Eunice123的个人专页

記得好耐之有廣告介紹呢間嘅旋風滑蛋，（唔係好記得個正確名😅）一直都好期待，以前有唔少comments話佢嘅炒蛋同華星有得比，今日終於有時間黎九龍城。睇佢都好多創新嘢，小小茶餐廳有幾款日式飯，仲有啲特別嘅小食例如蛋沙律牛油漢堡，睇黎東主對蛋料理幾有野心個旋風滑蛋好薄，本來認為應該厚身啲嘅......內裡係普通西炒飯，炒飯唔夠乾身，啲配料都有啲少。另外再叫咗西多士，可以加雪糕都幾開心嘅，但係。。。蛋香唔夠，亦冇花生醬做餡，不過外皮好脆口嘅。個蛋沙律漢堡仔，不過不失，蛋沙律味道也不算特別濃。整體真係好一般考慮埋價錢就更覺得性價比麻麻，我諗下次都係只食最普通嘅特餐配炒蛋就好😅…查看更多

網上見Crazy Chocolate嘅相真係Crazy，朱古力多到溢出嚟，到底會有幾濃呢？答案真係好濃！可以當甜品咁。又唔係好苦，啱啱好，朱古力味很濃，質感都漿漿地，朱古力控必愛，難怪成為IG新寵。原本expect有all day breakfast或其他輕食類，晚市時間去係冇嘅，得三款限定飯，個樣都吸引。揀咗滑蛋鰻魚飯，M5和牛溫泉蛋飯，同埋主角痴_線朱古力！！我唔食鰻魚，朋友話都ok，肉多冇骨，鰻魚汁有啲少，蛋好滑，頗有蛋味。而我嘅和牛飯呢......我比較怕生，特別交代要煮熟多小小，不過我都係食唔慣，這個不怪餐廳。醬汁略嫌唔夠，如果多少少會更好。…查看更多

之前聽某YouTuber介紹，漢發麵家嘅西多係全香港第一，西多控嘅我一於搵啱時機去潮聖！之前去過兩次，原來小小麵家超有名氣，等候人龍排到街尾，懶得等所以調頭走；適逢雨天終於冇乜人，咁就可以慢慢食。兩大名名物豬潤麵 & 西多當然不會忽略，友人因為炸雲吞有芥末醬所以想食；友子話豬潤好爽，屬於好食級別，我就欣賞餐肉係厚切，仲有肉絲而唔係全粉咁低級炸雲吞係豬肉餡，唔係得一粒蝦咁少份量，幾ok，皮又夠酥脆西多上枱，個樣有啲似餐包而唔係四四方方，原來係索滿咗蛋漿！所以發到啲高，食落好有質感，中間亦有花生醬，遵從傳統。侍應識得問要配煉奶定糖漿，顯然知道唔同人對西多有唔同要求，而漢發麵家相信都係對西多用心研究！真係暫時食過最好食嘅西多！…查看更多

就如大部分食家所講，餐廳內部真係似補習社，估計佢哋係想幫補支出，以前睇過農場餐廳嘅報道，原來曾經好輝煌，老闆好有雄心壯志去經營，可惜光輝不再。都幾多選擇嘅，醬汁方面有芥末/紅酒呢類特別小小的，都有啲希望。個餐湯好香！好重牛味！應該係煲咗好耐嘅牛骨，每一啖都有牛嘅精華，雖然佢賣相真係好普通好家常，估佢唔到！牛扒仲可以揀幾多成熟，於是：肉眼扒五成，極級牛肩肉七成。肉眼扒5成啱啱好，配埋芥末汁，估唔到都幾夾；牛肩肉叫7成熟結果有啲老，仲要咁啱成塊扒都有筋所以好難嚼。。。 不過食正肥膏嘅位置就好香， 可能係我揀得唔好；番茄有煎過呢下覺得佢哋都幾有心思，只係諗唔明點解要加粟米蓉，for配菜點嚟食？不過整體唔差，似花園餐廳略平版。…查看更多

石門區返工，經常見“入麵”好多人等位，令我都好好奇，有一兩次八點去，麵品都已經售罄，終於等到今次。Menu比較簡單，基本上就係㨂咩肉配咩汁，原來佢有飯，不過麵店就梗係要食麵！撈麵都有幾個風味，最後揀咗日式燒汁雞+麻香醬撈麵 & 回味醬骨架+薑蔥蒜撈麵。醬骨架味道略濃，係好食嘅，有啲似紅燒。不過就“難去食”，有啲肉係骨同骨中間，即使提供手套，但我懶😅， 所以有少少哂咗。 至於日式燒汁雞，雞肉有少少乾，個汁就幾好，甜甜哋， 同以往認知的日式燒汁有點不同。我反而覺得主角係麵，原來係似上海麵嘅質感，淋淋哋，粉粉地，唔係彈牙個種，不過我鐘意✌️不論配薑蔥蒜定麻香醬都各有特色，粉粉哋嘅麵變凍食就唔會太粉，恰到好處，若冬天食就會略嫌凍。不過整體係推薦的！…查看更多

真係慕名而來，成日見廣告影到啲麻糬召喚人咁，但每次經過都排長隊，實在嚇怕，終於趁最近去碰運氣，終於可以walk-in就有位，不過都係得返吧檯。反而慶幸，因為睇調酒都係一項表演。原來選擇唔係好多，不過很精美就是了， 見佢最近宣傳蛋餅，所以叫咗墨西哥慢煮甜薯芝士蛋餅，台「豐」牛肉麵，魯肉飯，當然唔少得奶奶麻糬，而且係近期推廣的紅絲絨系列。蛋餅餡係紫薯同蕃薯混合，加有芝士醬同南瓜籽，灑有少許辣椒粉以製造墨西哥風味，味道唔算特出，不過幾夾嘅。魯肉飯啲醬汁同肉都算偏多，呢個抵讚。牛肉麵最好食反而係兩條油炸鬼🤣，浸湯食一流，不過牛肉都很好。來到主打的麻糬啦~~有點意外係凍的， 食到奶味，不過如果係室溫，奶味應該更突出，容易切開，又唔會太黐牙，實屬高質麻糬！…查看更多

現時嘅海港城少人過山頭，好多名（飯）店都唔洗等位，對於冇得揀嘅打工仔也許係褔音，可以舒服啲食飯。海南雞飯，招牌野當然要試，雞都算嫩滑，照跟清清的冬瓜湯，我認為油飯不過不失。馬來西亞肉骨茶，因為佢仲有提供新加坡版，所以要特別註明。好足料，啖啖湯都有濃濃藥材味，有個小火爐熱住，意思就應該係要熱飲，好大舊排骨，二人份量剛剛好，正好唔跟白飯的，跟埋就太飽了。十分推薦！美碌哥斯拉，正野呀呢杯！簡直係夠濃嘅朱古力，面頭仲有層忌廉同脆脆，可以當半個甜品。飯腳覺得唔夠所以再加咗一個小食，估唔到都出色，真係要介紹下，煉奶肉鬆酥餅，可以一試，不過都略飽肚的。…查看更多

唔搵都唔知街市有間高檔質素西餐！行入熟食中心完全唔起眼，還好有紅格仔枱布做識別，原來abc stand for a better cooking，理念很好！頭盤係南瓜忌廉湯，夠creamy，但冇搶南瓜味，仲有絲絲南瓜茸，都真係有料到！兩個主菜：西班牙乳豬 & 黑松露釀春雞， 太心急去試，前者唔記得影相😅。我就鐘意乳豬，味道濃啲，partner喜愛雞，圍住個圈醬幾好食，不過整體我覺得淡小小。甜品我目標係蘋果批，其實冇特別research過，只係本身鐘意蘋果🍎，點知侍應煞有介事咁講“你點解會識我哋嘅招牌甜品？！”， 好搞笑，侍應雖然係班阿叔，但係好玩得😂。蘋果批好好食！有焦糖醬調和。下次都會專門黎試蛋白塔~ 因為阿叔臨極力推薦的。…查看更多

老闆有啲野心😏，中西式食物乜都有，食物款式多到呢。。。澳洲A5和牛漢堡蛋蓋飯伴北海道日式咖哩汁：聽個名都覺得一定要叫！聽個名都覺得一定好食！呢個價錢食到和牛絕對抵玩，好一個四寶食堂！將貴價食物平民化。牛肉漢堡好Juicy! 一切就有好多汁，面頭煎到微脆，師父有心思！蛋好大塊，蓋住咗飯。咖喱屬甜咖喱，有蘿蔔洋蔥，好好食！水牛城雞翼驚個飯唔飽所以加咗小食😅，但個飯好大份差啲食唔哂🙈，雞翼微辣，不過唔係好水牛城味道🤔，一般吧…查看更多

今次就係冒名而來的，本來係朋友介紹，嚟到見到佢說明係選用日本麵粉，即時期望值+++， 所有種類都唔係好多款選擇，不過貴精不貴多嘛。A1 忌廉汁自家製醃肉及日本生雞蛋配手製闊麵（名字有夠長的=.=） 店員細心提醒要即時趁熱食，我諗應該係因為啲蛋嘅關係，落咗3隻生蛋，令到忌廉汁好滑，真心好食，夠彈牙，推薦~~C2 菠菜葉雙重芝士薄餅，成個配搭好好👍，餅底夠脆又唔係太薄，菠菜葉份量豐富，唔會得幾片，芝士都做到拉絲，又有車打芝士提味，都推薦~不得不提叫咗個小食 - 芝士雞塊，正呀XD，佢好似係芝士包住雞再蘸麵包糠，口感好好，味道也正！有啲後悔無叫甜品，見隔離枱嘅蛋糕好吸引，下次要試！…查看更多

平時見麵道坐滿人，適逢呢啲時勢好多食店都受影響，既然冇人我就趁機試下啦。拉麵穩陣啲揀咗豚骨同埋雞白湯，之後發現有個小食套餐，叫任何拉麵再加$38就有兩款小食揀，於是點蓮藕片同埋啤酒炸，後者個名聽落幾吸引。我唔係好食得慣柚子醋藕片，所以覺得麻麻地😅 但係啤酒炸雞就真係幾ok，外皮食到輕輕的啤酒味，又脆卜卜兩款拉麵都真係好正！兩款都熬製到有一層膠原！真心相信佢哋係煮咗十幾個鐘嘅湯底！十分真材實料，夠creamy遊又濃味，好得…查看更多

一早知覓食家出名炸雞髀，叫咗一份，十分好奇點解可以有咁大隻雞髀，到底係乜嘢雞第一次唔識叫，原來可以揀唔同汁，就咁叫咗雞髀飯，店員又冇問我，結果我碟飯咁plain😅，冇汁係差小小。雞𩨨皮當然夠脆，肉唔柴，一個人自私很足夠，配埋薯餅有啲邪惡，哈。下次要加汁，暫時覺得級數ok。…查看更多

朋友有張送甜品coupon要redeem，係要食夠5次，每次過$100就有一個印花，咁coupon有限期，朋友要兌換咁就試下啦。我本來以為HeSheEat係打卡cafe，賣相精緻，味道一般，試完又發現都唔錯。因為唔太肚餓，所以叫個happy together share，諗住輕盈啲；上枱見到都幾豐富，如果大啡菇同蕃茄可以多一粒就好，幾鐘意佢有baby spinach，另外有兩球薯蓉同牛油果醬，但係牛油果醬有少少發酵嘅味道。。。送嗰一客甜品揀咗綠茶心太軟，唔記得影相不過我覺得唔錯，唔會太重茶嘅苦澀味。呢啲早餐好難唔好食，又或者整得特別好食， 所以畀咩分都唔公平，今次就畀咗一般先啦，下次有機會試佢其他嘢嘅時候，再細心評分…查看更多

成日經過都見好多人，懶得排隊，呢啲世勢人流驟減，可以一試~ 睇menu款款都好吸引！先向人氣產品埋手 - 炎燒布丁梳乎厘 + 日本3.7北海道牛乳雪糕🍦。即燒一層脆卜卜焦糖，即刻令到成個梳乎厘甜哂😋，布丁醬也生色不少~~梳乎厘軟熟得黎又未至於成陣風咁👍，我都係鐘意有返小小實在感的，哈哈雪糕好重奶味~~ 不愧為3.7牛乳，不過唔知點解係藍色🤔，叫梳乎厘加$10就有，係幾抵。溶溶地嘅雪糕連埋梳乎真係最佳配搭🤩已經諗定下次想食咩了😁！…查看更多

好少去棉登徑，原來個到勁多居酒屋！適逢朋友深愛日本菜，於是搵食到來。第一次係香港食居酒屋，味蕾深深感動。首先一入門成間舖頭真係好日本feel，而餐牌上所有野都好想叫！忍痛取捨出六樣，因為唔肯定主菜有幾大份量，所以只叫咗兩個串燒同兩款小食。八爪魚我本身麻麻，所以唔方便評論。不過朋友話好好食。雞軟骨有七味粉調味，不錯的小食。來居酒屋食串燒是常識吧。燒牛舌芯，嫩之餘又夠厚，只揀舌芯位置好有要求！燒黑豚腩肉，肥膏位置燒得煙煙韌韌，去左肥膩感，好有咬口！主角黎啦~~ 有明太子炒烏冬，份量都幾少😅，但係好好食！好多明太子！廚師有料到。三重芝士鵝肝丼，鵝肝處理得一流！唔羶又保留脂肪，個香味加埋芝士，真心冇得輸，仲有甜豉油淋係飯，一啖食落去好似上左天堂咁🥰所有野都太好味，食開咗個胃😅再追加牛肉大阪燒，大大塊~~ 唔識講有乜嘢唔同，但好肯定係同普通幾廿蚊嘅大阪燒有分別！ 可能係牛肉增添咗味道？！或者火喉掌握得好？！又或者材料更新鮮，anyway，就是好食。…查看更多