Mandy_yan的個人專頁

當然唔係因為得手撕雞好食啦其他都唔錯唔錯 但係想表揚一下手撕雞呢個係一隻雞既份量 當上枱嘅時候，我哋見到嘩咁大碟 已經有啲震驚😂😂芝麻味 麻油味 啱啱好嘅海蜇 當然唔少得芫荽🌿隻雞非常滑 唔會覺得好難咬 啲肉好嫩第一眼真心覺得個底係配菜 點知係滿滿的雞肉啊 唔會好似出面個啲店咁 下面塞啲椰菜或者係其他係底(扮到好大碟咁)我比滿分💯介紹埋其他菜式比大家!! 雖然冇影相🤣🤣但全部都大大份 價錢合理我同啲朋友都好大食 但全部人都好飽 特別要講下蜜糖薯仔牛柳粒 肉唔會好難咬 薯仔，雖然唔係出面食嗰種 好趣嗰種 相反佢煮得好琳 幾鍾意呢個質感 比起出面嗰啲有少少唔同 但係好好食 OpenRice仲可以訂枱，勁方便！…查看更多

第一次試呢間自助形式嘅素食自助餐之前都有試過同類型嘅 今次係同屋企人一齊食食物嘅種類都好多 豆腐 蔬菜，都大概有成五至六款 同事會不斷拎啲熱嘅食物出嚟 菜式嘅款都好多 會唔同時段不斷轉 而且食物都好夠熱 一開始以為食齋，就可能冇咁好味 反而有好多嘢食想推介 我嘅第一位係Pizza 唔單止熱辣辣 仲要係芝心批😍😍完全係顛覆咗我對素食嘅世界觀 我唔到冇肉食嘅芝心批會咁正 雖然Pizza上面嘅配菜唔多 但係味道同普通Pizza有得比！第以為係mini西多士 脆卜卜😋😋😋加埋啲蜜糖 啱啱好 唔會太甜 又唔會太大件 有唔同類型嘅甜品 湯水 同沙律吧 仲有冷麵😋😋同生果 同屋企人食到攬住個肚走大概好似係食90分鐘 價錢唔太記得 🙈🙈不過印象中唔會好貴的 入面4人枱都好大張 坐得好舒服…查看更多

今次係我第一次喺呢間餐廳食 平時都好少喺海港城入邊食 因為價錢本身都比較貴 不過今次朋友介紹 話呢間好好食，所以就入咗嚟呢個係肉燥鹽酥雞飯 價錢好似大概係140-150$雖然價錢係比較貴少少 不過台式店黎講質素真係比起普通嘅偏高！ ！首先，肉燥飯 (相信大家去台灣都一定會食呢樣肥肉唔太多 比較淋身 就算有肥肉都係入口即溶個種 啲飯都好大碗 撈埋啲肉燥汁 😋😋要大讚一下鹽酥雞大家都見到，雖然唔係好多 但係每一件雞都好似糖心蛋咁大🤣🤣我都係第一次食咁大隻嘅鹽酥雞 通常都係細細粒 以為咁大舊一定會好柴 點知竟然一咬。。。入面竟然係滿滿的肉汁 唔會好硬 唔似係食雞胸嘅感覺 呢個真係值得一讚整體黎講 份量比較多 都好夠飽加埋杯台式珍珠奶茶，啱啱好 (少甜 珍珠嘅煙韌度剛剛好 而且唔會太細粒！ …查看更多

餐廳環境乾淨 整齊 舒服嘅餐牌價錢 合理 唔會話好貴 食物就出事啦本身係朋友推介我哋嚟食 。。。。 諗住第一次試吓應該都唔錯 開業咗一年左右 我哋揀咗一個1號同7號餐 首先1號餐 價錢算平 牛肉份量還可以 但味道好普通 同N年前食嘅吉_ _牛肉飯相比呢個更差 (聽講牛肉汁係日本師傅特製添)-.-“ 但個飯仲要好少汁7號餐 喺店舖推介嘅咖喱吉列豬扒飯咖喱偏向甜嘅味道 豬扒仲薄過隻手指又難咬 啲飯好硬身 雖然係珍珠米 另外咖喱飯一嚿薯仔都冇 剩係得咖喱汁另外仲會包兩杯熱嘅茶可一不可再 呢個價錢完全唔值 茶餐廳會更加好😂😂…查看更多

今次係第二次黎😙😙今次都幾有book位 另外仲訂咗個蛋糕 加左少少錢 兩個人大概$1400 星期日dinner buffet 雖然貴咗少少但係呢個價錢都值得等我介紹下啦 海鮮🦞係真係必食我地食左勁多轉 個日唔算太多人 唔使排隊攞生蠔😍😍我食左勁多轉 餐廳入面d同事都好nice有時見你拎住好多野就會幫你手拎翻埋位 海鮮分別有龍蝦 小龍蝦 麵包蟹 長腳蟹 青口 同大蝦 可以自己揀拎幾多 或者係拎邊一款 全部都好鮮甜😋😋😋😋呢part我比滿分❤️另外，刺身都有好多野食 三文魚同甜蝦仲有帶子係勁大件仲要好甜 又夠凍唔會出現溶冰既情況(之前係其他酒店有試過…-,-)天婦羅全部都係新鮮即刻整 仲要熱辣辣😋😋😋仲有好多款添我覺得最正係甜品🍮超多野食 雪糕任食😚😚😚仲要係movenpick 仲有一個開心果蛋糕超級無敵勁好味下次一定會再黎食…查看更多

今次要介紹嘅係一間喺佐敦好出名嘅麵包舖 相信大家應該都有聽過 終於比我哋買到啦（＾∇＾） 咁啱早幾日冇人排隊😭上次星期日去到見到有至少30幾個人排緊隊 條龍超長ಥ_ಥ我哋買咗一盒 入面有四個布甸麵包 一盒$60 價錢都還可以🙊不過真係值得一試 我哋買返嚟嘅時候唔係新鮮出爐所以已經凍哂 凍冰冰食嘅話會有啲硬 但係啲布甸都仲係咁好味🤤好似焦糖燉蛋咁 再滑身啲 仲有好香嘅焦糖味😚又好似好creamy既布甸😛我哋就將佢放咗入氣炸鍋 180度大概2分鐘左右 呢個溫度啱啱好🤩🤩 法包熱辣辣 即刻變返新鮮出爐嘅感覺*^O^* 啲布甸即刻變咗好留心 動L動L~~~~仲可以用匙羹食😗😗除咗氣炸鍋都仲可以放入焗爐㗎❤️經過佐敦嘅朋友或者油麻地都一定要試吓好似係有指定時間新鮮出爐㗎 不過就每日有限定數量!!!回頭率真係極高😋😋經過或者有機會一定要再買 超級好味(≧▽≦)呢個價錢其實都幾抵食…查看更多

我哋四個人叫咗兩個吉列牛定食 入面分別有 咖哩忌廉烏冬(可以揀雞肉或者牛肉)咁我哋梗係揀牛肉啦😋另外仲會有兩份吉列牛餐 每人一杯飲品 仲另外加咗一個雞軟骨餃子🥟 吉列牛定食係餐廳嘅推介之一 相信大部份人都係為咗呢個而過嚟食 咁店員拎過嚟嘅時候啲牛肉仲係生嘅 需要放上去鐵板上面燒 可以自己控制幾多成熟 如果已經有一層炸粉喺上面 燒熱左之後會更加香 我自己就鍾意大概6-7成熟 口感岩岩好唔會太硬 仲會有好多肉汁🤤另外，吉列牛定食入面仲有其他配菜 白飯同飯素(送飯好正)同麻醬車厘茄仲有凍豆腐 另外當然唔少得醬汁 其中一款我超級鍾意 芥末沙律醬 同吉列牛真係好夾😋😋 。另外仲有一樣大家都話必食嘅嘢 就係咖喱忌廉牛肉烏冬 烏冬食落去好似比起平時更加滑 不過味道就比較普通 忌廉同烏冬撈勻之後 好凍就會好似多咗啲汁咁 比較重咖喱味 烏冬入邊嘅牛肉 肉質就麻麻 比較難咬 要嚼好耐 另外入面都會有好多洋蔥 忌廉味唔算太重 比咖喱嘅味道冚晒 。仲有叫到雞軟骨餃子 🥟就係好普通嘅餃子 好似完全食唔到雞軟骨嘅感覺咁😂😂😂😂室內環境方面都唔錯 我哋四個人一台淨係可以用一個鐵板燒爐 (呢一方面有待改進 四個人用一個咁細嘅爐真係有啲難 開初我哋係以為因為多人所以先四個人用一個 但係其實唔係😂)當時餐廳大概先坐滿5/6成人 如果可以多一個爐用嘅話大家會方便好多 唔使輪住每次燒四五舊肉 去到最後價錢方面，我覺得呢個價錢係完全唔值嘅差唔多食咗$700幾 4個人都完全唔飽😂😂😂味道都一般唔算真係話特別好味 …查看更多

今次又係同h先生係新蒲崗搵嘢食🥳呢間餐廳比較遠少少唔近地鐵站 如果咁啱有巴士喺附近落會近啲😗 舖頭入面都唔算太大 算係一間小Cafe 不過入邊嘅裝修都幾靚 好文青feel~~ lunch time都比較多人食 都要等位!!-紐西蘭西冷扒(8安士) 配沙律薯條 價錢: $138(3/5分)⭐️⭐️⭐️ (可以升級黑松露薯條 + $5)今次餐湯係紅菜頭湯 另外仲配一份小沙律🥗我哋叫咗七成熟西冷扒🤤不過嚟到嘅時候就有少少失望ಥ_ಥ黎到好似well done咁(･_･; 所以肉質比較難咬 煎得太熟啦 入面都唔算太多肉汁 好乾身🙁🙁不過值得一提嘅係啲薯條(≧▽≦)黑松露薯條又熱又香 黑松露嘅味都好重😈😈薯條應該係即炸既 所以都等咗一陣先嚟到 拎上手熱辣辣 咬落去好脆😋😋正啊-黑松露蘑菇忌廉意粉 價錢: $78(2/5分)⭐️⭐️ 點解我要比咁低分 因為真係超級超級超級鹹🥲🥲🥲唔知係唔小心放得太多鹽定一時失手 定係點😂我哋兩個人都覺得好鹹 唔單只係重口味咁簡單 黑松露味都有味既 但真係鹹到好難食😂😂 份量本身已經唔多 一個人嚟講都覺得真係偏少ಥ_ಥ 2個人加埋大概200幾左右 覺得lunch黎講 加埋食物既質素真係完全唔值呢個價錢 兩個人食完都唔夠飽😟😟唔太推介呢間餐廳…查看更多

首先我係第一次食呢間餐廳 係屋企人訂位嘅 諗住試吓尖沙咀嘅酒店因為都好多優惠嘅咁啱有兩個屋企人生日 去到嘅時候都見到好多人嘅~~已經開始急不及待咁要攞嘢食啦 甜品，熟食，海鮮，刺身 ，燒烤，麵擋首先當一講海鮮先，款式唔多 而且一啲都唔新鮮好似放咗好耐 見到啲冰都好似好溶溶地。。有蝦有長腳蟹，仲有蜆同埋螺 食咗一轉之後就已經冇興趣再食 完全係唔鮮甜~~然後刺身簡直就係勁難食 三文魚每人淨係大概可以攞兩至三件 酒店嘅員工會即時切俾你 切得好好好細件 都不特只同爭鮮嘅三文魚係冇分別 完全唔新鮮唔好味 食咗三件三文魚即刻停手簡直就係災難 八爪魚都還好 另外仲有食咗蟹柳 都係啲唔吸引嘅刺身…….熟食方面，暫時覺得最好食係芝士煙肉焗生蠔同菠菜芝士焗生蠔 煙三文魚 燒肉 (然後有好多都唔吸引 蕃茄長通粉望落去乾爭爭 一啲都唔想夾 ) 今日嘅主題好似係花膠 冇幾樣嘢食入面都會有落到花膠。 另外燒烤都唔錯嘅 會有羊架 不過每次淨係可以攞一件 另外仲有牛柳粒 同雞翼 不過不失除此之外間唔中仲有片皮鴨 一個員工負責切 一個員工負責幫你加啲醬汁之後再低俾你每人淨係可以攞一份 每一次淨係可以有一舊 而當中嗰一舊 真係超級超級細 我分開左2次拎 兩次入面舊肉都係好細好細 淨係影咗一張相冇乜特別食buffet我最着緊嘅就係甜品！ ！ ！甜品簡直就係buffet嘅精華 點知我真係超失望難食到一個點。。。。。。花膠椰汁燉蛋 呢個係OK嘅 仲有一款好味你嘅葡撻都可以 然後重點係可以任食Mövenpick雪糕 味道都比較多選擇至於其他等我講解下 泡芙芝士蛋糕海綿蛋糕 全部都好似放咗好耐咁一啲都唔好味 好普通 另外仲有其中一個特別環節係有一個火焰朱古力海綿蛋糕會有師傅係八點幾嘅時候出嚟表演個蛋糕着火😂😂😂個蛋糕完全唔好食就係朱古力海綿蛋糕。。。。冇咩特別 同美心聖安娜差唔多…..仲有椰汁西米糕 (好硬 從來未試過咁難食-.-“)然後飲品方面有橙汁蘋果汁鮮奶同埋簡單嘅咖啡奶茶 洛神花茶紅茶員工服務態度好好嘅！ ！一直收碟 好勤力 都好有禮貌 ！不過呢間所謂嘅四星級酒店冇下次…查看更多

今次要介紹一間特別啲嘅餐廳俾大家💛自從冇得去旅行之後好似去邊度都係人多車多乜都多😂呢間餐廳唔單止係裝修靚又係黃店💛(歐陸風嘅裝修好似去咗旅行嘅感覺🍂🥺) 仲係鬧市中的寧靜 🍃🍂🍁呢間餐廳係好朋友介紹俾我架🤩講到咁好味梗係要試下啦!!餐廳入面有兩層 我地就坐喺二樓 上面嘅裝修全部都係歐陸風格🍂俾人一種好舒服嘅感覺 我同我既🐢🍯👧🏻已經瘋狂周圍影 嘻嘻 而餐湯方面每人會有一碗南瓜湯🎃(好滑 好香濃既南瓜味 入面仲會飲到南瓜蓉😚真係超級鍾意南瓜湯)(*¯︶¯*)-北海道龍蝦沙律牛角包🥐 價錢: $784/5分⭐️⭐️⭐️⭐️一開始仲以為個牛角包會好細 點知原來好大個 入面啲餡好滿 啖啖都會咬到龍蝦沙律🥗牛角包熱辣辣上到黎 又香牛油味◉‿◉又脆卜卜 一人一半啱啱好 另外仲會有啲沙律配菜 下午茶時段又唔驚食到太飽 都係一個唔錯嘅選擇!!呢個餐仲要係廚師推介㗎(⁎⁍̴̛ᴗ⁍̴̛⁎)-羅勒忌廉青醬炸雞長通粉 價錢: $884/5分⭐️⭐️⭐️⭐️呢個我自己特別鍾意(^-^)炸雞外面好酥脆 入面肉質好嫩滑 仲要炸得好靚 估唔到炸雞同長通粉都幾夾😂😂一開始仲以為會好怪 諗住試吓 青醬長通粉d忌廉汁 份量啱啱好 唔會太多又唔會太少 d醬汁比較濃稠 長通粉唔會好乾身 濕濕地又夠彈牙 真係好好味(˶‾᷄ ⁻̫ ‾᷅˵)意粉嘅份量方面就比較少 我哋兩個女仔好快就食晒🙊另外我哋叫咗兩杯嘢飲 一杯係污糟咖啡 另一杯係蜜桃烏龍茶 蜜桃烏龍茶就比較淡好淡嘅茶味 蜜桃味都唔重 比較清新 而相反污糟咖啡☕️就好濃☺️我地兩個都好鍾意 不過唔記得咗影相(笑)整體黎講,環境方面真係好舒服 坐到完全唔想走🙈見到有啲客人會喺度打卡 有啲會喺度做功課 當然唔少得喺度睇書啦📔放鬆下~~~呢度仲會有午市餐牌同下午茶餐牌㗎 冇記錯下午茶好似係2:30開始😋下次一定要再同h先生黎食😛(佢表示好想食但要返工冇得食😂😂❤️)旺角隱世咖啡店 -LIBERTY COFFEE AND WINE開店時間: 10:00 - 21:30星期五六日公眾假期: 10:00 - 10:00Booking&order: 6608 5231 📞📞🚩窩打老道33號 油麻地站A2出口大概3至5分鐘就到架啦…查看更多

今次終於可以食到冰心包😽今次都係喺新蒲崗買既(又係h先生買黎養肥我🐷)唔係成日都買到㗎 有時去到都唔見有 咁岩今次買到 呢款包分別會有三隻味原味,抹茶,焙茶而我最鍾意嘅一隻味就係焙茶(⁎⁍̴̛ᴗ⁍̴̛⁎)-原味冰心包 價錢$20 (4/5分)⭐️⭐️⭐️⭐️入面嘅餡係雲呢拿吉士忌廉 係用法國嘅忌廉同北海道煉乳去做嘅😋😋比較偏甜少少 入面嘅雲呢拿味好香濃 而個包都好鬆軟 記得食之前大概要解凍10分鐘 重點係一打開個包 入面啲餡就會多到爆曬出嚟 滿滿的餡(≧▽≦)-抹茶冰心包 價錢$24 (3/5分)⭐️⭐️⭐️“小山園”抹茶忌廉 綠茶嘅味道比較偏濃 鍾意食抹茶嘅應該會覺得好好味🥰我自己就覺得有少少少苦🙊 凍冰冰咁食 唔會覺得好膩 比較清新 -焙茶冰心包 價錢$24 (5/5分)⭐️⭐️⭐️⭐️⭐️入面嘅餡唔單止係多 啲忌廉仲要好幼滑🤤焙茶味既餡真係第一次食 真係好似食雪糕咁 甜甜哋 仲有好香濃嘅焙茶味 配埋個好軟熟既包 正啊一定要試吓!!!如果經過呢間麵包舖（＾ω＾）…查看更多

又黎到珍珠奶茶嘅日子啦 每個星期硬係要飲一次 😂😂今次揀咗歇腳亭 價錢都真係好平大概20幾蚊 已經有一大杯 我就揀咗普通嘅珍珠奶茶 味道都OK嘅 珍珠嘅口感好煙銀 唔會話好硬都唔會好淋以頭甜度我揀咗半糖 對我黎講就啱啱好 唔會太甜再加啲甜甜地嘅珍珠 咁就啱啱好啦 另一杯就係Double全家QQ奶茶 入面有好多唔同嘅材料 紅豆 椰果 珍珠 仲有仙草 好似仲有一樣不過唔記得咗 🤣🤣係布甸!!!!! 真係超級足料啊但係味道就比較普通 奶味就比較淡 茶味又唔會好重 不過價錢真係好平嘅…查看更多

首先真係要講一個我嘅不滿先 咁我哋兩個人去食啦等咗大概15分鐘 入到去嘅時候發現我哋張枱係另外擺出嚟嘅 係一個好迫嘅走廊位嗰度 然後隔離有一架垃圾車專放(大型灰色收垃圾盤嗰啲)我哋覺得嗰陣味一直飄過嚟 所以就有禮貌咁同職員反映左可唔可以轉第二個位 因為當時見到其他地方都有空位嘅可能未執枱 (咁我哋都可以着等一陣都冇所謂嘅)然後職員就好冇禮貌咁同我哋講 叫我哋出返去 唔坐就 出面重新攞飛 其實攞飛都唔緊要 但係個男職員態度真係好差不過我哋都照等大概35分鐘後 之後轉咗去第二張枱咁就算啦都冇所謂~~終於可以開始食嘢啦 咁第一轉就梗係叫刺身啦 雖然張枱細咗少少 不過都冇阻我哋食大餐嘅心情(⁎⁍̴̛ᴗ⁍̴̛⁎) 刺身都OK嘅 不過每一次叫嘅數量同埋嚟到上台嘅數量都唔同 另外漏單 錯單 情況都真係比較多 雖然價錢係大概$198 $200左右一個人 不過嘢食質素就冇以前咁好味 早幾年前真係好好味！ ！而家完全退步晒第二樣就係出面自己拎嘅冷盤 不別有少少海鮮同埋中華沙律嗰啲 完全係食一啖就已經唔想再食 海鮮唔新鮮就算啦 都估到嫁啦😂😂不過好似擺咗好耐連啲冰都溶埋 中華沙律都係啦 然後熟食方面壽司係OK嘅 雞翼都唔錯 但係有啲熟悉就好難食 仲有好多 手卷就真係好難食一啲都唔推介 難食到我相都無影ಥ_ಥ特別係海膽手卷 我同男朋友都覺得超難食！ ！ ！ 覺得幾特別嘅係牛角包應該係新出嘅之前都冇食過係留心牛角包 🥐迷你版 迷你版都唔係問題 重點係咬咗好多啖先食到流心奶黃😂😂😂個包已經係迷你版 大家可以想像下大概係10份一奶黃囉 另外全部都係包 差啲飽死 另外有一樣幾特別嘅甜品炸物 好似係椰汁炸波 好似芋圓波波咁 不過入邊變咗椰汁西米露味道都幾特別㗎( ´▽｀)羊架質素都唔錯 一定要親熱識如果唔係就好快會硬架啦 溫馨提示 張枱真係有啲細 如果你唔好彩坐左張mini二人枱 第一轉就唔好叫咁多嘢食 慢慢叫會比較好…查看更多

上次食完lunch之後 覺得太正決定要食多一次咁就外賣左返屋企因為差唔多10點冇得堂食(´Д` )大概好似都係$65左右 咁就叫咗腐皮角 多春魚 普通魚湯 炸醬 炸醬啲肉粒比較大 不過都好味嘅咁就比較重口味啲唔會好淡送米線食都好正魚湯比我想像中好飲 唔係一啖飲落去就好似味精湯咁咸 比較偏甜少少 今次啲酸菜都唔算太酸又係甜少少唔知係咪因為魚湯嘅關係 成個湯感覺清清地 我都幾鍾意❤️ 另外，腐皮角 都好好味 上邊有啲胡椒粉 食落好香浸一浸湯底仲正 今次再食多春魚同上次一樣 都係脆卜卜 又係連骨食都得 食米線最緊要一定係分湯上 咁先可以唔驚吸晒啲湯原汁原味…查看更多

今次係第一次試 咁就叫咗酸辣湯底 入面本身有少少炸醬芽菜仲有酸菜 咁我簡單講吓酸菜先 真係冇譚_咁好食嘅同埋唔夠酸 呢一點真係爭咁啲!!但係其他方面真係好好味同預期中有啲唔同有驚喜(≧▽≦) 湯底真係好出色 魚湯再加酸辣湯底嘅感覺 唔單止好開胃 都唔太辣 唔食得辣嘅朋友我覺得都可以試吓 另外仲叫咗豬軟骨同埋多春魚 兩樣餸雖然貴少少 大概$65左右 但係份量就真係唔少得啦😏😏一睇個碗就知道有幾大碗啦！ ！ ！我咁大食都覺得好飽😂😂份量真係好夠 多春魚係即刻炸 脆卜卜超好味 特別係多春魚個頭😍😍好正！ ！ ！雖然佢個外表可能唔係好靚唔算太吸引冇金黃色嘅皮 但係味道就真係一流 另外要再讚下嘅係 果醋豬軟骨 同平時食嗰啲豬軟骨有啲唔同 比較酸酸甜甜少少 🤏🏻再加埋酸辣湯底其實好開胃😋😋😋豬軟骨梗係要夠淋啦 呢一間嘅豬軟骨係真係超級淋😋下次一定要再試吓食其他嘢…查看更多