workforest的个人专页

今日俾我發現咗喺旺角中心一樓角落，有間由泰國師傅主理嘅泰國菜，味道當然正宗，份量亦夠晒滿足。餐廳仲有套餐組合優惠，任何主食加$28嘅小食就係$79，真係非常適合成為日常飯堂！.🌟甲抛肉碎飯泰式甲抛肉碎飯香氣撲鼻，肉碎炒得微辣惹味，好送飯。份量十足，加隻半熟蛋，蛋汁撈飯更加風味，飽足感滿分。.🌟炸泰式春卷泰式炸春卷外皮極之酥脆，內餡塞滿肉碎同蔬菜，口感豐富，點埋紅咖喱醬，真係好好食！.🌟泰式地道燒豬肉串泰式地道燒豬肉串肉質軟嫩，帶有炭烤香。醃料甜鹹適中。肉串份量唔細，食落相當滿足。.🌟煎餅泰式煎餅非常薄脆，煎到金黃香口。淋上甜煉奶，灑滿脆口嘅穀物脆脆（Ganola），甜度啱啱好，口感層次豐富，做甜品或者小食都好適合。…查看更多

油麻地新開咗間迴轉火鍋，有啲似迴轉壽司咁，客人可以自己揀鍾意嘅嘢食，食到飽為止。選擇幾多，有肉有菜有主食有小食，價錢都算抵。餐廳補貨補得好密，保證大家有得揀。最好係餐廳通風夠，食完衫都唔會一陣味。.🌟海鮮拼盤餐廳會獨立俾碟海鮮你，確保夠新鮮。海鮮拼盤啲蝦肉爽口，蠔好飽滿，青口同蜆隻隻開口又冇沙。淥一淥清湯就已經好鮮味，簡單點啲醬就夠好食，份量都好滿足。.🌟湯底今次試咗麻辣湯同菌皇湯。麻辣湯夠香夠麻，用嚟淥麵、丸同年糕就最正；菌皇湯清香鮮甜，更加襯到海鮮嘅原味。餐廳仲有酸辣金湯、蕃茄湯或者老火豬骨湯可以揀。.🌟肉類餐廳啲肉都俾得幾大方，牛肉款式多，有啲雪花靚，肥瘦適中，肉味都幾濃。…查看更多

上環開咗間Poke Bowl店，簡直係減脂人士嘅福音，高蛋白質包含多種營養，係清爽健康之選。餐廳有客製化服務，由配料醬汁，到蛋白質或者澱粉質，都可以跟返自己需要揀。.🌟I am Greedy用料十足！新鮮嘅三文魚、吞拿魚同爽彈鮮蝦形成絕妙對比，蟹柳沙律同蟹籽喺牙縫度迸發鮮味。雞蛋絲同青瓜增添層次，枝豆帶嚟清新豆香，淋上自製醬油畫龍點睛。滿滿一碗，每一啖都超滿足，實食到飽飽又過癮！.🌟Thai Good Day清爽嘅蔬菜底，鋪上香煎雞扒同鮮蝦，肉香十足。亮點係新鮮菠蘿嘅酸甜多汁，同泰式沙律醬嘅開胃感好夾。再加埋中華沙律、甘筍絲同花生碎，口感豐富脆爽。成個份量夠澎湃，以蔬菜做主導，食落飽肚又零負擔，風味層次好鮮明！.🌟鹽燒三文魚鮫鹽燒將三文魚鮫嘅豐腴油脂徹底逼出，魚皮燒到金黃香脆，帶住粗鹽嘅鹹香。魚肉就依然保持飽滿多汁，口感嫩滑。擠啲檸檬汁更加清新。…查看更多

大角咀有間正宗越南美食小店，裝修風格特別，牆上油畫精緻，打卡一流。價格實惠，份量十足，而且服務親切友善，好適合學生同打工仔做日常飯堂。.🌟海防招牌手切牛柳湯河湯底清甜，飲完唔會太口渴，河粉滑溜。手切牛柳份量夠，肉質軟嫩，帶少少嚼勁，索咗湯汁之後更加鮮美。係一碗令人滿足嘅湯河，暖胃一流。.🌟火車頭湯河生牛肉片軟嫩，牛腩入味，牛丸彈牙。配料豐富。跟個人喜好加入辣椒同青檸，湯底即刻變得酸辣醒胃，風味更上一層樓，更加惹味。.🌟越式拼盤大蝦春卷皮脆餡足，墨魚餅彈牙鮮美。香茅雞翼醃得入味，外皮香脆。扎肉切片紮實，鹹香適中。四款小點風味各異，同朋友同事分享啱晒。.🌟海防滴漏咖啡冰凍嘅越式滴漏咖啡，口感濃郁醇厚。面頭嘅咖啡泡泡十分綿密。味道苦甜交織，風味獨特。…查看更多

觀塘隱藏咗一間裝修兼顧輕鬆玩樂同舒適聚會嘅餐廳，餐廳有射飛鏢等設備，燈光柔和，服務主動親切，非常適合收工同同事朋友摸住酒杯底傾偈。.🌟煙三文魚海藻沙律呢道煙三文魚海藻沙律，賣相清新。三文魚鹹香適中，同爽脆嘅海藻幾夾。醬汁酸爽開胃，整體味道唔錯，份量都足，係一道輕盈健康之選。.🌟牛肉他他生牛肉碎口感嫩滑，一啲腥味都冇。夾埋酸豆、洋蔥碎撈勻，食落層次好豐富。醬汁調味啱啱好，配埋脆片一齊食，十分開胃，係唔錯嘅前菜。.🌟H58特製雞肝醬多士H58嘅特製雞肝醬，質地滑溜，甘香豐腴又唔會有膻味。同烤到香脆嘅蒜蓉多士簡直係絕配。味道濃郁，每一啖都好滿足。.🌟原隻焗龍蝦薄餅塊薄餅面鋪滿原隻龍蝦拆出嚟嘅大塊蝦肉，睇落已經好震撼。龍蝦肉質爽彈鮮甜，同濃郁嘅芝士同薄脆餅底一齊食，滋味十足。…查看更多

將軍澳有間人氣串燒店，成日都好旺場。裝修用晒木色，好似返咗屋企咁舒服，價錢又抵食。佢哋有得揀辣度，唔食得辣嘅朋友都放心嚟啦！串燒同飲品款式多，啱晒一班人嚟吹水聚餐。記住早啲book位呀，唔係有排等！.👍基本上樣樣水準都高，呢幾款必叫👍.🌟大漠燒羊肉串羊肉燒到燶燶哋幾香口，半肥瘦啱啱好，一啲臊味都冇。落咗孜然同辣粉，食完成個嘴都係香味。.🌟燒牛舌芯串牛舌又爽又彈牙，咬落仲有肉汁飆出嚟。簡單用鹽燒已經夠晒味。.🌟燒台灣香腸層衣脆卜卜，咬落去啲油香爆出嚟。帶啲甜同酒香，肥瘦勻循，係正宗台灣味。.🌟燒椒麻雞腎串雞腎爽口到啪啪聲，椒麻味唔會太嗆喉，食完個嘴微微麻，送啤酒一流。.🌟燒雞腿肉串雞髀肉超厚身又juicy，塊皮燒到金黃色。淨係落鹽燒已經夠好食，食完成個人好滿足。.🌟芝士撈一丁每條公仔麵都掛滿芝士醬，咸咸哋好邪惡，就係鍾意呢種簡單嘅滿足感。.🌟生啤酒 Sapporo飲落有淡淡麥香，冰凍順喉，啲泡仲要夠細密。清爽口感正好解咗串燒嘅油膩感。…查看更多

係尖沙咀咁多間韓國餐廳裏面，有間係全港第一間自家製韓國刀削麵。餐廳環境舒服，價錢抵食，份量又足，加上服務幾親切，係一間幾啱當日常飯堂嘅好選擇。.🌟花蛤刀削麵韓式花蛤刀削麵，個湯底先係靈魂。用咗大量花蛤去熬，湯色清透，飲落係純粹嘅海鮮甜味，一啲都唔油膩。麵條夠韌身，索咗湯之後更加鮮味。花蛤肉又飽滿又冇沙，真係唔錯。.🌟牛骨湯刀削麵牛骨湯刀削麵，個湯底係招牌嘅奶白色，飲落溫和醇厚，牛骨香味好出。麵條咬落有口感，牛肉片軟嫩，令成碗麵更加有滿足感。.🌟海鮮韭菜煎餅海鮮韭菜煎餅，煎到金黃香脆，火候啱啱好。韭菜落得足，香味濃，仲加咗魷魚，食落口感好豐富。點埋佢哋特製嘅醬油一齊食，鹹鹹香香，好開胃。…查看更多

九龍城有間人氣好旺嘅火鍋餐廳，除咗有多款火鍋料之外，仲有好多新鮮刺身。餐廳優惠會送鮑魚，仲有孖寶組合更加抵食。舖頭有多間房，由4人到28人都坐得晒，無論係商務宴請定朋友聚會都好方便。餐廳仲有小朋友玩樂設施，等大人可以安心傾偈。．🌟孖寶 - 活魚刺身 + 手切霜降肥牛石蚌肉質通透，食落爽口彈牙。入口帶淡淡甜味，點少少豉油已經好鮮味。肥牛油花分布均勻，肉質嫩滑又唔失咬口。輕輕淥三秒入口，油脂香融化喺口，牛味好濃郁。．🌟三文魚刺身厚切三文魚刺身，橙白紋理好分明。食落去好肥美，油脂感好足。咬開魚香好出，簡單點豉油Wasabi就更突出鮮味。．🌟冰鎮鮑魚冰鎮鮑魚肉質實淨彈牙。咬落有淡淡海水鹹香，清爽唔膩，非常好食！．🌟鮮味卜卜蜆窩鮮味卜卜蜆窩，蜆殼跟住熱湯滾到卜卜聲，香氣撲鼻。蜆肉飽滿多汁，份量十足，個湯底充滿海洋鮮味。粉絲索晒湯汁精華，飲啖熱湯，鮮甜暖胃，好滿足。．🌟鮮蝦水餃皇鮮蝦水餃皇皮薄又有咬口，餡料飽滿。一咬開就見到成隻彈牙大蝦，同豬肉餡好夾。湯汁清甜唔膩，真材實料，每一啖都好滿足。．🌟手打黑白墨魚丸手打墨魚丸食落爽脆彈牙。真材實料，黑白魚蓉層次豐富，鮮味好出。．🌟鬼馬鴛鴦膠鬼馬鴛鴦膠好有創意。脆口油條裡面釀滿彈牙蝦滑同墨魚滑。兩種海鮮鮮味交融，口感好豐富。一入口係油條嘅脆，跟住係魚膠嘅彈，層次好分明。．🌟手打鮮肥牛粗丸手打鮮肥牛粗丸，肉質紮實有嚼勁。一咬開肉汁好澎湃，牛脂香氣好濃。食落彈牙，完全食得出係真材實料。…查看更多

間餐廳午餐有多款價錢優惠嘅套餐，份量十足，位又坐得闊落，吸引咗唔少附近返工嘅打工仔過嚟食飯。啲員工主動又友善，出菜速度好快，等客人可以食到熱辣辣嘅美食，而且客人可以跟返自己需要揀辣度，彈性好大。.🌟酸菜魚酸菜魚份量好足，魚片俾得好大方，口感鮮嫩細緻，一啲都冇泥腥味。酸菜脆口夠味，湯底酸香微辣，食落好開胃。.🌟大盆花菜飯份量幾足，花菜炒得火候啱啱好，帶少少爽脆口感。米飯吸晒醬汁嘅鹹香，再加埋五花肉片同辣椒嘅香味，食落好夠味。成個風味好濃郁，好送飯。.🌟尖椒雞飯尖椒雞飯夠鑊氣，雞肉切細細粒，炒得香口又滑溜。尖椒爽脆，辣度鮮明好開胃，超送飯。醬汁濃郁，均勻咁包住啲飯，整體份量啱啱好，食得飽肚。.🌟芒果/百香果蘇打果醬落得夠多，甜度適中，同清爽嘅蘇打氣泡好夾。飲到真實生果香，冰涼解渴，同濃味嘅餸菜一齊食就最夾。…查看更多

尖沙咀海邊有間裝修風格好正嘅泰國餐廳，用色鮮豔奪目，打卡一流，加上有綠植襯托，簡直好似瞬間去咗泰國當地咁。侍應主動又親切，成日笑面迎人，天氣啱啱好時有露天座位，更加有種悠閒慢活feel。.‼️餐廳唔同時段有set menu，選擇多而且價錢超抵‼️.🌟蒜香牛肉炒飯碟飯炒得乾身，米飯粒粒分明，鑊氣夠又唔會油淋淋。牛肉絕對係主角，厚度切得啱啱好，熟度控制得宜，口感超嫩滑。流心蛋篤穿同飯、牛肉撈勻，食落瞬間變得超滑溜，每啖都掛滿滋味。.🌟泰式蟹肉炒飯蟹肉份量夠晒有誠意，食到一嚿嚿厚身蟹肉，口感鮮甜。調味係經典魚露同辣椒組合，鹹香中帶微辣好開胃，擠埋附送嘅新鮮青檸汁，酸味一嚟，成個風味更有層次。.🌟泰式肉碎包菜豬肉碎炒得好香，充滿金不換同辣椒嘅經典風味，鹹香中帶住啱啱好嘅辣度，非常開胃。口感豐富，肉碎裏面混咗啲爽脆嘅豆角，增加層次。旁邊跟嘅新鮮生菜葉冰涼爽脆。.🌟雞肉沙爹串雞肉切成細細件，燒得火候剛好，面頭有少少焦香，咬落去肉質依然保持嫩滑。沙爹醬質地濃稠，充滿香濃花生味，鹹甜中帶一絲微辣，風味好地道。.🌟青木瓜沙律青木瓜絲口感好爽脆，食落開胃。酸辣味道融合得啱啱好，食落層次豐富。裏面撈咗車厘茄、長豆同花生碎，增加咗唔同口感，清爽又冇負擔。.🌟泰式奶茶雪糕一入口濃郁泰奶香味即刻喺口腔化開，味道好真實，好似食緊冰凍咗嘅泰式奶茶。雪糕質地細滑綿密，食落冇冰粒感，花生增加咗脆脆口感，令層次更豐富，係令人滿足嘅甜品。.🌟芒果糯米飯糯米飯暖身軟糯，口感煙韌又帶Q彈，淋上面嘅椰漿香氣濃郁，又唔會太甜膩。旁邊嘅芒果揀得好好，熟度啱啱好，果肉呈金黃色，食落香甜多汁。…查看更多

喺油麻地美食多到揀唔晒嘅地方，有一間喺22樓嘅細緻日本料理，餐廳木質裝修風格，風格輕鬆，職員友善主動，提供多款日本酒，係同親朋好友聚會嘅好地方。.🌟白子白子滑溜，魚子醬鹹鮮，酸醬吊味，一啲腥味都冇，配搭得啱啱好。.🌟鮟康魚肝魚肝豐腴肥美，入口即化，調味剛好，食落唔膩，完全冇腥氣。.🌟免治雞肉棒口感紮實彈牙，雞肉香氣十足，鮮嫩多汁，點蛋液更加滑溜，軟骨增加口感，醬汁鹹甜適中，恰到好處。.🌟阿波尾雞翼雞皮香脆，火候準確，肉質結實多汁，簡單鹽燒，風味極佳。.🌟雞肝口感粉嫩綿密，火候得宜，毫無腥氣，醬汁鹹甜適口，內臟處理得妥當，送酒一流。.🌟伊比利亞豬肋條肉質彈牙，油脂豐腴甘甜，火候準確，外面微脆入面軟嫩，肉香四溢，食落滿足。.🌟燒牛舌芯火候準確，中心軟嫩，邊緣焦香，口感爽脆彈牙，肉汁豐富，簡單鹽蔥吊味，滋味濃郁。.🌟汁燒腦天腦天係指吞拿魚頭頂嘅肉，一條吞拿魚得兩片，所以比較矜貴。汁燒鹹香惹味，腦天軟滑豐腴，魚味濃郁，送酒送飯都咁正。.🌟雞頸肉油脂適中，簡單鹽燒就已經好夠味，肉質結實彈牙，燒烤後焦香四溢，口感獨特，越嚼越香。…查看更多

喺上環一條唔起眼嘅橫街裏面，匿埋一間人氣超高嘅餐廳，價錢非常貼地，吸引唔少打工仔同遊客。員工十分好客，食物份量好夠，係呢區可以當做日常飯堂之選。.🌟蔥油豬扒蛋飯蔥油豬扒蛋飯味道好惹味，豬扒淋滑，煎蛋夠香。將蛋黃篤穿之後，蛋汁令到啲飯更加香滑，啲飯本身又粒粒分明。淋咗豉油之後，鹹香更加出，係一碗好飽足嘅好選擇。.🌟炸雞髀配冬陰功炸雞髀配冬陰功麵好有特色。雞髀即叫即炸，外皮脆口，肉質多汁。冬陰功湯底酸辣夠味，香茅同椰奶嘅香氣平衡，金邊粉份量十足，索晒啲湯，飽肚感滿滿。.🌟泰式炭燒豬肉串豬肉燒得火候啱啱好，邊緣有啲脆，肉質淋滑唔嚡口。醃料鹹甜適中，有啲香茅嘅香氣。點埋秘製醬汁更加開胃好食。.🌟泰式奶茶泰式奶茶風味正宗，茶味濃郁醇厚，同煉奶嘅甜香融合得啱啱好。口感滑溜，冰涼解渴，甜度配合返香港人口味剛剛好。…查看更多

喺九龍灣有間裝修風格好有特色、打卡一流嘅西餐廳，人氣爆棚，建議訂位。餐廳提供多款食物選擇，如果天氣溫度啱啱好，仲可以揀坐室外，更加有氣氛，適合各種聚會。.🌟四重風味德國鹹豬手餐廳提供六種醬汁選擇，豬手外皮烤到香脆，肉質軟嫩唔乾柴。開心果蜜糖芥末醬好特別，果仁香同微甜芥末好夾。香蒜黑椒，辛香夠味，令件豬手食落更加惹味，整體風味有層次。.🌟日本柚子鮮蝦沙律口感十分清爽。鮮蝦彈牙，沙律菜新鮮爽脆。柚子的清香與微酸，恰到好處咁帶出鮮甜，醬汁開胃。.🌟經典卡邦尼意粉卡邦尼意粉夠晒經典。意粉煮得彈牙，掛滿濃郁嘅蛋黃醬汁，鹹香嘅煙肉同帕瑪森芝士融合得啱啱好，香而不膩。.🌟菠蘿荔枝烏龍茶入口清甜爽口。菠蘿嘅果香同荔枝嘅甜潤配搭得啱啱好，烏龍茶底溫潤解膩，整體風味平衡，同時解咗豬手骨膠原嘅膩感。…查看更多

喺石門地鐵站旁邊商場一樓角落，有間高質雞煲，提供多款風味，之後仲有多種火鍋配料揀。服務主動又親切，餐廳夠晒寬敞，通風好好，唔驚食完衫褲一陣味。.🌟花雕藥膳雞煲花雕藥膳雞煲，生雞上枱即場煮。藥膳香氣濃郁，花雕酒味醇厚突出。雞肉煮完口感嫩滑，充分吸收湯汁精華，入味十足。.🌟牛舌心牛舌心用花雕藥膳湯底淥，藥膳香氣溫和。湯底醇厚，帶淡淡酒香。牛舌心切得厚薄適中，口感爽脆彈牙，而且吸收咗湯汁精華，風味獨特。.🌟水魷花雕藥膳湯煮水魷，湯底酒香醇厚，當歸藥材味突出。水魷質地新鮮，口感爽脆彈牙，喺湯裡面輕輕淥一淥，鮮味同藥膳風味結合得啱啱好。.🌟豬頸肉片豬頸肉片油脂豐富，煮耐咗都唔韌，口感軟嫩中帶彈性，充分吸收咗湯汁，食落溫潤唔膩。.🌟十優狀丸呢盤丸類拼盤真材實料。黑松露墨魚丸香氣突出，墨魚丸彈牙；蝦丸鮮甜，入面有墨魚粒嘅墨魚丸口感豐富。整體口感紮實，風味十足。.🌟椰青椰青清涼解渴。椰青水清甜冰爽，帶天然微酸，生津止渴。椰肉白皙軟嫩，可以用匙羹輕鬆刮出嚟，口感滑溜，清香自然。.🌟龍鳳檸樂香港經典特色飲品，鹹酸交織，巧妙平衡可樂嘅甜膩，口感層次豐富，生津解渴。…查看更多

田記之前已經有兩間分店，第三間新店終於開張啦！餐廳用餐位置闊落，光猛乾淨，服務主動又有禮貌，而且上菜速度好快，好夾返香港人食lunch嘅節奏。.❤️餐廳優惠指定時間食麵或者飯，即送熱飲，凍飲加3蚊，價錢真係好合理親民❤️.🌟崩沙牛腩河牛腩炆得軟腍入味，筋膜帶少少爽脆。河粉滑溜，加一匙辣油，香氣即刻出曬嚟，更加惹味。.🌟牛三寶幼麵牛腩軟嫩、牛肚爽脆、牛筋膠質滿滿。幼麵口感彈牙，原湯濃郁。跟口味加一匙辣油同少少醋，酸辣吊味，更加開胃惹味。…查看更多