twinkle corner的个人专页

九龍灣一帶都有好多美食，除咗德福商場外，淘大商場都有好多各式各樣嘅美食，今次就嚟到呢間港式味濃厚嘅茶餐廳金牌，除咗提供一般茶餐廳會有嘅菜式外，呢間主打係鐵板餐，經典嘅扒餐裏面已經包括咗頭盤煙三文魚沙律，餐湯，蒜蓉包同飲品，價錢百零蚊就食到啦，今次同朋友仔就叫咗鐵板羊架同埋鐵板西冷牛扒配司華力腸，兩款肉質都非常厚切鮮嫩，配埋黑椒汁好惹味，食落好滿足，因為係鐵板嘅關係，所以我哋叫咗三成熟，都正式食嘅時候剛好五成熟，肉質鮮嫩度level up .🌸鐵板西冷牛扒配司華力腸配飯( 黑椒汁)頭盤煙三文魚沙律紅／白餐湯蒜蓉包雪糕紅豆冰🌸鐵板金牌羊架晚餐配薯條(黑椒汁)頭盤煙三文魚沙律紅／白餐湯蒜容包龍鳳檸樂 金牌📍九龍灣牛頭角道77號淘大商場3期地下G266-270號舖…查看更多

今次又入黎屯門覓食，黎到呢間復古工業風格既Pillowtalk，裹面既氛圍好適合傾計食野聚會，慶祝生日既話，訂座就會送一件蛋糕同畫碟，好有儀式感。另外呢到都有好多特色既雞尾酒選擇，佢哋改既名都好搞怪特別！大家有機會可以黎試下。🌸黑松露芝士火鍋黑松露芝士火鍋係其中一款人氣菜式！配料好豐富，有麵包、長通粉、薯角，香腸等等，芝士濃而不膩，加埋黑松露配上芝士真係完美配搭。🌸蒜油蜆肉意粉份量比想像中多，淡淡蒜油香，意粉吸收哂蛆蜆肉既鮮味，味道比預期中好食。🌸咸蛋黃薯條薯條好粗炸得好香脆，加上起沙既咸蛋黃醬，食落有牛油同芝士既香味，但醬可以再多少少。🌸少女心事呢杯少女心事一睇個名都知係適合女仔飲，士多啤梨奶香既甜酒，都易入口。🌸咸濕馬天尼後勁好強同有個性既酒，一入口有煙燻味，後勁係微辣，層次感幾分明。Pillowtalk Restaurant & Bar 📍屯門青棉徑5號金寶大廈地下6號舖…查看更多

最近上環開咗一間韓式居酒屋ORM，book咗兩個月終於可以嚟品嚐下啦，呢間餐廳係由OBP前主廚主理，餐廳嘅位置大多都係吧枱，你訂位嘅時候可以要求坐係Art Wall或者係對住廚師近距離互動嘅位置，佢哋嘅餐牌好細心咁將每道菜式都有推介wine pairing ，佢哋嘅員工仲會提供free drinks同大家cheers，另外上菜嘅時候主廚會出嚟同你哋介紹每一道菜式，整體嘅用餐體驗都好好。🌸Yuk Hoe 這個是店內的招牌菜韓式牛肉他他，幾乎每枱都會叫的前菜，酥脆既海苔片搭配手切既和牛再加上魚子醬口感好豐富，入口好驚喜。🌸Seafood Pancake / Kimchi Prawns Pancake 煎餅好厚身足料，好大隻蝦，搭配佢地既秘製醬油味道好夾！後來都追加左個泡菜煎餅，一樣泡菜好足料，但相比起海鮮煎餅略勝。🌸Crab Seafood Soup Noodle花蟹份量很多，有3至4隻花蟹，湯底濃郁，吾會太辣，搭配麵一齊食好惹味。🌸Chuck Flap主菜點左牛頸脊肉，牛味相對較重，肉質鮮嫩，可以夾埋生菜加辣醬一齊食。O‘rm 📍上環安和里2及8號地舖…查看更多

中上環一帶開咗好多新店，今次就嚟到位於士丹頓街既韓式咖啡店Haus Coffee Club，呢間係韓國人主理嘅餐廳，亦係Pet Friendly，裝修風格亦非常韓系，以白色為主，廚房採用開放式風格，舖尾都有個露天嘅小花園位置，當日我哋就坐喺Bar枱可以望住店員沖咖啡。當日店員同我哋推薦咗Banana bread Latte 同Passionfruit Jasmine Spritz, 香蕉味咖啡味道一啲都唔奇怪，幾有驚喜，多左層butter cream好似奶蓋一樣,有淡淡香蕉嘅香味。另外Passionfruit嗰杯店員製作嘅時候會用手搖嘅方式，茶底有茉莉花茶，飲落都幾清新。而主食我哋就揀咗Steak & Eggs, 味道正常，塊牛扒調味都幾好。甜品方面就揀咗Butte Cream Tiramisu，呢個比我平時食嘅Tiramisu比較特別，佢係cream base比較重，用海綿蛋糕做餅底，唔會太甜，Top上面加咗啲肉桂粉，味道都幾突出。🌸Banana Bread Latte🌸Passionfruit Jasmine Spritz🌸Steak & Eggs🌸Butter Cream Tiramisu Haus Coffee Club📍 中環士丹頓街32號地舖…查看更多

最近發現咗屯門有間Hidden Gem既日式居酒屋，間餐廳叫秋香，佢藏身喺青善街，細細間都吸引到好多人慕名而來，大家去嘅時候記得book位啦，叫秋香顧名思義就係同唐白虎點秋香主題有關，一入到去就俾佢裏面嘅復古懷舊裝修吸引住，木系傢俬配合柔光，成個氛圍好啱同三五知己chill 住飲酒食飯，老闆娘熱情健談，好親切咁為我哋介紹菜式。今次就揀咗佢哋廚師推介嘅二人餐:首先頭盤日式味噌湯，湯味濃郁，搭配上五色海藻沙律，酸酸甜甜好開胃。蒜蓉辣椒燒蠔辣椒嘅惹味亦配上蠔嘅鮮味很讚。炸物拼盤揀咗唐揚墨魚咀同海棠魷魚天婦羅，炸粉厚度適中，保持到外面香脆，裏面嘅墨魚嘴同魷魚依然多汁煙靭，配上沙律醬配酒一流。串燒盛有牛肋骨，日本黑豚肉好Juicy，京蔥煙肉卷都好入味，最尾仲有香甜既燒菠蘿解膩。到咗套餐裏面嘅重頭戲，fusion既鹽燒白鱔煲仔飯，細細聲話俾你哋聽，我係衝住呢個飯嚟呢間餐廳哈哈😄白鱔好肥美，魚油香超足，飯焦金黃香脆，撈勻流心蛋黃加埋秘製嘅甜豉油，食到停唔到，誠意推介100分。到咗甜品方面，佢哋今次嘅精選甜品係黑朱古力蛋糕，蛋糕細細件，黑朱古力味道濃郁唔太甜。飲品方面佢哋係用返唐伯虎點秋香裏面嘅名嚟命名！我哋叫咗還原靚靚拳同埋文武雙全！~還原靚靚拳裏面係清酒桂花紅石榴嘅Cocktail，聞落去已經有好香嘅桂花味，飲落去係甜甜地，有陣陣嘅紅石榴淡香，好啱女仔飲。~文武雙全呢杯聞落去已經好重酒味，係有煙燻嘅香味，入口係會偏苦少少，但就好打卡able。廚師推介二人餐$698🌸五色海藻沙律🌸是日餐湯2位🌸蒜蓉辣椒燒蠔🌸唐揚墨魚咀🌸海苔魷魚天婦羅🌸串燒盛 🌸鹽燒白鱔煲仔飯 +$40🌸精選甜品秋香📍 屯門青善街38號康景花園地下26-27號舖…查看更多

泰Grill全新分店已經係筲箕灣東大街開左啦，今次試咗特盛冬蔭湯海鮮金邊粉假日套餐，連放假都有holiday set真係太好啦！！！放假嘅朋友一樣可以食到超值優惠嘅泰菜。特盛冬蔭湯海鮮金邊粉🍜🐙🦐香濃冬蔭湯底配上唔同嘅海鮮配料，扇貝同青口都好大隻，份量十足，完全滿足到鍾意飲冬陰功湯嘅我！鍾意食芒果糯米飯嘅我當然要追加呢一個甜品，熱辣辣嘅糯米飯配上椰漿加香甜嘅芒果簡直係絕配一流，大家快啲嚟試吓！跟餐:青木瓜沙律跟餐飲品:泰國茉香奶綠泰Grill📍 筲箕灣筲箕灣東大街59-99號東威大廈地下11號舖…查看更多

西九甘chill既地方原來係M+博物館有間格調既中菜廳，今次黎到璞，落地大玻璃望住個海景食飯好寫意。一開始當然叫佢地既招牌菜”蜜餞西班牙黑豚肉叉燒”，叉燒外層沾滿左蜜汁，微焦既口感，但軟嫰度就差少少，另外搭配紫蘇葉食又有另一層次豐富。第二主打係”松茸菊花豆腐”，完成被賣相吸引，要將豆腐切到菊花綻放既模樣，刀工精湛，呢碗豆腐湯淡淡的松茸味，健康之選。千邑牛肝菌燉牛臉肉經過慢煮而成，香濃既牛肝菌汁朝鼻子撲來，肉質好軟嫰，好滋味。脆皮米網蝦腸好出色，有精緻既擺盤，味道方面好香脆，都有好多蝦肉。最後龍蝦湯小籠包就正常水平，龍蝦湯可以再多啲，外皮就乾左少少。璞Agate📍尖沙咀西九文化區博物館道38號M+ B1樓…查看更多

相信大家食甜品永遠有第二個胃，今次黎到旺角既一間高質甜品店甜悅，剛到門口既時候已經見到舖頭裹坐滿哂人，甜品既種類都好多，中西式糖水都有齊，最吸引我既係有椰皇既甜點，滿足到超鐘意椰子既我，而我地就叫左椰皇楊枝甘露小丸子加芒果雪糕，仲有芒果芋圓仙草，兩樣都非常出色。椰皇楊枝甘露小丸子加芒果雪糕🥥🥭🍦🍡楊枝甘露每啖都食到香甜既芒果，再配上芒果雪糕係好加分，小丸子口感好有咬口好Q彈，整體非常好👍🏻，要推薦！芒果芋圓仙草加芝麻湯圓🥭有時食既仙草會好重糖水好甜，但呢間既仙草係吾太甜，芋圓好煙靭有咬口，好香芋頭同地瓜味，芒果又好香甜，另外加左兩粒芝麻湯圓都係好好食。另外佢地仲新推出左外賣雪糕糯米糍，即叫即包，雪糕口味有豆腐，芝麻，開心果同D24榴槤味，我就揀左開心果味，外皮好煙靭，開心果雪糕味好香濃。甜悅 Joyful Dessert LabAddress📍旺角花園街11A號地舖…查看更多

鐘情日式料理既我今次黎到位於太子西洋菜南街性價比高既東京街，一黎到就被門口和風style既裝修吸引住，一秒好似係日本既感覺，而店內食物選擇多樣化，有串燒，定食，刺身，壽司，丼飯，Shabu Shabu都應有盡有，定價合理好抵。今次叫左兩個什錦寶盒，北海道海膽卷，燒牛舌同燒荔枝煙肉卷，超豐富既賣相同口感，刺身新鮮，味蕾好滿足呀😉😉😉💞什錦寶盒B🍱~帶子刺身~油甘魚刺身~日本大福~芝麻八爪魚~溏心蛋半隻🥚~冷烏冬~厚切三文魚🍣~怪獸甜蝦壽司~怪獸鰻魚壽司~加州卷~味噌湯什錦寶盒C🍱~三文魚刺身~油甘魚刺身~甜蝦刺身~吞拿魚刺身~生蠔🦪~日本大福~玉子燒~帶子魚籽壽司~加州卷~日式餃子🥟~胡麻醬冷烏冬~凍檸茶~北海道海膽卷海膽好新鮮，一啖食口感層次豐富，推介。~串燒燒牛舌 燒荔枝煙肉卷東京街(西洋菜南街)📍 太子西洋菜南街228號地舖…查看更多

今日黎到呢間位於西營盤正街既異國風情餐廳Bro’s Sis, 店內以藍白風格為主，裝修採用歐式風格，主打多國菜式佳餚同飲品，約埋朋友嚟一齊食吓嘢傾吓偈非常適合。🌊Bruschetta 法式麵包配上蕃茄芝士及香草口感非常清新開胃，好適合而家夏天食，而呢一款都係店員特別推薦嘅菜式之一。🌊Calamari炸魷魚圈配上蛋黃芥末醬非常香脆好食，魷魚圈上面嘅炸粉適中，食嘅時候好想配返杯啤酒。🍕Pepperoni 辣肉腸芝士薄餅厚薄適中，價錢非常親民份量又多，辣肉腸配上蕃茄醬加芝士非常推薦。🍰Chocolate Brownie 呢個朱古力布朗尼搭配雲呢拿雪糕可以中和番個甜度，裏面個朱古力夾心熱辣辣，好似食緊心太軟一樣。🍹Mimosa Cocktail 🍹 Apple Juice呢間由外籍人士主理嘅異國風情餐廳位置鄰近西營盤地鐵站，餐廳不設加一收費，店員服務態度非常好，亦會問我哋覺得啲食物味道如何，非常有禮貌，一個朋友聚會既好地方。兄弟姊妹( Bro’s Sis)📍 西環西營盤第二街6-8號地舖…查看更多

最近尖沙咀樂道新開間性價比高質崩沙牛腩，好味又抵食，橙色招牌好易認，店舖環簡潔舒適，位置十分靠近地鐵站，鐘意食牛腩牛雜既你可以黎試下。🐮牛三寶麵係”王子”必食推介，崩沙牛腩肥瘦適中，好入味，牛肚好爽口，牛筋入口即化，湯底好夠味，加埋佢地自家製辣醬實在太好食。🦐炸蝦餅一碟有四塊，炸得好香脆夠熱，好重蝦味，即叫即整非常新鮮。🥟炸雲吞雲吞炸到金黃酥脆，裏面仲有好大粒蝦再搭配泰式辣醬好好食，大家可以試吓。…查看更多