iammandy的个人专页

呢間係屯門比較出名嘅米線店突登搭車入黎試下我試左腩肉清湯米線湯底酸味剛好，米線軟硬適中腩肉調味唔錯但overcooked所以好鞋另外散叫左炸豬扒調味正正常常但一樣都係好鞋跟餐凍菜蜜正常冇特別30-40蚊一碗米線價錢係平而且份量唔算少但質素係一般唔知係咪我唔好彩咁岩廚師煮到overcooked因為我見店舖都座無虛席同有唔少人買外賣overall黎講如果下次黎開附近可以再試下嘅但突登搭車入黎真係冇必要…查看更多

每次行過snack express都會心癢癢想食返碗生菜魚肉碗仔翅雖然魚肉碗仔翅好多小食店都有得賣但唔係間間都好食好多時午餐諗唔到食咩黎呢度食碗生菜魚肉碗仔翅做簡單午餐都係唔錯嘅選擇呢間生菜魚肉碗仔翅生菜爽脆魚肉數量超多而且滑嫩彈牙而碗仔翅則湯底味道濃郁食落口感順滑每啖都食到木耳同冬菇絲真係好好味希望佢日後係其他區開多幾間分店啦如果佢開係我屋企附近我應該會成日去食…查看更多

聽聞呢間舖頭雖然個名以餃子做主打但最出名係手撕雞飯手撕雞飯加雞蛋大大碗都係$43手撕雞飯撈埋芽菜同菜甫真係第一次見但係估唔到都幾match成碗飯爽口咗好多手撕雞飯秘製醬汁係甜甜地但我叫咗小辣所以係會越食越辣又甜又辣呢種感覺都幾得意雞肉我略嫌有少少鞋口而雞蛋就幾出色，鹵得好入味overall來講算係唔錯嚟得食飯當然要試埋餃子叫左個餃子雙拼，印象中好似係$30餃子皮我略嫌厚左少少肉餡係新鮮嘅味道算係普普通通不過不失另一點值得一讚係店舖兩位姨姨都好好人見你張檯坐得唔舒服會主動幫你換凳食完又會問下你野食岩唔岩食係有人情味嘅小店👍…查看更多

見到OpenRice有優惠$91兩sets雞蛋炸髀飯就試試佢炸髀超大隻成隻手掌咁大雞髀唔會炸得好油膩雞皮香脆雞肉嫩滑咬落去淡淡肉汁非常入味好值得一試雞蛋流心，略嫌豉油汁味道較淡而且份量唔夠送飯可能因為外賣拎到返屋企已經乾哂如果豉油汁可以分開器皿黎裝就更好了…查看更多

由荃灣行黎深井想搵嘢食隨意地走入左呢一間傅記飯店叫左口水雞（$68）、傅記脆皮燒鵝（$170）同蝦膏雜菌炒豚肉（$92）三道菜式口水雞雖然係例牌但係實際上真係超級大碟口水雞汁調校得好好辣得黎又好惹味雞肉嫩滑但係有少少肥但係整體都好食嘅脆皮燒鵝鵝皮真係非常香脆而且食到炭火嘅香味鵝肉也蠻嫩，唔會鞋口咬落去亦充滿肉汁真係唔錯蝦膏雜菌炒豚肉炒得好有鑊氣豚肉腍滑入味雜菌香口爽脆唔油膩叫呢個餸送飯簡直一流二人連埋白飯啤酒茶錢埋單400蚊到食到勁飽價錢又唔貴由於每碟餸嘅份量都有返咁上下如果細食嘅人其實可以只叫兩個餸都夠食…查看更多

每次行過咗都有個叔叔企喺門口嗰度好殷勤咁叫大家入去食飯門口又有好大浸煲仔飯嘅味道經過幾次都想試吓佢一行二人嗌咗兩個餐芝士焗大蝦球飯（$68），另加凍奶茶3蚊焗飯熱辣辣，芝士白汁味道濃郁飯粒粒粒分明有咬口唔會軟腍腍美中不足係蝦球小小鞋整體都唔錯凍奶茶正常，但奶味較重另一個四川麻辣雞煲（$78）跟餐有飯，另加凍檸茶（$3）叫左小辣但已經好惹味雞煲雞肉嫩滑，配料吸哂啲雞煲汁都好正雞肉炒得有鑊氣而且份量唔少雖然價錢有點小貴但係旺角呢啲地段算合理凍檸茶則普普通通冇特別臨走時門口叔叔再主動同我地講多謝同拜拜都幾貼心總括來講呢間餐廳幾好食價錢合理見到每檯都叫煲仔飯，可以下次再黎試下…查看更多

黎開長沙灣呢頭試下呢間傳聞中$20鐵板豬柳大約12點去到都仲有得食侍應姨姨好有禮貌仲主動推介我地食$20餐，值得一讚加左$22+$3（凍飲）要埋個套餐包餐湯、薯菜、飲品同雪糕埋單$45免加一真係好抵食講番食物質素方面白湯大大碗足料忌廉味濃仲有唔少蘑菇粒鐵板豬柳味道唔錯揀左黑椒汁豬柳有兩大塊又炸得香脆外層粉皮唔會過厚亦冇炸得過老凍奶茶個人覺得奶味重左少少但都可以接受甜品可以揀雪糕或者啫喱雪糕係雲呢拿味味道一般下次可以試吓佢嘅啫喱…查看更多

食過好幾間唔同店舖嘅豬油渣麵都係最愛呢一間偶爾經過呢度都總會心癢癢想食番碗油渣麵賣$36 麵質彈牙爽口湯底清甜又唔會好肥膩豬油渣炸得非常香脆配埋菜甫火腿冬菇絲同蔥花就算叫唔辣都好好食…查看更多

聽聞呢一間肉餅餐廳超多唔同款嘅肉餅咁啱去開天水圍嗰頭當然要試吓佢啦一行二人叫咗升級版六重芝士煎肉餅飯（$65）同埋北京烤鴨風格煎肉餅飯（$65）飲品方面就叫咗熱杏霜（加$5）同埋凍檸樂（加$13）六重芝士肉餅芝士味好濃肉餅煎得好香口如果你同我一樣都好鍾意食芝士嘅話你一定會鍾意，芝士配肉餅真係Perfect match另一款北京烤鴨肉餅其實都唔錯肉餅仲夾咗啲青瓜絲，唔會好肥膩但係總係覺得肉餅同烤鴨唔太夾下次未必會再嗌熱杏霜好好飲超香杏仁味凍檸樂就普普通通啦茶餐廳水準講完好嘅講唔好嘅肉餅嘅size比較細飯嘅份量都唔係太多男仔未必夠飽飯連熱飲要成$70有啲貴性價比個人覺得唔算好高如果你咁啱黎開天水圍可以試吓但係如果特登出嚟食就未必推薦…查看更多

疫情終於放寬食肆可以晚上食飯即刻book咗呢一間燒哈哈放題三百幾蚊食足三個鐘海鮮大大隻又新鮮種類都好多有扇貝、流水蝦、帶子、蜆、鮑魚、蠔、魷魚、同埋唔同嘅魚類海鮮迷一定鍾意點埋佢嗰隻泰式醬汁真係好惹味😋不過流水蝦食咗兩隻就冇食啦因為要放冰桶整暈啲蝦再拎去燒見住佢掙扎真係好唔安樂肉類方面都唔錯不過就冇海鮮咁出色我最鍾意食佢嗰隻燒雞翼啖啖肉肉質又滑又Juicy飲品就係都係嗰啲一般放題嘅紙包飲品啤酒咁冇乜特別食足三個鐘真係好滿足下次有機會都會再黎…查看更多

行過太子諗唔到食咩好求其下左入去2人分別叫左2個set特盛辣牛肉飯- 小辣（$59）牛肉既份量超多感覺有成半磅飯既份量已唔算少但牛肉仲多過飯牛肉唔算辣但幾惹味用黎送飯真係唔錯跟餐仲會送埋汽水tim日式牛肉鍋什炊泡飯（$47）我將泡飯轉左拉麵湯底係雜菜湯底味道濃郁飲左唔會口渴但可能因為浸左牛肉湯底有少少油拉麵非常順滑索埋湯汁味道ok流心蛋略嫌熟左少少牛肉都係牛肉飯個款肥牛唔特別再評價了跟餐送麵豉湯麵豉湯冇咩特別麵係坊間即沖麵豉湯既味道成個餐未至於極好味但絕對對得住個價錢跟餐加$8送辣酥雞雞肉微辣肉質嫩滑表皮又唔會好厚粉好好味總括來講食物絕對唔係驚為天人既美味但諗唔到食咩又想平平地食餐日本菜絕對係好選擇…查看更多

雖然呢排天氣好熱但經過廟街總會有少少心癢癢想食煲仔飯難得行過見到四季煲仔飯唔使排隊當然要食啦入面其實就冇冷氣嘅但每個坐枱都有把電風扇掛係上頭所以都唔會話太熱煲仔飯嘅價錢小貴啦揀咗臘腸滑雞煲仔飯（$68）送雪櫃嘅罐裝支裝飲品例如有支裝茶同汽水煲仔飯嘅飯份量好多雖然飯有少少濕同硬但係都可以接受而雞肉就好滑、臘腸都幾Juicy撈埋甜豉油送飯都唔錯另外叫左份細份蠔餅 （$48）蠔餅嘅粉漿啱啱好每一啖都食到大大粒嘅蠔仔肉蠔仔肉水潤又新鮮真係唔錯總括來講喺夏天冇冷氣嘅地方食煲仔飯的確有少少辛苦但味道唔錯又唔洗排隊下次都會再黎…查看更多

據聞呢間舖頭好出名炸髀突登黎潮聖叫左份炸髀太陽蛋飯配凍奶茶（$71）炸髀超巨型size大過一隻手掌即炸既雞髀熱辣辣外皮炸到金黃香脆食落啖啖肉又多汁真係唔錯太陽蛋半流心撈埋豉油真係好好味係略嫌豉油汁太少唔夠撈飯但整體來講勁飽同幾好味跟餐加既凍奶茶味道中規中矩奶茶唔夠茶味而且冰又佔左一半又要加3蚊唔係好抵飲雖然個飯幾好食不過70幾蚊真係有點貴坊間都有唔少主打炸髀既舖頭性價比更高住附近既不妨試吓住得遠既話就未必咁值得黎了…查看更多

一向係譚仔既粉絲見佢出左炸雞炸醬撈米線（$45）突登黎試下點知失望到極點炸雞係幾好食既皮脆肉嫩但份量少得個幾舊米線又冇隔走d水撈埋炸醬成碗米線係勁水而炸醬又真係太重口味我一向都係濃味怪但食到一半已經覺得好heavy太咸呢款新野真係冇下次好彩有叫杯凍檸茶（加$9）中和下唔係真係搞唔掂…查看更多

金鐘一向都係美食沙漠最近新開左幾間食肆當然要試下啦本人鐘意食辣所以揀咗辛麻叉燒菜飯（$58）價錢唔包飲品，所以有點小貴但本著試新野就算啦講番食評叉燒同菜飯份量都幾多叉燒燒得好香，肉質軟腍辣味適中幾開胃唔食得太辣既朋友都應該食到飯既面頭有粒流心蛋將它拌勻叉燒粒同菜飯一齊食一口飯一口肉都幾滿足美中不足係菜既份量較少流心蛋又唔夠撈哂成杯飯所以食到後面要乾噎白飯而且飯既份量真係好多男性朋友都話食到三分二已經好飽所以如果好肚餓真係可以試一試或者同朋友share食…查看更多