Cherryyipyip的个人专页

食前已知道金鳳主打食扒，岩哂食肉獸🤭而且份量唔少，一個女仔未必食得哂，所以約咗男性朋友一齊去食！麵包熱辣辣好軟熟，一擦牛油舊牛油就溶哂，我最愛呢啲！跟set 有餐湯都係忌廉湯/羅宋湯，我哋都叫咗忌廉湯，有紅蘿蔔同粟米係入面，碗湯好熱，唔錯！沙律就係蟹籽沙津唔係每個餐都有，係港式茶餐廳下午茶嘅沙律，主打薯仔同雜果粒，酸度適中唔會過酸/甜！跟住就到主食🤤上面係每月精選晚餐嘅帶子西冷牛扒，下面係美國德州頂級西冷牛扒！不論鐵板上定碟上，塊扒都係即熟即上，鐵板更加正啦，聽覺享受店員落汁嘅芝芝莎莎聲🤓兩個扒我都有食，上面係港式茶餐廳嘅牛扒好淋身，但肉味較少，下面就係西餐廳嘅牛扒，保持返肉味同肉質嘅咬口，真係各人喜愛，朋友愛港式我愛西式！ 另外，兩粒帶子都爽口彈牙嫁😌牛扒都唔細，啖啖肉，正👍🏻五成熟每月精選晚餐仲配芒果雪糕🍧食到好飽😂😂😂…查看更多

首先講吓個環境，整個環境都好大，枱與枱之間都好闊落，坐得好舒服，我估平時lunch time應該會好多人，但因為我當日係星期六嘅夜晚去食，相對地就比較靜啲，反而仲幾好添😂唔會太嘈，而且整個餐廳係藍白同木色做主題！白酒奶油三文魚意粉除咗有三文魚外，有啲驚喜，仲有三文魚子，魚子幾鮮甜!三文魚有一口size 又有一塊小小地放係意粉上，擺盤都幾靚！而且整到岩岩夠熟！個汁帶微微酒香同亦幾creamy！😍黑松露帶子奶油燉飯黑松露味好香，帶子鮮甜又juicy!!有三隻帶子係正常量，另外，仲有一隻温泉蛋，令米飯更加濕潤，但個米飯依然保持粒粒分明，軟硬適中！鮮薑青檸梳打加咗片葉就成杯飲品靚仔咗！薑味唔算好濃，但飲落去好fresh!!!同埋佢啲bubbles 維持咗好耐😂紅棗桂圓茶幾好👍🏻啲紅棗磨到勁細粒，所以個味都好出！正！…查看更多

今日去咗土瓜灣簡咗一間cafe, 好好彩咁岩唔洗等位即入室內位置，排我後面嘅就要去室外了😂素食全日早餐薯餅炸得幾脆，個酸種包幾好食！另外個大啡菇考得好香加埋蒜蓉喺面好味！軟殼蟹鹹蛋黃意粉鹹蛋黃味好香好足料！軟殼蟹亦好脆，而且擺盤好靚😋😋Earl Grey Tea，唔算好濃，但有勝在得添飲一次！凍朱古力都好香濃郁呀，唔錯！呢度環境好舒服, 推薦黎呢度hea 返半日😎…查看更多

犀牛犀牛，終於進駐觀塘區啦😎去開觀塘買嘢，發現到有間新開嘅犀牛犀牛！ 近年犀牛犀牛係好多區都開店，今次係觀塘區！一向都欣賞犀牛犀牛嘅蛋餅，蛋味好香！蛋皮煙韌，真係好似係台灣食緊咁🤭今次我簡咗肉鬆蛋餅, 除咗肉鬆餡入邊仲有青瓜絲，其實呢個配搭係幾好，因為如果成個蛋餅全部都係肉鬆嘅話個口感會好乾, 配上帶青瓜絲清新得黎又會健康啲，可以平衡返😝另外仲有捲餅可以選擇，捲餅就係脆身，類似手抓餅咁，一樣係咁好食嘅，因為我喺另一間分店都食過捲餅，只不過我自己個人係鍾意食煙韌嘅蛋餅😋😋飲品我叫咗大甲芋頭鮮奶(熱飲) , 芋頭味好香，但又唔會好甜, 都相當足料，每飲一啖都有芋頭蓉而且亦綿密！好味呀😋😋😋呢度絕對係觀塘打工仔嘅福音，上司請食tea, 自己Lunchtjme 落街買外賣, 又或者係唔好彩要OT 提下神嘅好地方😜…查看更多

一個叫套餐一個冇叫套餐，套餐包一碗拉麵加一款小食同飲品！拉麵叫咗鳴虎同黑鳴虎，我以為搞錯咗我食兩碗都係鳴虎，因為平時食開黑蒜油拉麵，正常湯面會有一層黑色嘅油，呢碗係攪勻左，一食落黑蒜油味幾濃，當時可能係燈光問題，依家睇返相都明顯見到兩碗嘅顏色係唔同！😎拉麵湯底濃稠，我都鍾意，豬骨湯入面有魚味, 但如果唔係鍾意咁濃嘅朋友就有留意番!因為同行朋友係鍾意薄身啲湯底🫢口味各有不同😆我特別鍾意係原隻糖心蛋，因為啲拉麵通常都係半隻，有啲仲係冇要自己加錢，對於我來講拉麵有蛋係好重要🫢呢隻合格，流心！好食麵底係幼麵，有得揀軟硬，我永遠食拉麵都係揀硬身！食到尾啲面都唔會淋！最後叉燒來講都算唔錯，係好肥仔🫢叉燒太瘦係好難食，所以佢肥係正，加上有燒過，加重油味，食起嚟就唔會鞋😆岩我！加上佢有三片唔係少，因為我有食過有啲店係得兩片! 最後，小食叫肉餃子！係好食，係平時正宗日式嘅餃子味，但留意番呢個係炸餃子🥟！不是煎的，如果有煎更好！…查看更多

德美幕之內便當 - $98配玉子燒&小食&刺身味噌湯&沙律&茶碗蒸&甜品炸物可選 天婦羅/吉列蠔/炸雞/海鮮雜菜餅燒物可選 秋刀魚/一夜干/豬軟骨/燒大蝦天婦羅🍤整得幾好食，大蝦，番薯，菇，南瓜各一件，粉漿唔算好厚，炸得幾脆又唔會好快淋哂，由其大蝦幾大隻又好食，唔係cheap 又幼嘅蝦仔👍🏻剌身正常鮮度，無話好鮮甜但都唔會腥👌🏻秋刀魚略為瘦咗啲，唔算有好香魚味。蒸蛋好食，幾香，重鰹魚湯味，但蒸得老咗少少整體來講都幾抵食，觀塘分店lunch time免收+1，$100 有咁多嘢食，質素ok ，我收貨😎 但留意返唔係間間分店星期六都有set lunch 食, 仲係12-4pm 都有得食嫁🤓…查看更多

其實我叫錯咗嘅本身係想食椰汁底 (熱食), 鬼揞眼一見到有桃膠芋圓仙草，我就冇諗咁多，即叫，之後先發現原來佢係冬瓜冰茶底😅說好的養生呢？但冇辦法啦，俾晒錢，心諗反正我外賣嘅，大不了我咪返到屋企整返熱🤪當然啦，最後係冇咁做㗎因為太懶啦😝但因為我屋企同紅磡都有一段好長嘅距離，所以返到嚟屋企食已經唔係咁凍桃膠芋圓仙草 - $36桃膠粒粒都幾大粒，而且都起碼有六至七粒，爽口！👍🏻同個冬瓜茶都幾夾，清爽芋圓地瓜圓，又係有六七粒，每粒都食返各自嘅味道，好香，亦好煙靭！好好食呀最後仙草，唔知點解大大粒😂平時啲仙草都得一片片嘅，但佢係大粒😆一粒仲大粒過平時食嘅涼粉🙈但口感係仙草黎，soft d 個冬瓜茶唔係好甜嘅，所以芋圓同仙草都突出，但桃膠就係要靠個糖水底，變相就無味，椰汁底/奶茶底相信會更夾😁下一次再經紅磡，希望可以再叫👍🏻👍🏻👍🏻椰汁底奶茶底喺😹…查看更多

當經過小店真係聞到好香滷水味，令人好想食下，店舖主要外賣以主，價錢唔算好貴，都係10幾蚊一個餸加熱滷味系列，一碗揀甜不辣($16 ) 煙靭滷豆干（$16）配滷水汁走蔥油拌麵（$12）煙靭滷豆干無乜滷水味，好似食緊普通豆干，甜不辣，口感煙靭，但我鍾意食一塊塊多過一條條嘅, 純粹個人口味另一碗，花枝丸($16)、蘿蔔($16 ) 、腩肉（$12）腩肉幾厚，但得一塊，都鬆化，還可以！花枝丸就覺得好普通，店員仲同我講係台灣新鮮直送🤔可能我唔太識食……蘿蔔幾入味，冇渣好甜👍🏻😁至於佢個滷水汁聞落去就好香，但食落去就唔係好濃味，用個滷水汁嚟撈麵差少少，至於佢個滷水汁聞落去就好香，我識落去就唔係好濃味用個滷水汁嚟撈麵餐少少，唔夠rich…同我期望有出入，真係試一次就夠😎或者不試也可🫣…查看更多

@ly_bakery 開心果乳酪布里歐-$24我覺得個本身呢款包就係好食，口感軟熟到好似有少少蛋糕咁，好似同時食緊麵包同蛋糕😂而且開心果比例都幾多，每一啖都有開心果味，唔孤寒，且開心果味道都幾香😁反而topping ，應該係開心果忌廉芝士，個芝士味太出，太濃，有啲搶咗開心果風頭🙈淡啲可以更加突出開心果味❤️享樂烘焙 @ly_bakery 九龍灣分店九龍灣常悅道21號The Eastmark地下3號舖#九龍灣美食 #麵包 #享樂烘焙 #開心果乳酪布里歐 #開心果 #rchfoodies…查看更多

店舖細細地可以坐15個人內，相信餐廳主要以外賣為主，因為我見到好多外賣app紙袋放咗係舖面！😆 裝修簡約，清新！同poke bowl 都好夾！同大部分店一樣，有自選亦有配搭好嘅！Creamy baby (三文魚、牛油果、蟹籽、雞蛋絲、青瓜、豆腐、脆炸蒜粒、木魚絲配芥辣沙律醬) -$118揀咗壽司飯無揀沙律菜，因為我始終魚生配醋飯係最夾！三文魚都算肥，有脆炸蒜粒令到整體再香啲！芥辣沙律醬嘅份量真係岩岩好，夠哂整個飯得黎又唔會唔夠撈, 加埋青瓜爽脆清新, 絕對係唔錯！Spicy Ahi Tuna(吞拿魚、枝豆、青瓜、芒果、青辣椒、芝麻碎、紫菜絲配辣豉油) - $108呑拿魚味道都平時poke bowl 嘅都差唔多，枝豆平時要自己去殼，而家粒粒連飯食幾爽😆芒果超級甜呀！本身有辣鼓油都辣，有超甜芒果可以少少地中和返😁同埋呢個bowl 五顏六色好靚！不論味道配搭或顏色都幾好啊❤️…查看更多

好耐無食過茶木，原因係台式餐廳真係開到周圍都係, 今日係德福商場行下, 發現有間餐廳以木元素為主, 簡約得黎好舒服，同以往茶木不太一樣!溏心蛋 - $38好入味，好香嘅醬油味又帶甜味，蛋味都幾香！流心蛋黃，好味！路邊灘小食 - $68有台灣腸仔，鹽酥雞同炸花枝丸鹽酥雞都斷鮮嫩多汁，熱辣辣有3-4大件👍🏻花枝丸口感幾彈牙，炸都金黃色，腸仔就甜甜地，皮脆肉香！紅燒牛肉麵 - $88紅燒牛肉入味亦幾鬆軟，湯底濃厚，麵條薄身得黎又好滑，配菜蘿蔔都煮到入哂味！茶香三文魚湯漬飯 - $98呢個係日式料理黎，但做得幾好喎，菜漬飯湯底香濃日式高湯味，三文魚帶適量嘅調味煎得金黃色好香亦唔腥，另外配有脆米，柴魚片，櫻花乾可以加落湯底拌飯一齊食，好食！黑糖奶茶(凍) 加胚芽 - $38好夠黑糖味，加埋胚芽更香❤️玫瑰紅棗桂圓茶(熱) - $46好養身，有一個茶壺慢慢倒出嚟飲😁玫瑰味令人relax冰淇淋拼芒果吉士可頌窩夫 (配曲奇冰淇淋) - $68為呢一餐作一個完美嘅句號！吉士味好香濃配焗到金黃色嘅牛角包🥐窩夫，一啖窩夫一啖雪糕一熱一凍好正，一個酥香鬆脆，一個香滑雪糕，美味😎…查看更多

店員即叫即做，等咗10分鐘左右，有得拎，本身都想堂食但實在無太多位置，決定行去公園果面食，Burger 可跟餐有飲品&薯條，只須要加$20 特選美國牛肉漢堡 - $78 先講個包好鬆軟，兩邊亦有烘過，牛肉好厚呀，唔乾幾juicy! 亦唔會過熟，中間仲有少少粉紅色，另外，洋蔥好香甜配埋牛肉一流好夾，加上，蕃茄生菜中和返大舊牛肉同芝士的油膩味，呢個價錢，值得試炸薯條，掂，炸都外脆內軟，講緊我外賣係十鐘後先開始食都維持到呢個效果，好唔錯👍🏻👍🏻份量一啲都唔少，基本上，包加薯條已經夠哂飽😎每條薯條都沾上惹味嘅蒜粉，令人食完一條又一條🤫手打蝦餅漢堡 - $78手打蝦餅幾有咬口🤓配埋泰式辣醬，好似去咗泰國餐廳食炸蝦餅咁😆外皮香脆，內裡爽口彈牙😎唔食牛鍾意食海鮮堡嘅呢個就啱晒🥰椰菜沙律 - $35好多紫椰菜呀，有益有益😁食完薯條要返啲菜就健康啲🤓如果我住喺太古或者鰂魚涌應該會成日order😁😁😁大家留意返，睇出嚟㗎始終佢以外賣為主，堂食係要坐出邊嘅。…查看更多

今日放工後去接朋友放工，佢係牛頭角返工，所以我哋就去咗九龍灣食晚餐!先去咗附近Donki買嘢，隨意喺附近揀咗個呢間 - 茶舍, 餐廳嘅服務態度幾好，當有客人入餐廳, 職員會講 “歡迎光臨茶舍”👍🏻以茶餐廳來講算係好好😎見到身邊幾枱都點脆炸軟殼蟹芥末醬吐司配薯條好吸引，但今日lunch 先食完公司三文治，同真係唔想食炸嘢了，想忍下口，加上天氣凍冰冰緊係叫返熱湯飯，暖下身濃蝦湯海鮮飯 - $72 配熱杏霜湯底熱辣辣, 西式嘅煮法，幾重白酒味，加埋紫洋蔥，湯底有蝦呢香味，有唔少嘅魷魚圈，一隻大蝦，帶子，青口，完全冇overcook , 所有海鮮都煮得啱啱好, 隻大蝦都幾好食咖喱牛腩焗飯 - $61 配凍檸茶 (+3)咖喱嚟講唔算好辣, 同咗好多舊牛腩同大量芝士鋪滿個飯，牛腩幾淋身，整個份量都幾多，一個女仔係食唔晒的🙈蒜香雞中翼(四隻) - $32幾香脆, 唔會炸到雞肉入邊好乾，雞中翼都算幾大隻👍🏻下次會想試吓牛扒同軟殼蟹吐司😎…查看更多

今日去到銅鑼灣區繼續尋找聖誕禮物，行到咁上下要食晚餐，又想食burger，於是揀咗呢間Burgeroom! 位於名店坊嘅Burgeroom有室內室外位置進食, 室外其實有feel啲嘅，但我都係prefer 坐室內多啲😉店員唔使我哋講已經自動將包分咗一半，但你唔好以為分咗一半就好容易食，因為burger 實在太大個啦🫣基本上好難一啖可以咬到個包😝大烤菇芝士牛肉漢堡 - $115朋友點，牛肉100% ，煮得啱啱好，唔會太鞋，但又唔會好生喎, 因為我識嗰啲burger中間係紅色,依家個顏色係全熟, 但唔會硬/過乾身，keep 到鬆軟👍🏻配埋生菜蕃茄唔會好漏，唔錯軟殼蟹漢堡 - $115一上碟，我真係嚇親，我自問鍾意食軟殼蟹亦都食過唔少餐廳嘅軟殼蟹，但都未食過一隻咁大嘅原隻軟殼蟹🙈好鬼滿足，又大隻又厚身，炸得好脆，熱辣辣又keep 到juicy ，我一路食一路滴汁🫣配埋他他醬，真係好食👍🏻👍🏻仲有漢堡包嘅包好鬆軟，亦都係有烘底，外微脆內鬆軟，製作絕無馬虎黑松露芝士薯條 - $68粗薯條唔似係炸到好勁，亦無好重油益味，反而我覺得有焗嘅感覺，黑松露芝士幾香，幾濃芝士味，7-8成嘅薯條都掛上汁，但食到最尾有啲漏，所以我配返蕃茄醬，咁先可以食得晒😆可樂一罐 - $20普通一罐可樂, 食burger點都要配汽水啦, 係咪？總結，我有少少掛住個軟殼蟹👉🏻👈🏻揾日要再食，下次唔同人share ，自己食哂一整個🤓咁先夠爽🤪…查看更多

食完晚餐，有朋友提議飲 NUTTEA，Nuttea早幾年前已經有同事不停話好好飲又健康，主打堅果奶茶和堅果奶蓋, 但我一直都未試過，既然同行朋友想飲，我就叫一杯吧! 烏龍堅果奶蓋茶 - $36我其實想試no. 1 嘅伯爵朱古力奶蓋，但竟然賣晒，我先發現原來其實佢有quota嘅，每日100杯，之後我就轉左飲烏龍茶奶蓋，一拎杯飲品，奶蓋同茶嘅比例大概係1:3，我自己就相對都覺得幾厚，好彩較出面嘅為健康，飲嘅時候都無咁大罪惡感😜首先我用匙試奶蓋，少少咸，随後又有 Nuts 香甜味，令我食完一匙又一匙🤣食咗幾匙之後我就攪勻杯嘢飲，烏龍茶我本身冇特別叫少糖，正常甜度都可以接受，烏龍茶都幾香，整體來講唔錯！而且飲飲下就會有一啲細細粒嘅Nut 食，有埋奶蓋，成個口感好豐富👍🏻👍🏻下次要早啲黎，飲返招牌飲品 - 伯爵朱古力堅果奶蓋茶😎…查看更多