elmoc的个人专页

前排都見到開左間新餐廳幾熱鬧，但一路未有機會試，今晚要係上水食飯就試試佢！！佢有一堆係已經配好哂嘅麵類，大部分都係雞麵，又或者喇沙海鮮咁，另一邊就係自選湯麵，類似車仔麵咁自己揀餸，連湯底都可以自己揀！一場黎到梗係試下佢最出名嘅醉香雞湯麵($48)喇一上枱陣芬芳嘅酒香味已經飄入個鼻度 即刻飲啖湯試下，個湯頭真係冇得頂，濃濃嘅酒味，甜甜地，藥膳湯底有啲紅棗當歸果d藥材味，好正呀，飲落覺得好補！ 鷄件超多，好滑好嫩，唔洗點豉油食落都好夠味，啲木耳好爽口，仲索哂個湯啲甜味！真材實料，$48大大碗真係好抵食。…查看更多

前排已經見到開左間新野，但未有機會試！見佢標榜住胡志明市最好味嘅越南粉，今日行過可能仲早，唔洗等位，無理由唔試試佢!!😁menu內麵食唔多選擇，主打全部都係牛肉粉，好快已經揀中左“錦麗生熟牛肉粉” 😋碗麵一黎到，先飲啖湯，好清好香呀！😍張枱仲有張紙教你點樣加埋啲芽菜、九層塔、青檸落去碗麵度！生牛雖然係薄片，但牛味好重唔韌。熟牛就係大大舊啖啖肉嘅牛腩，炆得好腍好入味！河粉索哂啲湯汁真係無得輸，另外要提嘅係牛肉份量多，食哂啲粉都仲有牛淨呀！👍🏻…查看更多

成記一路以黎都係我最鍾意嘅車仔麵店!!今次叫左油麵($10) 腐竹($6) 鴨腎($8) 豬腸($8)，$32食到飽飽，啲餸絕對唔係少！中辣配腩汁冇得輸，佢隻辣真係好好味，係出面唔會食到。腐竹索哂啲湯汁好正，又唔會太淋爛晒，仲有少少咬口 鴨腎豬腸入味，唔會韌！…查看更多

職員態度十分之有問題，冇禮貌之餘仲要黑面。夜晚啲食物係主餐牌要加錢先有野飲，加$12要左橙汁同凍檸茶。檸茶係正常滿一個玻璃杯嘅，但杯橙汁真係嚇死人，得半杯都唔知有冇，O左咀，唔講以為係人地飲淨!! 問佢點解得半杯，個侍應即刻黑面加反白眼咁拎走杯野，後尾另一個貌似高級啲嘅拎返黎話呢個係正常份量😯 下，真係冇expect過加成$12得半杯橙汁，拎出黎俾人都寒酸啦!!! 嬲到叫佢退話唔要，真係後悔冇影低比大家睇。一係你寫明份量係幾多，唔係你俾一滴都得架啦🙄…查看更多

七點左右黎到， 仲未係好多人，冇book枱都可以直接入座。$198+10%一個人，肉類選擇多，仲可以任食刺身，cp值都算高。一定要加$7要爐個張紙，可以任換，燒野食唔會痴底宜家like facebook加post相可以免費送海鮮拼盤，有蝦、蠔、扇貝...！啲蝦黎到啲腳仲係咁郁，要燒佢地好殘忍當日刺身有三文魚、甜蝦、泰式生蝦、北寄貝、希靈魚... 肉類選擇好多，牛豬雞羊魚，唔通部位樣樣有，腸仔都有幾款！熟食亦都ok，章魚燒好好味！！食完飲返碗雪耳糖水潤一潤，好滿足!…查看更多

想食辣野就試下呢間麻辣燙! 出面有兩個大雪櫃，啲食物$15/100g。其實好似車仔麵咁，鍾意食咩就夾咩，啲食物都係普通邊爐野。唔係話好肚餓，樣樣夾少少試下，夾左三粒丸、兩粒冬菇 、幾舊牛肚豬紅同少少菜，麵揀左火鍋粉(麵類大部分都係$12份，烏冬出錢一丁都$12其實有d貴)。連埋個盤磅，聽到佢話$56真係嚇一嚇 心諗少少野就五十幾，其實個盤都可能佔左唔少錢個麻辣湯底冇咩特別，普普通通咁啦，好油唔夠麻。火鍋粉其實係類似薯粉咁，但好闊扁身既，煙煙韌韌幾好食。睇落個碗就大，其實我啲餸好少，真心唔抵食，試一次就夠…查看更多

好耐冇打食評，但真係劣到忍唔住想講下。完全唔係好似之前其他人啲食評咁有好多選擇，我真係懷疑有冇去錯地方，點解可以爭咁遠？食物質素好一般，選擇又少，炸物炸到乾爭爭。熱食區得碗仔翅，甜品亦都唔見有啲人post出黎果啲泡芙、和菓子，得啫喱同個樣唔多吸引嘅一盒盒自己"筆"既雪糕。服務質素超級唔掂，掛住收其他野唔知係手既碟啲汁流到個客件衫，當你唔小心都算，比啲反應好冇？最尾竟然可以只係拎兩張紙巾黎比你抹咁大把。食左兩round已經唔想再食，提早離場，一定冇下次。 後悔冇影低相…查看更多

突然好想食台灣野但係上水好似無其他 就試下呢間喇滷肉飯 肥肉瘦肉比例一半一半 撈埋啲飯食落充滿油香味 味道少少甜啱啱好！女仔食份量ok嘅 男仔就可能唔夠 鹽酥雞$28 份量算幾多 炸得唔錯 不過就好似唔夠味咁 無咩特别晚餐主食選擇唔多 又無得加錢飲台式飲品 如果有多啲唔同餸嘅飯麵類就好！…查看更多

之前外賣過佢啲薯條 好好食 今次試下堂食！兩個人叫左蘑菇熱狗 芝士肉醬蜜糖腸意粉 芝士薯條！熱狗係是日精選 $22 個包烘熱左脆脆地 入面有好多片蘑菇加千島醬 正呀 意粉叮出黎就算係ok喇 蜜糖腸少少辣 好惹味薯條始終係粗薯條 薯味係有嘅 不過竟然無上次外賣咁正 可能因為杯載個surface area無咁大 啲芝士好似得面頭中間個堆有咁 ><…查看更多

係facebook見到minion個甜品杯好吸引即刻黎試下！cafe好闊落梳化好好坐 俾人好舒服嘅感覺order左芒果雪糕waffle $54都係有minion樣嫁 好cute!waffle即叫即整 所以都等左15-20mins左右未送出黎已經嗅到好香 上到枱熱辣辣食落都幾脆口幾有蛋味 略嫌燶左少少不過都係正評…查看更多

間唔中都會嚟食下早餐 價錢合理 味道ok佢嘅番茄穀飼牛米線幾吸引到我!呢個早餐（番茄穀飼牛米線+厚多士+煎雙蛋+熱飲）都係$32大大碗米線 番茄味唔算超濃但可以接受啦3舊牛腩 幾腍幾入味 米線就煮得耐咗少少 唔夠彈牙厚多士同煎雙蛋都正正常常有時食得太多茶餐廳個啲早餐呢個都係唔錯嘅選擇嘅！ …查看更多

經過見到個menu d甜品幾特別就試下10點黎到 等咗10分鐘到就有位都幾多選擇 選擇困難症又發作本身好想試佢個海底椰熱椰 不過今日真係太熱啦最尾揀咗小丸子凍椰 ($42)黎到有少少失望 無想像中咁大個椰皇 (影出嚟就大) 好彩味道ok!!!椰皇上面鋪滿小丸子 煙煙靱靱好好味最面個層就係薄薄一層椰汁沙冰咁 好重椰奶味好快就到jelly部分 透明嘅 應該就係椰皇水整左做jelly 都幾香幾彈牙椰皇入面d椰子肉好易刮到出來 唔會黐住D衣 食完個椰皇好乾淨! XD冬天再有機會經過呢度會試埋佢d熱椰！…查看更多

見到門口有好多人排隊 好彩我哋book咗位 去到就入得menu好多選擇 好多都好想食呀！！ 加上我哋2個人唔order得多 嚴重選擇困難症 最尾order左凱撒沙律、蒜香薯條、啖啖蟹肉炒飯、意大利雲吞配冬蔭功湯沙律、薯條正常啦 薯條個醬幾好味！！意大利雲吞配冬蔭功湯就有小小伏 一心諗住食意大利雲吞嫁嘛 點知原來係普通嘅鮮蝦雲吞冬蔭功湯ok啦 咸咗D不過值得推介嘅係啖啖蟹肉炒飯！！個名冇呃你 真係啖啖蟹肉 唧埋幾滴青檸汁真係好好味呀 D飯炒得乾身又有蟹味整體黎講唔錯 有下次仲會叫多D friends黎試多D嘢！！…查看更多

兩點零鐘黎到 唔洗等位 入去就有得坐搭枱坐不過都好闊落叫咗豬潤蛋公仔麵（$29）同蝦子雲吞撈（$40）厚切豬潤正到爆呀 煮得啱啱好 唔會熟到鞋哂有啲人好鍾意薑味嘅清香湯底 但呢度D湯底係無薑味嘅 啱晒我呢D唔好薑嘅人！蝦子麵D麵夠晒彈牙 好多蝦子 加埋啲蠔油 好好味 …查看更多

係附近諗緊lunch食咩好 行過見到D set好似幾抵食咁就入去試下好有日本D居酒屋feeld位嘅闊落 坐得好舒服order咗個『火炙三文魚飯』$42免加一，連前菜朋友就order咗燒雞扒番茄烏冬鍋 $44免加一三文魚飯黎先 極有驚喜 睇到個樣都流晒口水有成5,6塊燒得好靚嘅三文魚 上面仲有少少蒜蓉加埋個甜甜地嘅汁真係冇得輸！！朋友個個都好驚喜 燒雞扒個皮係脆架 仲有半隻溏心蛋  番茄湯底茄味道幾濃 個味幾特別 唔係平時食開嘅茄湯味埋單2個人$100都唔洗 真係好抵！！…查看更多