JessTang2646的个人专页

見呢間鋪新新地，又有大字報貼着8.0牛奶雪糕，非常吸引，買完仲可以企起鋪頭入面慢慢食！叫咗個細嘅牛奶雪糕嚟食 $28 ，牛奶味超香濃，食落有覺得似用煉奶做嘅雪糕，感覺比普通既軟雪糕實少少，但係牛奶愛好者來講，我覺得呢個好抵食！下次行過經過都會再買！…查看更多

終於都試到呢間牛肉飯，平時成日都見到好多人排隊，人潮過後，終於都食到！飯嘅款式唔多，明明入邊有位，但都要喺門口等位時落咗order比錢先，唔係食完先比錢， 感覺怪怪地，我叫咗牛舌飯$78，牛舌好薄但入味，大約13-14塊，味道唔錯！份量女仔來講算係啱啱好，大食啲都會唔夠飽！另外叫咗牛肉飯$88，望落啲牛肉疊到好高，但原來裏面塞滿芽菜，其實都係得12-13片仔牛肉，味道OK，個人覺得牛舌飯好食的！總括來講，男人應該唔夠食，可能要叫兩個先夠飽！…查看更多

見到呢度有間新餐廳，充滿懷舊嘅氣息，特別嘅裝修，價錢可以接受，就入去試吓！入邊有幾款芝士撈一丁，好吸引，咁就叫咗個豬扒撈丁黎試下 $48 ，個面煮到啱啱好，爽得來仲有少部分脆脆地，加埋香濃嘅芝士汁，入味嘅豬扒，仲有件多士，極之好味！我覺得芝士撈丁係必叫！因為真係唔係間間茶餐廳都有芝士撈丁，仲要係香濃嘅芝士！再來叫咗個安格斯牛腩炒河$58，係濕炒既河，出邊茶記好少見到牛腩炒河，個汁有少少辣辣地，牛腩好林、好香，啲汁撈埋河粉好正，好開胃！蝦多士$38，而家茶記都好少蝦多士，見到就梗係即叫，個多士炸到好香脆，加埋醬汁， 好好食！最後叫咗個飛仔華田$14，上面有塊卡通餅乾，可以食嘅，仲有好厚嘅cream，而華田沖得好濃， 不過杯野冰多過水，雖然望落好大杯好好飲，但都係得兩啖飲！總括來講唔錯，一定會再黎， 希望呢間新店能夠keep住而家嘅水準！…查看更多

行過見到呢間野，有好多大大樽茶葉，仲要係即磨茶葉，好似好pro,個樣又少少似coffee shop feel,有枱可以慢慢坐，價錢可以接受！點左個桂花烏龍加宇圓，$33，未飲就聞到桂花香味好香，烏龍茶味好濃烈，宇圓做到好細粒，可以吸埋黎食，但因為茶味太濃太香，變左宇圓味無咁出色，但呢間野好飲過平時乜茶乜茶個的，唔係一個保溫壺沖定擺幾個鐘嘅茶，因為係見到佢地即磨即漏，感覺茶味好鮮，非常唔錯，會再黎試下其他味道既茶葉！…查看更多

記得九月是喺銅鑼灣做完嘢，唔知食咩，當時見到有幾個人排呢一間牛肉麵，咁我就膽粗粗試吓。坐低時見到其他人食香噴噴嘅牛肉麵，咁我就叫咗個三拼牛面（$9x)，因為可以一次過試晒，牛筋牛肚牛肉都煮得好淋好入味，湯底就有少少鹹，面我就唔記得係咩質感，因為太耐前食，最記得係佢每人枱面都有樽酸菜可以任加，落左勁多，超正。個人感覺裝修企理乾淨，係牛肉麵貴左少少，份量以女仔來講算係多， 總括來講呢間可以再食，不過會夜晚嚟食， lunch來講已經覺得自己好豪氣，哈哈…查看更多

呢間野平時係天水圍勁多人排隊，星期日食個早餐都要等位，今次去食晚餐，見到有特價嘅是椒炒蜆$38 ， 叫咗鯇魚煲， XO醬西蘭花炒蝦，柚子汁焗肉牌！炒蜆好抵$38份量都好大碟，好嘢味。柚子汁焗肉牌，其實係用柚子汁炒豬扒，有部份豬扒唔夠熟，味道都可以，不過柚子汁好多，可以拎黎撈飯。薑蔥鯇魚煲，味道一般， 一煲都有五至六件鯇魚。XO醬西蘭花炒蝦，西蘭花OK，但蝦球唔係太新鮮！總括來講，食物都可以，環境都可以，係價錢偏貴左少少。…查看更多

行過見到呢間雞煲，見到好多街坊幫襯，朋友話幾好食我就過嚟試吓，兩個人叫咗一隻雞，不過入邊有啲蒟蒻，一齊煮完又好入味喎，但係雞就麻麻哋冇乜肉，切都好細件，好似淨係食骨咁，個雞煲汁係唔錯，但冇肉食令我小小失望！兩個人叫一隻雞煲其實都唔係好夠飽要再叫其他餸，另外在叫咗個椒鹽炸鮮魷，同埋炸蠔，鮮魷就炸得好味，唔會太鞋又唔會好乾，炸蟲蠔就好大隻，連埋啲黑椒汁好惹味，蠔嘅未到新鮮，一碟有五隻是時價，雞煲下次就唔會再試，不過仲有其他小菜就留返下次先試啦！…查看更多

公司去食buffet lunch，揀左好幾間但係好多都full Booking，所以簡呢間試吓啦，呢間真係好多嘢食，冷盤有長腳蟹，小龍蝦，八爪魚，青口，凍蝦，熱盆都有好多款，有即煮嘅湯面同埋即炒嘅意粉！ 同事話面同食炒意粉都好好食，個人就主攻長腳蟹，牆腳蟹幾新鮮，肉質唔鞋，唔梅，幾好食，令人驚喜嘅係佢嘅甜品竟然有心太軟，仲要即焗嘅，配埋雪糕，味道唔錯，好流心，已經食咗兩件，雪糕就推薦青檸味，酸酸地好開胃！仲有松露芝士噴泉，配炸物， 佢好creamy嘅芝士味，但松露味就唔多覺，仲有推薦佢嘅南瓜忌廉湯，好creamy, 好香！仲有佢嘅直覺蒜蓉牛油扇貝，勁正肉質啱啱好好話牛油味同蒜蓉味好香！食左好多件，餐飲就麻麻哋，個個都話淡茂茂，寧願出去拎橙汁飲！餐廳應該唔係太夠人，啲碟長期都無人收！…查看更多

本來諗住食瑞士汁炒牛河，聽聞好正，又夠味，點知七點鐘嚟到啲河粉已經賣晒，好失望，所以就叫咗欖菜炒飯加杏汁豬肺湯，另外在叫咗個油鴨芋頭煲！首先個欖菜炒飯，啲飯粒雖然吵到粒粒分明，但係太太太乾身食幾啖已經𡁻到個口好攰，好夾硬咁食埋剩低嘅，下次唔會再叫！個餐加左$28轉杏汁豬肺湯，嘩，超正！正價都要四十幾，呢個湯真係好抵飲杏汁味好香，豬肺洗到好乾淨，總之好好飲好濃嘅杏仁味！個湯係平時大約1.5碗湯嘅份量！必叫，推薦！另外就叫咗個油鴨芋頭煲，臘鴨大約五至六件，芋頭就蚊到好入味，係完整一條條，但係食落去係混合左臘鴨嘅油香好入味，好正，雖然咸左少少，但係攞呢個嚟送飯簡直係一流！希望下次食到瑞士汁炒河！…查看更多

呢間三陂小廚經常性都好full，好多人食，因為佢嘅炒野確實係唔錯，三個人叫咗兩個冷盤小食，加兩個餸，叫咗辣嘅拍青瓜，辣嘅牛肚絲，沙拉蝦，菜炒豆腐！推薦牛肚絲同沙拉蝦！四個餸都好食，特別係沙拉蝦出邊好少見到，啲蝦有成十幾粒，大粒爽脆加埋啲沙律汁炒，滋味無窮，非常推薦！牛肚絲好味，好辣但好惹味， 食到停唔到口！菜炒豆腐啲豆腐大嚿，同埋入晒味，都好推薦！拍青瓜味到正常，得一個辣度！之前食過佢嘅牛仔骨煲，豬手同乳鴿都唔錯！推薦！…查看更多

朋友生日過嚟打邊爐，又過左嚟大鴻輝食嘢，呢間野唔係好多人，見到係座唔滿，反而可以舒舒服服咁傾計，我哋叫左個鮮味之選海鮮套餐，入面有蒸扇貝、蒸蜆、刺身拼盤、蟹子沙律、牛脊肩，其他嘢就任叫，啤酒汽水任飲！佢送呢一set野真係好唔錯，蒸扇貝好鮮甜美味，刺身好新鮮，蟹子沙律都好味，啲蔬菜夠新鮮！二百零蚊一個人其實有呢啲送真係好抵，其他火鍋配料例如牛肉，丸味道都唔錯，嘢飲選擇好多， 上碟速度都快，可以下次再嚟！…查看更多

又過嚟萊茵河食lunch，一直都冇機會寫食評今日食時，先記得影相來寫下！呢間野都OK，食簡單西餐又唔收服務費， lunch有包嘢飲同餐湯價錢都算係咁！我叫咗個德國腸意粉，意粉係用茄汁同蕃茄炒嘅，加幾片德國腸，其實個味道呢系好開胃，只係得三四塊腸太少！同事叫咗牛扒意粉，牛扒意粉個底係同德國腸意粉一樣，都係茄汁番茄炒底，牛扒佢哋話煮得熟咗少少，有啲鞋口，但味道係OK嘅因為冇比梳打粉那得好犀利！另外同事又叫咗咖喱雞扒飯，望落去細細碟，但係個份量佢話好多，係日本咖喱甜甜地，雞扒好滑，佢話味道唔錯啲汁可以夠晒撈晒所有飯！仲有個湯，係西蘭花薯仔湯，個湯個個同事都話好味唔係搵水溝到好悕嗰啲，個湯正！…查看更多

見到OpenRice有優惠卷，星期日下午連服務費$88每人，覺得幾抵咁過嚟試吓！兩點鐘嚟到，都唔係好多人有一半嘅枱係吉既，出邊有自助蔬菜丸蟹柳牛柏葉面類任食，大約有10幾款，飲品就大概有五六款！我哋買咗$48嘅券，星期日服務費$40，可以食個半鐘，有兩款羊牛雞豬， 叫咗個藥膳湯,湯底都算濃味，有啲藥材龍眼等等，兩款嘅羊其實食唔出有咩分別，但好彩冇咩羊酥味，豬同牛味道一般，唔鞋口，滑雞都好味，牛柏葉切得好大舊，肉丸類就普普通通，冇乜特別，因為佢限食個半鐘，一夠鐘就即刻要買單趕我地走！口痕可以黎試吓，個半鐘$88其實都算平，但味道一般！…查看更多

食過呢間好多次，因為佢嘅餃子皮薄爽脆，雞湯好清甜，餃子嘅椰菜好爽，加韭菜同小小豬肉，食起上嚟係索索聲，佢嘅碗清湯雖然份量唔多，但食得出係冇味精同埋係老闆用心嘅製作，每次食親都覺得佢嘅食材好新鮮，食完唔會口渴，佢仲有賣涼茶，買過佢嘅蘋果雪梨木瓜茶同竹庶茅根，清甜好味，拎上手仲係暖嘅，感覺好新鮮！又試過買一打餃子返屋企煮面，老闆會悉心講解要點樣煮， 餃子可以放幾多日， 點樣存放，又好好禮貌！感覺上啲餃子就係老闆嘅命根，所以經過都會嚟食吓，覺得係一間好用心嘅小店！…查看更多

食過幾次呢間地道上海小店，佢嘅小龍包，皮薄喊靚又多汁都係$30 4隻！飲佢嘅酸辣湯套餐都係加$9，酸酸辣辣，好開胃！仲有醉雞，都好正又入味！今次見佢有套餐，炒粗面同炒年糕都未食過，就試吓啦!排骨上海粗炒($52)好大碟，豬扒大約五至六件，仲有啲肉絲加菜炒埋一齊，味道一般，但跟埋啲豆瓣醬一齊食就會好食好多！雪菜肉絲炒年糕（$52）都係好大碟，雪菜肉絲好入味，跟埋年糕反而會覺得好濟，好快會飽！小籠包（$30）皮薄，多汁，好抵食必叫！！推介：小籠包，醉雞，酸辣湯…查看更多