aErO~的個人專頁

食完冇耐因為樣樣都好食，今日再黎過😁今日最早d, 4點幾去食，多人左wor~今次打算試下其他野：酥脆鹹豬手 $208Weekend Brunch Set俄羅斯牛肉粒配扁意粉 $88餐飲 Americano主要今次係想試佢個酥脆鹹豬手，果然好食，皮脆肉嫩，2個醬好開胃食落唔會太滯，不過2個人食一份係有點飽😂仲要配菜都一樣有誠意呀，好食！俄羅斯牛肉粒配扁意粉 個牛肉質感唔係想像中果種，味道都唔算太濃，我個人比較重口味，會比較prefer濃味d, 但都算唔錯的餐飲可以揀Americano, 味道唔錯，可加奶繼續服務非常好，最窩心係走果時店員話"多謝你地再黎"(我地食第2次咋) 都記得我地，讚呀！唯一美中不足係戶外有座位，係可以食煙，食到尾聲開左個窗，d煙味吹晒入黎，對於唔食煙ge我地係有d影響…查看更多

行過見到新開，個menu都幾吸引，呢類餐廳黎講價錢都合理，early dinner少人點好似幾安全咁，於是決定一試。入到去服務好好，有禮貌，有笑容，有溝通，有介紹，感覺好nice呀。讚！2個人叫左：XO醬茄茸蝦帆立貝扁意粉 $138石上燒澳洲肉眼扒 ($218+$40轉set, 有沙律+薯角) $258手搖鴛鴦檸檬茶set+$15轉飲杯手搖鴛鴦檸檬茶雖然講真就係檸檬茶，但係個味又真係幾特別，同埋個鴛鴦檸檬又真係令杯茶比普通果d 好飲好多。跟住黎左沙律+薯角，個份量都幾大，完全估唔到，加$40都幾抵，個沙律新鮮，連個炸薯角都好好味XO醬茄茸蝦帆立貝扁意粉，少少辣好惹味，個扁意粉質地岩岩好，個醬又好夠，好食呀最後上枱係石上燒澳洲肉眼扒，雖然要等，但堅好食。店員講解得好清楚，塊石夠熱，有海鹽，蒜油，仲有個醬汁，配埋都好食😍因為食開well done ge關係，我當然石上燒到佢well done啦，都係果句，靚ge牛扒well done都一樣好食，呢塊牛扒就係喇，正呀！呢間餐廳真係可以食多幾次，食物正，上菜快，服務好，仲要價錢合理，加上唔洗加一。推介❣…查看更多

上次黎過因為太早未開😱今日專登再去，希望試到！雖然唔知點解好多款野食都sold out/not available, 但因為環境好，有氣氛，而且專登過黎，所以都揀2樣黎試下啦叫左：~佢地Signature ge 招牌芝士厚班戟全日餐$120~滑蛋鰻魚殼米飯 $120~再叫左一杯泡泡龍 $48d野食真係幾有質素，芝士pancake質地好實在，配太陽蛋(個人喜好我要求要熟蛋) ，芝士味唔算好濃但都ok，配料都有誠意，有芝士腸，牛油果沙律，什菜，不過份量比較少，大食d就真係唔夠食喇😁滑蛋鰻魚飯都配沙律幾好，味道都好好，不過都係果句，份量少左d😋泡泡龍好好味呀，檸檬同咖啡個味夾得好好，比起之前係其他地方飲ge好味，仲要用不銹鋼飲管，讚！…查看更多

星期6 中午走過TST揾野食見到好多鋪都未開呢間就開左，又未試過，咁就打算試下啦入門口個staff探熱已經冇表情咁坐低左就叫野食啦但係連落單侍應都講野都冇尾音落左單勁耐都未有野食，未有野飲！想要杯水，問佢可唔可以比杯水我啦。明明2個人，佢真係比杯(1杯) 水@_@等左勁耐先聽到有個侍應話原來冇出單又要再等過。。。終於等到野食，香酥排骨蛋炒飯個炒飯底有色但冇乜味，排骨有點乾！個牛肉麵味道就還好！2杯野飲都唔差！不過諗到個服務咁樣，我真係唔會再去食野！…查看更多

經過呢間餐廳比個餐牌吸引左雖然餐廳細細，但裝修靚，環境舒服，staff服務好，野食仲好好味添！叫左Lunch SetPremium Rib Eye Steak Set有Starter, Main同Dessert, 不過就冇包飲品Starter ~ Mushroom Soup好creamy好好味，連隻碟都靚埋😍Main ~ Premium Rib Eye Steak, 我食慣well-done 都唔算太硬，幾好！朋友叫左Medium 都話好食好林添！Fries 轉左mashed potato, 連埋個醬真係唔錯！Dessert ~ 本身係French Tart 但staff 表示因為整得唔太好所以唔比客人食，今日Dessert 轉左blueberry cake, 本身有d 傷心因為想食個tart, 不過覺得佢地對食物有要求，唔滿意就唔比客食呢個態度好好，而且件cake 又真係唔錯wor, 讚！ …查看更多

~~~~~~~~~~~~~~~~~~~~~~~~~~~~~~經過位於the one呢間餐廳，見佢新開又唔多人就試下。位置都好方便，而且因為新開，環境好，超足自然光，感覺乾淨衛生，加上服務好好，店員又細心，讚呀！叫左2個拉麵同一個小食：豬骨濃湯拉麵柚子醬油拉麵唐揚炸雞拉麵質感幾好，唔硬唔林又夠彈不過個人覺得豬骨濃湯比較好味而且唔算太油炸雞5件，都幾juicy, 唔錯~~~~~~~~~~~~~~~~~~~~~~~~~~~~~~…查看更多

鰂魚涌區晚餐一向比較少人，呢晚揀左呢間韓式餐廳試下，裝修西式，唔少人會放左工黎happy hour飲野，環境氣氛好又唔會太多人，仲好近MTR! 2個人叫左：Angus牛肉漢堡 $168牛肉石窩飯 $148燒五花腩 $98同埋一杯飲品 $62Burger好味，size唔算太大但味道同質感都ok不過個薯條有d油。牛肉石窩飯味道都好好，足料，個石窩夠熱，我地拌得太慢比較多飯蕉。燒五花腩就冇乜特別驚喜飲品都好飲，讚仲要用左訂枱優惠所以都算好抵…查看更多

未到Lunch Hour經過唔洗等位, 又有Lunch Set, 就打算去試下叫左2個Lunch SetBBQ Pulled Pork Burger 豚肉漢堡 &Triple Cheese Beef Burger 三重芝士牛肉漢堡跟餐有湯, 飲品, 同沙律/薯條漢堡個SIZE比想像中細好多豚肉漢堡雖然都幾特別, 但唔算好有驚喜, 因為有D乾三重芝士牛肉漢堡 唔係好覺得芝士味叫做三重, 個牛都麻麻地反而跟餐個湯同個薯條都幾好食飲品就叫左橙汁同黑牛黑牛個coke底唔知係唔係加左水定太多冰, 好淡但係個雪糕係好食GE不過呢個價錢黎講野食唔係太抵，不過環境幾好，如果夜晚應該仲靚…查看更多

~~~~~~~~~~~~~~~~~~~~~~~~~~~~~~位於西環角落的餐廳唔熟路的話呢個位置都要花d時間去揾見佢都幾多人推介就去一試啦鋪面細細，加上疫症下座位都減少左2個人就叫左beef同chicken burger因為都係即叫即做需要d時間等候，但都唔算等得太耐個beef burger味道係唔錯而chicken burger係好食，而且好juicy不過呢個價錢黎講個份量偏細~~~~~~~~~~~~~~~~~~~~~~~~~~~~~~…查看更多

疫情下心血來潮想食個tea set啦，見佢個戀戀沖繩下午茶好似唔錯，加上tst location 都算方便，咁就諗住試下。而且價錢3百幾/2位又幾抵仲有8折。仲要即日book枱都有位。去到得4,5枱客好free, 環境都唔錯! 不過食完真係幾失望，咸點都算正常，件炸雞都唔錯！但d甜點真係唔得。d cake係冇特別件件質感一樣，個布甸硬得黎仲要冇味，薄荷奶凍又太林！真係第一次tea set係會食唔晒架！認真唔會再去~…查看更多

一試太子親民良心食店 , 新鮮, 好味!這家新開的火鍋店, 2人餐只需$288, 算是抵食, 而且每款份量不多, 可以試不同款式, 看似不多, 但是吃暮吃著真的吃不完! 一上菜是新鮮的魚生, 用料很新鮮湯底可選, 我們選了蕃茄薯仔, 湯底已經有不少用料另外有一碗火鍋配料, 看似不多, 但真的吃到很飽, 而且貼心的選擇, 有日本直送的烏冬, 好吃連附送的生果都是非常新鮮, 2人份量絕對不少…查看更多

偶然的機會試了這家韓式餐廳，平日晚上人不算多，味道很好，我忍不住一星期內吃了三次，價錢比同區的韓式餐廳便宜，味道非常好，服務也不錯！份量不算多，很適合多叫幾款試試！豆腐很滑，雖然海鮮不多，但$80來說很好了很軟滑的豬手，味道很好見餐牌寫3件，以為很少，但也是整整一碟，很入味，一試難忘，來3次點了2次呢…查看更多

想快吃個晚餐，於是見到這家餐廳簡單方便便一試，可惜中伏了，餐廳完全沒有韓國人幫忙落單的姐姐好像一頭霧水食物更不是韓式未見食物看餐牌，價錢比一般韓國餐廳便宜韓式紫菜卷，質地古怪，飯有點黃，不新鮮這個炒年糕看上不錯，於是勇敢嘗試結果，只有年糕，相片中的魚片呢？雞蛋呢？而且加雙色芝麻更古怪，是腸粉嗎？…查看更多

愉景灣是個很優閒，很適合週末去的地方，人不多，風景好，很特色的地方。這家餐廳已吃過數次，每次都很滿意，但需要留意，食物份量比較大，如果胃口不大的話要少叫了。Mango味濃，不錯粗薯條上加有辣粉，不辣而且十分惹味讚意大利飯質地剛好，但味道較為淡，重口味的我需要多加pepper加$50就有這個炒什菇，好味！…查看更多

假日下午，想跟朋友找個地方聚聚，走到世貿的這家店，客人不多，只有一，二枱，我跟朋友就可以點杯飲料，很free的在享受一個寧靜的下午！$58 Green Mountain - Cucumber + MelonCucumber味道比較重，很Fresh，感覺很健康！…查看更多