maxwinnie的个人专页

之前食過銅鑼灣 ，味道ok 但偏貴，咁銅記佢地服務幾好既，貴少少都唔緊要。今次見岩時間，約左朋友5點，仲有配料七折，諗住再去試下油麻地分店。點知即日下午兩點幾，經理打來話呢個優惠只限六點前離座，叫我地早啲黎，否則只有一小時用餐時間。但如果我早到，我便不用訂五點了吧？ 我打開openriceAPP 諗住同經理對下條款，但openrice 的優惠真係無寫，唔係我地無睇清楚。經理話佢地一向係咁樣offer 所以先會打電話過黎。最後爭論左幾分鐘，我表明未能早到，及距離訂枱時間只餘下2.5小時沒有預留足夠的時間再安排，你地有時限要求應該係優惠詳情講清楚。最後佢願意offer返6點前埋單 ，但唔需要即時離座既offer。但態度已經同一開始好唔同，有啲串咁話我地收十一點半，而且話條款有一句餐廳保留最終決定權。Fine, 咁即係你隨時又改都OK，咁又何必再討論。其實，如果係openrice寫清楚，我地決定訂座前時就會將呢個時間一併考慮。 優惠唔係餐廳第一日推出，公司有好多時間調整，講清楚要求。佢唔寫清楚，好似就係想引你訂座，再吸引啲唔想麻煩嘅人唔改Booking。人均消費都預左$300-400，咁既餐廳我同朋友都唔會再㨂，未去食已經食飽氣 。 最終我地都係取消左訂位，以後都唔想再去。…查看更多

週五晚上在新城市搵食，看到新開了這間串燒店，晚上九點後入座可享八五折，OR評論也不錯，便來試試看,結果自己看走眼，剛上齊食物，店員催了幾次埋數想先結帳，結果回家看才知道八五折沒有做到，桌上說社交平台打卡就送三支串燒，結果要做會員送的果茶劵被強說成是同一個優惠。果茶當然沒有，只有串燒多了三支。串燒是預燒的，這也不怪，但五花肉串全部燶邊超乾超柴、羊肉串是暖的、牛舌芯不是芯超乾扁、串燒蝦比較正常但頗黐殼、只有燒茄子墨魚仔我最喜歡，調味適中少少辛辣好惹味，可能少人叫，是要等的+熱辣辣上菜。放串燒的盤下面有個已經沒有爉的火，店員沒有換新的，只係強行點了兩次，轉身走後又熄滅了，我也懶得跟他們說需要重點。九點了只想吃完便走，前後40分鐘內已經完成點餐、進食、結帳的任務。 比快餐更快餐。至於服務，有一個像是暑期工的女生，感覺很不熟練，男生像沒有靈魂的機械人式在上班，只有收款的可能是經理或老闆有較高質的服務態度，但忘了把85折帶上。…查看更多

平日晚上八點幾，入到去都幾乎滿座。我們點了一個豆腐鍋牛小排套餐送一個石鍋白飯，配上韓式伴菜（可以refill) 其實已經足夠兩個女仔食。見到有最低消費要求，每人點一個order。所以另外散點一個韭菜海鮮煎餅。上枱熱辣辣，非常脆身，睇得出即叫即煎，加上微辣的醬汁，很好吃，不是平常在其他韓式餐廳吃到的粉漿比較厚身那種，反而有我在韓國讀書時學校附近餐廳的那種海鮮煎餅🤭唯一可改善係服務員質素，比較被動，一開始入餐廳也沒有人招呼，只叫你自己找枱坐下。但上菜速度快，有禮貌。埋單4xx，會再黎食的。…查看更多

今天到西九看戶外concert ,看到AE卡有折扣優惠特意訂座到故宮的下江南試一下，本身自己都好喜歡上海江菜附近菜式。到達已經快七點，8點關門，7:15last order,正常無問題。QR code 自助點餐，選好按下去才知道已點菜式已售完，這點很不友好，最後為免浪費時間，叫左職員下單，她才跟你說甚麼甚麼賣完了，有兩個菜都嘗不到，有點失望，而且職員可能習慣客人自行下單，對點單也不太流暢，感覺服務和系統都要強化。最好點了兩個套餐 （1）火薰玉蓮鴨子配面，夫妻肺片及櫻花蝦瑤柱茄子；（2） 雪菜大排面，鹽水鴨及蒜泥白肉味道都唔錯，兩碗面的面一樣，面質是偏手工中國粗面，吸湯也帶點彈牙，我跟朋友都很喜歡。火薰鴨肉炆得很軟爛入味👍🏻夫妻肺片偏辣非常惹味，茄子反而無咩特別，白烚放涼最後才加上櫻花蝦瑤柱醬；大排炸得酥脆，唯一缺點是太大火有點乾，蒜泥白肉偏鹹及鹽水鴨我不太欣賞，有陣濃烈的鴨臊味。但整體水平可以一試，附近餐廳有雅詩舒適的入座環境都差不多這個價位。性價比在西九區是不錯的。結帳時有小插曲，職員即時反應不錯。因為結帳時我說要AE卡支付，但他說AE 卡機已埋數不能再用，我表明因為有推廣才來吃，我也不知餐廳要在關門前埋數，結果餐廳果斷提供了其他等價的折扣讓我用AE卡以外的方式結帳，這個處理方式對我今次用餐體驗是滿意的。…查看更多

寫這篇文的最大原因是我的poor dining experience.  不是因為食物質素不行, 食物正常不過不失, 但服務品質和態度對我來說真的扣了很多分, 食到成肚氣。本來和朋友兩個人慶祝生日, 想找個評價較高的餐廳開開心心吃個飯。可惜當晚7點到達時並不滿座, 但入座也等了大約五分鐘才安排, 員工懶散和我去其他bar & restaurant 的印象完全不一樣, 通常是比較熱情的。點了兩個main 一個appetizer, signature 的 risotto 我們前後等了最少一小時30mins以上, 是1.5個小時, 無錯, 催了3次, 才姍姍來遲, okay, fine, 我地慢慢食都唔急。 但我口渴想refill Tea 的熱水都要叫幾次先加, 我真係對依餐飯無咩好印象, i m so sorry. 最後,快要十點, 終完食完走啦。 明明餐同香港銀行信用卡合作有discount (只係10% off), 但佢無幫我地discount。 我簽卡前見到張單問佢張單點解無折, 佢地有個好似著得比較高級的男士同我地講要埋單前講要discount, OMG 依個係咩乞E offer 我地完全不能理解,  又唔係用coupon???? OK, 我唔應該用正常餐廳的標準去理解。$50 睇清依間餐廳的高層營運態度, 真係無下次。不過你地唔怕可以一試, 我尖吵咀大把餐廳我唔知佢有咩咁吸引咁多正評。…查看更多