joyjoychu的个人专页

登打士街近年都開年很多不同特色的食店，o係旺角行街行到餓都不愁沒有選擇，今次就揀選了這間candy shake，因為被門口位置的大熱芝士撻吸引著。單係聽名字都知道這食店主打食甜品雪糕，店內有很多不同糖果在牆身做裝飾，充滿繽紛色彩。金莎奶昔初時都擔心會太甜，奶昔質地不算濃稠，但每口都嚐到金莎碎粒，透出淡淡金莎芳香，口感極之豐富! 金莎迷必定要試試 !3.6牛乳芝士雪糕，雪糕上糖粒和朱古力蝴蝶做粉飾，牛乳味挺濃郁，入口先有牛乳味再夾著芝士香，簡直雙重滋味不斷在咀裡盤旋紫薯芝士撻，紫薯蓉香滑細膩，底層有芝士，加埋脆脆的撻皮，非同凡響…查看更多

今天在尖沙咀行街，經過這間在百利商場橫街的人氣雪糕店Tokyo Secret，看名字應該是日式雪糕店吧。店外電視不斷播放短片介紹，繽紛既裝飾吸引，店中巨形雪糕裝飾十分可愛。店員推介了主題特效雪糕 -「冬之富士山」選用3.9北海道牛乳，淋上一層藍色的藍莓醬漿，酸甜清新，再灑上脆脆，口感豐富，雪糕中心亦都埋藏著厚濃稠的法國藍莓醬夾雜藍莓的果香。雪糕嘅份量其實並唔多，因為杯底裝住乾冰的關係，所以不斷有白煙滲出，製造出煙霧瀰漫既夢幻景象，極盡視覺效果，呃LIKE指數爆曬燈。標明係3.9牛奶做嘅雪糕，身為牛奶控的我當然會有所期望，會比普通牛奶/3.6牛奶更香濃幼滑，但食落奶味比想像中淡，不過藍莓的酸與牛奶的香甜可口交集下有一個強烈對比。雪糕嘅份量略嫌小，只有一半係雪糕，不過創意度值滿分! …查看更多

星期日的下午在大埔閒逛，下午茶時間有點兒餓，想起這間未有機會食的甜品店便決定去試試。由於這邊多是住宅區的，店舖不多，所以都比較寧靜，但格外有份舒服的感覺。下午三點剛剛開門就摸進來，所以店員亦溫馨提示爐具要點時間預備，要稍作等候。經店員推薦後，我們二人點了招牌甜品 : 和峰抹茶心太軟配雪糕和比利時朱古力窩夫配雪糕。朱古力心太軟平時吃得多，抹茶味反而是第一次，即叫即焗的抹茶心太軟，灑上綠茶粉，配上紅豆蓉和豆腐味雪糕，以木板奉上，像是一幅美麗的圖畫，賣相滿分。輕輕把外皮它切開，鮮綠色的流心抹茶漿慢慢流出，流心度略嫌不太夠，沒有那種很澎湃震撼的效果，抹茶清香沒有苦澀的特性，抹茶味不算很濃，紅豆蓉軟綿香甜，永遠都是最佳的組合。蛋糕焗得鬆軟，隨伴上清新的豆腐味雪糕，涷冰冰的雪糕非常堅硬，不容易溶化，一冷一熱一齊放入口中，味覺上多重層次很美妙。比利時朱古力窩夫配雪糕，窩夫外脆內軟，一塊表層淋上精緻拉花般的朱古力漿，朱古力漿質感雖稀稠， 但味道卻很濃郁而且帶有酒味，幼滑無比，甜而不膩，窩夫融入醇滑如絲的比利時朱古力漿中，香濃誘人，而另一塊充滿蛋香的窩夫則灑上了糖霜，配合那球香滑的雲呍呢拿味雪糕，不同的組合變化帶出不同口味，給味蕾不一樣的刺激，相當滋味。…查看更多

一個綿綿細雨既下午，心血來潮想食個cake做下午茶，走到位於上水這間諾亞半熟蛋糕專門店，其實一早在網絡上認識這間來自台灣的人氣爆燈蛋糕店，主打多款半熟蛋糕，花多眼亂，選擇困難症又出現，最後決定試試新款式，來個焦糖雲尼拿布丁蛋糕。購買前親切的店員會簡單講解處理蛋糕步驟和詢問客人需時幾耐才能回去雪起蛋糕，由於我的路程不太遠所以就不用提供乾冰保持冷藏溫度。蛋糕盒的手挽是貓咪的耳朵，可愛感UPUP。打開蛋糕盒會見到一張圖文並茂的溫馨提示，第一次食蛋糕用咁特別既方法，跟著步驟小心翼翼地反轉然後取開膠盒和紙。盒底藏有4套餐具和蛋糕刀，超體貼耶! 有時在街上突然想買個蛋糕同朋友們開心sharing，都唔洗煩冇餐具進食啦!蛋糕層次分明，豐富的焦糖液隨隨傾瀉在碟上，而底層鬆軟的蛋糕好似海綿咁吸飽焦糖液，未食都已經覺得非常吸引。雲尼拿布丁蛋濃醇香，絲絲滑滑的口感，富有彈性的外觀，配埋下層海綿蛋糕，吃起來不會太濕潤，焦糖味甜而不膩，我和家人都愛不釋手，話咁快就食晒，大滿足!…查看更多

星期六在九龍灣睇完戲, 諗住返大埔求其搵d野食, 住左咁多年先知道大埔區都有不小美食, 而印象中不小網友在社交網站群組都對k square 讚口不絕, 所以就決定前來一試優質的西餐廳在大埔區內其實不多, 所以來到k square門前, 見到一個開放的小酒吧, 已經給我一種與別不同的style, 餐廳旁的外牆上畫有壁畫, 可以約埋三五知己在門外面點一些小食, 舉杯暢飲, 過一個relax的周末從外面看以為店子小小要等好耐, 等了約五分鐘左右, 侍應就帶領我們二人走入餐廳沿小樓梯上, 安排了閣樓的位置, 星期六的晚上已經坐滿了客人坐底一陣之後侍應見到我們對餐牌豪無頭緒, 就主動過來推介幾款餐應的招牌菜1) 首先來一個醒胃前菜 : 煎鴨胸凱撒沙律嫩紅多汁的鴨胸煮得剛剛好, 不會太生, 亦不會熟到難以嘴嚼, 而生菜新鮮脆口, 每一片都均勻包上沙律汁, 食完之後並沒有多餘的沙律汁留在碟內2) 小食拼盤 (芝士薯條, 炸魷魚圈, 蜜糖雞翼)對於芝士腔既我黎講, 呢個芝士薯條既芝士真係小得可憐....得幾滴仔...唔講唔覺佢係芝士薯條, 以為只係普通薯條, 炸魷魚圈的魷魚好淋完全唔un, 好易就可以咬開, 炸粉薄脆唔厚, 所以唔會好油膩, 配上一款特色醬汁同淡忌廉, 幾醒胃, 而蜜糖雞翼外皮脆口但略嫌有d甜, 因為佢係炸左雞翼先淋蜜糖上面, 而非平時食開的蜜糖雞翼3) 主菜 : 德國鹹豬手好窩心地分好一件件上, 唔洗落手落腳再去分, 附上薯條同帶有d酸味既菜, 豬手外皮唔燶脆卜卜, 不過都幾硬下, 要用d時間去咬, 肉質方面唔鞋口唔會好鹹, 而且連埋d酸菜一起入口就冇咁漏, 仲含有女生最愛的豐富骨膠4) 火焰鐵板烤半雞Menu係寫半雞, 不過上到來其實係細細隻全雞, 侍應會先用特別鐵板插起隻雞送上, 淋上玫瑰酒再點火, 比客人拍照後先再拎番入廚房切件, 我從來不喜歡食雞, 但呢隻燒春雞冇乜油, 連最鞋口的雞胸肉都做到嫩滑juicy, 整體黎講, 即場放火夠晒視覺效果之餘亦相當美味5) 甜品 : 鐵板朱古力軟餅, 蘋果提子批另一個影相位, 就係熱騰騰的鐵板朱古力軟餅, 佢同心太軟剛相反, 侍應會再淋上濃濃的朱古力漿, 好似食鐵板燒咁, 冰凍的雪糕在軟餅上層慢慢溶掉, 一冷一熱, 好似冰火咁, 口感十足! 蘋果提子批唔乾身, 有蘋果提子同果仁粒, 材料充足, 最好味反而係個oreo雪糕球, 勁香滑, 有咬口!飲品 : Pinky Lazy, Mint FairyPinky Lazy好o岩女生飲, 混入女生最愛的士多啤梨和橙汁 Mint Fairy用左好多大量薄荷葉, 非常解渴清爽…查看更多

地點不算十分便利, 但要在眾多食肆中突圍而出是一件不容易的事.星期六的晚上, 早早就要輪侯等位入座.由於店鋪面積不算大, 一次最多只能容納數個人, 正正因為細細間, 師傅更容易同客人有交流接觸, 了解客人的需求, 不斷去改進.叫得武士拉麵, 少不了武士的裝飾這裡的綠茶無限提供, 味道濃郁第一眼看到一層油在湯面, 不用怕肥, 其實係健康既魚肝油黎既~黑蒜味十分濃厚 , 厚切叉燒唔鞋口件件用火槍噴過 唔會燶, 麵條選用了拉麵中的"中"麵 軟硬適中正宗關西風味會偏濃, 但我個人接受到, 飲完成碗湯夠晒飽肚, 亦沒有口渴魚介味相當突出, 豬軟骨亦炆得林, 真材實料的豬骨湯就好似花膠湯咁膠膠黏黏地, 有漿口的感覺…查看更多