愛美麗協會主席的个人专页

諗住小店支持一下，咁就叫左本熱的錫蘭奶茶。本人一直都叫開無糖，亦都相信無糖可以更突出奶同茶的比例，奶同茶的用料，同埋沖嘅手勢。今次呢杯嘢熱就夠熱。但味道完全係淡之無味，錫蘭茶葉的味道係零。叫佢係一杯奶水都已經好俾面，因為飲落真係10%奶，90%水咁。試過唔同茶餐廳/台式飲品的無糖奶茶，當中有奶水，但今次呢杯真係劣中之劣，飲左1/3本身希望個底啲味好啲但頂唔順搵廁所倒左去。大家千其唔好好似我咁傻以身試伏，$24買個教訓都痛。附近有天仁同新開的花斑揀。…查看更多

星期日下午有事情來到長沙灣辦事。見地鐵一出附近有呢間，而且見到門面有mirror嘢，諗住試下。一入黎，播mirror歌，環境好似唔錯，有幾幅油畫掛住襯托下。Order左All Day Breakfast + 熱奶茶 + 送粟米湯 ($82)粟米湯 - 夠粟米味但略嫌比較稀。10分會俾4.5分熱奶茶 - 不過不失。正常水準。10分會俾6分All Day Breakfast - 有大啡菇，炒蛋，焗豆，牛角包，雞排，腸，生菜。整體而言我覺得係唔合格，10分會俾2分。- 大啡菇: 苦味濃，整唔到應該有果陣鮮味同口感。- 炒蛋: 沒用牛奶加滑，一睇同一食就知係就咁一隻雞蛋煎熟就算。- 雞排: 超級多油，拎起會見到一大堆油積係下面。 雞味未算突出，有少部分食到有筋。- 腸: 正常，但同上好多油。- 焗豆: 個人覺得係judge whether all day breakfast fails or not其中一個benchmark。食到口凍冰冰，已經可以fail。除左食物，仲有以下observations: 1. 個餐具盒隨手拎第一支刀，上面有好明顯的食物漬，唔知係洗唔甩定點，但擺出黎絕對唔討好。2. 目觀樓面定廚房，沒人戴手套就清潔或者執檯。建議為員工為食客著想戴返先。Overall，如果純粹同朋友嗌杯嘢飲坐低hea下應該幾chill同舒服。正餐就不了。…查看更多

平日夜晚六點半左右，見又唔係咁肚餓，又有掛住toast box既土司，就諗住黎輕食個套餐。呢個時間沒咩人，大把角落位置適合一個人坐。本身諗住嗌餐，但見個哥仔換緊個燈泡，咁我都好配合咁企係到1 2分鐘等下佢，點知落黎原來係拎第二個燈泡。嗌餐果陣完全唔望人一啲服務態度都沒 咁個傳統土司餐主要有奶茶(新加坡果隻)，煎蛋，同牛油椰漿土司。奶茶味道岩岩好，甜甜地保持到水準。三分鐘後，煎蛋黎到，不過不失，雖然係屋企都自己煮到果隻。再六分鐘後，重點土司出場。真係跌哂眼鏡 係我太耐沒食定點 縮哂水迷你版咁，有一刻真係後悔38蚊咁食呢個餐。咁等左十分鐘咁以為會烘得好好啦，點先原來係凍既，烘既程度恰到好處，但個溫度真係唔得，完全沒新鮮出爐熱同暖既溫感。 真係好失望入面既牛油同椰漿沒鬆手，依然好食，但比兩塊凍既多士夾住真係扣哂分。總括黎講，我都會繼續食呢間既，始終奶茶同土司既味道出色，但就一定唔會再幫襯九龍灣呢間分店。…查看更多

之前係openrice見到menu同個名都好似好ok咁, 結局reserve左6個人 dinner 慶祝中秋前夕.一入去, 勁多空位, 我同友人都以為會係伏. 但我地抱住一股positive的心態點菜. Turn out發現D小菜其實都唔錯. 姐姐D服務都好好, 同我地有傾有笑, 仲幫我地影相. 櫃台姐姐見到我舉手都禁bell通知其他姐姐過黎. 好consider customer needs. …查看更多

2點幾, 肚仔餓, 見呢間沒咩人之前又未試過諗住入黎試下.其實格局真係好日本feel, 好多位都係對住牆.唔知係唔係因為一個人都沒, 2個後生侍應仔係到吹水同玩電話.一坐低, 睇menu, 好似好吸引咁. 叫左碗拉麵咦!?!? 點解D料同張MENU睇到既少咁多!? MENU上面冬菇, 豚肉, 蛋都at least有2,3個.唔對路我叫個侍應, 得到既回覆係 : 圖片只供參考.料又少, 湯又淡. 唯一正正常常的就係泡菜同紅豆冰.結果仲要俾10% service fee. 走果陣個侍應都沒幫我拉開道重既門. 完完全全失望.唔會有下次. not recommended. …查看更多

星期五晚上七時, 同屋企人打算食越南菜, 於是就黎左最就近的呢間. 第一次食.出奇地有好多位 我認為餐廳的裝飾, 氣氛雖然未比到人一種真真正正越南餐廳的感覺. 但柔和的燈光始終令人可以舒舒服地進食. 字數限制關係,這裡加多句 : 下次必定會再試呢個湯粉服務員的態度感覺殷勤好客. 比4分係因為相信仲有更大的進步空間 埋單$91, 臨走時接近8點, 餐廳內已經好多人.下次會再來的 …查看更多

話說今日係寶琳行街果陣覺得好肚餓, 於是心血來潮就來左呢個薩莉亞食tea, 因為記得呢間野都幾好.因為一個人既關係, 所以根本唔洗等位 值得一提的是, 呢間餐廳既食物抵食得黎仲好飽肚. 主要食物都係有用到牛奶同芝士.更好的是, 呢間餐廳唔洗加一 下次會同朋友黎食.…查看更多