one9rice的个人专页

上一間結業後，新呢間未幫襯過。今次喺大南街寄完順豐就行去熟悉嘅位置，過吓口癮。嗌咗件臭豆腐，交出十蚊，臭豆腐迅速喺後面廚房傳遞出嚟。醬料唔係一兜兜加支木片棍嗰種，風味驟減。唧入必加嘅甜醬同豆瓣醬，再喺邊緣慢慢咬開.. 脆卜卜熱焫焫！但並不能大口進食因為實在太熱！一邊吹走冒出嘅煙，一邊嘗試唔焫親個嘴咁緊接住咬第二啖、第三啖，都因為有豆瓣醬同甜醬嘅加持，鹹辣甜滿足味蕾.. 件豆腐本身就冇乜味。豆腐大小合理，唯只有竹籤一支，難以拮起，索性撕開紙袋食用。仲記得第一次食臭豆腐，係細個去長沙灣探嫲嫲。過咗某條馬路，有個伯伯推住架木頭車喺度賣臭豆腐，爸爸買俾我哋試，真係好好味！當時賣五蚊一件，而d未炸嘅豆腐就擺喺架木頭車下隔嘅一個膠桶入面.. 流動小販真係好有香港特色！至於味道，我都講唔出個原因，但就係同大個咗之後食嘅唔同，嗰種美味至今都未能被超越。…查看更多

只針對呢個《秘製豬軟骨米粉》：它絕對是零誠意之作（莫非兩舊硬化豬肉正正就係用咗金華的驚天秘製配方？！），就像只係求其整多個款俾你呢d麻煩友揀吓咁～即磨咖啡熱辣辣，係唯一的安慰。舖頭到處張貼佢霸氣寫住嘢食未上都要戴住個罩嘅A4紙，恍惚個口唔係食緊嘢就會瀨嘢，十分幽默。另請自行行入舖，若見到有d人企喺度，跟住排隊就得（條龍係喺舖中間開始一直伸延入舖，好多人喺門口都唔知原來入面有人排緊隊）。成日經過但好耐冇幫襯～ 記得佢個西多士好正！！！菠蘿油係幾時加咗價㗎？…查看更多

人物：女女食量：是夜掛住講嘢所以食慢咗又食少咗 x 2食物：半隻片皮鴨/ 柚池魚淋/ 瓜之金球坐低開茶，唔要碟小食-嗰d淋花生。目標好明確，我哋好鍾意食《片皮鴨 promo$78》，所以嗌咗半隻（兩個人只可以嗌半隻），再嗌埋佢兩個新推出小菜s。隔咗10分鐘，擺低籠包皮，再隔咗10分鐘，先見到廚師👨🏼‍🍳叔叔捧住碟鴨皮出嚟。hmm 造型同open rice鱔稿嘅相片有好大出入，青瓜絲乾到發白😂。包皮屬於大片同較厚身，係細個時食開嗰款，個人覺得唔錯，可以擺多兩塊鴨皮，鴨皮都幾脆，有幾塊帶肉（要鴨殼+$50）。宜家好多賣片皮鴨懶精緻，d包皮細同薄都算，唔夠包先最黑人憎。跟住《柚池魚淋 $108》就到。自從幾年前第一次食過有餐廳用韓國嗰d柚子蜜嚟煎豬扒，今次係第二次食用柚子蜜調味嘅嘢。8舊炸魚，熱辣辣，好脆，唔知係咩魚，幾嫩滑，淋上柚子蜜好好味 - 我係咕嚕肉d fans. 不過係冇鱔稿相片上嘅柚子肉同其他色彩繽紛嘅材料嘅。最唔受我歡迎嘅《瓜之金球 $？》都係熱辣辣上檯。炸過嘅琵琶豆腐放喺d南瓜汁上面，冇乜味。一碟8球.. 宜家再望吓個鱔稿，點解Open Rice張相有10球㗎？係咪見我哋得2個人特登俾少d呀？廚餘：幾塊鴨皮，2片包皮，瓜之金球 x 2球，1件炸魚（唔講咁多嘢嘅話應該會食得晒的）注意：1.《片皮鴨》先到先得，預訂需付原價2. 拎鴨殼 + $50…查看更多

人物：女女食量：正常 x 2食物：炸魷魚圈 // 豬牛大格鬥熱狗 // 雙重松露熱狗（1）炸魷魚圈 $108好脆但好油趁熱食都仲幾開心 凍左就係咁叫人食多d（2）豬牛大格鬥熱狗 $88蜜糖芥末醬好味 兩種味道都很平均咦 睇返介紹 d牛原來係牛舌（3）雙重松露熱狗 $88醬黏稠 松露味唔重 有cream cheese的影子食物溫熱熱狗包有烘過 微脆 加分條腸肉質鬆實適中 調味恰到好處 juicy好味食剩份量：2啖熱狗 + 1個魷魚圈店員態度友善環境昏暗 營造飲ye傾計ge氣氛當時去係星期2大概晚上7點只有2檯客人所以無需排隊若只為食物 可一試 但未會有衝動要再去- Fried Calamari $108: crispy yet a little bit too oily- Hot Dog with Pork Sausage + Ox Tongue $88: nice touch of Honey Mustard sauce- Double Trouble Truffle Hot Dog $88: hint of truffles; people who look for really rich flavor of it will not be impressed:: might be good for a drink and chat near Tsuen Wan nevertheless as their hand crafted beer seems popular ::…查看更多