apm7dhz58bgk的个人专页

非常非常失望😥由於一入去西貢非常肚餓 本身諗住食隔籬嘅溫飽 但係由於太多人 所以入咗去食先 之前都有經過呢間睇落環境不錯 所以決定入去試下 揀咗個最保守嘅all day Breakfast$148 同埋黑松露蘑菇意粉 $128一開始食咗個黑松露蘑菇意粉 係完全冇黑松露味 亦都冇鹹味 係乜味都冇 冇忌廉包裹住每條意粉 唔明點解黑松露蘑菇忌廉意粉 我淨係食到蘑菇同意粉 然後全日早餐嚟到 本身好期待 一上到黎個菜係佔成個碟1/3嘅位置 每一樣其他食材都係非常迷你 無論係個窩夫 玉子燒 大啡菇 定係煙三文魚 已經唔抱任何期待咁樣食 首先個窩夫入邊係唔熟嘅 然後個煙三文魚係用咗最邊邊嗰啲黑色位 然後大啡菇仲要係最細嗰隻大啡菇 其他色材都係非常非常非常普通 個咖啡亦都係用坦桑尼亞豆 （嗌之前我冇留意 因為咖啡係跟餐送）我嗌咗Espresso Tonic 完全冇清新嘅感覺淨係飲到隻豆嘅燶味 真係未試過食到咁失望 比左$279 我哋兩個食完所有嘢都係未飽 最後都係過返隔離溫飽食 完全係天同地嘅分別 以後都唔會再因為環境靚 同埋OpenRice嘅一致好評 就去信一間餐廳好食😰😰😰…查看更多