carlosccc的个人专页

係中環搵一間涼茶舖實在係好困難，當然呢一間老鋪位置便利，係人流交匯處，如果想係中環飲杯涼茶確實第一時間會諗起佢。當比錢準備買杯廿四味下一下火，店員將啲涼茶左搬右搬，只係問一句個杯係唔係廿四味，店員就大聲疾呼咁叫：你攞啦！先不說涼茶幾有功效（我相信好多人只係覺得熱氣先買，唔舒服直接睇中醫啦），正常消費者比完錢買仲要比人鬧既，實在難以接受。如果你話老鋪係咁架啦，我諗佢地實在要與時並進一下，做返基本既要求。咁多遊客幫襯，唔好比個壞印象人地啦唔該。…查看更多

位於銅鑼灣希雲街暗角的一間小店，名為<YAWN CAFÉ>，位置極不起眼，因團購關係，每個人$70已有一個套餐(1份主菜 + 1件自選自家製蛋糕 + 1杯飲品)，便決定抱住冒一下險既心態去試試，結果叫人喜出望外﹗對銅鑼灣地方不熟路，因此比Booking時間遲左半粒鐘，但店員態度還好，可能當日人客不多吧。套餐主菜有3款任揀，包括熱鍋薯粒、意大利飯及漢堡包; 另外自選蛋糕包括(T骨扒型)布朗尼、APPLE CRUMBLE及香蕉/麵包布甸。事實上，除左價錢合理之外，我係為(T骨扒型)布朗尼及APPLE CRUMBLE吸引才買呢個團購的; 最後，分別揀了墨西哥辣牛肉薯粒熱鍋和意大利雜菌飯為主菜，都以鐵版上，感覺特別，上菜亦算快。而且熱鍋的牛肉粒炒得好香，又有少少辣，很滋味。甜品當然揀左T骨brownie 同apple crumble，T骨brownie同圖片影既一樣，貨真價實，真係要讚賞下廚師既創意，同牛扒有90%相似，一塊牛扒既做型做出T骨brownie，仲附上朱古力醬扮黑椒/洋蔥汁，應真一絕﹗食落又有濃濃的朱古力味，加上vanilla 雪糕絕對係一絕，Apple crumble同樣出色，見到好多散客專程嚟食呢個。飲品方面，仲可以揀拉花咖啡，咖啡亦很有水準，拉花技巧不錯。總括黎講，一間值得支持既小店，廚房內見到一班年青人煮食物絕不媽虎，值得一讚。光顧當晚係星期日，但很寧靜，享這晚豐富晚餐，現在仍念念不忘，會再光顧﹗…查看更多

一向都想試一試係工廠區的餐廳，感覺好有特色，尤其係內裡佈置與工廠外表大庭相逕，更為吸引。今天試的這間Bondi，十分方便，APM一下去轉彎就到，本來想星期五晚8點半去應該沒多人，但估計錯誤…門口的menu表示只有set dinner，價錢由100起跳，至200左右。待應帶我們到門口附近的位置坐下，裝修有café的感覺，本來應該係跟另一半談天聚餐的好地方，但當晚的客人極為嘈吵，而且可能樓底較低關係，談天十分困難。說回食物，2人點了香草帶子闊條麵及法式燒春雞，並加了一個湯和飲品。先上的是餐包，跟意大利醋點來吃，沒有很酸的味道，反而有點甜味，跟微暖的麵包一起吃實在很夾。餐湯就比較失色，是普通的羅宋湯吧。再來主菜，香草帶子闊條麵有很香既香草味道，另外帶子鮮甜，份量十足，配搭起來真的很新鮮。法式燒春雞沒有過了火喉，雞燒得嫩而熟，明顯廚師對火力與時間有熟練的技巧，香草的味道也提升了雞的味道，值得一讚。飲品方面，選了flat white，因不是很多地方可以喝到，但咖啡面頭的焦味實在有點破壞了咖啡的味道，有點失望。整體來說以食物來說為不錯的餐廳，質素與價錢成正比。…查看更多

一直想試試工廈CAFE型式的餐廳，今日終於有機會一試一進門，地方不大，唔計外面既露台，大概只可以容納40人左右但感覺不會太迫，每個位都有私人空間我們2個人各點了一個午餐，侍應亦有主動介紹MENU上既套餐別以為一定介紹最貴既餐，他推介了一個法式洋蔥豬扒餐，我當然相信佢既推介，另外還點了一個羊架先送上麵包同湯，麵包比較特別，似係脆條吧，用來送湯亦不錯套餐大約10分鐘後送到，豬扒的確如侍應所講，有少少咸同出面其他餐廳食既感覺唔同，而豬扒亦非常嫩，沒有煎過火，非常不錯。以小店來說非常不錯，而且侍應們都主動有禮，價錢亦相當合理，確實值得推介…查看更多

放題一向唔係自己喜好，一來自己食量唔多，二來好多放題既食物質素唔算好但心血來潮發覺好耐無食過放題，見呢間既好評好似不少，於網上訂了位和女友試一試可能抱住試一試既心態，感覺唔錯當日朝早職員打黎confirm，感覺都有禮貌我地早左15分鐘入去，當時都有位，職員都可以安排到位比我地，唔需要我地等第一輪當然係刺身，主要係三文魚同希靈魚，刺身無急凍既雪味，而且係厚切，有返相當既口感，比起其他放題算係中上仲有好多人推介既火炙三文魚壽司，個醬幾甜，有d蓋過左三文魚既味，但三文魚入口即溶，而且我地本身對火炙三文魚既喜好，都覺得值得推介另外值得推介既有,三文魚天婦羅，燒波蘿，東風螺三文魚天婦羅比較少見，但做到外脆入軟，幾特別燒波蘿雖然燒過，但入面多汁，食起上黎甜甜地，好味東風螺雖然個螺普通，但連湯上既羅白先係重點，好入味，又林當然野飲只有汽水，選擇如其他食評所講一樣咁少甜品只有門口個個雪糕櫃，當日有最愛既芝麻味雪糕，但見雪條似乎最受歡迎(定只係無refill...)服務態度可以接受，都無咩漏單，黎既野仲有多無少(三文魚叫15件黎左20件而且好多野叫完好快就上，令你唔會有太多時間等，比好多放題都要好另外場地好細，雖然比較迫，但舉手示意職員好多時都睇到但試過漏左個沙律同汽水其他都一般水平，整體黎講168+1有呢個水準算唔錯…查看更多