Patrick Chung的个人专页

第二日，天氣潮濕又大風，但總算比落雨好，一早酒店門口睇舞獅，跟住走去中央公園玩放電，之後去南廣場行咗一陣，大小姐就話肚仔餓，我地又開始搵野食。由於初一晚餐已經食咗西餐，所以今日想試下呢間韓國餐。一坐低，個女就話想食麵，咁我地就叫咗個海鮮湯麵同埋一杯士多啤梨乳酪，而我就叫咗個石頭鍋飯，再加支韓國啤。肚仔餓特別開胃，個海鮮湯麵好多料，湯底都唔錯，石頭鍋飯夠晒熱，仲可以食到飯焦添。埋單三百左右，記得問佢攞番張單過隨離個露天 counter，用八達通換免費船飛，一張單夠百二蚊可以換一張，而我張單三百左右，就可以換到兩張，早知食多幾十蚊野換夠三張啦。不過今次入愉照灣避年，總數驚喜多多又寫意，值得再去。…查看更多

今日睇完個女表演，大家都肚仔餓，突然想起好耐冇幫襯大街呢間西餐，所以就走去睇下有冇位，好彩行到門口唔駛等。三個人坐底，睇一睇個 Lunch Menu，老婆即時點咗個七成熟西冷牛扒餐，因為有愛女最鐘意食既粗薯條。而飲品方面，因為係星期日，所以一係要餐湯，一係要餐茶，最終我地都係叫左兩杯餐茶，而小弟就叫咗個焗雜菌飯。等咗十幾分鐘，終於有得食，個西冷扒賣相都唔錯，出晒煙夠熱，放入口口感唔錯，味道都非常好，作為 Lunch Menu 既扒餐，呢個真係唔錯。沙律賣相都好吸引，食落口味道啱啱好。最後到我個焗雜菌飯，賣相都唔錯，夠熱，味道都唔錯，可能我今日肚餓啦，飯少啲，所以覺得唔係幾夠飽。地方方面，坐落都舒服既，望一望牆上面個 Dinner Menu，一個肉眼扒餐二百幾，算合理，有機會真係會再黎試下晚餐食扒，相信水準唔錯。…查看更多

大年初一，祝大家身體健康，豐衣足食。今年想靜靜地過年，所以選擇一家人走入愉景灣，對於我嚟講，有三十幾年未入過嚟，估唔到宜家變化咁大。當然入嚟前，做晒 research，坐咩車，邊度有好嘢食等等。今晚就食好啲，選咗呢間食西餐既 Zaks。四個人叫咗個沙律，一個 Pizza，半隻 Zaks 燒雞，三杯啤酒，坐係度望住個海，真係寫意。呢餐飽飽埋單都係 $720，有咁正既景，咁舒服既環境，咁好食既食物，呢個價值得。強烈推介，燒雞，就連好咀刁既外母都話好食。…查看更多

其實未到年三十，大大小小團年飯已食過。所以今晚自己一家人，簡簡單單食一餐，咁啱去到鴨脷洲大街，周圍好多食店都收咗爐，聽朋友講呢間都 OK，咁咪入去試下囉。店內一般小炒格局，牆上貼晒餐牌，伙計態度都接受既，始終係街坊式小炒，都唔要求好好服務。由於兩個半人食，就簡單叫咗三個小菜，老婆最愛既椒鹽鮮魷，枝竹火腩魚雲煲，同埋蒜蓉炒菜心，加支大啤，有魚有肉有菜，又係一個開開心心既年三十晚，埋單二百幾，合理價錢。…查看更多

今晚一行兩大一細諗住去行花市，去之前緊係入大坑醫肚先，成日行過呢間都冇幫襯，其實起初唔知食乜，睇睇餐牌先知食日本海鮮燒烤，見價錢 ok，就試下啦。坐底叫咗個二人餐，原來都幾多嘢食。前菜嚟完，以為海鮮要自己燒，點知個侍應放好個爐之後，佢就一一將海鮮放上爐。另一個估唔到喺，食日本嘢多數食唔鮑，但食到個鰻魚飯，已經停手。今晚有一種喜出望外既感覺，準備起行行花市啦，祝大家新年快樂，心想事成。襯呢間未結業，年三十晚前好過嚟試下。…查看更多

十幾年前住紅磡，經朋友帶去食一次後就愛上，鐘意佢夠日本地道居酒屋感，夜晚去食野，隔離枱隨時係一個日本人，摸住酒杯，同老闆用日文吹下水，有時仲會見到收銀櫃前，貼咗啲賽馬貼士。搬離紅磡十年，今次去又係同老婆食番我地當年點既野，天婦羅拉麵，义燒拉麵，燒鯖魚。味道依然，最突然就係，價錢依然。嚟緊一定要再去。…查看更多

今日入赤柱還神，本身想食果間星期日唔開，又唔想行，近近地試下食呢間傳統粉麵。平時唔多起眼，係生果檔隔離行入去，先見到好似蘭芳園門口果個舊式茶檔，再行入啲都算幾多位，坐底望一望個餐牌，叫咗個八寶河，牛腩米，油菜，奶茶，一支可樂。食物嚟到，食物真係預咗無驚喜，唯獨一樣有少少意外就係杯奶茶，個杯摸上手時以為杯茶唔熱，但原來係隔熱杯，飲落口又夠熱又夠滑，如果下次再嚟，真係可以完全試下茶檔果邊，粉麵就.....。…查看更多

差唔多每月緊有一次去 Relax 下，環境舒適不在話下，有時遇到有球賽直播，氣氛仲好正添。今次去 Order 咗薯皮，天使麵，沙律，洋蔥圈，兩個半人食好似好少野咁，但係每碟份量都唔細，所以大家都食到好飽飽，美食加環境，真係可以好休閒咁 Hea 足一晚。唯一美中不足就係，可能我地一次過 Order 晒啦，食物一次過上枱，如果 Hea 住食就會好快凍晒。…查看更多