~PuiYee~的個人專頁

係openrice apps 頭痛緊食咩, 搵搵下見到呢間新開韓國野, 又多款色揀, 同埋見到D食評都唔錯, 係openrice 叫外賣自取又有特價, 就揀左個食評話好食既辣八爪魚野菜炒年糕, 去到淘大分唔到邊度係3期, 搵極都搵唔到, 要去門口問保安先知, 原來係donki 下面電梯再行入去, 去攞外賣時都見到好多人排隊.攞到返家打開賣相麻麻, 但有一隻隻八爪魚仔就幾似樣, 食左啖D年糕好似未熟咁好難咬, D汁又唔似平時韓式辣醬, 淡淡冇辣味, 同埋底好多蒜蓉, 唔係好夾, 係隻八爪魚仔最正常, 睇返呢間開左十幾間分店, 都好叫外賣試左, 好過坐係度食仲貴, 但真係冇下次, 我係超市買支韓式辣醬炒年糕仲好食過佢, 同埋佢杯熱檸水又係冇檸檬果種, 好似飲緊洗潔精咁.…查看更多

外賣$58無野飲。好似好開心咁有幾個餸揀，原來出到來咁既樣。。。。。。。全部食材用濃香料味整（容易呀ma),不過無特別，本來店出來時望住肉，特登反轉睇埋佢個皮，自己買條魚鯖魚叮熟佢加山椒效果一樣，，鯖魚咁平都可以只比手指尾咁短。見到依個已知依間店幾咁有心機製作。紙藏雞槌以為有咩咁勁，肉質煮到好老，加上隻濃味香料但唔算好食，少許孜然粉味，雞槌係手指尾最細個隻size.可能我唔識揀餸啦。其實真係兩餸飯咁，加個日式就乜都貴好多，乜都加孜然粉就好食，成個飯都係食調味料送飯咁，餸名靚d比佢吸引到我試一次。堅無下次。。。點睇都係無心機之作。。失望…查看更多

呢間想試好耐，但成日好多人係門口排隊，用外賣apps 要等成半粒鐘，同埋價錢都幾貴$68 一碗麵，唔包野飲，今日下左好大決心先來試下買個外賣，見佢張menu 寫$68 平過外賣apps, 所以打左電話來叫定先，叫左碗燒雞扒上海麵，話十分鐘就有得攞，比外賣apps 快好多，仲平左。打開碗麵，湯同麵分開放，可能因為咁外賣要加$2, 雞扒上面有d 黑色汁，我想講個汁冇咩特別，但雞皮仲有少脆，都算好食，飲淡湯，好好味又真係冇味精，配上海麵都ok, 如果配烏冬應該會更掛湯，但要加$8 ，最後我係飲晒碗湯，滿意會再食。…查看更多

呢間一直都想試下，但長沙灣實在太多間美人，好難揀到佢，今日自己一個食，又想清少少，又想平，就想起佢，我都係見到open rice 2019年有篇食評寫佢賣$35 有三餸飯 所以先想來試下，入到去間店好細，都係望牆bar 枱位，個$38估唔到咁多年都係加左$3, 幾叫左個三餸，三色蛋、菜心、紫菜鴨，跟住就係自助裝飯，d 飯比較圓，有d 似日本米，都算好食，紫菜鴨好咸，但應該唔關佢事，好多時素鴨買返來都係勁咸，炒菜就正常，三色蛋味道都可以，最驚人就係個湯，竟然係涼茶，仲等我期待係好好味既素湯，好苦既涼茶，飲左少少，去裝左半碗粥清返個口苦味，整體都ok，可再來。…查看更多

原本對佢幾有興趣，行成15分鐘先到，d餸如果係肉好似要$12，呢個價真係有d 貴所以我只叫左海帶同豆腐，$4 & $6，同埋係open rice 買湯米線只係 $20，叫左中酸辣，見到呢個價先試下，碗米線好多配菜，睇落唔錯，食啖唔夠酸又唔夠辣，餸份量ok，我叫左加底$6.4，加左底先係譚仔米線份量，好在加底未算太貴，但味就堅咸，味道層次唔夠，絕對係失望，如果撈可能會好味少少，因為多配料撈住食味點都好食d,都有可能食多次。…查看更多

呢間冰室同事推薦過好多次話好食，但我好少 lunch 食茶餐廳，但我見同事咁buy 呢間就去試食一次。入到去地方光猛，算乾淨，睇左午餐牌都有大約七款，唔係好啱我胃口，又想起見到食評有人寫話幾好食，問左阿姐大約等20分鐘，咁都ok, 等左差唔多20分鐘就到，賣相好靚，又放左d 菊花係個面，碟邊仲寫住 “可能係最好食酸菜魚” ，飲啖湯先，好咸 好重味精，酸菜冇味，湯唔酸唔辣，d 魚個樣幾靚又白又滑，但食落怪怪地好似食魚旦咁，我平時係超市買即食都好食得多，正常呢間野冇下次。…查看更多

自從大快活有素食，我得閒都會過來食下，估唔到佢仲會繼續有新意，比起另一連鎖快餐個素焗飯吸引，因為好多瓜菜都唔可以太高溫煮，唔係好易變至癌食物，所以都唔係太想試，講返呢個煲係我第二次食，份量勁多，上次都食唔晒，今次第一件事係叫左少飯先，先講講個湯底，幾好味又有南瓜味，用來做湯飯都可以，煲入面有4舊豆腐，兩舊南瓜，金菇，菜，有兩粒素肉丸，呢兩粒素肉丸口感好好味道又不錯，整體來講我都好滿意，係個南瓜硬左d.…查看更多

腸胃唔太好想食粥，諗起依間有粥揀，試下。我始終都係鐘意食肉，叫了$44四寶飯。有湯送上，個湯好足料，有好多豆係底，仲有兩舊齋肉，好甜。薑飯，豆飯，粥任揀，粥係比較稀水既，有白果味，今日好岩我胃口。食左幾舒服。之後再試左少少薑飯，比想像中少薑味，略硬。四寶飯竟然有成隻漏油咸蛋送上，所以配左少少飯食。佢話唔夠肉，比左舊魚我，勁開心，因為我見食評有人食魚，望左幾次另一個餐日日都唔係魚，質地又真係似似地魚，一絲絲，魚皮邊都造埋，少少脆，好似。其他肉都好味，紅色齋唔係平時酸齋味，全部都特別。今日腸胃唔好，食晒感覺個胃都唔大負擔，比想像中少油。食完感覺幾好，依間店可以再試下。…查看更多

已經無左外賣自取9折，外賣$50,可能係+2蚊，不過我無主動分湯，佢自己分左。蟹膏湯河滿滿一碗餸，有豬紅，有舊細牛腩，蟹膏蛋，蕃茄，札肉，好多豆卜，好多餸，食完個肚都好滿足，不過味道上無驚喜，湯底主要蕃茄湯味，好微既其他味，蟹膏味未見突出，唔特別。蟹膏蛋鬆軟，都ok，蛋味為主。牛腩好淋。整體多餸，湯底唔突出,都有心機整架，不過未到要突登去食程度，可能其他野食會越式d.…查看更多

第一次食唔知麵係特別造既，叫左通粉，今次再叫一次蕃茄整既橙紅色蕃茄麵。本身個湯夠蕃茄味,食完又覺得好似同通粉無乜味道上大分別。湯係好水既，但又夠味夠色，感覺係加左某種添加。之前試酸蕃茄湯底，就覺得似加左微量冬陰功醬既酸味。今次黑椒又係好濃黑椒味，見到好多細細粒黑椒碎，會有微微地辣，都ok香，係個湯好水但又夠色夠濃味仲未諗到加左乜。。肉餅好食d,大大舊，有點碎，煎到面香脆，幾好食。墨魚餅明顯多好多粉，我覺得粉太多，麻麻地，唔似肉餅咁煎到香脆。仲可以揀柚子蜜，感覺好好。不過環境真係差少少，擠迫感覺。…查看更多

附近有唯一，雲家，川味（不過依間多分店）,荃灣仲有其他競爭，諗唔到點解要來第二次，價錢平少少？無佢地咁辣？或者招牌既唔係我依種湯，或者佢仲有飯同雞煲魚煲等。不過佢如果放係其他區，應該心中次序可以提升好多。集郵來講都可以一試。薯粉夠淋，湯底都濃但未夠雲家咁誇張，比川味酸辣濃，湯底其實有少少香料味，未到超咸，有少少都接受程度。酸菜芽菜份量剛好/接近略少，肉碎其實都好多,但硬係唔夠雲家咁啖啖肉碎。腩肉薄切，譚仔蒜泥白肉般肉質，比佢厚少少，除左一開始雪櫃拎出來咁冰凍之外，其實都ok,細片左少少。環境較暗，坐位寛闊，不過可以燈光較暗/樓底低？感覺唔係咁舒服。店員態度感覺係差少少，小事，但如果好d就梗係好d.…查看更多

湯底濃味，偏向咸，食完好口乾，不過幾好味,米線同薯粉都食過，正常質素，小辣已經好辣，都係叫返小小辣先岩我，本人食開譚仔三小。餸都幾好幾多幾足。墨魚頭好多粒，其實個名可以叫做墨魚腳，做餸好似無調味，不過湯底濃已經夠味。魚肉春卷有少少粟米粒，少少蒽係入面,都ok,但未夠南記個d好味，面個層皮薄少少，可以厚dd.仲有好多肉碎每啖都食得好均勻。外賣成日都等好耐，又會漏單，預早少少訂。依排外賣app有折，變左超抵食。可以食多幾次…查看更多

依家真係見荃灣咁耐歷史先試下，應該無下次啦。薯角ok 架，連薯皮，幾香。紅湯，中下。無特別，多紅蘿蔔既茄膏湯，洋蔥大大片仲有少少硬，隨便煲過一下咁水。鐵板唔熱。。大家樂都熱過佢。。 蝦無調味，大大隻，其實都係雪藏野，靚唔靚睇彩數咁，我個隻肉質唔夠爽。雞扒豬扒普通野，指定落肉汁，普普通通無驚喜。大大份，唔係加飯意粉都好飽。最開心係有雪糕。朱古力味仲有細細粒朱古力碎係入面。正！棉花糖就略硬。深水埗好多店裝修都特色過佢。無乜特別。樓梯牆係鏡面牆。上層有個橫窗，望窗前面既枱係雲石枱但只有單人位，擺晒雜物，可能係最而特別既位。食物除左雪糕同薯角，應該同茶餐廳一樣但仲有加一，而佢杯熱檸茶係唔好飲的。…查看更多

食完好有滿足感。一碗飯已經好飽！五餸一湯都只係$42,價廉味美，每樣餸都好食！每隻素肉都唔同味唔同質感。似午餐肉炒蛋既肉有平時牛肉干既煙燻味。漢堡扒偏向菇味不過都幾似。蕃茄炒蛋隻肉睇似牛展，食就偏返似豆干味。節瓜仲有d似蠔油鮑魚汁個類。其實我係愛肉之人，不過今餐都幾滿足。入座仲會主動用熱辣辣水浸住餐具。位置少略窄，多點食下唔同小店，好過食大型連鎖既。依間店都可以再食。雖然係齋店，但有好多唔同種類，menu似普通茶餐廳咁。…查看更多

lunch成日要排隊，今次見咁岩無人排就入左去食，好快整好，平日lunch會送多筍/紫菜/粟米，自己揀其中一樣。湯可以揀濃/清，咁我揀左濃湯半熟卵拉麵。見到有油脂浮湯面，濃湯但濃得來唔似某d店咁有豬臭味，佢話用日本+歐洲豬骨，都ok。麵略硬，普通。叉燒極薄，但又好淋好滑，整得幾好。半熟蛋都整得幾好，好靚。枱面有磨到極碎既蒜蓉，但唔會好生蒜個隻辣，枱前有冰水自助。飲埋個湯都有字係低，滿足。不過一路食一路覺得稍欠特色，味道上平穩而未見突出，可能要試下其他味。…查看更多