immrscheungxd的个人专页

好耐冇同老公去拍拖食嘢，聽講哩間麻辣串燒啲嘢好好食，就同老公試下，果然無令我失望😂我地叫左燒茄子，臭豆腐，燒五花腩，燒魷魚等，全部都好香口，好有川味，而且都幾辣架，唔食得既朋友一定要叫少辣呀我地仲叫左好邪惡既黑松露芝士撈丁同椒鹽薯條，嘩，真係好濃味好cheese，我自己超鐘意呀到最後，最值得推介係羊排同豬手，豬手好軟滑好入味，個皮又脆，外脆內軟真係抗拒唔到，個羊排就夠晒「穌」，羊脂分佈又平均，無得彈呀👍🏼👍🏼👍🏼…查看更多

好耐無出去食野啦，岩岩有時間就同老公去左朋友介紹既串燒居酒屋一入到去發現d裝修唔錯，好有日本既感覺，忍唔住影返兩張相，而且人流唔多，坐得幾舒服打開menu，都算幾多選擇，有刺身、壽司、炸物、串燒等，不過就唔係套餐，如果有晚餐或套餐會更開心，因為主要係散叫，我地叫左串燒拼盤，有肉又有菜，唔錯啊！好香同賣相好吸引，而且食材新鮮，比較深刻係單骨雞翼，好入味好香不過講到最難忘既係豚肉提子卷，無諗過可以用臀肉包住一粒粒提子，口感好特別，又咸又甜的感覺好過癮！值得一試我哋仲叫咗啲刺身，甜炒秋葵，雞軟骨餃子等等，整體感覺都唔錯，可以試吓…查看更多

觀塘區嘅工廈一向都多嘢食，朋友食話話哩間餐廳啲嘢都唔錯，以西餐來講價錢又唔算貴，就同老公去試吓啦我哋可能比較早去到，六點前，所以人流唔算多，感覺幾舒服，環境清靜，而且可以望到廚房師傅整嘅嘢食，感覺幾乾淨我哋叫咗一個煙三文魚魚子蕃茄意粉，同埋一個XO醬雞絲炒意粉，三文魚嗰個茄汁味好濃，大有一點酸，好開胃，而且好多蕃茄蓉，成個感覺好唔錯，不過我自己就比較鍾意炒意粉，個XO醬好香，好惹味，而且我好鍾意佢意粉嘅粗幼適中，同埋硬度係我鐘意既，所以感覺唔錯值得一題係嘅佢啲嘢飲都幾好，我哋叫咗水果茶同柚子蜜，兩杯味道都有質素，可以試吓…查看更多

旺角打邊爐有好多選擇，朋友介紹話呢一間啲嘢食唔錯，天氣涼涼就諗住去試吓，點知真係有驚喜如果唔講啲食物，我覺得最驚喜嘅係啲服務，店員全部都好有禮貌，好殷勤好客，好好招呼但唔係個種好hard sell既，只係比較少見火鍋店既男人咁溫柔XD講返野食，我地叫左個沙嗲鍋，好濃味，正我地仲叫左響鈴、魚皮餃、雜菜拼盤，仲有兩個值得一提既就係蟹籽墨魚油炸鬼！個個係熱食黎，真心好好味，好香脆，又有墨魚味另外，芝士墨魚丸都好正，好大粒，一咬會流出芝士，芝士控一定要試😍😍😍…查看更多

呢段時間已經好耐冇同朋友聚埋一齊，好難得可以同朋友坐低Hea下傾吓計，所以就諗住搵間靚靚Cafe呢一間Cafe都真係唔錯，啲嘢食好靚好精緻好好味，我哋四個人叫咗兩個T set，一個卡邦尼意粉，先講個意粉，同平時食嘅有啲唔同，奶油味重之魚有三文魚喺面，即刻upgrade咗，仲有少少檸檬味，好新鮮而且佢嘅環境唔錯可以影吓相，不過唯一敗筆係真係好多人，我哋等位等左一個鐘，而且因為太多人，成個感覺好嘈吵，唔係環境好寧靜嘅Cafe，如果想安靜傾計就未必適合啦…查看更多

依家同一班女仔食飯，除左食物質素之外，有得打卡影相都好重要😂😂呢一間位於尖沙咀The One嘅Cafe，未裝修之前已經試過一次，覺得都唔錯，冇諗過幾年之後佢翻身，成為咗打卡嘅Cafe，於是就決定同幾個閨蜜去試吓啦由於冇得訂座，所以我哋只可以walk in，好彩我哋琴日去都係等左一陣，入到去安排左一個好靚嘅花花牆下坐，個環境都幾舒服，好適合影相同傾計我哋叫咗一個明太子意粉、墨西哥薄餅，同埋士多啤梨窩夫，個意粉好濃味，而且軟硬度適中，又多明太子醬，真係唔錯，個薄餅就正常，啲餡料都豐富既，個窩夫就不過不失，唔太特別不過佢就指定要每人叫一杯飲品，我覺得全部都係一般，可以更有特色同味道可以再好d，而且佢有限時，始終都唔係一個可以坐得來的地方，如果女仔雞啄唔斷要傾計既嘅就未必適合啦…查看更多

一直對於川菜、重慶酸辣粉等菜式嘅興趣一般，可能因為自己唔食得辣，不過老公想食就陪下佢啦呢間重慶嘅川菜鋪頭，係新開嘅，所以環境都好舒服，我哋一人叫咗一個粉我要左自製豬大腸紅薯粉，叫咗小小辣，冇諗過佢嘅辣到竟然真係啱啱好，係我可以接受嘅辣味，當然食完個嘴都有少少麻，但係味道係正嘅老公就叫咗一碗肥牛、豆卜同蓮藕嘅刀削麵，佢係可以好似車仔麵咁樣揀料，佢叫咗小辣，佢話味道都幾好，而且份量夠晒我哋仲叫咗手包嘅餃子，有兩種口味，一款係粟米香菇、另一款係韭菜，$48有10隻，每一隻都大大嚿，都幾抵食呀鍾意食川菜嘅朋友可以黎試吓啦❤️…查看更多

早前自己到旺角有得食雞翼放題，我真係超級開心，因為我真係一個雞翼怪，超級鍾意食雞翼$88可以任叫四款雞翼，其實真係幾開心，佢嘅味道包括有蜜糖雞翼，椒鹽雞翼，蒜香雞翼同埋香草雞翼佢係即叫即炸嘅，每次每款有六至八隻，其實我覺得味道都唔錯，因為始終新鮮炸，我自己最鍾意就係蜜糖雞翼，因為其他個三款都有少少似，我哋一口氣都叫咗兩至三輪，即係都食咗差唔多60隻雞翼，真係好夠皮我自己就建議可以加埋豉油雞翼、滷水雞翼等等，咁就會豐富好多啦…查看更多

同朋友喺附近上完堂，就嚟到呢間餐廳坐低食啲嘢，之前都睇到佢嘅甜品係好靚，好特別，已經好想食，哈我哋叫咗一個黑松露薯條、烤菇同薄餅，個薯條其實有少少失望，因為我自己個人比較喜歡黑松露醬，而佢係有好少量嘅黑松露係薯條表面，個味道比較淡，不過個烤菇真係幾好食，好濃味，又好大舊，薄餅就冇乜太特別我哋嘅重點係鬆軟嘅pancake，不過佢要等45分鐘至一個鐘，係即叫即整，如果想試嘅朋友就一定要預早叫，不過我覺得等左咁耐都係好食嘅，但係味道就比較普通，唔係話好特別，可能我哋叫咗原味，有機會試吓其他未可能係唔同啲…查看更多

旺角嘅樓上Cafe一向都有好多選擇，朋友介紹話喺先達開咗間新嘅，就一齊去試吓一上到去就發現個環境好靚，好舒服，日光射入嚟有種懶洋洋嘅感覺，客人唔算多，成個感覺都令人好放鬆講下食物先，我哋兩個人叫咗一個All day breakfast,一個意粉，一杯柚子蜜同埋香蕉奶昔我覺得質素都唔錯，同價錢係成正比既，而且份量都正常，唔會話唔夠食，我自己最欣賞係杯香蕉奶昔，有少少甜但係香蕉味濃，好好味值得一提嘅係呢間鋪頭嘅裝飾以植物為主題，有多盆仙人掌同水種植物，全部都係真唔係假盆栽，所以真係好適合坐低同朋友鬆下…查看更多

我知道老公好鍾意食住家飯同飲湯，可惜我哋結咗婚一直都好忙，成為「無飯」夫婦，於是就搵下有冇啲地方可以食下住家飯，或者飲下湯竟然比我搵到呢一間主要賣湯嘅鋪頭，佢嘅款式都幾多，我地叫左兩走試下，一個係竹絲雞瘦肉湯，零一個係紅蘿蔔栗子湯，兩款既湯料十足，一盅可以不到三至四小碗，味道清甜，容易入口，仲要熱辣辣，飲落去好舒服除咗湯，佢仲有一啲碟頭飯，都係家常便飯，唔算好特別，但勝在夠健康，好似返咗屋企食飯咁，分量唔算多，所以飲埋湯就啱啱好啦，唔煮飯嘅朋友真係要來試吓啊…查看更多

哩棟大廈一向多嘢食，自己都試過幾間，朋友介紹話呢間雲來客棧啲嘢幾得意，就走左去試啦一入到去果然環境真係同古代嘅客棧好似，雖然我未去過古代XD但係拍戲見唔到嘅場景活現眼前，我感覺好新鮮同特別，而且發現佢有好多中國嘅服飾，可以俾你影下相，同一班朋友玩下hea下而且佢場內位置寬躺，一班朋友食下野傾吓偈真係唔錯講返啲嘢食先，全部係點心，西式糖水，仲有最特色既麻雀椰汁糕，中國象棋牛奶凍，成個感覺真係好似返咗去古代，真係幾過穩架…查看更多

以前覺得呢間Cafe幾靚，不過一直都冇機會試，今日終於試到喇同個朋友去咗食下午茶，我哋叫咗一個野菌忌廉意粉同一個黑松露薯條，本身意粉係跟餐，所以有嘢飲，我哋本來諗住一杯茶兩份分， 唔知原來佢有最低消費係每人一杯野飲，所以我又帶咗一個香蕉椰子奶昔個奶昔香蕉味好濃，仲有啲花生碎，有口感不過爭少少椰子味，個意粉都正正常常，唔錯既，而黑松露薯條就好新鮮，香脆可口而且佢呢間鋪嘅環境，都真係幾舒服，同朋友傾計傾左兩個幾鐘，都唔會俾人趕走，真係唔錯㗎…查看更多

其實呢間餐廳唔止食過一次，不過今次真係覺得好唔錯，所以要寫下嗰日都成5:00先至食晏，所以決定叫得豐富啲當埋晚餐，我同老公每人叫咗一個意粉，已下午茶餐來講都算抵食，$40至$50有一杯野飲我哋叫咗一個卡邦尼意粉同埋黑松露帶子意粉，一嚟到一試味，就發現有驚喜， 特別係個卡邦尼意粉，真係好入味，而且意粉既硬到啱啱好，我自己就好鍾意食至於黑松露意粉，都好濃味，而且夠晒大碟，我覺得以佢嘅價錢同埋質素同埋份量係高CP值，大家可以去試吓…查看更多

其實我一向對打邊爐的興趣不大，不過近年好興一人一鍋，我老公又好想試下，就去咗呢間台灣店試吓我哋叫咗一個招牌臭臭鍋同埋藥饍雞煲，兩個配料係唔同嘅，而且一個比較濃味有少許麻辣，另一個就好清好有雞味，裏面嘅材料都非常豐富，分量十足，其實已經好夠，不過我哋又想叫啲小食，就叫咗一份羊肉串，同埋鹽酥雞扒，味道都OK既，不過不失最後值得一提嘅係會台灣飲品，台灣手搖飲品好多人都有飲過，不過我覺得佢呢間味道都好唔錯，我叫咗一個芝芝莓莓，佢嘅芝士味好濃，而且好creamy,又有香濃嘅草莓味，如果加埋果肉就更加完美啦…查看更多