TimothyCheng2309的个人专页

每個星期一下午都會到觀塘成業街上興趣班，偶然一次在成運工業大厦三樓發現了這間隱世之味餐廳，吃了很多次，覺得他們的食品很有水準，味道亦相當不錯，價錢還很平民化，很鍾意飲他們的忌廉湯，老闆和夥記都很友善和很客氣，吃過他們的寶雲酥焗雞扒、鮮蝦卡邦尼意粉、沙丹大豬扒、內蒙法式烤羊架、皇牌焗豬扒意粉，還有德式脆皮咸豬手，味道都很好，雖然價錢並不貴，但食材並不是平價貨，絕不是將貨就價，還有他們不時會轉換菜式，令你很有新鮮感，值得推介各位前去一試！…查看更多

3-11-2022 晚上到荃灣接太太放工，就去了五龍薈食晚飯，之前聽友人說他們的花膠鮑魚雞煲很抵食，已經很想去試吓，不過在網上的食評又說他們的服務差，食物又不好，所以都有點擔心，我們大約7點到達，員工的態度相當友善有禮，坐下到埋單服務都很好，完全令人滿意，我們叫了花膠鮑魚雞煲、金沙南瓜脆蝦球和涼瓜枝竹炆斑頭腩，三樣餸菜都很好味，尤其是鮑魚不算細隻，花膠亦很大條，雖然蝦球和南瓜上蛋黃醬有點邪惡，不過真是很惹味，令人食後回味無窮，還送了西瓜給我們，埋單只是$345，我覺得真是非常超值！…查看更多

上完興趣班放學後，與同學一起到夢樂園進餐，因為鐘意佢食物味道好，價錢不貴，而且店主又親切好人，最緊要仲有可愛的貓貓招呼你，最喜愛食佢哋嘅風酥豬扒飯、風酥黑毛豬排骨和自家製的冬瓜茶，喜愛貓咪的朋友，必定要去試一試呀！…查看更多

今天在家突然想食點心，就上去網上外賣平台 睇吓有乜試吓，就係咁叫咗呢間江仔點心，叫咗 蝦餃、燒賣、雞扎、皮蛋瘦肉粥和粉果5樣嘢，價錢相當便宜，送到上門都唔使一佰元，由柯打到送到不用20分鐘，非常之快，不過蝦餃皮又厚又硬，燒賣口感很差，覺得唔新鮮，粉果淋 bet bet 怪怪哋，雞扎亦不好食，只有皮蛋瘦肉粥就似返碗粥，不過都唔係好味，啲瘦肉完全冇質感，整体來說就是將貨就價，價廉物差，只可一試，不能再有下次。…查看更多

今天早上到牛頭角金沙餐廳食早餐，一向覺得此餐廳的食品水準不差，但中途發覺水吧的師傅，竟然在現今疫症流行的情况下，沒有配戴口罩就為客人製做食物，之後更在水吧内吸煙，真的嚇我一跳，這種自私自利的行為，真的很難接受，决定以後不再惠顧此餐廳。…查看更多

呢間酒樓都開咗一段時間，但係都係鬧鬧交交，服務真係好差，點咗啲餸冇，又唔同你講，等你等極佢都唔嚟，追佢佢先至話比你聽，呢樣餸冇，嗰樣餸冇， 但到找數冇上嘅餸佢又照收你錢喎 ! 如果冇睇清楚咪比佢 收多咗錢都唔知，真係對佢好失望 !…查看更多