為食娜遊的個人專頁

叫🐼外賣，睇到難得新都城竟然開左檔車仔麵，入嚟睇下食評，見個個好評，值得試試。兩大碗麵都有分湯，熱辣辣即開動～魔鬼雞翼尖（辣度還可以接受、夠入味）豬大腸 （帶肥膏無清既）甜酸齋 （正常貨式）潮式滷肉 （超厚五花肉件，軟糯入口溶化，有3大件）沙嗲汁米粉底（正常水準，米粉有咬口、唔係淋治治會索曬啲湯個款）咖哩魷魚（入味爽口）咖哩魚蛋（用左陳皮魚蛋，彈牙）柱侯牛腩 （大大件、肉香入味，只係混左一嚿牛筋）魔鬼雞翼 （同雞翼尖一樣、唔會辣得過份）腩汁加少少辣油麵底（腩汁湯底不算濃）總括：食物好食，咁多款配料都處理得好，份量足，女仔胃口唔大會食唔曬，會再試堂食。終於有間唔錯既車仔麵舖係附近啦😁…查看更多

食左咩🤔💭韓式辣醬炸雞雞肉夠嫩滑，辣汁食落甜甜地但後勁好辣，好彩係另上可以按自己喜好加幾多。芝士醬鐵板上做到拉絲效果，但芝士味唔濃，建議趁熱盡快食💭煎餃子餃子炸得香脆出色，餡料唔算多，如果多啲就更好啦💭豚肉定食味道不錯，但豚肉片好嚡😅，飯稍硬，兩款泡菜都偏酸其他補充📝店鋪有望海景位夠曬賞心悅目，位置夠寬敞。特別想讚賞有一位外國藉侍應服務態度好好👍🏻會推介食物推介度💁🏻‍♀️（五粒心為滿分）-❤️🧡💛…查看更多

米芝蓮推介，十分邪惡但又十分好味，值得乖乖奉上Quota 。不好甜食既朋友都覺得好味，要再買黎食，就知道個威力😆店舖係轉角位，由於當日急住買，打電話落定order,店主照接單，按時間去到就拎超貼心食左咩🤔💭原味泡芙面層焦糖化做得好而且厚度十足，外層皮鬆脆，內餡雲呢拿幼滑、甜而不膩叫咩名 & 係邊樹🤔▶️Owl’s choux ▶️尖沙咀麼地道推介度💁🏻‍♀️（五粒心為滿分）-❤️🧡💛💚💙Follow IG📱na.foodie_tour…查看更多

天氣時熱時落雨，最好就係叫外賣舒舒服服宅在家慢慢歎。呢間泰菜外賣都可保持到水準，忍唔住食完再食👍🏻黃咖喱🐓雞肉咖喱唔會太辣，稍嫌香料味唔夠濃，反而配上既鮮雞件夠嫩滑鮮味，眾有加左唔少蔬菜。風味燒🐽豬頸肉 豬頸肉燒得焦香惹味，肉質爽口彈牙，肥瘦剛好唔會食完成口油，而且份量超多放左兩層。豬肉生菜🥬包免治豬肉肥瘦肉適中，醃得夠入味，調味香辣合適，酸辣醒胃。馬拉盞炒椰菜苗爆香既馬拉盞加上椰菜苗爽脆，香辣惹味，底層既菜因為浸住汁稍咸。鮮菠蘿🍍雞肉炒飯用上鮮菠蘿+雞肉等炒香，稍認為炒飯底味道較淡，可加多咖喱和薑黃既調味。泰式鮮蝦🦐炒金邊粉金邊粉用羅望子醬、椰糖、魚露等炒香，咸香中帶酸甜好開胃，炒得夠乾身鬆身，唔會油淋淋。泰式原味烤酥餅酥餅外賣黎到都keep到香酥脆，好香奶香味，但如果鍾意較酥軟質感既就未必覺得岩口味啦，因為真係好脆😆泰式蒜蓉包蒜蓉包同樣出色，入口依然外層脆卜卜、內裡軟熟，蒜香牛油香味兼備。💕歡迎FOLLOW IG📳na.foodie_tour…查看更多

因為雪糕拉麵既熱潮店舖排隊既人龍不斷，想食又唔想排隊既，可以係傍晚6點左右到就可以避開人潮。雪糕拉麵花生味🥜既雪糕配辛辣湯底味道出奇好夾，雪糕平衡左辣度，湯底更濃稠，炙燒過既豚肉肥瘦平均，覺得半熟蛋稍熟過頭，建議雪糕筒快手食，因為浸稔左就唔會想食。柚子雪糕拉麵期間限定款，🍊桔味雪糕配柚子湯底，好清新好岩係炎炎夏日食，桔味雪糕味道好出酸酸甜甜忍唔住就咁食左。有塊青檸，再唧既話就會偏酸，唔太好酸既話就唔好再加啦。其他補充以拉麵價錢黎講，性價比高，所以都經常食。除拉麵外亦有沾麵，海老沾麵滿滿櫻花蝦都好吸引，下次目標就係佢。小食方面就平平不錯，唔算有太大驚喜。💕歡迎FOLLOW IG📳na.foodie_tour…查看更多

馬來西亞菜式綜合由多國料理影響下創造出特別菜式，風味獨特，總會不時想起食返餐。一字骨肉骨茶肉骨茶中藥味夠濃，忍唔住一碗接一碗，飲完元氣滿滿。一字骨肉質未算嫩滑但熬得入味。辣死你媽配烤雞肶椰漿飯超香，帶有淡淡香葉味道，烤至乾身雞肶肉質有咬口，配上辛辣參巴醬，十分惹味。怡保肥仔芽菜每次都必點必清既菜式，怡保獨有芽菜清爽脆口，簡單配上胡椒豉油辟除青味，味道一流。椰香咖央多士塗得厚厚既咖央醬加上牛油，味道香濃，口感絲滑，麵包烘得剛好，味道比例做得好。其他補充尖沙咀鋪設計前部分酒吧X後部分餐室設計，面積頗大，食完飯直落飲返杯一條龍服務。…查看更多

以前係太子學車，必到附近食碗小窩米線醒神，今日滿心歡喜想再食，可惜原來已經結業。行前幾條街見到有間米線小店，即試試解嘴饞。雲南小鍋酸辣米線點左豬軟骨+鮮肉粟米餃兩個餸，各有三件。先講豬軟骨滷得軟糯入味，軟骨入口即溶。鮮肉粟米餃子皮厚薄適中，肉餡需唔算多，但紮實有鮮肉汁香，唔係普通叫貨貨式👍🏻不論米線、配菜炸醬、酸菜、芽菜量都好多，所以湯底平衡夠酸夠油脂香。蒜泥白肉不得不推介蓋滿手切新鮮蒜配上較厚五花肉片，肉香又有咬口，辣椒油炒得又夠香，集鮮香辣👍🏻其他補充餸菜款式多樣化共有40多款，除米線亦有涼皮或紅薯粉。店舖約40個座位，中午時段黎到，人流唔算太多，數位工作姐姐都有禮。…查看更多

去日本富山縣其中必食既名物黑拉麵，當中店舖更獲冠5次，所以係當地都好有名氣。大胃王黑醬油拉麵黑醬油湯底色澤深色，味道相對更加鹹而濃郁，此外再加入雞、貝類等熬製湯底，加添一份鮮味無咁單一只有鹹味道。叉燒較似豬肩肉，對比相片（似豬五花）差好遠，肉質有咬口但偏瘦，油脂味不足亦未算好嫩滑。肉汁滿滿餃子個名實在令到我太期待太幻想，餃子🥟尚算皮既厚薄、肉既份量麵適中，但唔會太驚喜，並無勁肉汁既效果。店鋪裝修門面有仿效日本原店設計，內在裝修亦好有日式感覺，再加掛滿日式燈籠🏮，滿滿日本FEEL，更不時有卡通聯乘推廣，早前melody就曾吸引唔少fans打卡捧場。留意店舖約廿個座位，晚市人流多時需要等位…查看更多

經過店舖門口，畫板上簡單寫住Specialty coffee，作為咖啡控既自然被吸引一嚐究竟。都有十多款咖啡選擇，當中有5款為自創款，當然唔飲咖啡既都亦有其他特色飲品，甚至cocktail都有。FRESH STREAM店舖自創款，用冷萃咖啡加上蜂蜜水、八角、Tabasco等，由於用左冷萃方法，所以咖啡已經大大減少左原來既酸和苦味，加上配搭用材味突出，反而似飲緊杯cocktail咁好特別。啡味較淡，如果一心想嘆咖啡香既就反而要揀其他啦。HOMEMADE BAGELBagel口感煙韌有嚼勁，混合左啲麥香帶有甜味，配搭牛油果足足有整個分量超多，不過就較生唔夠軟滑，炒蛋、沙律菜都無咩特別，整體唔算有驚喜。店舖約10多個座位，店員會介紹點享受所點既咖啡，亦不時和啡友交流傾咖啡經。難得鬧市中一個放鬆心情享受me time既地方。…查看更多

位於九龍城酥妃皇后，新派店鋪沿用傳統手法制作蛋撻，因368層酥皮出名。此外亦有很多款不同甜品，均獲好評。原味蛋撻難得買完蛋撻再行埋街返到屋企，先再焗熱食，超厚既蛋撻酥皮依然口感鬆化，層次分明，只是味道較淡，稍差一份牛油香。蛋漿份量多且好滑溜，但味道較淡無咩蛋味。其他補充店鋪有立食區，除蛋撻外、果撻、芝士撻、麻糬包、牛角包等，亦有原個蛋糕、入口外國雪條等，好多選擇。今次以$12一個蛋撻黎講，味道未乎合呢個價錢。…查看更多

講到香港地道美食，不得不提各區既熟食市場，不少臥虎藏龍的店舖阿華田醬西多士炸到金黃香脆，食到淡淡蛋香，夾心阿華田醬適量，配埋牛油糖醬都唔會好膩，再灑上朱古力可可米，口感更添樂趣，乖乖獻上Quota。炸豬扒米粉米粉同豬扒分開上，先講豬扒肉質厚實唔乾柴，炸漿薄身炸得酥脆，咬落卜卜脆，而且食落特別香，係加左少少蔥係炸漿度。米粉較粗有嚼口，唔會索水軟淋淋，當日揀左清湯，相信沙爹牛湯底會更出色，岩濃味既朋友。其他補充 九龍城熟食市場面積唔算大，只有數間店舖，中午2點左右黎到，只有兩間鋪開，已樂園範圍已佔據半個場，需排隊等候，但等約5分鐘左右就好快有位。難得咁忙碌，但各個店員都好有禮。…查看更多

朋友介紹黎呢到食lunch,同穴、天穴、鮨穴等同一集團，質素有保證。的確性價比不錯又坐得舒適。迷你雜錦魚生飯及天扶良配蕎麥麵天扶良即係天婦羅，粉漿夠薄，又保留到食品原本水份，口感香脆，炸物配上一口清涼蕎麥麵，超夾。另外眾有一碗細魚生飯都唔hea，魚生新鮮，鋪滿蟹子+三文魚子。銀鱈魚御膳套餐配埋前菜、沙律、茶碗蒸。銀鱈魚肉質幼滑，油脂美味。唯一可以再好啲就係碗飯較硬。照燒雞扒御膳雞皮炸得香脆不油膩，雞肉夠嫩滑，肉醃得入味，唔需要沾汁都好夠味。同樣地跟前菜、茶碗蒸。最後會送上甜品。…查看更多

家庭式經營，由日本師傅手作既飯糰，貨量唔會好多，買完再即整，確保質素。人手製作又唔會雪好耐，比起機製既自然更鬆軟昆布辛子明太子飯糰飯糰中混合左紫蘇、昆布、醬油，飯粒煙韌帶少少Q彈。餡料辛辣明太子量足且鹹香惹味。木魚絲吞拿魚飯糰吞拿魚量好多，但就相對較清淡無咩醬汁乾身少少麥茶選用日本直送茶葉，店員介紹呢款麥茶特別在於冇咖啡因，但茶味又夠香濃。喺入寶勒巷轉角位置，店鋪除飯糰、茶飲外，眾有其他特色飲品不妨一試。如想買既飯糰賣曬，可詢問店員可否安排師傅即時再包。…查看更多

今日假期懷住悠閑既心情，當然最好就係可以嘆杯咖啡撫慰心靈。煙三文魚牛油果配窩夫 窩夫淡淡麵粉原香味，外國式做法烤得酥脆有空氣感，而我地港式格仔餅則較多柔軟甜味。配上咸鮮煙三文魚+整整半個滑溜牛油果，滿足。配菜沙律用上黑醋汁，無咩酸味反而蜜糖比例應該較多甜味較出。另外紫椰菜本帶辛澀味，如再調整比例+切細絲少少會更好桂花黑咖啡 咖啡酸苦味道剛好，桂花香味突出，每口飲完都有淡淡桂花香味餘韻。巴斯克芝士蛋糕 $free(詳情睇其他補充）焦香外層但蛋糕仍柔軟綿密，入口即化，芝士味超香濃但又唔會過甜。店舖位於轉角位，空間感大，舒適悠閑，店員有禮。留意店舖下午7點就關門，當時我都已經6點多，心諗睇中左杯咖啡點都坐低品嘗下，快速食完就走。店員以為外賣包好曬，先知大家溝通誤會左，眾好好問要唔要轉返堂食，我拒絕左因為唔想咁麻煩又阻人收工，店家好好送左件巴斯克芝士蛋糕。…查看更多

熱門餃子店由港島終於開到黎九龍，梗係要試下啦～可惜最想食既黑白松露豬肉餃已經售罄，睇黎想試既話要早啲到。韭菜蝦皮豬肉餃配上海麵昆布湯餃子皮厚薄適中，食得出餃子餡係新鮮整的，韭菜新鮮帶辛辣、豬肉有鮮味+肉汁，唯獨食唔出蝦皮。上海麵煮得稍耐太稔且仍帶麵粉味，渾濁左昆布湯既清甜。招牌餃子貳號配烏冬昆布湯招牌餃子肉汁一樣好多，食得出有用酒味醃製。麵底揀烏冬較夾味，烏冬彈牙煙韌。餃子大阪燒設定左餃子款係蒜心豬肉餃，呢款餃最有驚喜，爽甜帶少少辣，配上大阪燒汁、美乃滋等，味道異常夾到。甘煮野菜與關冬煮做法異曲同工，蘿蔔、冬菇同樣軟稔入味，唯椰菜唔夠入味有青味後話：由於仍然係試業中，希望會再增多啲麵款/湯底/套餐，就更好啦…查看更多