兩小碟就無再叫安格斯特選牛板腱-呢個就無限encored，顏色好吸引，無太多筋位，厚薄適中，超級新鮮，輕輕滾15秒加上我獨創的芫茜蔥鼓油，我只想不停進食唔想講野喇😋另外仲有一款SRF極黑牛肩胛肉眼，佢係好似手切肥牛咁好有厚度，肉味更加濃郁，滾佢3-40秒食落去更見滿足，不過會好快飽肚所以呢款只encores左3-4round😝出去夾左少量丸類，牛丸頁丸芝士丸，腐竹蘿蔔豆腐都正正常常！油麥菜同唐山菜好鮮綠，食完一輪牛就食左好多菜，出面的野食基本上款款都好充足唔會無得拎我好想食台灣腸，叫左一小份，估唔到又幾好食喎，好香好脆-正！油炸鬼午餐肉鴨血都好岩打邊爐食，不過呢三款如果放麻辣湯底一定更加好😛炸魚皮比響鈴出色，食左3-4round, 另外好食的分別有蝦，沙白同鯇魚脆腩，海鮮類估唔到都無揸流攤，蝦一定唔係扎扎跳不過絕對新鮮，食落彈牙爽口架，沙白無沙算肥dodo,一口一隻好過癮最值得提的就一定係脆鯇魚腩，佢呢個切法真係好方便，骨頭好容易咬出，腩位好好食，好肥美，真係好食，我一個人食左6轉，so crazy !呢個質素呢個價錢可以食120分鐘真係好滿足呀！最後飲多2支茶消下滯，食埋movenpick 雪糕我。。。好飽喇😋😋😋…查看更多

Happy Friday Lunch行左去厚福街，3個人上到去唔駛等位喎，睇下Menu 好快諗到食咩，今日有個小妹妹係無限黑洞其實都有搶心佢夠唔夠食，人仔細細點解可以食咁多野架呢🤣呢間野來過好多次，之前買3送1，即三人同行一人免費，點知依家要經OpenRice 訂檯先有咁下次就醒目喇大家先來一人一份餐湯沙律小多士，呢排愛上左Iberians 個湯，呢度個蘑菇湯都好飲不過有比較有傷害。。。佢相對地無咁濃郁香甜，不過都合格的，而個沙律有羽衣甘藍，好食，多士都脆卜卜架先來上碟的係白雪雪的蒜香蜆肉白酒寬條麵-$98，好奇怪點解佢無咩免咁？好似好dry咁架？因為佢唔係汁煮係白酒煮個賣相無咁出色，闊條麵我比較多食忌廉汁煮，掛晒D醬響麵條度咁😅不過佢地蜆肉夠多，酒味夠香，食落食出鮮香同蒜香味，馬上加返分，最突出的係個麵度，好好食，下次再來會食下另一D汁醬意粉再同大家分享下之後上碟就係豬扒配黑醋芥末汁-$108，豬扒厚度略嫌簿左少少，咬落口感差左少少，但配上黑醋其實好夾，如果塊扒可以煎得更香脆少少可能口感層次會更加提升最後上碟就係雜肉腸pizza-$88，餅底香脆好食，腸仔大約三款，有腸仔幾岩小朋友仔應該，不過我覺得辣肉腸會岩我口味多D🤣呢度甜品每次都吸引唔到我，細問朋友係正常發揮但唔突出最後大家叫飲品，凍熱檸茶正常野，特別的係我呢杯Baileys 百利甜酒咖啡😍😍😍呢杯野真係一絕，甜味同咖啡味好匹配，聞落已經叫我著迷，好香好濃厚的味道，飲到最後百利酒味最出最香，我差DD想叫多一杯😜餐廳無來一排好似無之前咁出色定真係食多左iberians 所以有比較？來緊呢1-2星期再來試一次比機會佢平反一下🤣…查看更多

今日響公司有客仔，響公司飲少少就落去Happy Hour, 公司附近海傍好多餐廳又唔知點解會行左好遠去到永安隔離間 The Dog House,坐左響入面又幾好feel, 每人一杯cocktail 傾下計就開始飲啤酒！傾左一陣就開始影相啦先來少少野食有個雞翼蒜蓉雞翼，有7-8件，裡面太黑影相失敗-$98 好好食，個醬係少少辣好岩送酒食之後再來德國香腸拼盤，份量少左DD，都係好岩送酒，薯蓉正常-$178下次可以試其他野送酒，呢個相對無咁抵食之後再叫左個雞肉餡餅-$118有少少差差味，即香料味，我本人唔抗拒，女士就未必岩食，呢個好香口炸落唔太油膩而咬落去好足料，又係助酒佳品之後飲多些少就叫主食烤蘑菇-$118我呢個麻麻，唔知點解要加青椒影響左個味覺，佢仲要用焗的方式唔岩我口味，我prefer Outback 個種烤蘑菇多D烤牛扒配薯仔-$238牛扒燒得香口，不過肥膏較多，薯仔正常唔太出色，合格！食到呢度兩個肥仔都已猶未盡，咁就叫多兩款野食比佢地喇，馬蘇里拉Pizza-$118，餅底厚薄適中，茄醬充足加上芝士同香草十分香口，唔錯唔錯而最後上場的係最受歡迎的芝士薯條，呢個真係好食喎，薯條炸得超級香脆，同芝士浴為一體，比Ruby Tuesday 同 Outback 個D更見出色，不過略嫌炸得軟多油，overall recommended 架埋單4人$1300左右，環境，食物同招呼都OK,如果去諾士佛台飲野食野我會prefer 呢區多D,呢間可以再戰😆…查看更多

今日又係食飯先來落大雨，一行5人原來有個今日十五要食齋，咁Iberians 會係好選擇，近公司又有D無肉menu去到無人龍但有人訂左檯，都等左十至十五分鐘先有位坐，食呢間真係記得要打電話訂檯呀，快快脆脆叫左5個餐gogogo先來是日餐湯-蘑菇湯配水晶包，水晶包今日焗得更加香脆似少少油炸鬼，配湯更香口更好味！而蘑菇湯始終我比較喜愛，同檯4位都一致叫好，今次個湯加左少少蔥仔，西湯比較少有會加蔥，估唔到好夾，唔抗拒「青」的我好相信都會feel surprise, that’s really good😍牛扒睇來係鐵膽每日menu都有，食過3-4次都覺得好好，今次又encore, 不過試medium rare😊佢一上檯就我先來切好比大家啦，4成熟唔太差不過我覺得7成比較香口同有口感，下次都係食返7成好D,配菜今日係紫薯呀，我地5個又係一致叫好，好食，香甜軟綿，讚！之後上檯係煎魚柳，煎到好金黃，同之前唔同係個醬汁，蜜糖芥末醬，甜中帶辣，配上香口魚柳一絕呀😍件碟仲有紫薯沙律，很好！之後就來左一個咁多次都食唔到的青醬松仔意大利粉，聞落食落有少少花香味，好得意，食落就係好香的橄欖油無草青味，食落加少少松子，食齋的靚靚都有食，衰仔食太慢得返些少，好彩女王分返D比佢，佢先有機會試到再來一個飯，都係就食齋個靚靚，我之前食過係唔錯不過我留肚食最後上檯個飯，佢就係西班牙海鮮炒飯喇今次依然配料充足，好好好多海鮮，巨多魷魚三隻蝦不過。。。不過。。。不過。。。今次得一隻「巨人級青口」，衰仔無幾多餐同我食lunch....我比左個quota佢食，呢個飯$128真係好超值架👍食晒野就叫餐飲，熱檸茶熱Americano, 熱Latte, 同兩杯 Flat White, 咖啡依然保持水準今日有野要彈，員工好熱心好幫客人不過人手唔夠同埋可能落雨D野會慢少少，不過無影響我對佢地的評價，一有時間再去食，睇下有無再新鮮的食物同大家分享下啦5個人埋單$540。。。抵食抵食抵食呀…查看更多

今日7點幾先走，又落雨，想快快食D野就返去抖下，晏就食得太飽就搵D濕濕地的麵食啦行左陣玩具鋪就去左潮特對面間三哥快食，好彩又係唔駛等位✌️見到menu 有個新餐牌，隔離女士又一坐低即叫呢碗野🧐諗都唔諗即一定食過encore啦，好！跟隊，女王食來食去都係清湯雞肉豆卜🤣咁去得三哥點都叫個土匪雞翼，細得喇今日（3隻）雞肉豆卜正常發揮，女士們健康之選，「炒肥基日」點解同平時唔同咁，煎多一陣熱多少少可好D，平時尖東個間好食D喎到我食的煳麻湯魚爽肚米線（配芥末魚籽雪魚滑豆卜）好長呀個味，我另加$12點左魚片去譚仔平時我食開10小麻辣，我個人喜歡麻多過酸如果食米線的話，煳麻都ok,佢有少少焦香味同少少麻辣感覺不過辣味會減左好多，魚爽肚類似魚標的東西不過呢碗的標係細細粒，但咬落去口感依然有點爽滑，一碗都有7-8粒，加上三粒魚滑豆卜，好特別地佢加左wasabi 帶D攻鼻，食米線有芥末來講又幾有衝擊的感覺，創新丫🤣 只從佢地出過酸菜魚米線我第一次食過佢地的魚片之後，我每次食三哥都會食魚片，好好食，無骨爽脆，正👍「忍」多左杯凍檸茶埋單$122，飽飽返屋企…查看更多

今日係落大雨的一個下午，但我地堅持要lunch 去食光榮！可能天氣差的關係無咩人龍加上我地個衰仔腳長行得快跳得快一到店就填form直入，每個人都有晒選擇，3分鐘完成落單細佬我就食Happy餐🤣-$52三隻靚蛋加蔥油雞扒飯，雞扒煎得香口加上蔥油撈飯一流，三隻香煎荷包蛋同鼓油係錦上添花，茶記有咁的質素咁的價錢係無得輸，感覺同年半前來係更加好食左另外叫的有蔥油雞扒飯（同happy餐一樣但少左D開心😂），黑椒豬扒腸仔飯（衰仔食，見佢笑住食晒好滿足咁，正常發揮，我無試過就唔評論了）女仔s食的就係叉燒炒蛋飯加蔥油喇（正常無得加架，係哥哥仔好人加左比佢地🤭）係滑蛋，炒得靚一D都唔會老，差燒都無嚡口好咬好，又係撈飯一流，食晒✌️茶記來講食物質素，價錢，服務都無得輸，光榮加油！…查看更多

放工同3人組去左睇maskon買口罩，嘿嘿哈哈，哈到我好肚餓就去搵野食啦，新城市咁多野食又可能今日Blue Monday 都好多間餐廳唔駛等位，4個人可以食大堆頭野撞左入呢間葡國餐廳- 亞蘇爾一坐低仲掛住傾計笑笑笑，叫野食未呀？是旦啦！你話啦！無所謂呀！Ok!我來😅女王同妹妹最後好叻咁諗到想食兩款小食，個衰仔又突然好有主見彈出話要食豬手，又係嘿嘿哈哈，加埋好親切的姐姐耐心推介/等待我地完成晒點餐先來一杯唔記左影相的蜜桃沙冰，妹妹話好好飲，另外女王同衰仔飲芒果柚子沙冰，一上檯比個造型嚇親，咁大杯架咩？佢地要企響度吸呀吸飲左個頂怕佢會滿瀉🤣飲杯野都開心過人，而乖乖的我依然唔飲凍野住，飲左壺血橙茶-無咩味咁，下次我一定要試個沙冰睇下有幾好味食物先上檯的係芝士薯仔馬介休球-$78 有兩個醬汁，沙律醬同辣汁!薯仔球炸完都幾soft唔會好油膩，咬開一半會見到馬介休肉絲，幾香口有少少咸香味，唔錯喎👍之後再來就係兩個美女都一致要點的。。。香草芝士脆豬仔包，好食的，但佢真係似麵包舖整的pizza，好脆好香芝士味不過我地無叫咖哩，就咁食都very good再來呢個正，真係唔錯-美國安格斯肉眼牛扒 半熟雖然半熟但切出來唔會好生燒得十分好，感覺真係好raw 的炭燒感覺，$238真係又係無得詐型，唔太食牛的都食左兩三件，附上一個蘑菇燒汁同阿根廷青醬！我地一致覺得青醬好味，同個牛扒好夾，好似真係食南美的燒烤感覺，點解架呢？唔理啦，總知就好食，薯條都好好食，係幼身薯條來架之後再來重頂戲- 葡萄牙鹹豬手-$188！！！呢個又係不得不提，份量都好大隻，上檯已經切開晒，皮有大部都係炸到香脆可口，肉都好好食，咸味適中食完無好口渴的感覺，伴碟驚喜有小小菇類同燒菠蘿，唯獨薯王可以不理，我寧願佢比薯條好過，呢個大家可以試下（店員提醒要等30分鐘左右）最後餐廳有promotion, FB like 店舖有是日主餐半價，今日主餐係。。。十月初五蝦子松露意大利粉-$138（半價後$69）雖然係半價不過材料十足，睇下幾多松露蘑菇同煙肉，意粉煮得唔錯，有咬口，汁醬掛到晒響麵上面，雖然係忌廉汁但creamy 得來唔會好heavy, 4個人share 剛剛好食完其實都好飽但仲有成個鐘我又任性喇，「是旦」「無所謂」「你話事」都唔理我就出事喇，我叫左最後一道菜-非州雞，樣好正常，鋪左好多花生醬同椰絲響雞面，切都好易切，不過雞肉偏嚡，骨比較多唔好咬，可能食葡國雞會好D,呢個雞絕對係我任性的錯，唔叫我地呢餐飯就完美喇開開心心又一餐，爭取時間同就來展開新生活的衰仔食多幾餐開心飯啦，4人食左$1068都好抵食，下次會再來的餐廳👍…查看更多

今日真係太熱太熱，無咩胃口又咁岩父親節，早少少食少少野就返去抖下預備今晚場波😂行到去荃灣千色滙，見到呢間古今二無太多人等(7點左右都都等左半個鐘架）佢好似響觀塘好出名不過唔知荃灣有分店又咁岩見到你又係有壽司，今晚就試下你啦😊先來雞肉串燒，上檯有煙出但點解食的時候凍的？好奇怪好奇怪，唔通係我個人熱到出煙？店員幫我地加熱返，不過串燒要reheat 就好奇怪，我唔鍾意，總覺得似自己都可以響屋企整到的冰櫃串燒😅下次有機會再比多次機會你之後來左一份「火山」，份量幾大，底部係壽司卷包住青瓜牛油果，蟹柳同帶子，十分豐富，面頭就鋪左好多沙律醬蟹柳同魚子，材料十足但唔知點解食落唔會覺得好heavy反而幫手開左個胃喎，推介😍之後有燒茄子，味道正常，燒得岩岩好，唔錯只從元氣無左左口魚之後都比較少食左口魚壽司喇，一見到有就每人兩件，左口油的油感真係豐富，燒過更見美味，可惜今日唔係狀態，如果唔係我一定會食多D呢度的卷物串燒同窩燒最後來左個鹽燒三文魚頭做總結，三文魚頭好大個，當然肉無魚腩咁多但就好岩今日我的胃口，燒得好香無腥味，同好多中高級日本食店有得比Overall 我會調整一下狀態盡快再戰古今二今晚埋單三百中，荃灣店坐得都幾舒服，下次見啦我地😄…查看更多