choyyy的个人专页

今日再食餃里芹菜煎餃，對比之前食，少咗餡⋯⋯大家睇相就知道係好扁嘅餃，至少少咗1/3，同只係微微煎咗，好「林」⋯⋯而且餃子好淡味，微辣嘅撈麵就比之前就辣咗🤣之前佢係幾好食😅煎餃趁熱好食40幾蚊六隻餃子都唔係平，不過我覺得佢幾好食，而且近近地但係如果今日咁嘅質素，就真係好唔抵⋯⋯我見佢成日都好多人，如果即場叫，有時都要等幾耐⋯⋯希望佢只係今日失手，唔係hea咗😅大家睇幅相就知道全部都係好扁……😵‍💫…查看更多

今日去西灣河，終於買到金樺餅店蛋撻❤️仲有見到巨大化傳統西餅， 女店員教識我叫黃梅醬蛋糕🎂蛋撻真係好似人地講有蛋香味，曲奇皮放左兩個鐘先食都仲好鬆化👍🏻好少再見到呢啲西餅，而且真係好好食😋個蛋糕好鬆軟好香，cream好滑！我真係覺得好食過時興嘅戚風蛋糕🤭🤭加埋醬食，一啲都唔漏，想食多啖😋見到佢啱啱出咗泡芙，有天鵝造型好靚！店員話好好食架，個cream係自己打！不過今日已經買咗蛋糕同埋蛋撻，下次再去試吓先！…查看更多

收工返到鰂魚涌都9:30 pm，好多餐廳都已經收咗⋯⋯唔想食快餐店，就開OpenRice搵吓餐廳！好彩OpenRice見到呢間仲有得叫餐，見其他人都話幾好食，所以就試一試揀咗一個蕃茄洋蔥牛肉條拌麵，行到返屋企大概半個鐘，依然都仲係熱辣辣個牛肉好好味，炆得好淋好入味，食完個嘴係粘粘地架😋😋餐廳寫住唔落味精，食完的確唔口渴而且好開心佢可以揀羅漢果茶，好少餐廳會有，而且飲落真係好香羅漢果味❤️飲完覺得喉嚨舒服仲有餐廳個姨姨好好笑容，好有禮貌！之後都會想再幫襯…查看更多

經過見到新開餐廳，望望下，個staff有禮貌咁介紹下，就試下啦！依家佢做全單9折，原本$48的招牌去骨海南雞飯，計埋外賣加$1，收$44。午餐呢個價錢，包埋湯同野飲，算幾抵食！雞份量都唔少，油飯幾香，有齊香脆嘅花生同埋酸蘿蔔，好食喎！去左骨嘅海南雞食得好方便～(係有兩舊有少少粗血管，少少軟骨連住，如果清埋就更加好啦）湯幾好飲，仲有一隻雞腳俾埋，雖然我唔食😅😅檸檬茶有成四片檸檬，返到公司加多幾次水都仲有味😆食完都唔覺口乾，味道又幾好，會想再試下其他野～👍🏻…查看更多

又試新野！Lunch time 1點去到，有2個人等緊外賣，望左之前食評，所以我都叫羊燥飯試下先！我影左陣menu已經拎得，好快手！仲提我有紙包野飲送，可以旁邊雪櫃自己揀！行返公司7-8公鐘左右，天氣稍涼有毛毛雨，返到去仲係熱辣辣！一打開，覺得好香，驚喜係煎蛋係煎得好靚嘅太陽蛋，吉開個仲要係流心架起初擔心又孜然又羊，怕喺公司飯房食會好大陣味，不過放心，係好香，唔羶！羊燥有好多，啖啖都有羊燥送飯，而且佢係好濕潤，撈飯真心正！佢望落唔大碗，但食完都幾飽架！下次實再食！…查看更多

聽人講過呢間，但經過親都未食過～今日遲收工，想搵簡單又快嘅野食就諗起佢～ 如之前其他人食評所講，9點鐘唔駛排隊！老闆娘好好笑容，問清楚你芫茜，蔥，辣醬有無野唔要～三兩下手勢，好快就整好份北京烤鴨煎餅！入面好多料，一聞好香，烤鴨醬剛剛好，辣醬其實一啲都唔辣，加埋好惹味！我覺得入面都有幾多肉，食到啖啖都有肉，加上有青瓜，芫茜蔥，所以食落唔覺膩！入面仲有塊脆脆，咬落好有層次，所以大家都要襯熱食，否則可能會林晒～對於一個女仔，我覺得$38已經好夠，食到好飽😋…查看更多

佢地好有禮貌同耐性去介紹有咩好食～叫左三款野食同甜品！畀完錢，畀個號碼牌我，叫我15分鐘返黎，可以周圍行下鋪頭。叫左叻沙配薄餅，巴東雞柳飯同BABI湯豬扒湯麵，味道幾好，好好送飯！如果樣樣都可以揀配薄餅就好，因為將巴東雞柳個汁點薄餅覺得好好食！食完無口渴，唔係味精嘢！飯麵都係$3x-$4x送飲品，抵食呀！買左份班蘭椰汁糕，仲送多左份，有4舊，可以同爸媽一人一舊，仲多左舊可以share😋!如果椰汁味再重啲就更好，滑滑的，好味呀😍！…查看更多

又再到小老板買外賣，今次叫左水餃+麵，仲有小籠包！佢即叫即整，所以明白製作需時，每次order完，畀定錢後，我就會就行開下，十幾分鐘再返黎拎～平時趕就叫啲即有嘅煎鍋貼，生煎包，擔擔麵，同事話蔥油餅能抵又好味！今次見佢裝麵嘅外賣碗唔同左，重點係食落覺得仲好味過之前！覺得水餃皮滑左，粒粒食落滑滑的以前返到公司啲麵會痴埋一舊，依家條條分明，整碗麵更少左油膩感！碗麵$24有6隻餃，小籠包$22有5隻，仲有啲菜，真係好抵食！…查看更多

自發現了這間金寶餐廳，周不時無帶飯就去幫襯～好開心近兩次都見佢愈來愈多人去！唔得閒每次寫，但都好想再開心share佢地嘅正野！左上係今日前午餐外賣紅酒燴羊膝配意粉($45)，右下都係午餐－陳皮東瓜鴨腿湯飯($43)～只係四十幾蚊就可以享食到個好味嘅午餐包飲品，而且賣相又好，唔係頭其放！羊膝同鴨腿都炆林左，唔駛用刀，輕易就可以叉/夾到啲肉食～而且剛剛好，入味又唔un！之後講下下午茶，兩點就叫得～右上係pizza，熱辣辣，香噴噴，熱氣完飲返雪梨茶潤返($35)！之後左下係田園炒飯，簡簡單單，而且炒得好香，有啲菜粒，蛋，菇等等，好快就清左一碟飯！…查看更多

今日叫了個外賣「馳名無骨海南雞飯」，配油菜，油飯加飲品，盛惠$49。打開外賣，見到用左咁多盒，有點內疚⋯⋯除左放醬嘅，其他都係可重用嘅微波爐盒，我一定會洗返再用！講返野食，大家請睇相，咁多野食，有肉有菜，仲要好味！雞味道幾好，無雪藏味，而且無骨可以啖啖肉食！仲有啲花生，酸菜，好醒胃！以我女仔嘅胃口，真係超滿足！飲品都要讚下，可以揀杞子雪梨茶，好足料，見到雪梨粒同杞子，味道甜甜地又感覺好潤，暖暖地飲落好舒服！真心覺$49真係好抵！希望大家支持小店！題外話，老闆娘好忙，落單，樓面，收錢都係佢⋯⋯雖然好忙，但好好禮貌，仲叫我入鋪坐低等～！…查看更多

同事推介呢間新開嘅餐廳，所以特登帶埋男朋友一齊嚟食，真係好好食！下晝兩點嚟到，唔需要等位，侍應姨姨好有禮貌咁帶我地去卡位坐！佢12點半到2點半有套餐揀，揀一個主食加一個小菜就送一杯野飲～我哋揀咗厚切上海排骨菜飯、獅子頭菜飯，燻魚同埋同事叫我一定要食嘅生煎包！佢嘅上海排骨同出面有啲唔同，係煎香左嘅厚豬扒咁，食落有啲似豬頸肉咁～燻魚味道剛剛好，又唔會太乾或太硬～雖然話小食，但都有好幾舊！生煎包真係好好味，入面仲有湯汁！一定要試試！美中不足係同獅子頭無緣，等左差不多40分鐘都末黎⋯⋯我趕住回公司食唔到⋯⋯男朋友影左見到賣相幾靚，佢話幾好食～服務員禮貌好好，咁多野食，食到好飽都只係$111！下次會再encore!題外話，仲見到Oscar落鋪!!!…查看更多

收工唔知食咩好……行去西樓角搵食～之前 openrice 都見過呢間評語好就入去試下～餐牌寫住少鹽，少油，無味精！有選擇困難症嘅我，見佢推介紅酒燴牛尾，就揀佢啦～女侍應問我飲咩湯，慣咗叫紅湯，叫完先見好多人飲南瓜，早知試下～湯有好多蔬菜，真係一啲都唔油～之後牛尾黎啦！好入味，好好食！意粉撈埋汁食，食到少少香葉味～！紅蘿蔔有舊硬左啲，可能係後加～但其他都又林又入晒味！！成個餐有湯有野飲都係$58,好抵食！仲有個老細，見我又袋又遮，主動叫我可以放喺旁邊櫈～唔怕我阻佢位～雖然入去已經8:45pm，但枱枱都有人坐，仲一路有人入就知佢好食！…查看更多

慕名而來，如之前食評，得一位好後生男店員一腳踢～落 order，煮野食～叫咗總裁牛肉漢堡，還有男店員推介的黑糖奶茶！店員見天氣熱，問駛唔駛畀把風扇我～見佢入面煮得咁辛苦，都係留畀佢啦～好貼心～！漢堡包即叫即做，所以等咗陣，好豐富的餡料 (睇圖)，好好味！黑糖奶茶唔係加冰，而係雪凍嘅，剛剛好不太凍，而且甜度適中！少少美中不足係漢堡包係碟上，無紙包住或刀叉，但行完街手污糟唔想就咁拎…好彩有濕紙巾抹抹手先拎黎食～見好多人叫蛋餅，有個外國人添！不過我得一個人，食唔到咁多…唯有下次再黎試啦……查看更多

同男朋友慶祝，幸好今次星期六去竟然唔駛等位～午餐set lunch 大概$9x到$1xx～視乎主菜揀咩～包括左沙律，湯同餐飲！佢個沙律菜好新鮮，醬汁好好味～周打蜆肉湯都好正～可惜麵包凍左，有d硬。。。試左少少男朋友的黑松露意大利雲吞，伴住菠菜打的汁，幾好食！我就鐘意我個煎魚多d，煎到表面有dd脆，d魚好香好嫩滑！佢每個餸菜都放得好精緻～仲有，要讚下個店員好好服務！好有禮貌！而且不斷幫我地加水！以呢個價錢食到呢個質素，真係好值！…查看更多

見完網上一篇介紹香港的炸雞髀文章，忍唔住去丹麥餅店試下～下午五點幾去到，好快就可以買到～鋪頭的叔叔嬸嬸同客人有講有笑，小店難得的人情味！講返炸髀，打開紙袋係熱辣辣出煙，但唔會辣口，可以即刻大啖咬！佢真係可以形容為皮脆肉嫩，表面應該曬左少少鹽，特別惹味！只係$17！有圖有真相：…查看更多