ANTfoodies的个人专页

荃灣民豐粉麵行，呢間老字號已經屹立超過60年，最近因為佢哋嘅開心果糯米糍爆紅，成日排長龍！😍 小店位於荃灣街市街，環境簡單樸實，但糯米糍真是一個字：正！佢哋嘅糯米糍皮薄得似紙，煙韌Q彈，咬落一啖，餡料即刻爆出，滿口香甜，實在係幸福感爆棚！😊試咗招牌開心果同芝麻口味，開心果香濃得來唔膩，芝麻餡煎香後更添層次，$7一粒真心抵食！🌟 其他口味如花生、榛子同豆沙都各有風味，選擇多到令人想逐款試！😜 不過要留意，糯米糍每日限量發售，高峰期排隊可能要半小時以上，建議早少少去！🕒除咗糯米糍，佢哋嘅韭菜餅同水餃都好受歡迎，煎得香脆嘅韭菜餅同爆汁水餃都係街坊心頭好。服務態度親切，老闆同員工好有街坊情，雖然忙碌但總會同你講兩句，感覺好溫暖！🥰 如果你係糯米糍控，民豐絕對係必試之地，保證食完回味無窮！💖…查看更多

最近試咗東京好紅嘅雞白湯拉麵，簡直係味蕾嘅享受！🍜 湯底濃郁奶白，雞骨熬製數小時，入口滑順，帶有濃濃嘅雞香，唔會太膩，完美平衡！😋 麵條彈牙有嚼勁，有嫩滑雞肉同爽脆蔬菜，層次豐富。🌟 唯一小遺憾係湯底稍為鹹咗啲，但整體依然令人回味無窮！推介給鍾意濃湯拉麵嘅朋友，絕對值得一試！😍 餐廳環境充滿日式風情，木質裝潢溫暖簡約，燈光柔和，營造輕鬆舒適嘅用餐氣氛。🌲 店內乾淨企理，座位安排寬敞，無論係同朋友小聚定獨自品嚐都好適合。店員態度親切，服務效率高，上菜快又貼心。下次一定要試佢哋嘅麻辣雞白湯湯底，期待更多驚喜！…查看更多

第一次食文記係同事帶黎食，食過之後就真係念念不忘，有時去開深水埗都要整翻碗。今次揀咗米粉底，瑞士汁大辣。雞翼：係文記其中一款招牌餸，13蚊2隻好大隻，甜口嘅瑞士汁而且好入味。豬腸：軟淋入味而且清潔得好乾淨，一碗有7 8舊。蘿蔔：清甜無渣。西洋菜餃：係最深得我心嘅一款餸，每一粒餃子相當有份量，大大粒餃子入面包住豬肉餡同西洋菜粒，咬落去好清新而且西洋菜好甜，肉同菜嘅比例啱啱好。但係呢款餸唔係成日有，真係睇彩數。通常係冬天先會出現翻。…查看更多

今日心血來潮想食台灣野，就search下尖沙咀附近有咩食，見到呢間係openrice人氣不錯所以決定去試下，點知真係好失望。六點半左右入到餐廳，當時半滿，被安排坐係一張2人枱。滷肉飯 $28份量唔大，啱女仔食，男仔未必夠飽。滷肉肥瘦適中，啲汁亦都夠多，足夠撈曬成碗飯，係幾好食不過亦都係唯一一樣推介嘅野食。阿宏蔥油拌麵 $45呢個麵可以揀粗麵或者幼麵底，所以我地揀咗粗麵諗住可以掛汁啲。個麵上到枱就見到有啲蔥油係面要自己撈匀再食，試食第一啖，發現無乜味，以為未撈匀，再撈多幾下再試，都係無味。連蔥食陣味就濃少少但食完成個麵都唔太覺有味，好古怪。涼拌小黃瓜 $22酸酸甜甜咁的確係幾開胃，不過切得好細，上枱份量都好少，真係寧願俾多幾蚊食個滷肉飯。皮蛋豆腐 $38用嘅係超市賣個種一盒盒嘅即開豆腐，皮蛋得兩三件，都係無乜味道，可能係個汁唔夠多，好多時候都係就咁食白豆腐。另外想講係服務，由坐底到食完都無俾到水，我地仲以為要自己去拎。同埋食到最後個侍應走埋黎問係咪食完，我就答係諗住俾佢收走啲吉碗碟，點知佢將紙巾都掉埋入我碟皮蛋豆腐到收走埋，其實個豆腐係仲有三份一未食，其實佢見到仲有野食應該問清楚仲要唔要，好似好趕時間咁，但明明就無人等位，真係可一不可再。…查看更多

雞湯拉面 $98呢到嘅雞湯拉麵行是清淡路線，食完唔會太膩，我而且份量都非常足料，就算係大男生吃完整一碗都夠飽。拉麵有3件雞肉件2叉燒，店員提醒唔好將雞肉浸入湯裏面，原來係凍食的。雞湯沾麵 $138沾麵湯勁濃但一啲都唔會鹹，溏心蛋做得好出色，入味之餘非常流心。叉燒有火炙嘅香味，好香口，雞肉就非常之軟滑。沾麵麵質好掛湯，啖啖都食到濃濃嘅雞湯味，唯一缺點係個湯只係用普通嘅碗去裝，唔保温所以好快就凍。不過店員都好貼心，提醒可以幫手將個湯加翻熱。煎餃子(4件) $33餃子外皮香脆，煎得好有心機。不過只有4隻少咗啲。不過可能係平安夜呢晚比較忙嘅關係，上錯咗2次野食，希望下次再來呢個問題會改善翻。…查看更多