SHStayHungry的個人專頁

日日開會，放假終於可以唞一唞，好想食一份好飽肚嘅早餐同咖啡🤩見到上水廣場頂層重新裝修之後，開左間純白色嘅Café，望落環境寧靜舒適、光線充足，一於入去試試。呢度嘅All Day Breakfast同平時嘅模式有d唔同，幾地道、親民。首先有沙律、蕃茄、火腿、蛋、茄汁豆作為base，跟著就好似車仔麵咁有唔同款可以加上去。今次加左蛋沙律、Pan fried Potato、同埋我最愛嘅煙三文魚，味道唔錯，食材新鮮，份量亦足夠。另外，松露醬卡邦拿意粉，意粉份量大，有香濃嘅松露味道，食落好creamy，唔油膩，再配上少量嘅煙肉同蘑菇，好味。飲品叫左cold brew 同埋 More than Tea嘅花茶。Cold Brew嘅苦味較淡，有著濃厚的味道，口感柔滑甜美。至於花茶有玫瑰花、杞子、奇異果配上帶有薄荷味嘅茶包，味道好特別，每一杯飲嘅香氣同埋味道都唔同，酸甜滋味，飲落有舒服，有refresh嘅感覺。…查看更多

d人成日話元朗有好嘢食，但係次次想搵間可以同朋友聚下舊、傾下計嘅cafe，又搵唔到。點知最近比我係學校區附近搵到呢間有著工業風、好有格調嘅一間咖啡廳，即刻入黎試下🤩入到黎咖啡廳，我地揀左Creamy Black Aerated iced Long Black & Fruit Bomb - Mixed Fruits, Cold Brewed☕️呢杯long black上面加左層好幼滑嘅濃郁手打cream，令到本身帶著濃郁苦澀味嘅咖啡，有種溫柔嘅感覺，入口順滑，這樣嘅配搭令咖啡味道更有層次感。至於Fruit bomb，就非常適合唔鍾意苦澀味嘅咖啡嘅朋友，咖啡上面有層好綿嘅cream（泡泡），帶一點甜味。阿拉斯加蟹肉、虎蝦粉紅汁手打意大利麵🍝濃味嘅蟹肉醬汁加上彈牙嘅虎牙配成嘅黃色醬汁，再配上煙煙韌韌嘅手打意粉，嚼口之餘，更係視覺跟味覺嘅享受。魚子醬、煎法式鵝肝、牛油果 Purée、班戟、田園沙律🥞🥗講到味覺同視覺嘅享受，呢個鹹味嘅pancake亦係一個性價比極高嘅菜色。平時甜味嘅pancake食得多，但係將pancake配搭入口有彈性、質地細膩、色澤透明清亮嘅魚子醬 + 入口即化、細膩絲滑嘅鵝肝 + 果肉柔軟牛油果果泥呢個組合，就真係第一次食。當用牙齒壓碎顆粒飽滿嘅魚子及棉滑嘅鵝肝，極度鮮味嘅汁液喺口腔裏爆開，唇齒間隱約帶着新鮮嘅海鮮味，伴隨着淡淡嘅唇齒生香，令到簡單嘅pancake口感層次更加豐富，令人回味無窮。即焗法式蘋果批🥧、雪糕🍨呢個Apple Crumble Pie，又香又酥又鬆化嘅口感批皮，配上甜甜酸酸嘅蘋果+肉桂香餡料，再配上有雲呢拿籽嘅幼滑雪糕，冷熱交錯，令口感層次提升，更將味道昇華。…查看更多

又到聖誕🎅🏻～又到聖誕🎄個個聖誕都食聖誕大餐，當然我地都唔執輸啦，不過我地就衝出傳統📣食中式、食川菜🥳、食酸菜魚🐟🤤首先黎個冷盤藤香雞🐔，呢個睇落去平平無奇，外貌似醉雞，原來食落去大有來頭，雞肉嫩滑，食落感覺酥酥麻麻，會追著食嘅前菜。小食酸辣土豆絲🥔 酸辣可口，非常爽口，簡直係愈食愈開胃終於黎到重頭戲「酸菜魚」🤤揀左小辣嘅我地覺得真係好岩唔係好食得辣，但又好想挑戰食辣嘅朋友去食👍🏻魚肉用左鱸魚，嫩滑無骨，入口即溶，完全唔洗用任何牙力。重點係冇骨🦴😆岩曬我呢d會啃到骨嘅人食。再配上煙韌彈牙嘅薯粉、酸菜，將成個酸菜魚配合得恰到好處，兩個人食岩岩好。…查看更多

兩個人悶悶地行下行下見到有間日式小店，平時食開大集團，今次一於支持下小店。店鋪幾有日本🇯🇵feel，入到去嘅右面嘅牆有個富士山decoration，幾吸精🤩🥣麵豉湯嘅味道同平時其他餐廳嘅有d唔同，唔會好鹹，味道濃郁鮮味😋🥗日式沙律配搭柚子醬汁，好refreshing嘅開胃菜 🍢串燒分別有帆立貝：肉質鮮甜，裙邊燒到脆口雞皮：超級邪惡😈非常脆口，好好食🤤雞腎：有嚼勁🍤天婦羅亦都係本店嘅出色菜式之一有三隻大蝦🍤、南瓜🎃、番薯🍠、香菇、茄子🍆，即炸、超級脆口、一d都唔油膩，配合天婦羅+芝麻嘅sauce，將成個食物本質昇華。🍣刺身方面亦都整得非常有心思同氣派有日本北寄貝、油甘魚、油金魚腩、魷魚、三文魚，刺身質素係新鮮、清甜、爽口。呢間小店值得欣賞嘅係佢地用嘅碟，全部都好有靚、好有心思、好精緻🤩…查看更多

今日好想食啲健康啲嘅嘢，喺朗屏站附近見到依間舖頭轉飲燉湯養生湯，而家又落緊雨🌧️，就走咗入去試吓。睇咗餐牌見到燉湯🍲選擇都好多，唔同燉湯都有唔同嘅功效，我諗咗一陣就叫嘢食啦。🍲蟲草花旗參燉豬展湯，個湯飲落幾清甜，同老火湯係有啲分別嘅，燉湯個味道係更加出！咁佢料都好多，蟲草啊、花旗參啊、豬展啊，真係佢寫嘅都有喺度，飲落都有佢哋嘅味，咁真係燉出嚟唔係是但煲完再加啲餸落去！整體來講個湯都唔錯，飲完即刻覺得自己補咗！🦑土魷蒸肉餅，依個係飲任何湯加$20 ，就可以叫嘅。除咗個蒸餸佢仲會跟個蒸飯添！真心幾抵食。咁個肚有蒸肉餅都幾彈牙，🦑土魷估唔到都好多，整體來講唔算太油，真心抵讚！佢仲要好大塊， 又夠厚，但唔會好難先咬得到，所以真係唔錯！同時佢又跟多幾條菜🥬，整體來講其實都幾好感覺幾健康👍🏻。…查看更多

喺天水圍都唔係好多日本嘢可以選擇，今次就特登過嚟試吓呢間。兩個人都好肚餓所以就嗌左唔少嘢食。🍠紫心薯餅，即叫即炸，紫心番薯份量好多，好好食，咬落去好熱辣辣，紫心番薯甜甜地，成件事好好味。🐓炸雞軟骨，份量好多真係即叫即炸，脆卜卜好正！每一粒都好有咬口，又唔會硬到咬唔到，真係好正。驚你覺得太過油膩，所以旁邊都俾咗啲沙律菜你食，唔錯抵讚。🍠串燒甜番薯，一客有兩串，一啖一粒，食落幾香口，啱啱燒係唔同啲，食落仲要甜甜地，真係唔錯。🐖秘製豬軟骨手打烏冬🍜，首先講咗手打烏冬先，真係好彈牙，索哂豬完骨嘅味，真係好正。個秘製豬軟骨都好淋，食落去幾易咬，再加埋個秘製汁真係唔錯。🐖吉列豬扒定食🍱，跟咗個麵豉湯，唔會太鹹幾好飲。之後個豬扒唔會好厚，炸粉都唔算太多，新鮮炸起，所以好好食。點沙律醬同點豬扒醬係兩種唔同食法，建議大家都可以試吓，睇吓自己鍾意乜嘢。旁邊又係有啲沙律菜，抵讚。…查看更多

咁今晚唔知食咩好，想食撈薯粉，就黎左依到。咁就叫左個手撕雞麻醬紅薯粉撈，咁一黎到都覺得薯粉分量都好多。但係手撕雞就有啲少，而其他配料既分量都唔多，所以好似剩係得薯粉咁。如果佢可以多番啲料就好，食落都會覺得豐富啲。之後仲比左個麻醬我比我撈，咁撈落都好食既。係覺得如果料可以多啲就好。之後仲叫左個凍皮蛋豆腐，個汁都好味既，豆腐都有豆味，都幾大舊，分量都多既。之後上面既皮蛋都幾好食，成碟都唔錯。最後跟餐仲有杯茶，都可以解膩。…查看更多

一個人係尖沙咀，又唔係太肚餓，但又要食晚餐，就決定食鹽水雞。咁就叫左個一人份量 （鹽🧂水雞🐔+3個配菜： 蜂巢豆腐、甜不辣、鳳梨）要小辣。咁好彩小辣真係唔太辣，我仲接受到。佢小小辣咁令到成件事好開胃。咁佢都撈得好好，全部都有味。咁講番個雞，係幾多同幾好食，小小辣得黎又有咸味。另外3個配菜： 蜂巢豆腐、甜不辣、鳳梨，都係辣得黎又有啲咸，個鳳梨仲帶啲甜味。食落幾好味同開胃。佢成盒個份量都大，食左佢就真係可以頂左晚餐。…查看更多

咁有同事要走啦，為左farewell佢，就order左個蛋糕同佢farewell啦。我地叫左個士多啤梨🍓拿破崙，佢賣相真心靚。上面既水果好多。仲要個cake好大，我地分到好多份出黎。咁佢就唔係好甜既，我個人覺得係岩岩好，唔會甜到唔想食。仲要佢整得好脆，食得出都落左唔少牛油，但係又唔會話好油。加上佢有好多水果，士多啤梨，red berry, blue berry,食落好fresh,令到個cake唔會太甜。…查看更多

好耐無黎機場，真係好少人。咁因為送機所以黎左。咁唔知食咩之下見到太興就過左去。咁就叫左一個土魷肉餅飯，咁不過不失啦，食落都好食既。土魷唔多，個肉餅都幾大。食落就唔係好彈牙個種肉餅。飲量都多既，食個餐都夠飽。之後仲叫左一個牛肉麵。個湯就比較清，同出面既牛肉麵唔太一樣，平時食開濃啲😂咁牛肉都唔係咁多，得3片，食落都正正常常啦，唔太入味。麵就唔係話好彈牙，如果個湯有番多少少味，應該個麵會吸左湯，咁就好味啲。…查看更多

鮮芋鮮一向都好多人，今日難得唔洗點等位就入黎。兩個人就叫左依個大刨冰。一黎到真係嚇左嚇，好大碟。配料都好多！先講個雲妮拿雪糕，加左蕉糖，好好食！個冰都係因為個蕉糖所以好味左。之後雪糕溶左流左落去，都好正！之後芋圓又多，好好食，又甜。麻糬都有兩款，又係好正。布甸更加唔洗講，估唔到咁夾，一個雞蛋味，一個杏仁味，我自己好耐無食過杏仁味，食落估唔到咁好食，同個冰又係好夾。兩個人真係食一個就夠，真心好大份，晚餐都唔洗食。…查看更多

咁係荃灣想食生蠔，經過見到蠔吧有優惠，$10一隻生蠔，就走左入去。環境幾大，都好多係到。咁兩個人就叫左一打$10生蠔🦪咁一黎到，見到佢地都好大隻，食落都好fresh，加啲檸檬汁都幾正，帶出左佢地既鮮味。之後係黑松露菇薄餅🍕咁黑松露既味都幾出既，但好彩唔會太勁，唔會只係食到佢既味，同時都飯到芝士味。之後仲有個冬陰功海鮮意粉🍝咁唔係咁辣，幾好食，海鮮都多既，加上幾大碟，都好飽肚。下次想食生蠔都會黎。…查看更多

咁今日lunch hour係圓方，就搵下有咩好食啦，見到千兩有lunch set，就走左入去試下。舖頭都叫大，位置都好夠，所以坐得都好舒服。佢lunch set款式真係好多，我就叫左個珍壽司🍣烏冬定食。咁一睇之下分量唔算大，女仔就岩岩好既，男仔應該唔夠食。咁天婦羅係岩岩炸好，但唔太油，都幾脆，所以唔錯既。烏冬就正正常常，係個湯無味，好似水咁。壽司方便有5件，係個吞拿幾好食，整體都好鮮既，可能我太耐無食壽司，所以覺得唔錯。…查看更多

係元朗行街行到悶，想搵咖啡飲，又唔想去啲連鎖既舖頭，咁搵搵下就發現左依間小店Sora Cafe。雖然舖頭唔大，但都好闊落。疫情關係都有隔開枱同枱之間既距距離，咁都好多人係入面，所以我決定買走。咁佢都好多咖啡可以選擇，本身個人好鍾意飲americano，因為可以試到間coffee shop既豆係咩味。咁我就叫左杯americano。咁飲落係幾香幾濃，佢係fruity啲，咁係好飲既，一般唔飲開americano既人都應該會覺得幾易入口。…查看更多

成日食大集團嘅蛋糕，今次嚟啲新意，一於就食雪糕蛋糕啦！雪糕蛋糕可以選擇嘅店舖其實唔多，不過以最出名嘅來講，就應該係Häagen-Dazs佢啦！今次就揀咗呢一個『魔幻迷情雪糕蛋糕』🍦，就咁喺catalog度睇就真係幾靚嘅，不過現實版嘅佢就真係...有啲分別啦🙈呢個蛋糕外層呢就酸酸甜甜，外層有一層橙紅色嘅啫喱果醬，裏面就係以芒果雪糕為主，最內層嘅餡料就係以檸檬果醬打成嘅軟心。整體來講，味道係唔錯嘅，不過如果以呢個價錢，我會寧願買N個家庭裝雪糕作為生日蛋糕or生日禮物🎁😆…查看更多