Cin_cin的个人专页

星期日同honey 去食午餐，原來weekend 都有set lunch 選擇，所以我地選擇這間餐廳食午餐。我地都加了$20包沙律及餐湯。是日餐湯是龍蝦湯，好飲同埋有甜味，中午有得飲這個湯太幸福了。沙律就時煙三文魚沙律配柚子醋，沙律仲有溫泉蛋，伴埋沙律食一流，沙律菜新鮮，加埋柚子醋，令人開胃。由於我地都肚餓的關係，大家都叫了黑毛豬扒食，主菜好好食，豬保持肉汁，唔乾身，表面有香煎的味道，唔錯。伴菜都好食。最後叫了餐飲凍咖啡，竟然有焦糖味，好飲。員工有禮，食物質素唔錯，性價比高，很開心的用餐體驗。…查看更多

難得出去尖沙咀行街，突然想食漢堡，不二之選當然係嘉寶。今日一行二人，我食日式芥末蝦堡，加薯條及可樂，蝦堡果然無令我失望，即叫即整，保持食物溫度，蝦堡內的蝦肉非常彈牙，保持蝦味，芥末醬非常出色，整個漢堡好好食。薯條係粗薯條，夠長夠熱，充滿薯味，唔錯。朋友食的蜜糖芥辣菠蘿豬堡加薯條及可樂，豬堡好 juicy, 菠蘿好甜，因為菠蘿的關係，食晒整個漢堡都唔係好油膩。朋友都話薯條好好味。下次去開尖沙咀，一定會再食。…查看更多

第一次食這間外賣店，味道唔錯，價錢相宜，好有泰國地道的味道。去到店舖時已經有人排隊等外賣，心想應該食物味道唔錯，我叫了以下4款菜式食。1.海南雞髀飯雞滑，雞油飯好食，餸的份量都多2.船湯河（牛拼盤）湯底好味，無味精，河粉是闊身的，好食，牛拼盤d 牛腩好淋，唔錯3.炸蝦餅即叫即炸，好食，內有好多蝦肉，配埋泰式辣醬，絕配4.蝦柚子沙律個汁調得好好食，酸甜的，好開胃下次會食其他菜式，多一間外賣店的選擇☺️…查看更多

今日同朋友行完山，晚上在荃灣食飯，見到餐牌的燒乳鴿好吸引，就食下了。首先，每人限叫一隻乳鴿，差唔$30一隻好抵。乳鴿燒得剛好，多肉，仲保持肉汁，唔會過咸，好好食。醉蝦蝦都好大隻，好彈牙，酒味好夠，蝦頭唔黑，蝦都好新鮮。咸蛋魚皮魚皮係脆，但由於不是熱上，咸蛋味唔係好夠，有D失望。咕嚕肉係我至愛，啖啖肉，咕嚕汁唔會太甜/酸，幾好食。猛虎咬豬見個名好得意，所以叫左2件, 原來係白包夾埋豬腩肉食，豬腩肉好JUICY, 夾埋個包連埋汁食都幾好食，食完都已經好飽肚了。呢間環境坐得舒適，上菜時間都OK…唔錯。…查看更多

今日同妹妹在觀塘做完美容後就食泰國菜。這間餐廳裝修設計唔錯，很有泰式風情。睇下餐牌都幾多選擇，由於我地太肚餓的關係，就叫了不少菜式。1)泰皇三小拼沙律相當吸睛，份量又夠，沙律有三款，一是泰式鳳爪，酸酸辣辣的，很開胃。二是PARMA HAM 加肉碎沙律，PARMAN HAM配埋沙律菜食一流，唔會太咸，而肉碎包生菜食亦是另一種風味。三是柚子蝦沙律，蝦很新鮮，唔梅，而柚子酸酸的，好味。2)沙嗲豬肉串，豬肉燒得剛好，淋身，沙嗲醬調配得唔錯，幾好食。3)半隻海南雞+黃油飯海南雞一上檯，很吸睛，很大碟，雞肉很多，雞很滑，有雞味，啖啖肉，配埋泰式醬食是絕配。我特意加叫黃油飯，飯很香，夠油份。4)泰式豆瓣醬炒椰菜苗椰菜苗很嫩，豆瓣醬調起菜味，唔會很咸。5)泰式辣椒膏炒蜆蜆炒得好有鑊氣，無沙，少少辣，加埋九層塔，好有泰式味道。6)飲品我叫了咸檸七汽，咸檸有一個甘多，正。我妹叫了椰青，椰青都好飲。成餐飯食得很豐富同滿足。…查看更多

今晚放工特意在果欄買生果後，再同老公在銀城廣場匯合，老公話想食西餐就順佢意去MINI FRIDAY食晚餐，望完餐牌後我地選擇各自叫一人餐，一人餐包晒湯、沙律、主菜、飲品同甜品，都幾抵食。我地一坐低，職員已經俾了一份餐前小食俾我地, 點埋芝士醬食，好好食。餐湯我選擇了南瓜湯，南瓜味好濃，幾好飲。我老公就飲雜菜湯，酸酸地幾開胃。而乳酪鮮果沙律，生果新鮮，乳酪同沙律好夾，沙律內還有橙色粒粒，我估是用果汁加魚膠粉整成，咬落去又甜又好味，好有心思。主菜我叫了意大利薄餅，材料我選擇海鮮、豬肉、菠蘿及番茄，PIZZA幾大塊，是我鐘意的薄PIZZA，相當足料，好多海鮮，菠蘿又甜，芝士又夠，有拉絲效果，好食。另一主菜我地選擇美國肉眼扒并黑毛豬肋條，豬肋條好淋，而肉眼扒煮得好好，剛好是7成熟，好有牛味，仲帶有燒烤味道，肉質好好，我地好快食晒，伴碟並非是薯蓉，而是番薯蓉，甜甜的好特別。我點餐前怕唔夠食，就多叫了跟餐加$38迷你小食炸盤，本以為好細份，但一睇原來都幾多野食，炸洋蔥圈幾好，炸醬唔會太厚，肉腸都好味，春卷都好脆口，原來仲有炸蠔同炸蝦，炸蠔好食唔腥，而炸蝦仲保持蝦的肉汁，外脆內軟，唔錯。食埋甜品-芒果芝士餅，甜品唔太甜，有芒果味，加埋Blueberry 醬食都幾好食。飲埋餐飲已經好滿足。成餐飯食得好開心，料又足又好味，而且環境寬敞，適合三五知己一齊食。…查看更多

今日同老公去開荃灣，行經見到食拉麵餐廳就入去食晚餐。我叫了豬軟骨拉麵，碗麵好大碗，好飽肚，麵質煮到剛好，豬軟骨都有4大件，好足料好淋，又夠味，溫泉蛋又係煮到剛好，流心狀，味道唔會過咸，好好味。老公叫了溫泉蛋牛肉飯，個餐真係好抵食，除了飯外還有湯同蒸蛋，日式蒸蛋好滑，唔咸，麵豉湯都唔錯，牛肉飯就不得了，好大碗，好多牛肉，好足料，一啖飯一啖肉，男人食一定好夠。另外，我地叫了一些小食，包括：海鮮大阪燒，好好食，蛋醬唔會過厚，加埋木魚絲食，唔錯。而串燒牛舌，啖啖肉，都幾厚身，同埋肉質都淋，好味。雞翼串燒就燒得剛好，仲有肉汁，加埋檸檬汁食，酸酸地，好夾好好味。食餐飯我地食到好飽又抵食。…查看更多

今日在石蘺村附近探完朋友後，同老公在附近食晚餐，行下行下發現呢間三門仔漁夫火鍋點心專門店，就入去試下。呢間餐廳有火鍋/小菜選擇，2個人我地選擇小菜食。望下餐牌發現有2人餐選擇，價錢合理就決定食2人餐了。首先講前菜風山水起齊齊撈，入面有三文魚、海蜇、蛋絲、日本酸薑、甘荀等材料，好似新年甘將d 食物連豉油撈埋一齊，撈到風山水起，食時可以加沙律醬，口感豐富，三文魚新鮮無筋，酸薑將其餸菜變得酸酸地，好開胃的前菜。接住就是秘制龍蝦湯，相當清甜，仲有龍蝦肉乾瑤柱食，個湯好好飲而且唔油。之後就是法式大元貝及清酒鮑魚，先講大元貝，佢用芝士焗，入面仲有蘑菇粒，芝士味唔會過濃搶走帶子味，帶子成粒好大粒好新鮮，同芝士很夾，而清酒鮑魚無得彈，又彈牙，仲有清酒味，食完都想再食。之後隆重登場是石蚌魚，甘大個女第一次見石蚌魚切片切得甘細緻，無骨，條魚好新鮮，上菜時個魚頭仲會郁，一定是即叫即整的，將石蚌魚片放入湯鍋2分鐘就夾上黎食，條魚好滑，好新鮮，一試難忘。最後個餐有蒜茸焗饅頭及薑汁千層糕，蒜茸饅頭好新穎，蒜味剛好，饅頭熱熱的，好好食。薑汁千層糕好有薑味，唔錯。成餐飯好豐富又好味，食材好新鮮，一讚。…查看更多

今晚在佐敦買完東西後，行經附近見到有特式的小店-情味館，於是與老公入店內食晚餐。這間餐廳是提供西式菜，我與老公選舉了德國咸豬手同大蝦帶子意粉食。先講大蝦帶子意粉，足料，大蝦很爽口而且有蝦味，帶子又新鮮無雪味，意粉以大蝦頭燴汁整成，充滿蝦味，分量足，味道好好。德國咸豬手有2個選擇，一是用低溫慢煮少鹽煮成，另一是用炸形式整成，我倆怕熱氣，因此選擇低溫慢煮，咸豬手一上檯我倆都嘩一聲，因為很大件，有2磅重，肉又多同埋好淋，不會過咸，而且又不太油膩，可能是低溫慢煮效果。他的配料還有酸菜，酸酸地很開胃，沙律又新鮮，配黑醋食一流。由於咸豬手太大件，我倆食完已經很飽，沒有再叫其他甜品了。這間小店用心經營，食材用料足，會繼續支持！…查看更多

今日去開紅磡附近工作，放工時見肚餓，想食下麵，行下行下見到拉麵天王，被它的日式裝潢吸引就入去試下。那時是晚飯時間，餐廳已坐滿9成食客，我睇下餐牌，有幾款拉麵選擇，但見到限定天王時，想試下，問了職員限定天王有2款，一款是黑椒拉麵，另一款是麵豉拉麵，我就選擇了麵豉湯底。為了滿足客人不同口味，點餐紙都有麵質、味濃度等不同程度選擇，十分細心。拉麵一出十分吸晴，因為有粒大帶子，上面仲鋪了黑松露醬，我二話不說就一啖食左，相當新鮮，無腥味，而且口感唔錯。拉麵上的溫泉蛋煮到恰到好處，有流心，充滿日本風味，講番湯底，味噌味濃，唔太油，同拉麵好夾，麵質我選擇普通硬度，好好食，而叉燒有2塊，肉質軟身，有豬味，同麵豉湯底好配，好好味,成碗拉麵質素好好，無論湯底、麵質，很高質，加上栗米粒，帶有清新味道。另外，我還叫了芝士年糕，我一咬下去，芝士有少少拉絲，芝士味剛好，年糕很有咬口，正！飲埋支裝可樂，成餐飯頓變完美！…查看更多

最近由於工作壓力大，不得不叫埋老公一起食大餐，以抵消我的悲憤情緒。聽朋友推介，呢間餐廳可以滿足我的食慾。一打開餐牌，實在太多食物選擇，有刺身、壽司、炸物、串燒等等，同老公一起選擇以下食物。1)刺身拼盤，我地選擇了刺身拼盤3號，包括：海膽半板、三文魚、甘蝦、劍魚腩。刺身拼盤相當吸晴，我地先食海膽，海膽連紫菜及飯包埋一齊食，紫菜脆、海膽甜美。而三文魚及劍魚腩刺身相當厚身，而且好鮮，三文魚刺身有油脂，好好食。2)壽司，我點了帶子、油甘魚、炙五味壽司，帶子同油甘魚壽司好新鮮，而且唔細件，相當足料。而炙五味壽司包括：牡丹蝦、吞拿魚、三文魚、鰻魚及煙鴨胸壽司，全部是火炙，每件都好好味，又新鮮，而且是加長版，邊食邊感滿足。3)海老天婦羅係我老公的最愛，炸槳唔厚，而且保留蝦味，點埋蘿蔔蓉豉油，非常之配合。4)牛舌串燒，一客有2串，大大件, 肉身很厚, 充滿牛味，而且唔會燒得太乾身，啖啖肉，正。5)清酒煮蜆，很有清酒味，無沙，我地很快食晒。6)風味燒羊扒配天使麵，羊扒燒得好好，唔會過熟，而且好軟身，加埋汁料食，好好味，羊味唔太蘇，唔錯，天使麵都煮得剛口，唔會過淋。估唔到一間日本餐廳可以在唔同食材方面都煮得好好，食完呢餐成個人好滿足，所有煩惱都拋諸腦後了，下次一定黎食其他食品先。…查看更多

呢個星期六要OT,OT 後當然要食餐好。約埋朋友食lunch但又唔想食一般嘢，朋友話聽聞有間不一樣的西餐，他負責帶路因那裡不在大街位，一入門口，裝潢果然好特別，是非一般Cafe,又有音樂背景，精神為之一振。餐廳只有2個簡單精緻的menu, 我地好快就order左一個牛扒All day breakfast及牛扒薯條跟了兩罐汽水。它是慢煮風格，當兩個餐同時上時，嘩嘩嘩好豐富呀！我個餐的薯條(闊身的)用一 大桶裝著，好香好香，証明係即炸，熱到不能即時吃，它好有薯味不會太乾，牛扒水準都唔錯，淋身有牛味。朋友的牛扒全日早餐更加係擺滿全個木碟，它並不是食開的All day breakfast style, 有天婦羅炸蝦，炸尤魚圈，滑蛋，薯餅，多士，沙律菜及西冷牛扒。最先吃係滑蛋，非常滑，好creamy。炸蝦及尤魚圈都炸到外脆內嫩，好味非常。D多士都非常香脆並帶有香草及蒜香味。到主角牛扒，濃濃的牛肉味，全部肉汁都被煎的時候鎖住，一切下去就流出來，肉身好淋，正！呢個時候大家都好滿足好飽了，飲啖冰凍汽水簡直一流，再吃埋餘下的薯條不可浪費。…查看更多

其實耐唔耐想放肆食好野時，我都會和同事去呢間餐廳食半自助午餐。因為佢的半自助食物已經足夠令一個女士食得飽飽，先講餐湯，今日是番茄湯，最愛食酸味的我最為欣賞，湯味偏酸，充滿番茄味，很開胃。講番半自助午餐先，在不選擇食主菜下，佢包自助沙律、餐湯，飲品同甜品，好抵食。沙律bar 有好多食物，沙律都有4-5款選擇，我就食了沙律醬伴生果粒，生果新鮮又甜，而沙律菜都好新鮮，加埋自選沙律汁食，一流，而凍盤的長通粉幾好食，通粉軟硬適中。沙律吧還有麵包、pizza、炸物及德國腸，我選了煙三文魚包，細細件，一啖可以食晒，麵包非常鬆軟，可以再encore。而炸物我食了好似麥記之麥樂雞，新鮮炸，熱辣辣，好好味，加上德國腸，腸味濃，再食埋parma ham, 已經好滿足，沙律吧食完2-3round 已經好飽，唔駛食主菜，所以我通常食沙律自助午餐。最後點了凍檸茶，茶味都ok,而甜品是tiramisu,有驚喜，唔太甜，好食。…查看更多

難得平日放假，約左知己到元朗shopping, 行街行左半日，到了夜晚終於肚餓，元朗真係什麼也有得吃，真有選擇困難症，好在知己想食台灣嘢，上網找一找就揾到呢間，勝在近我地，好快到左。我地不約而同叫了最出名的牛肉麵，一個牛肉湯麵而另一個係乾拌麵。等左一陣就我個牛肉湯麵到了，賣相不錯，先試牛肉(牛腩)好淋，好味道，麵質正常，有牛肉湯浸住，正呀！至於個乾拌麵，知己話D麵唔會太乾身，有濃濃的牛汁拌著食，麵質軟硬適中，吸收晒D牛汁味，牛腩啖啖肉，足料多件又夠淋身，雖然今餐味道唔錯但我地同時覺得鮮味不及台灣的。…查看更多

今天要去黃竹坑見客開會，一開就2個鐘，出來已是一點多，一個人本來想到銅鑼灣先醫肚，但上到黃竹坑地鐵站見到呢個黃竹坑熟食市場非常熱鬧，好多人，仲要係好多OL, 心諗D嘢食應唔會太差，急急腳行落去醫肚。上到一樓見到泰國歺廳有2間，選擇左最多人呢間，有好多午市套餐，叫左牛腩加鹵水豬手河粉清湯底，熱檸水。過了一陣有三位c9坐下，睇來係熟客，她們叫左套餐之後，就突然走出去，跟著她們面前多了一碗例湯，原來係免費的但要自己裝的，我也弄了一碗(青紅蘿蔔煲豬骨)，好有媽媽煲的湯味，味道濃，夠火喉，好好飲！等左一陣，湯河到了，份量對女孩子可不少呢，樣子OK, 泰式牛腩好淋，有牛肉味，同埋是泰式煮法；鹵水豬手相當入味也好淋，同埋足料，河粉比較鞋左少少，但$38有呢個質素，仲包餐飲，好過好多歺廳了！…查看更多