Michaeaw的个人专页

疫情期間都好少同朋友出去坐低飲杯野，今晚好好彩約到個好耐冇見嘅朋友喺屯門聚一聚。好耐冇嚟到碼頭區附近，原來呢度都開咗幾多唔同嘅食肆，朋友揀咗一間有生啤飲嘅日本餐廳，估唔到六點未夠餐廳都已經差唔多坐滿左七成。喺門口企一陣店員就已經好殷勤咁介紹我哋呢度嘅招牌菜，呢度嘅生啤都幾特別，出邊比較少見呢個牌子，估唔到佢係黑白啤酒兩溝，飲出嚟係特別香滑同埋啤酒味好濃，唔怪得基本上見到每一檯都有叫呢款啤酒，正👍🏼由於之後仲有飯局，所以都冇諗住食晚飯，純粹想飲杯嘢，但比側邊其他食客嘅食物香味吸引，所以最後都叫咗幾款嘢食雞泡魚乾個份量比我想像中多，而且唔係好鞋個啲，都算燒得好好，好快就俾我地 KO 左另外反而想讚一讚佢個燒墨魚🦑，超級超級juicy，比起出邊食嘅佢更加淋，更加入味，問返店員先知原來佢地堅持用最靚既食材。有時斷定一間小店係咪有心定係粗製濫造，睇佢對食物嘅堅持都可以睇到最後忍唔住叫多幾款壽司，都算好新鮮，店員介紹因為呢度嘅老闆啱啱接手，而且佢本身係做開日本刺身嘅，有專人喺嗰邊負責採購，淨係入最時令新鮮嘅食材，所以會保持食材新鮮題外話：同朋友食食吓途中，有個店員行埋黎問我哋覺得對佢地嘅食物有無咩意見、或可以改善嘅地方，先知道原來佢係老闆，之前見佢同每一檯食客都談天說地，傾得好投契，以為佢同大部份食客都係朋友，傾多兩句先知原來佢哋好多都係由初初食客，慢慢傾傾吓變成好朋友，所以有時都會諗，去一啲高級餐廳享受到一啲高級食材有佢哋嘅開心，但有時黎呢啲小店，拉近到人情味嘅小店，食到一餐豐富滿意嘅食物，都可以帶俾我地開心…查看更多

最近工作忙到不可開交，難得今日早收工，即刻去食餐好，慰勞一下五臟腑。之前聽朋友介紹，話尖沙咀一間叫三日月鐵板燒相當有水準，叫我點都去試下，於是決定去馬。一入餐廳，環境舒適乾淨，座位間隔闊落，完成合我心意，睇下餐牌，有個一人前鐵板餐，做緊特價，食物款式又多，唔駛點諗，即落Order。【前菜三小點】頭盤先黎開胃前菜，天婦羅味道不錯，食起黎不太油膩，值得一讚。【鐵板燒北海道帶子】帶子配梘汁，相當有驚喜，帶子非常鮮甜，入口軟糯，師傅功力非同凡響。【刺身三點】刺身真係好鮮甜，厚道適中，配埋個芥末，個鼻即刻通晒，無得頂。【茶碗蒸】熱辣辣蒸蛋，本人至愛，非常滑溜，落少許醬油，真係堅好味。【鐵板燒日本蔬菜】睇落好似無乜特別，但食落去又有另一番田園味道，起初以為會啖茂茂，點知咁惹味。抵讚。【是日鮮魚】唔知咩魚，但非常肥美嫩滑，加埋啲醬汁，堅係好食。【美國安格斯牛柳】牛柳多汁嫩口，口感一流，配埋蒜片，啱晒我呢個最鍾意重口味嘅食客。【櫻花炒飯】好少食鐵板燒會食炒飯，今次都係第一次，仲要師傅炒到有飯焦嘅口感，超好食。【味噌湯】碗湯都係熱辣辣，食完飯，飲啖湯，相當暖胃。【甜品】柚子雪粑，酸酸地，好好味，30幾度天氣，食完透心涼。總括而言，環境夠舒適、食物水準高、價錢又合理、服務又唔錯，推介大家都黎試下。…查看更多

朋友生日，相約左喺銅鑼灣食個lunch慶祝，見到OpenRice 都幾多人推薦，所以決定試試！環境裝修風格好grand,坐位又舒服，唔錯自助飲品區，有果汁咖啡仲要有埋Twinings任飲飲。麵包幾鬆軟，似handmade .餐湯係南瓜湯，濃濃南瓜加上滑滑忌廉，一飲而盡再飲頭盤翡翠螺，仲要有三粒大大粒，好有誠意，鮮甜無沙，配合埋酸酸辣辣汁，好開胃主菜我要左牛扒，五成熟剛剛好，大廚好有水準，加上牛扒質素高，值得推薦朋友都好滿意，我哋就係到渡過左愉快又relax 既午餐…查看更多

最近天氣開始有啲涼意，所以就算得兩個人都好心思思想去打邊爐，去咗一間朋友介紹嘅火鍋店，環境裝修得好有心思，而且原來火鍋湯底都幾有特色朋友一定要我試吓呢度個佛跳牆湯底，佢好足料，有鮑魚、花膠，仲有蜜瓜，講真我都係第一次食用水果做配料嘅湯底，店員介紹先飲一碗湯試吓個湯底，估唔到一啲都唔會覺得奇怪，反而有少少生果味更加可以突顯到個湯嘅甜每人飲完一碗又一碗，結果個湯即刻少咗一半除咗個湯底非常非常好味之外，佢嘅手切牛肉亦都非常新鮮，牛味好豐富而且油脂分布均勻特別想讚一讚雞泡魚乾，我特別鍾意呢一款嘢食，雖然佢唔係一間日式餐廳，但係佢都做得非常好，夠乾身，配埋佢嘅特製醬汁，非常適合配啤酒其他配料份量亦都好多，性價比好高，朋友真係冇介紹錯…查看更多

其實都聽過好多人介紹呢一間餐廳，不過一直都未有機會試，趁住今日好朋友生日，大家去食一餐豪嘅慶祝一下！餐廳都有唔同嘅set，而我哋就揀咗白象拔鐵板燒，望落好似好吸引咁前菜沙律，幾清新。到白象拔，入口爽脆新鮮，份量都唔少又肥美，配上旁邊特製醬汁，好正吖！呢塊A5和王牛，雪花分布平均，一睇就知道係好嘢！鵝肝煎到啱啱好，外脆內軟，加上少少酸汁，perfect 呢個係清酒雞湯，可能對於唔飲酒嘅人會有d 濃啊！起初會以為唔夠飽，原來食下食下連個炒飯都食唔曬，大満足！最後加埋個好有美感既新鮮水果杯，為呢餐生日飯畫上一個完美嘅句號…查看更多

一家人週末食飯，好耐冇去過深井！呢一間陳記花園燒鵝餐廳裝修比較新式小小，由於坐得比較舒服我哋就選擇呢一度開餐！來到咩都唔使諗，大家都二話不說要咗一隻燒鵝先！燒鵝真係好大隻，應該係燒好不久！上到枱好香！垂涎三尺！燒鵝不太肥，肥瘦適中剛剛好！表皮冷立立睇到都想快d食！自制一碗燒鵝瀨粉！鵝香滲到湯底！好享受 ！冬瓜盅做緊特價！炎炎夏日最啱吃！好清甜！麻辣雞保煲都好惹味！雞份量算多！但始終係雪藏雞嘅關係，鮮味欠奉，勝在醃料搭夠。蒜蓉粉絲蒸帶子做得不錯，蒜蓉香滲進彈牙嘅粉絲 ！椒鹽鮮油炸得好香脆！即叫即炸熱辣辣。好惹味！一條接一條停唔到！…查看更多

10幾年朋友生日，知道佢係一個牛肉控加火鍋既狂熱份子，結果係千挑萬選之下，帶佢黎呢間我第二次光顧的餐廳同第一次嘅感覺一樣，餐廳感覺好乾淨，而且坐得好闊落，環境好舒服，亦都特別喜歡呢度一人一鍋嘅設計，可以各自選擇自己心愛嘅湯底，唔使特別遷就某一個人而選擇湯底另外一個選擇呢度嘅原因，就係上次食過呢度嘅牛肉同出邊好唔同，佢哋係用騸牯牛，騸牯牛係指已經閹割嘅牛，喺香港每日只有好少量嘅供應，我哋選擇咗兩個部位，分別係牛頸脊同埋爪邊，每個部位嘅口感都唔同，牛既脂肪唔會過多，但牛味超級濃郁，而且亦都令佢既口感會更嫩滑而不韌，朋友食完之後覺得讚不絕口，除咗牛肉係最吸引嘅地方之外，佢既其他配料，我特別欣賞佢嘅炸釀油炸鬼，基本上就咁食已經非常香口，令人冇辦法停止…查看更多

公司有新同事 on board，老闆請食 welcome lunch，帶咗我哋嚟蘭桂坊食中菜，地點好容易搵，裝修都好靚，不過午飯時間都幾多人，好彩我哋早黎度，所以可以坐喺最入面嘅梳化位我地每人選擇左一個午市套餐，頭盤我哋選擇咗蝦餃皇同埋櫻花蝦粉果，蝦好大隻，而且食得出材料好新鮮，而同事仔就選擇咗松露素春卷，松露味好香濃，而且炸得好鬆化另外前菜我選擇咗芝麻豆腐沙律，份量都幾多，而且沙律菜都好新鮮主菜方面我選擇左咖喱牛坑腩，配瑤柱鮮菌荷葉飯，咖喱好香濃，而且荷葉飯做得好出色，非常香既荷葉香，正配埋特色凍茶，性價比好高，正…查看更多

有一個一齊工作左超過10年嘅戰友黎緊會去另一間公司工作，我哋一班親密戰友決定去呢間私房菜火鍋為佢餞行呢間餐廳我哋第一次嚟，地點都算方便，喺地鐵站出口附近，裝修好新，而且店員都好殷勤店員介紹我哋食呢個椰子雞煲，首先個湯底非常清甜，因為係用好多嘅椰青水去煲，令到我哋飲完一碗又一碗我哋叫咗一份安格斯肥牛，牛肉味好重，而且油脂分布平均，非常正特別要讚一讚佢個炸魚皮，即刻炸上嚟熱辣辣，非常香脆，就咁食都好正另一個覺得幾有特色嘅係水晶叉燒包，入面充滿豐富嘅叉燒，外層水晶口感好滑，正希望下一次再同呢位親密戰友再嚟食多餐火鍋…查看更多

最近天氣開始越嚟越熱，四月份已經好似夏天咁，所以我哋幾個麻辣控都要把握時間打多幾次邊爐，尤其是麻辣火鍋我哋選擇咗呢間係國內好多分店嘅火鍋店黎試下正宗麻辣火鍋，估唔到閒日夜晚九點幾入黎都發現仲有好多人食緊，我哋選擇咗一個鴛鴦湯底，一半係麻辣味，另一半係新嘅湯底，椰子煲雞，店員介紹我哋可以飲一碗椰子煲雞先，湯底好甜而且好有椰子香味，正醬料選擇好多，但記得一定要拎佢嘅油，會更加香牛頸脊（大）份量都算幾多，油脂分布平均，配合麻辣味簡直冇得頂鴨血係麻辣火鍋必備，呢度嘅鴨血好足料，唔會一夾就散，亦都唔會腥，不錯呢個丸拼盤有四款選擇，而且價錢唔貴，性價比高，每種丸都好有特色其他配菜亦都好新鮮，炸魚皮好香脆，而且萵筍亦都好鮮甜一路打邊爐，一路飲佢個菠蘿沙冰，爽…查看更多

今晚同好朋友慶祝生日，佢特別鍾意食日本野，所以今次生日飯想搵一間特別小小嘅餐廳，結果就嚟咗呢間食沖繩料理嘅餐廳試一試餐廳面積都幾大，一嚟到店員就好殷勤咁安排我哋坐係卡位，跟住就開始介紹我哋呢度有啲咩招牌菜首先店員拎左兩份前菜黎，口感幾特別，幾開胃首先我哋叫咗一個店員介紹嘅松葉蟹牛油果沙律，份量好多，而且蟹肉數量都好多，配合埋好多唔同種類嘅沙律菜，好清新另外我哋再叫咗個沖繩雞肝炒韭菜芽菜，雞肝整得好香口，無苦味，配合埋芽菜同埋韭菜一啲都唔會覺得油膩，出邊比較少見，估唔到做得幾好之後我哋再叫咗必食嘅銀鱈魚西京燒，啖啖都充滿魚嘅油香，超級正最後我哋再試埋呢度嘅沖繩啤酒，好爽呀…查看更多

有舊同學結婚，約埋成班中學同學出嚟食飯順便派帖，朋友介紹呢間餐廳可以一班人圍埋一齊，正好彩有訂位，如果冇訂位相信都要等一段時間，店員好殷勤咁安排我哋四個坐係卡位，前菜係送嘅，而且食晒可以再添，前菜水準唔錯由於我哋四個都係食肉獸，所以叫咗好多唔同嘅肉類，牛小排油脂分布好平均，而且肉類都算肥瘦均勻，而且望落去色澤都算幾新鮮除咗肉類方面，我哋都叫咗個炒粉絲同埋海鮮湯，炒粉絲份量好多，性價比好高，粉絲炒到啱啱好唔會過火，而海鮮湯辣味適中，送飯一流，整體來講呢餐飯性價比好高，我哋四個人食到捧住個肚走，超正…查看更多

一個識咗好耐嘅中學同學，結婚派帖俾我順便慶祝佢升職加人工，請我黎呢間日本餐廳食晚飯，地點好方便，係正大型百貨公司隔離一入到餐廳，店員就好殷勤安排我哋坐係吧枱，黎親呢啲鐵板燒或者串燒嘅餐廳，一向都好鍾意坐吧枱，因為可以睇住廚師嘅製作過程，多一重視覺享受一坐低，店員就安排左前菜俾我哋，記得點佢個特色醬，好配合菜嘅味道首先我哋點左一個刺身拼盤，海膽非常非常新鮮，油甘魚油香豐富，好正作為一個海膽控，我哋當然叫埋呢個海膽炒飯，炒飯本身好夠味，配合埋海膽嘅鮮味，雙重享受特別要讚一讚呢度嘅串燒，火候控制十分好，燒出嚟唔會好乾身，牛肉保留肉汁，豆腐做到外脆內軟，出色鵝肝多士油香豐富，配合埋香脆嘅多士減少油膩感清酒煮大蜆嘅蜆好大隻，而且清酒味好香醇整體黎講呢間餐廳嘅性價比好高，食物唔算好貴但質素好好，難怪今晚座無虛席…查看更多

友人生日飯，朋友介紹黎呢間佢哋之前食過嘅火鍋店食生日飯，地點好方便，喺佐敦位置，見到呢個招牌上去就係鋪頭可能由於開咗冇幾耐嘅關係，裝修好新淨，而且好有台灣風味佢嘅招牌菜就係佢嘅鋪頭名，美人鍋湯底，所以我哋都選擇左一個美人鍋湯底，估唔到份量好多，足足有一隻烏雞係入邊，配合其他配料包括淮山圓肉，店員介紹我哋可以先飲兩碗呢個湯底，因為係燉湯，所以好清甜肥牛雖然我哋叫細份，但係份量算多，油脂分布平均，正粟米好清甜，水餃亦都係新鮮包嘅，感覺食物很用心食完一餐豐富美味嘅火鍋之後，店員送上水果，係台灣嘅芭樂，估唔到佢會有呢款水果，感覺好親切…查看更多

臨近年尾，好多商店都做緊特價，所以周圍附近都好多人，同朋友喺尖沙咀血拼完之後不經不覺原來已經九點幾，決定要搵一間餐廳好好休息一下relax一下行過亞士厘道見到呢間餐廳係正街頭，裝修得好靚，決定入去休息一下，店員好殷勤咁介紹佢哋嘅招牌菜，然後就捧上一籃熱辣辣既麵包，麵包好鬆軟，而且餅乾捧好香脆我哋兩個叫咗個凱撒沙律share嚟食，份量好多，而且煙三文魚好大塊，醬汁好惹味呢個係店員介紹我哋食嘅脆炸小魷魚，配上佢哋特別嘅番茄醬，一啲都唔會覺得油膩，仲食到淡淡的魷魚香味，正主菜方面我哋叫咗一個貝殼粉配大蝦，店員介紹話呢個貝殼粉係佢哋自己自家製，所以比較新鮮，我覺得口感唔會好似出邊咁太過淋身，比較有咬口，大蝦食得出肉質好爽口，亦都煮得好入味總括嚟講呢間餐廳無論店員同埋裝修都好有格調，而且都睇得出好有歷史，因為有好多唔同嘅收藏品，令人有一種好relax嘅感覺…查看更多