cyndi_lam的个人专页

好喜歡嘅餐廳，嘢食畀心機整又靚，員工老闆都有人情味意粉都幾多款，會定時出新menu轉吓口味咁，有炒意粉，有唔同醬汁，又有湯意粉炸物粉漿好薄，夠香口keep住都見到好多人食，值得一試🥰…查看更多

點餐後，店員好快就遞上前菜。三款醬醃菜口感清爽，有青瓜蘿蔔、菠菜同埋醃泡菜，大部份口感爽脆。泡菜似係自家醃製，唔會過酸或者過辣，啱口味我哋揀咗個set A有三款豬肉，包括五花腩、辣醬花腩同埋豬頸肉。本身個拼盤嘅配菜都好豐富，有豆芽菜、泡菜、雪耳、茄子、腸仔同埋芝士辣醬五花腩醃製得好入味，甜甜辣辣咁，好有韓國嘅風味難得配埋雪耳，食落都幾清爽，係好特別嘅體驗燒烤盤係向其中一邊傾斜，為咗嘅係燒肉嘅油可以滴落下面嘅小碟度，呢個設計幾貼心，啱晒又想食韓燒，但係又怕肥嘅港女醬油蟹係今次呢一餐飯嘅重點，好期待$68可以食到點樣質素嘅一隻蟹。首先原隻蟹上，蟹殼、蟹身切開四件，好多肉，而且呢亦都有膏蟹肉滑捋捋好似啫喱咁，加埋蟹膏甘香，配飯一流，醬油蟹絕對擔當起米飯小偷呢個角色…查看更多

同朋友嚟食烤魚，每次都好期待。因為烤魚嘅調味好麻甩好正，同平時喺屋企食嘅蒸魚烹調方式上面好唔一樣，川式嘅麻辣令人未能忘懷。除咗烤魚之外，我哋都叫咗一啲小食食。串燒最快嚟到，喺等待烤魚煮滾嘅途中，可以止下口癮。我哋叫咗原條燒魷魚同埋烤牛舌，兩個嘅口味都可以customised，每串串燒都有客製化嘅服務幾好。因為烤魚已經辣，所以我哋叫咗走辣，多孜然粉好惹味下晝食，5點前落單仲有得任食配菜本身條魚已經好大好厚肉，魚肉十分雪白。青椒嘅調味越煲就越辣，食落個嘴仲有啲痲痹添！配菜方面，我哋叫咗火鍋粉同埋豆皮，好索湯。不過可惜火鍋粉太軟好易斷，唔夠煙靱。近門口嘅位置會見到師傅喺度燒烤，一條條切開嘅茄子，加上滿滿嘅蒜蓉真係好香…查看更多

朋友介紹呢一間嘅日式居酒屋，有好食嘅關東煮我哋總共叫咗兩輪。第一輪就試咗佢推介嘅大根，年糕福袋。另外自己揀咗蒟蒻，雞蛋同埋牛筋。店入面有好大個鍋，加熱緊啲關東煮。點菜姐姐好快落完單之後，就會喺側邊𢳂俾我哋，上菜速度都算幾快。而且因為啲嘢食有湯載着，所以都唔會凍得好快。鍾意飲湯嘅朋友可以連關東煮嘅湯汁都飲埋。因為呢間餐廳好似主要做宵夜時段，所以感覺上食物份量唔係好多。我哋叫咗個飯團，有三種口味揀，分別係鹽味，梅味同明太子。我哋揀咗明太子，醋飯好新鮮，飯桶朋友一定會鍾意。係即叫即整嘅飯團，所以紫菜都係脆嘅。串燒方面我哋叫咗雞肉丸子。因為兩人位係喺吧枱，所以直頭喺師傅面前，可以見到啲師傅燒嘢同埋整嘢食。同平時嘅免治雞肉棒唔一樣嘅係，入面冇軟骨。淨係用軟滑嘅雞肉打成，有得揀鹽燒同埋汁燒，我哋揀咗汁燒，味道都唔錯。第二轉嘅關東煮我哋揀咗椰菜卷同埋厚揚豆腐，湯汁都算入味。簡單嘅一餐已經食到好飽啦。…查看更多

今日夜晚嚟到Ocean Popwalk嘅呢間日式串燒酒吧叫咗個二人餐前菜係烤鱈魚片，烤到好香脆，好適合用嚟送酒。炸廣島蠔10分鮮味。所有嘅串燒一次過嚟，我哋先食咗牛舌，然後手羽，然後荔枝豚肉，外面豚肉香脆，入面爆汁好香甜。月見雞肉棒入面嘅雞軟骨有唔同嘅口感，蛋黃同醬汁嘅配搭甜甜地好夾。冬菇都燒到好香。我哋食食吓去咗篤波同埋玩掉飛鏢。呢度嘅娛樂設施10分足夠。湯煮嘅大根令到我哋食到唔會口乾，最後玩完返埋位食埋個炒飯同埋甜品。二人餐已經好飽。嘢飲方面，叫咗一個生啤，一杯mocktail Rose Garden。唔小心倒瀉咗杯Rose Garden,整到周圍都係。店員即刻過嚟幫手抹返，問我哋有冇事。然後過咗陣再整多杯同樣嘅mocktail俾返我哋。我覺得店員好細心，服務好好。…查看更多

Weekday可以放一個悠長嘅lunch，夾埋三五知己同事，嚟食個商務午餐。lunch嚟講呢度唔使特別排隊 當然價錢就會貴一截。入到來景色好靚，成個落地窗眺望維園，綠油油嘅風景好正。雖然天色唔算好好，如果好天嘅話，嚟呢度食飯應該係一件更加賞心樂事。座位已經放好圍裙，仲有一碟醬料。和牛燒肉set好靚，前菜係肉碎辣豆腐，中間仲有幾片青瓜解膩，味噌湯同埋茶碗蒸質素屬中上。牛肉就唔使多講，和牛雪花嘅分布均勻，每一舊都入口即溶。雖然價錢係貴啲，但係肉嘅quality夠。肉嘅部位有好多款，有平時食開嘅牛肩肉，後腿肉，五花腩，另外仲有一啲時令嘅蔬菜。朋友叫咗個唔係燒肉嘅餐：係和牛拉麵。啲牛肉多到成座山咁，肉質好軟諗，跟餐配嘅餃子餡都係牛肉。揀咗黑松露味，煎得好香脆，一口爆汁，同以往食開嘅日式餃子，感覺大相逕庭。食到後期，感受到呢間肉嘅份量真係好多。以一個午餐來講，好滿足，簡直就係食肉獸嘅天堂。最後用清爽嘅柚子雪葩作結。如果下次老細請食飯，都要帶佢嚟呢度鑿佢一筆。哈哈哈！…查看更多

陳儀興係其中一間同屋企人常下嘅菜館，因為鄉下喺潮州，所以逢過時過節屋企人食嘢都會第一時間諗起潮州菜落完單之後，第一時間店員拎嚟功夫茶，令我回想起返大陸嘅時候，每個親戚嘅客廳都一定會有沖茶用具。我哋俗稱飲茶做「喫嗲」功夫茶嘅味道，比起平時香港茶樓飲嘅茶苦，但係佢會回甘，所以食飯之前飲兩杯感覺好舒服第一樣上嘅菜係滷水鵝片，鵝片切得靚得來，份量都幾足喺香港食鵝片唔似得喺汕頭食，會點咁多滷水汁，呢度嘅滷汁係預先淋左上去。另外跟嘅就例牌有白醋，同埋港式嘅辣油點白醋嘅時候更加食得出鵝肉嘅鮮味，加啲爆香嘅辣，仲惹味啲添第二道重頭戲係頭抽煎鷹倉魚肉起好無骨，先將佢炸到皮脆肉嫩，外圍包裹滿醬汁魚肉雪白，食落紮實好適合餸飯雖然計落呢道餸最貴，$488得6件，即係平均一塊魚肉要價$80幾，但係真係值得一試方魚芥蘭苗好翠嫩，每條芥蘭唔會苦澀得來仲爽甜，加埋炸得香脆嘅方魚媽媽話方魚係有一大條嘅門鱔炸完，再切開每一口都係鹹香！喺呢度食飯，帶着濃烈嘅樸素味道，簡單嘅菜式，柴米油鹽，讓人感覺好有家鄉嘅味道…查看更多

同朋友嚟食區內聞名，性價比高嘅韓國菜叫咗個四人餐，可以喺ABC三個區，各揀兩款嘢食線上嘅係前菜有菠菜泡菜蘿蔔仲有套餐附送嘅生菜包調味都好開胃我哋揀咗牛肩肉石頭飯，鐵板牛肉石鍋飯好香，而且有飯焦加埋拌飯醬撈埋一齊口感好豐富鐵板牛肉嘅調味香甜，洋蔥炆到好林，適合用嚟送飯因為係韓式餐廳，所以相對上叫意粉就較為遜色海鮮煎餅都維持水準，而且醬汁幾好食套餐仲有一個醬炒年糕同埋生菜，不過冇影到相最後嘢飲方面揀咗凍嘅柚子蜜，食得出餐廳係一間有誠意嘅小店，相信會再次幫襯！👍…查看更多

第一次嚟呢間日本餐廳食飯入到嚟背景音樂keep住播一啲好Hit嘅動漫主題曲，好有日本氣氛落完單之後斟茶，發現佢呢度嘅茶杯好獨特！從來都未見過，可以直接將茶包陷入茶杯底，設計好新穎唔會誤飲茶葉，不過飲到底會太苦見隔籬枱叫咗好多生蠔逐隻啪，都令我哋蠔癮g起我哋兩個人叫咗半打，一人三隻好夠食，呢個價錢性價比10分高，蠔肉飽滿，食落爽甜一口將蠔肉放入口中，滿滿海水嘅鮮味珍寶赤蝦好大隻，冰鎮之餘，亦都好爽口彈牙同朋友叫咗個雜錦魚生丼，share食份量好足估唔到價錢唔貴，但係有10款配料：分別係三文魚，吞拿魚，鯛魚，墨魚，帶子，赤蝦北寄貝，蟹柳，玉子，中華沙律，等等......每款刺身都最少有2片，而且食落都好新鮮總括嚟講好抵食希望再嚟 encore…查看更多

同朋友食個放工early dinner，食日本嘢「從古至今」都冇得輸。前菜叫咗龍卷風沙律，成碗沙律好大，3-4人share嘅份量。材料多多，有蟹籽，蟹柳，中華沙律，生菜，薯片碎。本身蟹柳同蟹籽已經有鮮甜味，加上沙律醬同照燒汁嘅調味，整個沙律爽脆得嚟味道又豐富。鹽燒三文魚頭鮫好巨型，成個頭上比較少見，平時都係食開魚鮫/魚鰭。燒香嘅魚皮下有好豐富嘅油脂，包住嫩滑嘅魚肉面頰肉又白又滑，下巴位都厚肉，背部嘅肉偏橙色同結實，整體加上檸檬汁好夾叫多咗一串鹿兒島黑豚荔枝卷，黑豚燒得好香，入面嘅荔枝肉新鮮得嚟又甜，一口咬落又有肉汁又有果汁，好驚喜！最後主食揀咗金龍卷，細細件食落/分享較方便芝士唔會太膩，吉列蝦好酥脆，上面嘅三文魚肉厚切，加上調配好嘅醬油&蛋黃醬，為呢餐飯作結。…查看更多

平時食喇沙，畀人嘅感覺同既有印象，都係 黃咁咁，有椰汁嘅香味但係呢度嘅喇沙感覺好唔同首先係冇乜材料嘅，成碗米線基本上，上面淨係堆砌咗青瓜、紫洋蔥同埋生菜絲，仲有兩粒罐頭菠蘿冇蝦冇豆卜冇芽菜麵底係米線，煮得都偏淋身，食落味道好濃郁索汁，多種口味重疊交錯，有炸蒜味，亦都好香辣，加埋佢嘅蝦膏，絕對係重口味之選 辣死你媽配牛肉綠色嘅椰漿飯好淋，啲飯好濕，炸蝦片、青瓜、炸花生、魚仔撈埋一齊食，有東南亞風味，牛肉都夠淋，但係相對上冇乜特色 海南鴛鴦多士，用咗黑糖味嘅麵包，厚塗咖央醬，厚切牛油，食落好甜 店舖樓底好高，店面好大好多座位蘇媽分店越嚟越多，越容易食到，希望以後食都唔使等位啦！…查看更多

第一次去cafe食嘢係真好食嘅！店面小小，但係每一道菜式都好特別，第二度食唔到南非焗蛋聽個名就知道係心機菜，配沙律同法包焗蛋入面有薯仔粒，粟米同鹹牛肉，上面有杏仁片翠玉瓜上面有好似米形狀嘅意粉，成個設計好似係瓜入面刮走啲囊，再釀入啲囊咁薯仔團用雜菌忌廉煮，十分淋+入味食落唔單止煙煙韌韌，而且好掛汁雞胸入面有芝士煙肉，食落一啲都唔鞋旁邊有粟米餅同水波蛋，本身乾身嘅餅加蛋漿嘅滋潤雞胸本身調味都已經夠，亦可以加 BBQ 醬嚟咗一次已經好鐘意呢間餐廳，有機會要再多啲嚟支持用心整嘢食嘅小店…查看更多

平日晏晝嚟到筲箕灣，見呢間印度菜嘅舖頭入面有幾多人，所以我都想一探究竟 ！本身我都好鍾意食咖哩類型嘅產品，而且香港人都應該好熟悉印度嘅南餅，用手食就最滋味(疫情期間請做好消毒我叫咗個菠菜雞配普通嘅naan，最正嘅係烤餅係有得無限任食嘅 先嚟嘅係佢呢度嘅lentilsoup素忌廉湯入面有好多配料，有薑末，蘿蔔，新鮮basil，同埋豆，仲有啲胡椒調味，但係飲落又好舒服唔會太重口味，咁啱天氣轉涼仲可以驅寒餐飲揀咗罐橙味芬達汽水 菠菜雞呢款菜式嘅外觀比我想像中仲要綠！望落去可以話係「萬綠叢中一點紅」(番茄仔)打爛哂嘅菠菜同咖喱汁，香料一齊煮，咖哩入面有好多雞件，食落好入味，咖哩嘅味道菠菜味都好濃，感覺營養較為均衡，食落比較健康 每塊雞塊嘅大小適中，有少量薯仔，洋蔥，可以夾落去烤餅入面一齊食烤餅係好傳統個種，烤到個邊脆脆地，係好上癮嘅麵包類，亦係印度人最喜歡嘅主食感覺好多街坊都鐘意嚟呢度食，下次等我又試下佢其他嘅咖喱/烤雞菜式…查看更多

午餐時間同朋友係佐敦搵嘢食，見到呢間the jungle店面好靚好有格調特別係佐敦咁多樓宇，石屎大廈中間，更顯得有好多植物嘅裝飾似世外桃源lunch menu選擇唔算多，大約有6款主菜，我揀咗daily chef's pasta是日意粉係辣番茄雞肉長通粉扁平嘅長通粉煮得啱啱好，食落彈牙，唔會太軟身，係al dente番茄醬同雞柳結合，加上少少青椒，成個意粉辣得好入味，食落好過癮除咗上面有啲翠綠嘅菜做點綴，芝士粉都落得好多，一啲都唔吝嗇香草同香料令整個醬汁好濃郁，係質素幾高嘅意粉appetizer揀咗沙律，新鮮爽口嘅菜，青瓜同番茄，加上特製嘅沙律汁：檸檬嘅酸同醋嘅酸甜融合，食落好清新！飲品方面叫咗杯mocktail： healthy vak濃濃嘅乳酸味道加上好fruity嘅水果，仲有啲啲ginger ale，溝埋好refreshing 朋友仔叫嘅steak都好juicy，食落seasoning好夠，黑椒味濃郁見佢menu仲有啲尼泊爾同墨西哥菜，fusion得嚟好特別，絕對會嚟encore試下！…查看更多

同媽媽嚟食海鮮，首先要揀食咩套餐2個人揀咗$399嘅五折海鮮餐，好似好抵，$400食哂鮑魚龍蝦膏蟹同其他海鮮呢度嘅店員都好主動介紹佢哋嘅來貨！店員拎咗龍蝦同蟹上嚟先，趁佢未熟，影低佢有幾咁肥美多膏龍蝦蒸咗先，好雪白厚肉，而且啲膏多到爆出嚟，漏埋係個蒸爐嘅層架上面！一啖食落啲膏夠甘香，好重龍蝦海水味，果然係野生品種同個啲急凍嘅波士頓龍蝦冇得比蟹方面，奄仔蟹同膏蟹分別有軟膏同硬膏我同媽咪剛好口味不同，一人一隻大小方面，膏蟹會大隻啲，但係兩隻蟹都好有鮮味啲肉本身已經好多，但係啲膏竟然用肉嘅比例係1：1，可想而知係幾咁高膽固醇蟹殼入面都有啲蒸到好乾身嘅黃膏，用嚟撈飯嘅話一流食到我同媽咪lam lam脷之後，最後食埋個粥底，店員幫我哋撒上半碗嘅菜脯海鮮精華嘅湯汁入面有排骨，粟米，南瓜，薑片，加上之前跌落去嘅蟹膏每一啖都係鮮味我哋2個人叫嘅海鮮已經咁香，如果多啲人嚟食，最後個粥一定仲濃郁食完個套餐雖然已經好飽，但係仲有送椰汁燕窩糖水本身清蒸海鮮已經唔算肥，食埋個滋補養顏嘅糖水簡直係女士們嘅恩物另外我哋仲叫咗一渣鹹檸7，十分滋潤…查看更多