cyrusty的个人专页

今日同同事一齊去食lunch 第一次試帝都酒店入面啲餐廳 個menu 個個set都好吸引 揀咗好耐先揀到天婦羅定食 因為啲同事話之前食過都幾好食 搞到我心思思都想試下落咗單之後前菜大幾5分鐘就黎 除咗最普通嘅沙拉之外 原來仲有一隻鮑魚仔 人生第一次食lunch都有鮑魚食😗隻小飽魚好鮮同彈牙 啲沙拉菜亦都幾新鮮同個調味啱啱好食完前菜冇幾耐 個餐就出啦😆整體而言成個餐望落都好靚好豐富除咗啱啱食嗰個沙律同埋小鮑魚之外仲有兩舊豆腐做前菜 呢個天婦羅set嘅炸物種類好多除咗有兩隻用新鮮蝦整嘅天婦羅之外 仲有南瓜番薯茄子等等嘅炸物 食完飯同埋炸物🍤🍤之後飲返碗熱騰騰嘅味噌湯同食埋佢個甜品真係夠曬飽🤰🏻👍🏼…查看更多

同朋友一直都好想試下「秘」因為佢長期都好多人推薦 我地嗰日12:00等佢開門就準時入去 好驚冇位點知入到去發現嗰日竟然冇咩人！shocked我同朋友都點咗佢最出名嘅吉列牛試試佢 果然原名不虛傳 啲肉質十分鮮嫩 份量亦十分充足 跟餐仲送埋野飲 好抵食可能因為冇咩人嘅關係 出餐嘅速度好快 店員嘅服務都好貼心 幫我地加大咗個火幾次👍🏼 有機會會再去食！…查看更多

譚仔係其中一間我食極都唔厭嘅餐廳 佢除咗好抵食之外 佢啲酸菜同肉醬亦都好好食每一次我食完之後都會想叫夥記幫我添d過橋米線套餐係我差唔多每一次都會點嘅set 因為我通常都會同人哋share 而呢個餐就啱啱好夠兩個人食 除咗平啲之外 過橋米線套餐仲可以一次試曬唔同嘅配料 滿足我呢啲心大心細唔成日都知揀咩餸嘅人點解我會話譚仔食極都厭? 原因係因為佢啲湯底有好多唔同嘅辣同辣度可以畀你選擇 雖然每一次都食同一個set 但係當個湯底辣度唔同嘅時候 每一次食仍然會覺得好有新鮮感 越食越滋味!…查看更多

有日同同事去咗薔紅餐廳食飯 入面嘅嘢食真係又大件又抵食 啱曬番工一族! 個人至愛係佢個燒春雞套餐配薯條 十次有九次都係叫呢個餐當食lunch唔知食咩嘅時候啲同事都會話係 不如薔紅啦📢 可想然而知間餐廳已經變咗我哋食堂咁燒春雞嘅外皮十分薄脆 每一次叫都好似係啱啱炸完出嚟咁樣 熱辣辣 第一啖咬落去嘅時候 更加會有啲肉汁爆出嚟👀 真係好正的!餐廳為咗方便食客用手食 仲會提供埋手套比我地 真係好貼心呀! 如果覺得唔係好夠味仲可以自己擺落淮鹽落去 或者用枱上面嘅調味料調一個你自己鍾意嘅醬汁去點✨OVERALL:9/10 ✨…查看更多

公司附近冇乜好野食 所以有一排冒住爆瘡嘅風險差唔多日日都食m記😳I'm loving it!. 由細細個聽到依家 真係幾深入民心 以前覺得有得食m記係一件好幸福嘅事 但大個咗就覺得m記只係頹食同糧尾之選(個人想法only)麥樂雞餐一直都係我嘅至愛 因為佢係麥當勞入面嘅超值套餐只係25蚊雞 而且味道都唔差 雖然好耐之前好似有講過啲麥樂雞有問題(?)除非有啲新嘢推出 而我又好感興趣 我先會嗌麥樂雞餐以外嘅餐 每一次食麥當勞我都會嗌一杯熱朱古力因為我覺得食完薯條或者麥樂雞呢啲油膩嘢 飲番杯熱朱古力可以幫助降低罪惡感…查看更多

成日經過A1-bakery都好想試下佢d麵包同蛋糕,但作為一個貧友仔,又點會有錢買呢😭好好彩有一日經過鋪頭嘅時候見到d chess cake竟然有減價!!!我個刻真係super開心,好似中咗獎咁(誇張法)$58hkd 8折,用$46.4就買到個高質蛋糕!HAPPY🎊 番到屋企即刻試試佢!Chess Cake嘅味道好香濃 抹茶同芝士嘅味道融合得好好 細細啖食感覺好似入口即溶咁 大大啖食亦都唔會膩或者覺得好heavy 反而味道幾濃郁下 唔會太苦或者太甜 屋企人難得都話幾好食😂如果下次經過再見到有減價會想試埋其他味嘅Chess Cake!💨💨💨…查看更多

去完台灣冇耐 好掛住d台灣野食 於是就同朋友去咗呢間餐廳食dinner😙雖然比起台灣,d野食嘅價錢的確唔係好平,但為咗止癮都照試試佢!!!我同friend叫咗2樣野食,1杯野飲同一個甜品一齊share😳１.台灣肉燥飯首先係正餐,台灣肉燥飯! d肉燥咸同甜嘅味道balance得幾好,但我覺得d肉碎好似有小小大粒得濟,但overall黎講係幾好食嘅!2.塔香鹽酥雞送上黎嘅時候熱辣辣,仲出緊煙,應該係啱唔炸好好脆,完全唔油膩, 同台灣夜市食嘅鹽酥雞有得揮👏另外,佢嘅擺盤亦都幾靚, 鹽酥雞上面有幾塊葉, 雖然唔知係咩葉, 但d味道都幾特別😂3.芒果海鹽芝士奶蓋不錯,幾香奶味又唔會太咸,芒果味都幾出,鐘意芒果嘅人可以試試佢4.黑糖芋圓仙草凍4號一個字:正! 我同friend搶食咁濟…查看更多

尖沙咀物價貴係人都知,午餐通常都要5,6十蚊,有d餐廳食飯時間更加要排長龍🙌小編今次就試咗佳記嘅拿破崙肉醬燒雞扒做lunch雖然食飯時間都幾多人,但入座後d員工都幾快過黎幫手落單, 落單後唔洗10分鐘熱辣辣嘅飯就送到💨肉醬嘅味道雖然唔算驚豔,咸咸地,有d酸,有d辣,係想像中唁嘅肉醬味😂但個飯嘅份量同雞扒嘅大細真係有驚喜,塊扒仲大過手掌✋,亦都冇乜雪藏味,本人覺得十分抵食!!!大食嘅朋友一定會夠飽,大家不妨一試!!!…查看更多

前幾日細佬生日,次次有屋企人生日都要諗好耐食咩蛋糕好🍰,諗到頭都痛行咗唔少鋪,細佬都揀唔到,最後落咗sogo嘅Italian Tomato睇👀佢終於睇啱咗個coffee咪蛋糕!雖然有少少貴,但生日都係一年一次,所以就買咗個番屋企試下(咖啡蛋糕☕ $360hkd, 21厘米)自問我唔係咖啡迷,但個海綿蛋糕的確有幾香濃嘅咖啡味, 就算平時唔飲咖啡都接受到。蛋糕面有數粒核桃, 除此之外, 仲鋪滿咗牛奶朱古力同埋果仁,令蛋糕嘅口感大大提升。本人認為唯一美中不足嘅係d cream有少少油膩(可能因為我自己平時好少食cream),可能再調整下會好d✨OVERALL:8.75/10✨…查看更多

J.S foodie係日本嘅過江龍,主打美式漢堡同班㦸。平時間鋪成日都排長龍, 但有日行開九龍塘,可能因為係閒日同唔係食飯時間, 見竟然冇乜人排隊,於是即係入去試試我同朋友點咗原味班戟同煙肉煎蛋班戟一齊share食。原本仲驚唔夠飽,但食食下先食佢嘅份量真係好足!我同大食朋友都食到好飽👍講講原味班戟先($99),個人覺得係其中一樣黎到必試嘅菜式。個班戟好有空氣感, 食落同聞落都蛋味十足。就咁食同搽埋d奶油一齊食,味道都十分驚豔,口感一試難忘,令人有再去食咗衝動。至於煙肉煎蛋班戟($129),相比原味班戟,佢俾我嘅感覺同印象就冇咁大。但味道仍然十分不錯。太陽蛋煮得啱啱好,蛋黃係流心嘅。 班戟好鬆軟,落蜜糖落去食有另一番滋味。 沙律亦都好新鮮,同d醬好match。值得一試!…查看更多

銀咖哩係我中學時嘅回憶,因為佢又平又大份。以前就算冇乜零用錢,但為咗去食銀咖哩,平時會特登慳d洗。有日同朋友係青衣行街,見到有間銀咖哩,即係衝入去食。 嗰日係星期五,大約2點,所以間舖好靜。我點咗個招牌吉列豬排咖喱飯,有學生證仲有杯免費野飲, 有可樂同湯揀。等咗大約十分鐘,新鮮熱辣辣嘅咖哩飯就到咗。我急不及待咁食咗第一啖,d豬排真係炸得好脆同好juicy!!! 中學嘅回憶都番番黎!咖哩同飯嘅比例好好, 每啖飯都會有咖哩汁。一路同朋友傾計一路食, 傾傾下不知不覺己經食曬個飯😂有機會一定會再去!…查看更多

行行下銅鑼灣 突然有d肚餓 又咁啱係下午茶時間, 於是就去咗位於謝斐道嘅湯火功夫試新野。 相比起銅鑼灣其他嘅食市,湯火功夫嘅價錢真係好抵食, 一個下午茶set 只係大約40蚊。我同朋友嗰日分别試咗招牌麻辣燙+牛肉+油麥菜+米線同番茄湯底麻辣燙+牛肉+油麥菜+薯粉。招牌麻辣燙+米線簡直係最徍配搭。d配菜吸曬d湯底, 一啖湯一啖米線,係li個涷冰冰嘅天氣簡直係救星!食完即係成個人都暖番曬!!!由於本人唔食得辣,於是店員就推薦我食番茄湯底麻辣燙,因為個湯底本身係唔辣嘅。同我一樣唔食得辣嘅朋友可以根據自己嘅口味 落唔同份量嘅辣椒醬或者麻油!(免費嫁!!!)但就算唔落醬 個番茄湯底麻辣燙都己經好有鮮味,酸酸地,非常開胃!最後,我好推薦湯火功夫嘅原因係因為佢隨餐跟埋一個野飲。有涷奶茶,涷檸茶同酸梅汁揀!真係好抵食嫁!…查看更多