cmchan330的個人專頁

同女友食飯有個規矩 就係排多過10分鐘係晤會食既😂呢間德美壽司長時間好多人 我地每次見到都係蛇餅甘 今日天氣好凍 我地七點黎到 竟然無人排隊 甘梗係即刻食啦🤤🤤🤤 過多十分鐘 已經full house了😂今次真心好彩女友叫既三色丼 佢話好鮮甜好新鮮 我就無食到因為我叫左呢個😂 帶子要成$70幾 黎到覺得值非常厚肉 勁甜 🤤🤤🤤雞軟骨係我all time favourite 不過呢到有小小失色 份量比較少 但係炸得好鬆脆 都食得過壓軸有我既鰻魚飯 等左超過半小時 侍應好有禮貌解釋係即燒黎到非常香 鰻魚亦都係啖啖肉用既鰻魚汁晤算好濃 無死咸 帶到鰻魚本身既鮮味👍如果下次又晤洗排隊 我會再食😂…查看更多

女友話要去觀塘食漢堡包 我心諗又上工廈食？ 等lift等一世架喎 女友話呢間係地鋪 即刻安心啲觀塘夜晚比較難搵位泊車 各位車友繞多幾個圈啦 間餐廳係係一棟大廈入面 要留心啲先會見到😂餐廳設計行酒吧風 全部都係高枱高椅 有中文亦有英文menu 落單位姐姐英文普通話廣東話都溝通到😂😂👍👍勁食物種類晤算多 但足夠既 我地係細食type叫左classic moo, 肉醬薯條同埋水牛城雞翼 睇份量好似好少甘 但其實夠我地兩個食了先講classic moo 即制關係 個包係烘得好脆身另外牛肉都煎得好香 啖啖肉 好香牛味 但晤算厚切 特別係佢既特調汁 係辣辣地 配合埋整體個包好惹味好好食肉醬薯條係我今日favourite 雖然好難整得難食但佢都有落心機去整 有落到一啲辣粉係薯條上面 食落辣辣地好特別 另外肉醬芝士醬份量亦都控制得好好 晤會晤夠食 但又晤會過多令到個薯條淋哂👍 水牛城雞翼又係無得輸item 酸酸辣辣甘 好希望有碗飯😂另外仲叫左黑啤 呢到七點前有happy hour 我地過左 所以要$88 我自己覺得少少貴 埋單$225 高質食物 適合情侶黎chill下…查看更多

今日成八點半先番到寶林搵野食 又番番去我最愛既商場新都城 無他既 泊車優惠真係贏晒女友話想食車仔麵 見到呢間甘夜都仲有小小人龍 就走左去排隊 車仔麵流量快 等左五分鐘晤洗已經有位了呢到最出名一定係養生湯車仔麵有金蟲草野菌素湯同埋海南胡椒豬肚湯我地揀左前者 餸要左金菇 雞翼同埋牛丸為左晤好mix埋啲味道 雞翼係另上既 我影相先放左入去😂 湯底好清甜 雖然係素湯但係都好夠濃郁 女朋友係湯精同時係辣怪 佢今日竟然忍到手晤加辣👍雞翼炆得好入味 仲要大大隻👍👍👍糖心蛋係另叫既 $9隻 呢到個蛋做到入味 蛋黃都係啫喱狀👍👍👍 真係糖心另一碗叫左豬骨湯 呢到應該都係自己煲 無任何味精味夠晒濃郁👍 我試左舊蘿蔔無根亦都炆得夠淋 美中不足係無乜味 呢個魷魚係兒時回憶 之前街邊$0.5一條甘買😂呢到完全係個陣味 辣辣地好惹味 魷魚火喉都岩到 無un一咬就爛👍👍冷氣有小小凍 同埋枱同枱痴得比較貼 如果放少幾張枱會食得舒服啲😂…查看更多

今日上水收工 肚餓梗係食埋野先遠征番屋企啦😆😆😆月頭食好啲 見呢間門口有人群就試下啦😆😆😆最後發覺人群係隔離飲品店買一送一😅海鮮喇沙 足料👍 正宗地用左兩款麵 湯底飲完晤口渴雞翼有啲乾 同埋調味時間耐左 有啲偏咸見到枱枱都叫呢個豬扒 共有兩大塊甜甜地夠淋 好味啊👍半隻海南雞 肉質幾嫩滑👍 有好香既雞油味姐姐好老實 自己出去買就賣一送一 係裹面落單就menu price 甘梗係出去買 可以晤同款 收貴啲個杯 正常味道 奶蓋我覺得過厚 飲管飲晤到 芒果冰茶係用果漿開 我自己晤喜歡 不過十幾蚊一杯就無要求好了😉結尾黎個my favourite芒果糯米飯 呢到芒果選料ok 幾甜幾爽糯米飯都有濃濃椰汁味 唔夠可以自己加添埋單around $400 算性價比幾好 因為本身晤太喜歡米飯類 鐘意食餸否則見隔離枱每人一碟飯/麵 都係幾十蚊一個人啫 可以一試…查看更多

新都城算係將軍澳多野食，多選擇既商場同埋泊車優惠算抵👍👍消費$100一小時，$200二小時，$400三小時 所以我都成日黎開餐架😄今次食未食過既薈亞廚房 主打東南亞菜二人餐幾扺食因為想食海南雞，所以我地選擇左一$288既 set 拼盤三食 不過不失 比較好既係蝦餅係即炸冬陰功偏辣 雖然有四隻蝦但晤係新鮮貨 有啲畮炒介蘭份量幾大 無炒得好老 夠火喉👍海南雞飯份量大概係例牌 肉質嫩滑 食得過見做推廣 牛油烤魚$78 呢個有驚喜 魚超級滑 亦好香牛油味另外有包兩杯龍眼冰 晤好飲 超甜加有陣怪味希望餐廳可以有更多選擇 例如檸茶檸水我都好滿足埋單$400 晤算好平 但係都可以一試…查看更多

我早餐通常都食麵包為主 今次早餐揀左美心麵包 無他 因為某支付平台有得減三蚊 吸引左我地食佢地既麵包😂😂😂😂美心嘅袋裝麵包畀一個個麵包好 無甘食空氣feel 袋裝麵包由$14-$20蚊都有 份量夠食兩日本人favourite呢個糙米芝士包 大概係$17雖然糙米包無白麵包甘滑同鬆軟但呢一個包既好處係每一啖都好多芝士芝士選料都晤錯 係比較咸既一款 配埋無乜味既麵包 其實好夾😁 順便一提 早餐時候加幾蚊有一罐咖啡 啱晒我呢啲懶鬼ps美心麵包大概放到三日…查看更多

都好耐時間無幫襯過其他糖水鋪啦我至愛食榴槤類同埋芒果類既甜品 之前滿記，聰嫂係做得晤錯既！但紅左做耐左 我覺得佢地都hea做左😅😅今日黎到呢間好多好評既糖水鋪呢到環境好舒服 完全晤迫 又夠光猛 岩晒我地相機食先😂😂😂😂天荒地老榴槤摩天輪$42聽到個名已經即刻想叫啦😂😂😂呢個甜品有榴槤肉，榴槤冰同爆珠（忘記正確學名😂😂，食落好爽既西米）正常都係多冰少肉 不過呢到係相反既🤭🤭🤭🤭🤭榴槤肉係下面大大pat個個 食到最尾直頭覺得溜😂好耐無試過甘高質既甜品👍👍👍👍👍…查看更多

今日難得黎到銅鑼灣行街 即時諗起為食龍 openrice零負評 應該真係好好味呢到主打腐皮壽司 同埋 飯團！仲有啲日式set 選擇都幾多👍👍👍今次叫左三款腐皮壽司泡菜三文魚$18 調味幾好 三文魚份量足夠 啖啖肉甜蝦蟹子$20 兩個晤會輸既配搭 鮮味十足黑松露帶子$22 黑松露好香 帶子係厚切 扺食👍不過要留意有啲難夾起會散 所以食要小心啲另外飯團叫左糖心蛋 呢個只可以叫流心蛋 不過味道都幾好 係食得比較麻煩牛油果鰻魚 呢個配搭晤算好夾 下次晤會試燒左口魚邊 左口魚邊好有驚喜 食落好重油香 仲有淡淡檸檬調味 推介👍👍飯都係做得有啲散 食起上黎有啲麻煩…查看更多

深水埗真係好多好多好多平靚正既好野食❣️今日黎到新香園去食佢最出名既蛋牛治假期關係 今日要排隊呀😖😖😖😖炎炎夏日真係好痴線呀 等左大概半小時先有位 成身已經濕晒🙈🙈🙈黎得呢到 大部分既人都係叫佢既蛋牛治❣️呢到蛋牛治係會哄底 黎到既時間仲係熱辣辣裹面夾住既蛋係滑蛋同熟蛋之間 仍然食得出滑溜 但晤會過生 晤喜歡食生蛋既人都可以一試牛肉好重咸香味 配合埋雞蛋 味道岩岩好天氣實在太熱 忍晤住要叫杯冰凍既紅豆冰降降温 呢到既紅豆處理得幾好 每一粒都好夠冧 略嫌佢甜左少少同多冰左少少呢間鋪值得我再排隊幫襯…查看更多

朋友知道我呢排開始盡量選擇食白肉即刻推介佢屋企附近既太爺雞俾我 仲話包我滿足喎 要知道我你因為皮膚所以盡量介紅肉 但自肉又真係晤係到到調味做得好既然係朋友誠意推介 今日去開筲箕灣就過黎試下呢到最出名就梗係太爺雞飯啦 我今日都係試呢款 其實佢選擇都晤少 仲有飯同麵都有 都配合到唔同人既需要👍雞件好足料 我覺得大過例牌份量少少 我無叫到雞脾 因為想試下其他部位係咪一樣做到滑溜一試真係難忘 就算雞胸位都好滑溜調味亦都好足 入到落雞肉到 唯一美中不足係雞比較肥 晤能夠成為一個健康食物🤣🤣不過好味既野通常都晤健康架啦🤣…查看更多

工作需要成日都要周圍去 所以都俾到好多機會我周圍去試新食物❣️❣️今日黎到長洲 平時我會選擇食海鮮 因為性價比真係好高 但係今日獨食 食晤到甘多所以選擇左呢一間西餐廳 少東主試下先😆呢到牛餐選擇都幾多 意粉沙律飯都有價錢大概$50包熱飲 係正常餐廳價錢今日叫左B餐 Carbonara配溫泉蛋黎到既時候嚇左一跳 芝士多到好似座山甘🤣🤣🤣🤣 撈埋一齊食都晤算好滯 我都食得晒流心蛋處理得晤錯 蛋黃保持到岩岩熟既狀態意粉煮得偏硬 我自己覺得煮多三十秒會好啲下次來長洲都會想再黎😆…查看更多

華御結主打日本米造既飯團 性價比幾高 十幾蚊已經有一個 依家更加越開越多 專開係一啲車站同工廈既附近 係打工仔既福音❣️❣️❣️間晤中經過車站我都會買番舊黎食呢排發現新都城原來都開左一間佢選址係天橋附近 人流好多 有時都會要排隊俾錢 不過其他都散得好快 所以都ok既今次選擇我既all time favourite流心蛋飯團包裝好方便 三下就可以撕開黎食呢到既飯團係流心蛋晤係糖心蛋對我黎講食得有啲麻煩 驚整到周圍都係不過味道係好好既 飯團既日本米粒粒分明 調味甜甜地 同流心蛋好夾👍 下次會買番屋企食…查看更多

今日黎到太子做野 突然好想食韓國野韓國野其實我偏好去尖沙咀韓國街個邊貪個邊好多都係韓國人主理 食番地道既味道但今日真係要食快飯 晤能夠去尖沙咀食同事介紹呢間炑八都晤錯 好啦就試下啦呢到午餐其實都好多選擇 有粉絲 有石碢飯 有燒肉 有芝士麵等等 另外飲品都有啲特別野飲 例如韓國直送既罐裝飲品等等 切合到晤同人既需要👍👍👍👍今次叫左特級芝士泡菜五花肉韓式伴飯 $52同其他韓食店一樣 會有小菜提供 呢到有三款泡菜 青爪 同 芽菜 都好好味 食落晤咸 泡菜偏辣主角伴飯係鐵板上 上枱是鑊氣十足芝士泡菜一向係perfect match晤會輸既配搭五花肉分量都好多 調味都好適中👍…查看更多

深水埗出名多平靚正既食物今次黎到得到好多好評既合益泰小食食佢最出名既腸粉❣️❣️❣️一黎到係俾佢出面長長既人龍嚇親再望真啲其實係外賣條隊 堂食直入鋪頭就可以了呢到有五，六張大圓枱 搭枱係必須某啲位仲有啲迫會痴住另一枱客既今日食左大份腸粉 $16有8條好滑好滑好滑 不過要留意如果晤鐘意麻醬要早出聲 因為會預先落左係碟腸粉到甜醬，辣醬，芝麻就係自助既 放係枱面任加👍燒賣有驚喜 $12蚊三粒有啲偏貴我以為係最普通既麵粉燒賣 黎到原來係手工燒賣 裹面豬肉調味適中 肥瘦比例好 仲有好香芫茜味👍👍👍腸粉以外 燒賣都係一個不錯既選擇…查看更多

今日早左起身 距離番都時間尚早可以坐低靜靜甘嘆下早餐 迎接一個good morning 😂😂大埔出名多好野食 但要數性價比高一定非大埔墟熟食中心莫屬😍今日又黎到鴻發 係朋友介紹過黎試下佢開係成個中心最入既位置 未必好多人會留意到佢 但性價比確實高今日叫左早餐B $30雪菜肉絲米線配雞翼同埋腸仔另外仲有厚切牛油多士 再加熱飲呢到冷，熱飲係同價 成個街市得佢係甘😂份量黎講一個女仔食晤晒😂 只係$30蚊有甘既份量好扺味道中規中矩 晤會係天仙味道 醫飽肚先係main point嘛😊順帶一提 呢到早餐過十一點後 加一蚊都可以叫即係$31就可以解決到lunch 價錢合理👍…查看更多