helenlam_的个人专页

辣癮起好想食酸辣粉！今次就去咗試遇見小面，貪佢夠晒抵食，夠酸夠辣之餘，味道好正宗，薯粉都好煙韌啱啱好！除咗酸辣粉之外，都叫咗招牌小鍋冒菜，好似個迷你打邊爐咁，叫咗醬香滷牛肉，好足料，丸子同滷蛋好入味～ 仲叫左好多款串燒，最鍾意爆漿豆腐串，外脆內軟，旋風大麵筋相對就更加有咬口，大草原羊肉串 肥瘦均勻咩都有 加埋孜然粉同辣粉好惹味～🥢遇見小麵（荃新天地店）📍 地址：楊屋道 1 號荃新天地一期地下 G30, G32 & G36 號舖 （中庭花園）…查看更多

又到糧尾，梗係要發掘下啲 CP 值高嘅餐廳！之前聽朋友講過呢間遇見小麵，話係內地連鎖品牌，味道幾好又抵食，點可以唔嚟 Try Try 佢！今次就叫咗 2 個主食 + 2 款小食一齊 Share，本身以為應該啱啱好，點知 2 個都食到捧住個肚出門口🤣！安格斯肥牛小鍋冒菜 🐂喜辣者必點！一整鍋熱辣辣端上枱，陣陣辣香非常吸引，而且肉眼可見超足料，除咗滿滿牛肉之外，仲有大量豆皮、寬粉、金菇等超吸汁配料，撈埋彈牙嘅薯粉一齊食，超滿足！軟骨丸子陽光番茄湯麵🍅男朋友係茄湯控🤣！就點咗個湯麵，又係大大碗勁抵食，酸香嘅湯底同脆口嘅軟骨丸子好夾，不知不覺就食晒，仲配咗好多青菜，減脂期都可以放心食！鍋巴土豆可以揀辣或者唔辣，熱辣辣好香口，配埋茄汁食好開胃！酥脆雞排今次揀左蜜糖芥末味，食落好有驚喜，咬落外脆內嫩又惹味，如果唔係太飽真係想 Encore！跟餐仲有 1 人一杯凍檸茶，飲落甜度啱啱好，非常解辣消滯！📍遇見小麵 (MOKO新世紀廣場) 旺角太子道西 193 號 MOKO 新世紀廣場 3 樓 345 號舖 （港鐵太子站 B2 出口, 港鐵旺角站 B3 出口, 港鐵旺角東站 D 出口）⏰營業時間 : Mon - Sun 11:00 - 22:00…查看更多

🍽 MojoBistro (中環)👍🏻Salad Bar $108有沙律、炸物、甜品款式豐富🤩泰式木瓜沙律、香芒蝦仁有驚喜👍🏻法式油封鴨腿 +$88鴨腿外脆肉腍，配上酸甜櫻桃醬可以中和返鴨腿既油膩感🍒👍🏻澳洲頂級穀飼封門柳 +$138牛味濃，肉質有咬口配上蔬菜及薯蓉伴黑胡椒汁🥔👍🏻蘑菇忌廉湯湯底香濃，口感豐富入邊仲有粒粒蘑菇🍄‍🟫👍🏻檸檬茶👍🏻菠蘿汁💁🏻‍♀️環境舒服，有情調食物質素好，又豐富ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ📍：中環砵甸乍街 45 號The Steps ‧ H Code 2 樓砵甸乍街45號The Steps ‧ H Code 2樓…查看更多

OT 嘅夜晚，梗係要食返啲Comfort food！今次就同男朋友嚟咗Book Mark咗好耐嘅Pizza Maru，之前次次經過都要排隊，一直都冇機會試🥺，今次趁佢差唔多last order 無咩人，秒衝入去😹.望完餐牌覺得全部都好吸引，但因為得 2 個人，今次就叫住一個Pizza、一個意粉，再加兩杯嘢飲先！唔好以為好少啊，食到肚都突埋！.🥩韓國烤肉芝加哥🥩食肉控必點，真系好足料！牛小排一啲都唔韌，好Juicy，配埋番茄汁同辣肉腸食，唔會太油膩又好滿足！不得不提佢哋招牌pizza批邊，用咗 3 款芝士加埋糖霜，甜甜哋超好味，而且同配料都好夾，唔係講笑，我一個人食咗三嚿😹。.🍝至尊熱狗意粉🍝男朋友就鍾意呢個意粉多啲，話蕃茄汁超開胃，酸酸甜甜，配埋羅勒葉好fresh！入面仲要有好多唔同嘅蔬菜配料，好似橄欖、蘑菇片同芝士碎，仲有大大條法蘭克福腸，正啊！埋單食咗五百幾蚊，唔算特別平！如果叫多幾個朋友嚟一齊share，叫多幾款嘢食應該會抵啲！會 Encore❤️…查看更多

十二月適逢聖誕又生日，梗係唔執輸試下新菜式啦！老友比驚喜，帶左我去食想試好耐嘅鐵板燒聽講師傅手勢一流之外，仲性價比唔錯，唔講咁多一於睇睇有咩食先.前菜係安康魚肝，入口即化，配埋微酸醬汁非常醒胃.北海道帶子煎到啱啱好，外層微微焦香，入口無比嫩滑鮮甜.魚皮煎到脆卜卜，同香甜南瓜汁超夾，配埋辛香嘅秋葵，味道層次十分豐富！.對於海鮮控嚟講，唔會抵受到龍蝦嘅誘惑🦞！蝦肉彈牙，簡單用海鹽調味，已經好鮮美，食完即刻想再嗌多隻.脂香十足嘅鵝肝係我最近新寵，配埋酸酸地嘅青蘋果同多士一齊食，滿足感爆棚又唔會過份油膩！.呢個價錢嚟講，食材靚，師傅手藝高，環境舒服，服務又好，我覺得都無咩需要挑剔啦…查看更多

生日月飯局多，又係時候周圍發掘新美食！喺 社交平台見到呢間被稱為「隱世美味」嘅韓國菜梗係要帶埋朋友嚟試試係廣告定真美味啦.魚糕湯係我食韓餐必點菜式趁天氣凍凍地，飲返碗熱辣辣嘅湯，簡直係人間美味！第一次見有咁多海鮮嘅魚糕湯，飲落好鮮味而且辣度恰到好處，不知不覺間已經空盤。.同行朋友就係水冷麵打手，話襯燒酒一絕食落都幾爽口，湯汁辣辣哋配埋青瓜絲，好解膩.煎蛋捲幾乎見到每台都有叫蛋香味十足，而且熟嘅程度恰到好處外面微脆，內裡香滑，食落好滿足.叫咗燒酒同 Highball，個人覺得飲燒酒就好！同場見到幾乎9 成都係韓國人，配埋 high 爆韓國音樂，一秒夢回韓國！…查看更多

同同事食 Farewell 飯聽講呢間泰菜長期大排長龍滿心期待諗住試試結果換來些許失望.首先可能因為午市時間，餐牌選擇比較少碰巧同事都不太食辣，於是揀咗幾款招牌炒飯炒河，另外都叫咗招牌金麵與飲品.泰式蟹肉炒飯個人覺得晤太夠獲氣而且未到偏清淡，如果唔點附送嘅辣椒汁就係平平無奇嘅炒飯.泰式炒金邊粉份量較少、但海鮮份量足夠有 4 隻大蝦可供分享，擠上青檸汁味道都不錯但略顯油膩.泰式飲品：青檸梳打、泰式奶茶兩個極端，一個太甜一個太酸可隨個人喜好選擇另外都有酒精飲品…查看更多

Weekend 經過太子，朋友話想食西餐，見呢間Divine119 門口裝飾都幾靚，Lunch Set 又唔貴一於入去試試😎，原來係法式 Fusion 菜🇫🇷。叫咗個煙燻西班牙豬鞍加前菜同洋蔥湯，$100 都唔洗！再加多左個望落幾 Fun 嘅大雪茄🤩講番個主菜先，豬鞍俾我想像中厚身但係食落又唔會嚡烚烚，juicy！幾出色 🧅洋蔥湯湯頭清澈，飲落都濃郁，配埋香脆蒜蓉包唔錯唔錯😌。估唔到小食先嚇我一跳🤣 大雪茄上到枱，朋友已經哇咗聲，睇落連啲「煙灰」都做得好逼真😂，上碟都好用心，真係擺咗喺「煙灰缸」度，好盞鬼。咬咗一啖係鴨肉春捲嚟，個皮幾脆，配埋入面嘅黑蒜醬鴨肉鵝肝內餡，食落好香口惹味。😝而家仲做緊優惠，Follow 佢哋 社交平台 7 折就試到大雪茄，強烈建議去試吓💨。…查看更多

撞正同事生日想食中菜，一於就嚟公司附近呢間 「米芝蓮」中菜館試試！整體嚟講覺得環境都唔錯，食物同服務質素都正常，呢個價位嚟講一試無妨。.2 日前電話訂座，店員提醒招牌食物最好預定左先，例如招牌乳鴿、炸子雞、蝦多士等，問過大家意見後就決定試曬 2 款再加上同事欽點的藕餅同蝦餃，再加多個菜同湯，5 個女生食份量剛好！.招牌菜炸子雞皮脆肉嫩，調味剛剛好，食落會感受到好香雞油味，但配菜嘅蝦片就有啲太油，個人覺得可以不食。.乳鴿聽聞都係鎮店名菜，果然名不虛傳。外皮香脆，內裡卻非常 Juicy，即使唔洗點椒鹽都非常入味！.蝦多士係我本人最期待嘅菜式之一，啱啱炸好嘅多士香脆之餘帶麵包香甜，配上原隻鮮蝦非常惹味。但唯一缺點係真係有啲太油，食咗一件就開始感覺膩口。.藕餅估唔到幾有驚喜，Feel 到好足料，爽脆蓮藕配上啖啖肉勁滿足。.最後不得不提嘅係呢度服務態度真係幾好，知道朋友生日都會主動幫我哋收蛋糕，亦唔收切餅費，環境座位都非常舒適，都係同家人聚餐嘅一個好選擇。…查看更多

放工想約埋朋友飲番杯，食惹味串燒，呢間位於銅鑼灣嘅樓上串燒店係我最近大愛！店內以豬串燒為賣點，月見豚肉棒、豚肉蘆筍卷，全部都超香口！.入座先上左個前菜番茄，超 Fresh 超開胃，酸酸甜甜夏天食好鬼正！個胃準備好啦，可以大食特食串燒了！.有好多款串燒而家都做緊買一送一，一上場先食咗個芝士章魚燒，熱辣辣正，之後仲有豬肉腸、波板糖豚肉串超驚豔（但我掛住食唔記得影相🥲），想清爽啲可以叫蘆筍 / 芫荽卷，有啲菜好似健康啲咁！配埋甜甜地嘅巨峰梳打，將所有工作鬱悶全部都抒發出嚟！.店內仲有唔同嘅刺身、煮物可以食，Menu 都幾豐富，值得一試！…查看更多

落大雨，梗係要食邊邊佢暖下身啦！今次就揀左喺公司附近嘅呢間 616 火鍋專門店，食過好幾次啦，啲肉質素都幾好，招牌沙爹湯底超濃郁惹味，用嚟碌公仔麵一流啊！.今次照舊叫咗最愛嘅花雕牛，入口牛味濃郁仲帶陣陣酒香，唔洗點醬齋食已經無得頂啦！滑尾龍同樣係呢度嘅招牌，撈埋蛋汁食落口幾滑！.除咗肉之外，都有好多款配料可以揀，例如超索湯汁嘅響鈴，彈牙嘅蝦滑、爽口娃娃菜、金針菇等，再落多 2 個公仔麵，超滿足！.價錢嚟講都晤貴，撞啱佢做緊儲印花半價優惠，都係百零蚊一個人，應該都係我會無限 Encore 嘅餐廳🤣。…查看更多

滿心歡喜同屋企人食生日飯，話嚟試下呢間椰子雞，點知食到一肚氣🥲。首先坐低斟左杯水，見到有隻蚊，咪叫佢換過隻杯同樽水咯，點知個女侍應黑曬面，就咁拎開倒咗杯水就原杯拎返黎🙁，結果搞到要叫經理先換到隻乾淨杯…..食物方面都尚可嘅，平心而論椰子湯係幾清甜嘅，黑豬肉都幾腍👍，但食物選擇都幾少，同埋配料都幾細份，魚蛋 $58得 6 粒，牛肉$198 得半兜，加椰子湯要 $48 份。同埋 Feel 到全部店員都手忙腳亂、隔離檯叫人開爐叫咗 10分鐘都無人理.最後埋單成 $2000，真係食一次算…查看更多

晚飯食唔飽😢，男朋友就提議轉場食糖水。見呢間嚐仙唔洗排隊又應該幾飽肚，一於入去試試佢🤣！.7 個人叫咗 4 碗甜品😍，燒仙草、雙芋豆花 、紫米紅豆湯圓同一碗普通豆腐花💕。上菜速度好快，叫咗 10 分鐘唔洗就送到！質素都唔差，豆花嫩滑有豆味，仲有黑糖冰墊底，好清甜～燒仙草甜甜地，熱嘅超滑，配埋煙韌芋圓、珍珠、紅豆同芋泥，超滿足！.鍾意食熱嘅，紫米紅豆都幾綿滑，仲有 4 粒熱辣辣嘅芝麻湯圓，暖笠笠冬天食一定仲正！ …查看更多

男朋友生日飯，話想食西餐、鋸牛扒，我呢個 100 分女友當然要滿足啦！不過最近大家都好忙，諗住近近地喺公司附近食就算～點知無心插柳柳成蔭，畀我哋發現附近竟然有間超高質嘅係餐廳，見 社交平台同 Openrice 大家都大推，一於訂檯試下，果然無令我哋失望。一入餐廳覺得環境好新淨又好有格調，同 Staff 傾開先知原來都係上年先開，座位幾廣闊坐得都幾舒服，唔講咁多，一於睇睇有咩食先！.前菜：生牛肉他他🐂前菜當然要揀我最愛嘅他他啦，大廚巧妙地將辣味蛋黃醬與酸甜的珍珠洋蔥混合，為鮮嫩的牛肉碎增添了豐富的層次感，法式千層薯牛油味超香濃，非常出色！主菜：慢煮安格斯牛柳 配 牛肝菌牛肉原汁 伴烤蘆筍配烏魚子碎牛扒部分今次就揀咗食牛柳，五成熟啱啱好，表面帶有淡淡的炭焦香氣，內裡則保持軟嫩多汁！醬汁則以炒香牛肝菌加入牛肉原汁熬製而成，加倍帶出牛肉香氣，配埋清爽烤蘆筍，Yummy！主菜：燴番茄牛面肉扁意粉牛面肉燉得非常軟爛易入口，索曬汁頗入味！配埋酸酸甜甜嘅番茄汁同煙韌扁意粉一齊食，令人回味無窮😎。飲品：Salted Calamansi Highball以香港特飲「鹹柠七」為靈感嘅調酒，入口濃郁柑橘香味瞬間勾起所有童年回憶，酒精味唔會太重，女仔都非常啱飲！…查看更多

食肉獸出動🥩，辛苦做左成個禮拜，點可以唔獎勵自己一份靓牛扒啊～聽朋友之前食過，話係佢食過堪稱最高 Cp 值嘅餐廳，老細對食物好有心思，仲有食材超有料，A5和牛都係200幾蚊就食到，點可以唔試試！.今次 3 個人，叫咗個二人同行 Set + 晚餐 Set，主菜外包任食薯條同一罐飲品！幼身薯條炸到脆卜卜甚是香口，忍唔住食完一條到一條🤪，結果加點咗 2 次，Staff 態度都好好，見差唔多食曬都會主動走埋你幫你 Refill！.萬眾期待嘅和牛，都無令我哋失望！係入口驚豔嘅程度，油花好重，5 成熟啱啱好，入口即溶超邪惡😈，不過建議都係要 Share 食～女仔要自己食曬一舊都真係有啲難度。.另外亦叫咗封門柳同油封鴨腿，鴨腿比較偏乾不過調味啱啱好，封門柳偏肉味濃啲，都好好食！最尾全部清曬碟！.除咗地點遠咗少少，港島去唔係好方便之外，呢間餐廳對我嚟講無咩缺點🤣…查看更多