MIKI.SuEt的个人专页

雖然疫情唔可以周圍去旅行，但係令我多咗時間去欣賞香港嘅Cafe今次去左呢間位於西環嘅lexcoffee令人有種置身於藝術館嘅感覺。枱與枱之間好闊落，坐得好舒服。店主將不少藝術品收藏都放到店內，包括Andy Warhol 、草間彌生、村上隆等✨可以一邊食嘢一邊欣賞藝術品🌟原隻波士頓龍蝦扁意粉🍝賣相一流😍靚到唔想破壞佢龍蝦🦞爽口彈牙，火候控制得好好，而意粉個汁令人好開胃。🌟Afternoon Tea Set 主題 Art To Life $368/2位（包兩杯Artsy Print 咖啡）打卡必備📸✨星夜的藝術打印咖啡✨村上隆花花打印咖啡每一件鹹點同甜點都好精緻🥰尤其是鹹點好好食甜點又唔會太甜，對女生來說份量剛剛好。唯一缺點係得星期一至五先有Afternoon Tea Set 😜…查看更多

成年幾無去台灣，超掛住台灣既打邊爐，所以就上網搵下有咩食到靚肉既台式邊爐，最後簡左犇殿古早味台灣火鍋。除咗食到台灣風味小食外，仲有高質靚肉，美國黑毛和牛、澳洲M7和牛任食，我地兩個牛魔王叫咗最貴嗰個套餐。6點嚟到，卡位仼坐，環境都乾淨舒適。90分鐘火鍋放題，肉類同海鮮可以掃code自助落單，而外邊就有蔬菜配料吧、飲品吧、自助醬料同甜品自取。甜品：任食Häagen-Dazs、MÖVENPICK。飲品櫃：汽水、茶、涼茶任飲。配料區：多款蔬菜、丸類，連羽衣甘藍都有。我地叫左鴛鴦鍋，一邊御膳麻辣鍋另一邊藥膳紅燒牛骨鍋。首先嚟左澳洲M7和牛同海鮮拼盤，賣相吸引適合打卡。海鮮拼盤配料豐富新鮮，有扇貝、鮑魚、蠔肉、蜆肉、蝦、墨魚。我們對火鍋配料好滿意，分別有澎湖墨魚滑、蝦滑、魚青滑、手工蛋餃、鴨血，仲有我最愛嘅白鱔片。另外仲有多款台式小食、滷肉飯、台灣腸，不能盡錄⋯⋯今次食得好滿足，人均300整體來講性價比好高，除咗有美國黑毛和牛、澳洲M7和牛任食外，仲有多款台灣直送配料同小食。雖然只得90分鐘但上菜速度非常快，落咗order 5分鐘左右就送到。另外，店員服務態度好好，成日有人收碟同睇下需唔需要加湯。…查看更多

入秋就好想食蟹!利寶閣推出大閘蟹放題 由10月7日至12月6日提供由日本直送嘅大閘蟹，大閘蟹放題+片皮鴨任食+每人一客鮑魚花菇及響螺花膠燉湯，甜品糖水都係任食。大閘蟹要寫紙落單，片皮鴨、甜品糖水同糯米飯自己出去自取。平時食大閘蟹通常都係清蒸，呢度就有凍食、清蒸、花雕蒸、鹽油焗四種煮法。落單後即時送上每人一客鮑魚花菇及響螺花膠燉湯。響螺花膠燉湯好足料，味道不錯。鮑魚燜得好入味，花菇味道不過不失。目測每隻三到四両，蟹膏甘香，蟹肉鮮甜，食多幾隻都會回本。大閘蟹的蟹心極度寒涼，食前先把蟹身上呈六角星星的蟹心除掉。個人比較推薦清蒸，可以食到原汁原味的大閘蟹。有專人切片皮鴨，食幾多拎幾多。另外，仲有甜品糖水自取。而家做緊網上預訂優惠，早2日經網上訂位，可額外享每位減$40優惠，最平$428就食到，詳情可以上佢哋網站睇。…查看更多

講到香港大型連鎖壽司店一定要試吓壽司郞！ 除咗壽司有質素外，價錢仲好親民， 難怪網上預約長期都full。我哋上網預約唔到，所以選擇閒日walk-in等位， 大概等20分鐘就入得。 (公眾假期星期六日等位，最少都要一個鐘)壽司郎環境同日本大型連鎖壽司店一樣， 有吧枱同卡位選擇。 入座後，店員遞上擺放口罩的膠袋以及消毒濕紙巾。日式抹茶粉醬油、堅魚汁、日本生薑平板點菜，另外可以拎輸送帶上的壽司。池魚壽司大拖羅中拖羅推薦！油甘魚壽司 $17油甘魚新鮮肥美，高質。推薦！吞拿魚魚茸壽司軍艦 $12推薦！ 火炙大大粒帆立貝 帆立貝新鮮厚肉， 推薦！三文魚壽司  除咗有刺身壽司之外，仲有唔少熟食選擇。推薦！茶碗蒸呢個茶碗蒸有驚喜！ 入邊好多海鮮好足料， 例如有帆立貝、鮮蝦、冬菇等。蛋壽司 $12炸雞軟骨 炸帆立貝粒軍艦壽司 $17芝士火炙三文魚壽司   松葉蟹兩味 $27可以一試！甜番薯 $12唔推薦大家叫甜番薯，同日本食完全唔同口感， 食得出甜番薯雪左好耐， 冇外脆內軟嘅口感。甜品呢個係壽司郎推介嘅甜品，但係我同老公都覺得唔係太好食， 口感有少少似雪糕，味道有少少似拖肥。總括而言，壽司郎質素認真唔錯， 我哋兩個人食到飽到食唔落，人均先百幾蚊。 如果大家經過，又唔洗點等位都可以入去食下。…查看更多

同老公好耐無拍拖食好野，所以返到香港食返個自助餐輕鬆下先。 最近係Facebook見到「讚好」Novotel Century Hong Kong Facebook專頁成為粉絲， 就有55折優惠真係勁抵，所以我哋都book咗位去試吓。香港諾富特世紀酒店位於灣仔地鐵站附近， 行路過去唔使5分鐘，真係方便。 餐廳環境闊落舒適，預先訂位唔駛搭枱， 枱與枱之間距離適中，唔會聽到隔離枱傾計咁尷尬。即開美國生蠔最正係有即開美國生蠔，蠔身形狀比較扁長， 蠔肉係中等飽滿，入口有海水鮮味。冰鎮海鮮大家可以主攻冰鎮海鮮， 有松葉蟹腳、凍蝦、青口、翡翠螺等， 特別推薦凍蝦同松葉蟹腳。凍蝦大大隻肉質鮮甜，而松葉蟹腳帶點微微咸既海水味， 唔會有霉既口感，肉質鮮味。除咗有海鮮生蠔之外， 仲有幾十款熱食，真係花多眼亂！手工窯烤pizza手工窯烤pizza真係唔錯， 有啲似佢之前喺澳洲小店食嘅手工Pizza，推薦！日式串燒另外，仲有日式串燒， 師傅即場燒到熱辣辣仲可以自己調味。精緻甜品最少有10幾款精緻甜品可以揀， 老公係甜點控食得好開心。 除咗有一系精緻甜品之外，仲有MÕVENPICK 雪糕， 食多幾個肯定回到本。其實三百蚊左右食到呢個質素真係好過食放題， 如果冇時間去旅行不如幫襯下香港酒店～…查看更多

同老公拍拖週年紀念，佢話要帶我去食韓國野慶祝，難得出港島區順便去西環拍下拖。今次佢book左銅鑼灣新開既柞木炭家，主打食韓牛同燒肉。餐廳裝潢行高級路線，座位好闊坐得好舒服，我地下午時間去食，餐廳無乜客人可以坐卡位。經過雪櫃，見到入面好多韓牛同和牛，全部都係真空空運嚟香港，燒肉質素有保證。一坐低，店員馬上放低幾碟小菜，分別有泡菜、茄子、芽菜等。重點推薦泡菜，跟我們在韓國吃的味道差不多，我地都refill左幾次。牛柳三文治 餐廳新開張有優惠，可以加$88食到牛柳三文治。最近成日係Ig見到呢個牛柳三文治真係好想食，今次趁有優惠一定要叫！真係好推薦呢個三文治，麵包夾住脆炸後既A4和牛中肉質最嫩的牛柳，入口麵包酥脆，滿滿的牛柳肉汁溢出，令人回味無窮。食完牛柳三文治，終於食主角燒肉啦！今次我地叫左三碟肉、一個飯。柞木甕醃牛肋骨 Prime Spare Rib $288店員推薦呢個柞木甕醃牛肋骨，話係銅鑼灣限定，所以我地叫左。牛肋骨預先醃製，肉質鮮嫩醬汁甜甜地，好好食。極上黑毛豬肩肉 $188我地鍾意食豬腩肉但係無奈腩肉實在太肥，正當糾纏之際，店員推薦我哋食極上黑毛豬肩肉，有少少肥肉又唔會太肥。極上黑毛豬肩肉是預先醃制的，醃料味道唔會蓋住豬味，包住生菜解膩又好食。最上等牛小排 $240無經醃製既牛小排，油脂分佈好平均，脂香肉嫩牛味濃郁。柞木韓牛飯 Hanwoo Rice $55牛肉碎、雞蛋上鋪了蔥花，味道同韓式撈飯差不多，不過叫得太多肉食唔晒。全程都有店員幫我地燒，唔怕燒得過火，真係好好食。本身仲以為食完燒肉會好大陣味，但呢度抽風系列超好，食完件衫無乜味，加分！…查看更多

大家都知成都是麻辣火鍋的故鄉，而當地數一數二的必吃餐廳一定有成都老碼頭份。成都老碼頭是當地的連鎖火鍋店，品質有保證，三年前食過後令我念念不忘。想不到香港都開了分店，無辣不歡的我當然要去朝聖。令人驚喜的是餐廳的裝修格局、招牌和醬料選擇都跟成都那邊是差不多的。我們點了鴛鴦湯底，紅油辣鍋可以選擇辣度（大、中、小），店員建議我們先試一試小辣，如果不夠辣再可以加辣加麻。鴛鴦湯底 （4/5）同行的友人不能吃太辣，所以點了鴛鴦湯底，如果全部人都吃辣，建議點紅油辣鍋。必點🌟極品鵝腸 （4/5）鵝腸很新鮮，入口爽脆，只需要淥10秒便可以吃。必點🌟瘋狂辣牛肉 （4/5）滿佈辣椒粉的辣牛肉，店員建議放在辣湯更好吃，它口感像滑牛，可能是加了辣椒粉感覺比普通牛肉更辣。必點🌟紫薯薯粉 （4/5）紫薯味的薯粉跟普通薯粉差不多，淥2分鐘已經好Q彈，薯粉配辣湯真係絕配！必點🌟鮮榨椰子汁（4/5）即叫即榨的椰子汁味道特別香濃，而且很解辣，難怪店員極力推薦，兩人喝一楂剛剛好。舌尖上的牛舌（3/5）牛舌夠新鮮，淥15秒啱啱好。老碼頭手打牛筋丸（3/5）不過不失！沒有令人驚豔的感覺，吃手打牛丸還是去潮汕火鍋店比較好。無論是環境、食物質素還是店員服務都十分好，特別係店員經常幫我地睇下個湯底有無痴底，服務非常好，值得一讚！…查看更多

新年新開始，今年團年飯決定同屋企人食自助餐慶祝。今次主題係龍蝦海鮮盛宴，啱晒一班鍾意食海鮮嘅親戚。自助菜式包括各式頭盤、沙律、熱葷、芝士拼盤、精選冰鎮海鮮、手握壽司及時令刺身。成人每位$438， 小童或長者 $238，提早定位仲有折扣，計返條數同喺出邊酒樓食飯差唔多，人多更可坐房仔，啱晒一家大細食團年飯。我地六點半嚟到，環境舒服位置闊落，坐得舒服。精選冰鎮海鮮每次食自助餐我都會由精選冰鎮海鮮開始，呢度既冰鎮海鮮有長腳蟹、青口、凍蝦等，refill速度很快，次次出去都拎到海鮮，唔會出現搶食情況。我最推薦係長腳蟹同凍蝦。長腳蟹的味道新鮮，有少少海水味，唔會死咸。凍蝦夠大隻好鮮甜。時令刺身時令刺身有三文魚、吞拿魚、希靈魚、紅鯛魚等，質素比日式放題好，唔會有雪味。即叫即煮牛扒牛扒是廚師即叫即煎的，牛扒煎得剛好配上洋蔥汁味道一流。迷你紅燒鮑魚花膠煲估唔到自助餐都有賀年小菜，呢個迷你紅燒鮑魚花膠煲連屋企既老人家都好滿意，同酒樓無太大分別。估唔到鮑魚有咁大隻，而且炆得好淋好入味。三色焗生蠔平時係出邊食焗蠔，隻蠔焗完都縮晒水好細粒，呢度既焗蠔完依然大大粒，仲好juicy值得一試。迷你刺身丼飯呢個迷你刺身丼飯有驚喜，刺身有帶子、鮮蝦、鮑魚，樣樣都好新鮮，而個飯得一啖仔唔會飽肚，大家一定要試！還有不能盡錄的美食，個人特別推薦沙律吧，有各式各樣的沙律菜。甜品區甜品選擇都算多，甜品都放喺雪櫃入邊睇中邊款可以叫服務員拎，感覺比一般酒店更衛生，個人特別推介cheese cake，芝士味濃烈！連Häagen-Dazs雪糕都是仼食的，每次都有兩種不同口味選擇，每天口味都不同。服務生的收碟速度快，而且態度很好，值得一讚。老實講，平時出去食高質小小嘅放題都要三百至四百蚊，環境仲無酒店咁好，今餐團年飯平均每人四百蚊左右真係好抵！…查看更多

一班朋友食飯，都離唔開放題、打邊爐、打冷同泰國菜，今次去左旺角兆萬9樓試下。朋友book左食第一個時段，唔洗同人迫同埋啲刺身新鮮啲。刺身拼盤一坐底，待應好細心咁問我地有咩刺身唔食，上左刺身拼盤比我地先。原來有訂座係有優惠，我地簡左磯燒松葉蟹蓋，估唔到放題都有磯燒。磯燒松葉蟹蓋日式和牛壽喜燒原來入座會送日式和牛壽喜燒，不過不失。黑松露帶子壽司帶子配黑松露，不錯！軟殻蟹手卷 & 海膽手卷軟殻蟹手卷好好食，軟殻蟹係剛炸起脆卜卜，手卷飯唔會太多，值得食！而海膽手卷就不過不失。燒牛舌 & 燒蝦串燒牛舌有驚喜！牛舌燒到好爽口，調味亦剛剛好，食到牛味。仲有好多野食，不能盡錄。總括嚟講，餐廳坐得舒服，待應都有禮貌。…查看更多

元朗出名多平價Omakase，我同朋友專程入去元朗食午餐，今次就揀咗呢間鮨一心。餐廳有吧枱同四人枱選擇，我地午市去到都冇乜人，所以揀咗坐吧枱，可以一邊食一邊望住師傅整壽司。前菜——吞拿魚 & 溫泉蛋 呢款日式溫泉蛋啫喱凍湯味道很特別，溫泉蛋有很濃的蛋味，令人一試難忘。我們點了十貫壽司午餐，由壽司師傅依照當天食材的新鮮到而決定有什麼壽司，每次吃廚師發辦都懷着一顆期待的心情。基本上，壽司師傅已經為壽司調味，所以不用沾鼓油，每次吃都有驚喜。鯖魚壽司有驚喜！平時食鯖魚壽司都會覺得有啲腥，但係呢度既鯖魚壽司完全冇腥味，反而食到鮮甜味道，可能因為食材新鮮嘅關係再加上師傅預先調味。甜蝦壽司甜蝦鮮甜，驚喜不大。三文魚籽軍艦三文魚籽軍艦超級新鮮，擺入口成咀都係鮮甜嘅味道，啲飯同紫菜中和左三文魚籽甜膩感。瀨尿蝦壽司第一次食瀨尿蝦壽司，估唔到瀨尿蝦都可以用來整壽司。瀨尿蝦壽司口感鮮甜多汁，加上師傅特別調製的醬汁，正。吞拿魚軍艦配醃蘿蔔吞拿魚茸非常肥美，而且份量十足。師傅可能怕吞拿魚茸太肥美會令人有油膩感，所以加上了特別醃製過的蘿蔔，即時消除油膩感。中拖羅壽司每次去日本旅行一定會食拖羅壽司，呢度嘅拖羅超級新鮮，拍得上喺日本食嘅拖羅壽司。拖羅隨着口腔的溫度溶化，滿口都是油脂香味，很懷念在日本大吃大喝的日子。海膽軍艦海膽軍艦鮮甜美味，令人念念不忘。十款壽司不能盡錄，食到最後還有熱湯和飯後甜品。平時食一次廚師發辦嘅晚餐都要四位數字，以400蚊的價錢可以吃到具有日本風味的omakase嘅午餐，真係物超所值。…查看更多

人越大，對食材的要求越高。 最近發現了這間吃西班牙菜/地中海菜的餐廳， 不但食材新鮮，而且大廚的手藝也不錯， 就是位於佐敦的 Chelsea Garden & Restaurant。 餐廳環境很舒服，窗口掛滿水種植物， 而且有分户外坐位和室內坐位。 Menu： 凱薩沙拉 $82 （+煙三文魚 $28) 沙律菜可以說是凱薩沙拉的靈魂，沙律菜十分新鮮， 配上特製的沙律汁，令人胃口大增。 講起西班牙菜，就一定要吃西班牙海鮮飯。 本來我們打算點普通的西班牙海鮮飯， 但店員極力推薦，龍蝦海鮮飯（也是西班牙海鮮飯，只是配料不同）， 價錢相差不多，所以我們就點了龍蝦海鮮飯。 龍蝦海鮮飯 $248 龍蝦海鮮飯跟傳統的 Seafood Paella都是用淺鍋上枱的， 配料有西班牙腸、海鮮如蟹肉、蜆肉、魚肉、八爪魚，還有龍蝦。 海鮮十分新鮮，完全沒有腥味， 料足味鮮，值得一試。 另外，我們點了一客牛扒。 店員很細心地幫我們安排先上龍蝦海鮮飯 再上牛扒。 燒美國牛肉眼扒伴煎烤牛肝菌 $308 我們點了五成熟的牛肉眼扒， 輕烤後的牛肝菌，味道更濃郁。 總括而言，這間餐廳的食材新鮮、環境安靜舒適， 很適合情侶約會、朋友聚餐。…查看更多

朋友話想食居酒屋，即時諗起尖沙咀既秋田浜燒，無去半年原來搬左舖位，不過好彩都好近舊舖，行多幾分鐘就到。睇睇Menu，好似唔同左，原來係加左串燒類別，價錢仲幾合理。有去過日本居酒屋既朋友一定會見過呢份野菜，其實生食椰菜真係幾特別。我地叫左少少三文魚刺生、燒生蠔、北海道魷魚筒同埋海鮮炒飯。燒生蠔 $45/1我地叫左四隻生蠔，本身以為生蠔係旁邊燒，原來唔係，有少少失望。生蠔都幾大隻，火候控制得幾好，燒得唔錯！三文魚刺生 $84/6件三文魚一半肥、一半瘦，正正常常！北海道魷魚筒 $88燒得好好食，加上佢地既秘制醬汁，好惹味！火候控制得好好！最後，我地食返個炒飯作結。人氣漁獲海鮮炒飯 $98炒飯炒得粒粒分明，配料有炒蛋、元貝、蝦同魚籽，兩個人分享剛剛好。總括來說，無論食物質素還是服務都是中上水平，不過如果有個爐係我地張枱度即時燒就好啦~下次會想試埋串燒！有下次！…查看更多

天氣凍，就好想打邊爐。朋友介紹咗一間好高質嘅打邊爐俾我，趁着假日同屋企人去咗佐敦呢間金撈老鴨刺身火鍋店。一坐低，店員拎左醬料架比我地自己調配醬汁。醬汁種類都幾多下，仲可以仼添。嚟到呢度梗係要食返餐廳既招牌菜——極品松茸老鴨湯底湯，飲完湯仲可以打邊爐。個湯底真係不得了，個湯好甜而鴨肉好新鮮，連我爸爸對食物咁有要求都讚不絕口。我地另外叫左啲火鍋配料都唔錯，重點要推薦大家一定要叫至尊牛三星、花膠筒同埋新鮮野生竹苼。至尊牛三星一上枱，賣相已經贏晒，個個都手機食先。牛既質素真係唔錯，雖然未去到入口即溶和牛既級數，但係真係好濃牛味好新鮮。最鍾意食就係呢個牛白肉，入口彈牙，好新鮮。花膠筒本身我好鍾意食花膠，但係平時打邊爐又懶得整，所以我特登叫咗個花膠筒。擺落去淥左一陣就食得，花膠給左鴨湯嘅味道，淡淡都係花膠味，正！新鮮野生竹苼店員推介我哋要叫竹苼，因為呢度嘅竹笙係特別好食。試完一啖之後，仲好食過譚仔，果然冇介紹錯。最後叫左個油麥菜作結，油麥菜都好新鮮，原來是本地菜，值得一讚！總括嚟講，人均2百蚊左右食到呢種咁高質素既打邊爐真係物超所值。…查看更多

同男朋友去旺角行街，想搵一間有情調的西餐廳飲下Cocktail食下飯，所以上網睇下附近有咩好食。見唔少人話呢度又chill 又浪漫，又真係幾正喎。餐廳燈光暗淡，環境好浪漫。我地分別叫左兩個set dinner，同兩杯特飲。是日餐湯 ——黑松露野菌是日餐湯——南瓜濃湯個人比較喜歡黑松露野菌湯，夠濃味。蕃茄蜆仔天使麵成餐最好食就係呢碟肉眼扒我地叫左五成熟，牛扒唔係一般貨色，牛肉味超級濃，值！最後食返個甜品作結～甜品——朱古力心太軟係旺角鬧市估唔到有間可以睇夜景既餐廳，而且食物質素不錯，值得推薦！不過餐廳的價位算是中上，大時大節食都不錯。…查看更多

朋友生日，諗住比個surprise佢，所以Book左 ATUM dessert 同佢慶祝生日。上到去，好多人等位，好彩預先book定位，等左一陣就可以入座。我地兩個人叫左 improvisation 席前甜品，可以叫甜品師幫我地寫 Happy birthday ~首先，甜品師先為我地送上清味蕾的welcome drink。飲品方面，我地叫左 Signature Fruit Tea 同埋Raspberry & Strawberry Tea。要開始畫個甜品畫啦，我地簡左黑色底紙。甜品師開始畫畫，係畫畫同時甜品師都會講解食材同埋分子雪糕既原理。不用十五分鐘，甜品師完成畫作了。甜品師十分Nice，幫我們拍下美美的照片。最後，飲品都到齊。Signature Fruit Tea 推薦大家一定要加錢叫呢個Signature Fruit Tea ，首先，係外觀上已經加左分，影相一流，而且入面有好多士多啤梨配上茶既味道，開胃之餘又無咁「溜」。今次呢餐生日飯，朋友成個過程都好enjoy，而且甜品師好Nice，全程都不斷講解甜品食材，仲會主動幫我地影相。十分推薦大家嚟呢度慶祝紀念日或朋友生日。…查看更多