irisng03232的个人专页

朋友book 咗呢間餐廳同我慶祝生日🎂💕，一共4人。我哋4個女仔叫咗3個前菜，一個飯，以為一定唔夠飽，諗住食住之後再叫，點知最後食唔晒添，性價比真係幾高。第一個係 杞子雪耳凍豆腐 ❤️❤️❤️🤍🤍 $78 幾好食嘅，但唔會話好有特色，唔係太食到雪耳，感覺試一次就可以！第二個前菜 陳年花雕醉蜆 ❤️❤️❤️❤️❤️ $288我諗係餐廳signature 嚟，因為基本上個個都會叫。係冷盤嚟，好食，蜆肉好飽滿，嫩滑多汁，又鮮甜，朋友個個大讚。值得一試！下次去都會再叫。第三個前菜 鳳肝金錢膳 ❤️❤️❤️❤️🤍$288 呢個前菜分量好大！ 係令我哋飽嘅主因🤣。第一次試呢道菜，好特別，都幾好食，每舊有3層，有雞肝，肉，同埋膳，4個人每人食到兩舊左右。膳味唔係好出，俾雞肝個味掩蓋。有薄餅俾你食包住。食2舊都飽飽哋🤣🤣最後一個主菜 煙燻三皇雞菜飯 ❤️❤️❤️❤️❤️ $468極度推薦！ 好好食！三黃雞好嫩滑，個飯本身就咁食都已經好有味，啲雞味深透左入去，亦都有啲菇同埋菜，重點係仲有好多飯焦。4個人差唔多每人食到兩碗半！性價比高多人聚會必叫！下次會再去食，今次因為食完呢啲已經好飽，冇機會嗌甜品，因為本身朋友仲準備咗蛋糕，下次一定會叫佢哋甜品試下！…查看更多

真係好驚喜！價錢係6x-8x 連餐湯同野飲 OMG!!! 用open rice book 枱仲有7折 真心好抵餐廳環境係幾好 碟同餐具都幾靚 餐湯冇影到 係蘑菇湯 唔洗加錢 分量算多同埋好濃好好飲！！青口煙肉意粉 4/5 CP值好高 有 6-7個青口 意粉唔會好硬/好淋 軟殼蟹飯 4.5/5 真係成隻軟殼蟹 好好食！！但如果多啲汁會再好啲有7折 CP 值都好高！！最後叫埋甜品 $32拎過嚟個時好surprised 因為冇諗過擺得咁靚幾好食 呢個價錢 賣相真係俾100分$32 我真係冇expect 過🤣一定會再食 仲有 地方好大 好好坐 閒日晚市係冇咩人 好舒服！！ 一定要去 佢值得多啲人去食 …查看更多

需要預先訂枱我星期日夜晚signal訂枱 2日後星期二18:00-19:30 餐廳喺星期一朝頭早回覆確認預約 （大家要預留時間比餐廳回覆 原本估計可能冇位 但係可能我預約時間比較早 仲有位置🥳）環境好好 一入到去就俾個餐廳裝修驚艷到 因為同以前嗰間舖好唔同 入邊有好多打卡位 大家可以準備影相🤣價錢係偏貴 但試一次我覺得ok!全自費 （唔明點解openrice 唔批我嘅😢食評）我淨係影咗一部份咋～～發現紙巾上邊啲字都幾有趣😆食物方面————————————————————<腐皮壽司> 相信大家都一定會嗌同以前銅鑼灣質素差唔多冇話太驚艷 不過不失～比較鍾意辣味三文魚 幾過癮蟹膏厚玉子腐皮 🌕🌕🌕🌗🌑芝士鰻魚腐皮 🌕🌕🌕🌗🌑辣味三文魚腐皮 🌕🌕🌕🌕🌑牛油炙蝦腐皮 🌕🌕🌕🌗🌑炙燒左口魚蟹膏飯 $180🌕🌕🌕🌕🌑鍾意左口魚嘅油脂感 啲飯撈埋啲蟹膏食都幾正 推介！ 下次可能試吓佢個鰻魚飯 不過今次有啲太飽唔敢叫嗰個 睇落份量都幾大芝加哥小忌廉 $78 半份四件🌕🌕🌕🌕🌑就咁睇名其實唔係好知壽司係點嘅樣 如果餐牌有返啲圖會好啲 壽司都幾特別 出面係炸飯卷 有少少驚喜🤍意想不到牛角包窩夫配雪糕 $88🌕🌕🌕🌕🌗原來雪糕每一次都可能係唔同嘅味 唔通就係因為咁所以叫做意想不到？ 之前見過有朱古力/雲呢拿/士多啤梨/豆腐/菠蘿味嘅組合 （冇得自己揀 係預設）我問雪糕係乜嘢味 原本侍應都唔係好清楚 答士多啤梨同埋雲呢拿 過咗一段時間再講今日係抹茶同埋海鹽味 牛角包窩夫配雪糕真係好好食！！ 呢個真係有驚喜！值得一試不過食起上嚟有啲狼狽 芝士奶蓋焙茶 $52 不推介！🌕🌕🌗🌑🌑呢個係可以打卡 不過味道上 真係有啲失色 芝士奶蓋冇咩味 成杯野奶味比較重 焙茶味都好弱 呢個價錢我唔會再飲第二次…查看更多

今日嚟到呢間黃店食飯價錢都係80至100左右我同男朋友兩個人決定叫一個主食兩個小食 可以試多啲嘢/香辣雞翼/ $42啲雞翼size 都ok 大隻 絕對抵食 味道有啲似麥當勞啲脆辣雞翼 雞翼本身有少少辣 我配埋佢提供嘅醬 都好夾 我男朋友用薯條比嘅黑松露醬去點黎食 佢覺得咁樣夾啲/黑松露薯條/ $48係粗薯條而且上枱啱啱熱辣辣嘅 配埋黑松露醬食一流 不得不提佢份量真係好多 可以三四個人一齊食/拔絲咕嚕肉定食/ $92一個定食有兩個前菜一個白飯一個主菜分量真係超級多好彩我同男朋友淨係叫咗一個主食 咕嚕肉有10粒 每粒都好大粒 真係可以拉絲 表面係甜入邊係咸 外層好脆唔會太淋或者太硬 前菜都係有啲酸辣 非常開胃如果我一個人食肯定食唔晒/富士山/ $30我哋叫咗杯特飲係期間限定成個富士山咁 味道唔係好特別 好似乳酸飲品咁 但係拎嚟打卡都幾好 咁嘅價錢都係抵嘅成餐飯嘅過程 個男侍應都好有禮貌 不斷會幫我哋加水 我見到佢都全程留意住啲客人 我覺得服務態度都幾好 同埋可能加上我嗰日唔使等位 大約七點去食 再遲啲可能就要等位…查看更多

今日男朋友同我黎呢到慶祝生日8:30時段 有半價 好抵我哋唔知道半價可唔可以用係套餐度 但係我哋都唔想揀套餐 因為單叫嘅話自由度高啲我哋嗌左個湯 係蘑菇湯 飲落去有細細粒嘅蘑菇 有少少咬口 好好飲 但係你齋叫湯係唔會跟餐包嘅 之後我哋嗌左兩個前菜 分別係田螺同埋蝦多士 嗰田螺賣相好靚 而且職員提我地係可以連埋個殼食 我都係第一次咁樣食 個外殼應該係另外自己整 田螺其實比較細粒 但係整體來講好好食 而且可以成舊咬落去 好方便個蝦多士一上到黎 我哋已經覺得非常之大 其實應該可以四五個人分享 我同男朋友一人一件 食完已經飽飽地 🤣 個醬都幾特別 但係如果我一個人食一舊我覺得有啲滯之後主菜就有慢煮牛 叫左五成熟 男朋友好鍾意個汁 同埋佢讚啲配菜好好食 尤其是係舊粟米應該係燒粟米 另外仲有紫薯 依個牛本身都好林同果汁係好夾第二個主菜就叫咗西班牙燒黑毛豬肋肉條 配菜除咗有上面嗰啲 仲有菠蘿 感覺好清新 rib meat 好方便已經冇骨 一條條咁食 味道非常之好最後埋單$600都唔使真係超級超級抵仲有仲有佢會等你食完一碟先上一碟 呢樣野非常加分…查看更多

見到呢間野評價唔錯 今日第一次過嚟食 相當之有驚喜 一打開Menu 價錢方面其實唔算好平 人均消費應該飯類大約都要70-80 左右 如果你想帶串燒又或者其他小食就要再貴啲第一樣要講嘅係 花膠湯底粉皮大約68-78 蚊 我揀咗雞做餸就貴啲78蚊 但係啲雞真係幾滑 又唔會油膩 上邊仲有杞子 感覺好似好養生 另外湯底非常足料好飲 有大大嚿花膠喺度 絕對唔係淨係有個味 粉皮係類似腸粉形狀 會散開做一大塊 好滑身湯底除咗有濃郁嘅花膠味之外仲有杞子 女士們一定要試呢一個湯底啊 真係覺得滋陰養顏CP值極高！！！ 記住飲晒啲湯啊第二樣介紹嘅就係 四大天王飯 78蚊由於第一次嚟食又想試多啲嘢 就叫左呢個睇落好似多啲餸 見到網上邊好多人都係食綠色嘅班蘭飯 原本都想轉但係要加$15 貧苦嘅我就諗住下次先加啦 四大天王有四種餸 有雞 有辣既沙甸魚 有沙嗲醬嘅雜菜 同埋牛肉 有啲失望嘅係雞好少 同埋沙甸魚真係幾辣 唔食得辣嘅就唔好叫啦 我諗我下次都係會再嚟叫淨係有雞嘅斑蘭飯之後我哋加咗個班蘭蛋糕 15蚊其實門口出邊有好多小食個樣都非常之吸引而且價錢好平 我哋叫左個班蘭蛋糕試吓 質感其實就好似雪芳蛋糕 非常之鬆軟 有少少椰汁味 好好食 我諗我得閒經過都會買舊黎食 中伏小食最後我哋比完錢要走嘅時候喺門口係咁再睇啲小食 男朋友見到呢個椰汁絲糯米飯好似好吸引就買來試吓 價錢係$10原本好期待入邊應該係甜甜地嘅糯米飯 但係食落去發現冇乜味 而且非常之硬 攞起手都好重 同想像之中有啲出入 建議大家如果想試嘅話可以試其他小食 例如係粟米餅 又或者甜甜圈我見到都好似俾人賣晒 ：）…查看更多

呢間鋪頭嘅拉麵係即刻拉嘅 喺鋪面就會見到今日叫咗籠小籠包 香辣手撕雞拉麵 同埋豆沙鍋餅啲小籠包好大粒可以見到入邊啲湯 有五粒 入邊嘅餡都算多 啲皮都算薄 42蚊 好抵食 手撕雞拉麵唔記得咗影 但係我會話有好大陣麻醬味 類似係雞絲粉皮嗰隻麻醬 唔算辣 應該冇譚仔10小辣 所以唔食得辣嘅都可以叫食嗰時見到對面食嘅雲吞拉麵啲雲吞超級大粒 有五粒咁多 我諗下次都會試吓 最後叫咗個豆沙鍋餅做甜品不過有少少失望因為個外皮一啲都唔脆 果皮係比較口而且軟 不過應該都係啱啱整因為係好熱辣辣 而且等呢一個都等左15分鐘左右 …查看更多

用網上外賣平台嗌外賣 價錢好似貴啲 要71蚊 因為好想食口水雞 又見到啲人話呢間既涼粉好推介就買來試吓一送到過嚟 打開 嗰陣味好濃烈好香 睇落好似好辣 但係食落真係唔太辣 佢嘅小辣冇譚仔三小咁辣 所以大家可以衡量下 食得辣嘅可以叫辣啲 佢啲涼粉質地好滑同嗰啲辣汁撈埋一齊係絕配 涼粉下邊就有口水雞 口水雞都好滑 大約有 5-6舊 唯一缺點就係我覺得食涼粉好似唔太飽 飯應該會飽啲…查看更多

間野喺Mikiki 一田隔離2:30-5:30有下午茶食 價錢大約22-26蚊左右 配嘢飲有熱蘆薈茶或熱柚子茶揀 加10蚊有烏冬或者公仔麵我哋叫咗一個天婦羅餐一個壽司餐 一個加$10配公仔麵 一個加$10陪撈烏冬呢個係黑蒜油豬骨湯公仔麵 大約有半個公仔麵份量 細細碗 上面有幾舊豬腩肉份量預咗比較細 而面就比較淋少少 但整體都ok 天婦羅有兩條炸蝦 一個炸茄子 一個炸蟹柳一個炸南瓜兩條炸蝦非常之大而且炸得好鬆脆 炸茄子有一啲太油 炸蟹柳同炸南瓜都幾好食之後個壽司餐有六件壽司 26蚊 配熱柚子蜜加咗$10陪撈烏冬六件壽司不過不失白色嗰舊魷魚壽司最好食 26蚊 配埋嘢飲算好抵個撈烏冬我個人覺得味道比較淡 可以再多啲醬…查看更多

同男朋友慶祝生日 喺網上面睇到呢間嘢食幾好味而且有得係蛋糕上寫Happy birthday字 所以試下...我想講 我極力推介比大家！！！餐廳座位都鬆動 幾舒服我同男朋友嗌左個二人餐 有餐湯 有2個主菜 1個小食 同甜品嗌完之後就會有餐包送上嚟 （好似叫咩都會送 唔係跟呢個餐）啲餐包熱辣辣 牛角包好鬆軟 而且非常之好食 真係好驚喜 10/10跟住有餐湯 好似係蘑菇忌廉湯 好飲 係比較杰 飲完都有少少飽 7/10法式焗田螺 下邊有焗薯蓉 好好味 都幾大粒 9/10 意大利雲吞 不過不失 唔算太有驚喜 但都幾好食 略嫌啲汁有啲太夾 而且味道有啲似餐湯7/10牛腹膜柳 肉質唔錯 幾淋 幾好食 而且啲半菜都好好味平時我唔食南瓜都覺得OK 8/10最後生日蛋糕 檸檬芝士蛋糕 幾好味 食完上面好飽 細細地岩岩好 😋😋 8/10 …查看更多

online見到有人介紹 係尖沙咀新開 今日6點同男朋友去食 一人叫左船皇湯麵 一人叫左船皇撈麵加底 船麵有晒每樣餸 要自己簡麵 有4樣麵 我簡左金邊粉同蛋麵 感覺蛋麵好食d 個炸豬皮有驚喜 我第一次食 估唔到咁脆好好食 其他餸都幾好食 每樣餸有一個 價錢唔算貴 幾合理 但就咁食我地2個都唔係好夠飽 所以可能大食既要叫多d啦：）…查看更多