sky_foodie的个人专页

星期一心情總係有啲blue約咗個朋友出去食佢帶我嚟翠亨邨上到去經過長長嘅走廊後 別有洞天環境光猛 舒服開揚一坐低先開茶菊花茶清甜解渴即使沖咗幾round味道依然濃郁要咗個花膠鮑魚扣鵝掌嚐味二人套餐嚟個高級享受先上蜜汁叉燒皇拼香麻海蜇蜜汁叉燒非常出色外面燒得香脆 內裡嫩滑juicy鎖住到肉汁 蜜汁香甜 將叉燒嘅味道提升到另一個層次海蜇爽脆彈牙 前菜非常開胃🤤金湯花膠羹金黃色嘅湯盡顯高貴湯頭用咗南瓜 綿滑得嚟夠香濃入面有大量花膠 每一啖都可以𢳂起一大羹爽彈滋補 女士們應該好like🫶🏻御品八頭湯鮑扣鵝掌呢個餐嘅重點菜式 鮑魚好大隻 入口爽彈鮑汁香而不膩 味道配合得剛剛好鵝掌炆到連骨都有啲軟腍 入口即化 食得出廚師嘅心機同花費嘅時間高質！❤️果皮白玉蒸斑片魚肉鮮甜嫩滑加埋少少嘅陳皮、薑蔥、豉油 帶起咗鮮味下面有一層嫩滑豆腐 滑溜非常 豆味濃郁滿滿嘅蛋白質👍🏻錦繡火鴨粒炒飯炒飯乾身 粒粒分明火鴨粒、瑤柱絲、蛋絲、香蔥味道多元濃厚 食完好滿足😌芙蓉燕窩杏仁茶有大量燕窩😍杏仁茶味道清甜 好滋潤 啱晒秋天食靚靚們必食Perfect ending!…查看更多

星期四攰攰地唔想煮飯於是喺荃灣搵食喺Citywalk 1行咗個圈都係想食返Lizto之前啱啱開冇幾耐食過一次印象非常好一於去再encoreDinner set有餐湯、前菜同main價錢由百零蚊到兩百零都算幾抵食Cafe裝修簡潔 環境夠chill好啱慢慢食慢慢傾是日餐湯係蕃茄湯好濃郁嘅蕃茄味 真材實料炸蕃薯條 半份+$16炸得非常香脆 外脆內軟蕃薯味道突出 加埋沙律醬好好食停唔到口屋企人要咗煎赤身吞拿魚配牛油果沙律 半份+$38吞拿魚煎得外脆內鮮 邊位脆口吞拿魚味道好鮮甜 牛油果綿滑 配埋沙律菜夠fresh嚟到main澳洲M5 和牛西冷配燒菜要咗medium rare 熟成度剛剛好顏色好靚好吸引煎得外面少少香口 裡面嫩滑 牛味濃郁 帶少少油脂 非常香燒菜好特別 菇類同生菜都燒得好好食中和咗牛肉嘅油膩感朋友嘅傳統卡邦尼意粉加咗$10轉咗手工意粉麵條食落較爽彈Carbonara sauce同出面嘅有少少唔同冇咁creamy 反而較香口肉粒脆薄香口唔油膩好食！…查看更多

呢晚偷懶唔想煮飯喺觀塘收工就順便買幾個外賣返去喺裕民坊見到呢間水門雞飯知道有好多分店但一直都冇機會試價錢又公道 5點幾去到都開始好多人食決定買幾盒飯返去試下必點招牌 - 水門雙拼雞飯$58一次過滿足晒兩個願望水門雞去骨 非常嫩滑 雞肉味道濃郁 加埋泰式醬汁 泰式風味好惹味水門炸雞夠香口酥脆攞到返屋企雖然有少少水氣 但氣炸一下依然香脆入面仲鎖住到肉汁 加埋酸甜辣醬一齊食 正！泰式豬手飯$55睇落好似好肥但食落唔覺油膩反而越食越開胃肉質入口軟滑 咬落去爽彈 滷水滷得好入味兩個餐跟飯仲有雞湯 飲落不油膩 加咗胡椒夠晒香 好飲！阿來篇 - 泰式菠蘿燒雞肉炒飯$78粒粒分明 炒得金黃乾爽雞肉同樣嫩滑 加埋菠蘿、肉鬆、提子乾 每啖口感都好豐富 好好食大滿足！…查看更多

難得平日放假喺觀塘上完堂 約咗朋友食lunch喺裕民坊搵到呢間cafe環境非常之chill對住平台花園餐牌都幾多選擇一百蚊左右一個lunch set包餐湯/沙律、一個main同飲品都幾抵食 是日餐湯係忌廉湯夠香 又唔會太稠糊 入面仲有蜆肉同大量磨菇材料豐富菠蘿軟殼蟹漢堡配薯條及沙律$98超級大個漢堡 大過手掌 亦都非常厚擘大口一啖咬落去都咬唔晒竹炭包烘過 外表香脆 內裡鬆軟軟殼蟹新鮮炸起 非常脆口 食落熱辣辣蟹味濃郁 好香口好好食下面仲有蕃茄同蔬菜 中和返軟殼蟹嘅油膩感Perfect match!伴碟嘅薯條亦都非常香脆 份量都唔惹少 兩個人share食剛剛好澳洲肉眼牛扒配紅酒燒汁$148份量同樣令人滿足要咗5成熟 熟成度剛剛好牛扒呈嫩紅色 食落去牛味好出好濃 肉質嫩滑性價比非常高 食肉獸必點跟餐加點咗個甜品+$48開心果白朱古力心太軟配雪糕即叫即整 上枱時暖笠笠一切開 大量開心果朱古力醬湧出嚟視覺效果100分外面朱古力蛋糕加上裡面濃郁嘅開心果醬女士們一定大滿足！咖啡同英式奶茶都好好飲可以傾吓偈慢慢食享受咗一個好chill嘅下午👍🏻…查看更多

Blue Monday收工後要食好西朋友話想食片皮鴨 於是去咗古琴雅苑之前食過幾次 周圍都有分店 好方便而家晚市仲有set2人、4人、6人或更多都有唔想要set嘅散叫都可以烤鴨易食（2食）半隻鴨加涼瓜燜鴨架/冬瓜鴨架湯/鴨肉炒飯$309有2樣嘢 都幾抵食 就決定要呢個片皮鴨半隻份量都唔惹少唔算好肥 但色澤油潤豐滿皮薄 香而不膩食落肉質嫩滑 油脂恰到好處 食落唔騷☺️餅皮熱辣辣上枱 每塊都隔開蒸 唔會癡住晒 夠貼心加埋青瓜、哈密瓜、京蔥夾埋一齊食 中和咗味道又帶點清爽 口感又多咗幾個層次仲有細碟嘅鴨皮 like!配埋甜麵醬、砂糖同黃梅醬 係北京地道嘅味道👅鴨肉炒飯份量比想像中大碟裡面有好多鴨肉炒飯粒粒分明 簡單加咗雞蛋同蔥已經好香食得好開胃👍🏻小籠包新鮮蒸起 即叫即整已經加咗分底部用紅蘿蔔薄片隔住蒸 夾起時就唔怕整穿好貼心❤️皮夠薄 裡面餡料很豐滿仲有湯汁湧出 好香好好食😋…查看更多

終於有一日假可以抖下約咗朋友喺旺角食lunch之前食過couch club一次印象非常好 氣氛又夠chill即刻叫朋友嚟encore多次12點幾去到 仲有少少位坐低後5分鐘就坐滿晒要等位果然人氣非常旺必點特色土鍋茶漬飯上次嚟都有食 份量好多 材料亦極豐富慢煮三文魚配三文魚籽茶漬飯$128一大壺茶 加茶拌飯或就咁食都得 2種食法茶味好香濃 就咁飲都好香好開胃三文魚顏色好靚 慢煮嘅關係 魚肉好滑 鎖住到魚油 食落好香 三文魚籽精瑩剔透 好爽彈仲有大量秋葵、薑絲Wasabi加七味粉拌飯一流仲有小食 - 玉子同拌蕃茄 非常日式地道朋友嘅吞拿魚蓉山藥茶漬飯$118試咗少少 吞拿魚蓉味道好香濃 食落綿滑食完之後都仲有餘韻 山藥同樣綿滑 女仔食多啲對身體好香烤紫蘇比目魚$158This is so good!比目魚好滑 鎖住到魚油喺入面上面有紫蘇嘅醬汁香而不膩 同魚肉好夾 加咗$58加配香草牛油炒雜菇份量都幾多 炒得好香 跟茶漬飯餐加配飲品熱latte +$5有拉花 咖啡豆偏nutty love it!朋友嘅靜岡培茶拿鐵跟skimmed milk +$30拉花係bear bear so cute佢都大讚好飲 培茶味道香濃 冇介紹錯😌…查看更多

Happy Saturday!!辛苦工作一星期星期六要出嚟食餐好嘅6點鐘朋友帶我嚟觀塘呢間Nata Steak, Wine and Cocktail喺巧明街嘅商廈樓上鋪環境非常寬敞 氣氛好chill雖然係開放式嘅廚房 但一啲都唔會覺得油煙Menu選擇都幾多先選咗2款小食西班牙鬆脆包配香蒜希臘芝士醬麵色熱辣辣 好香脆咬落去卜一聲希臘芝士聞起嚟好重味 食落去反而覺得幾香 芝士味道啱啱好 唔會太濃 好食！和風蜜糖柚子醋大蝦西柚海帶芽沙律份量大到令人震驚😂蜜糖柚子醋好開胃加上七彩繽紛嘅沙律菜 眼睛都滿足咗西柚酸酸甜甜 大蝦大隻爽脆 Like!日式三文魚配古斯米三文魚非常大件食落去魚肉嫩滑 鎖住咗魚油同魚香好好奇古斯米係咩原來係北非嘅小粒米 食落去蓬鬆 仲有延長飽足感嘅功效 讚！香烤慢煮伊比利豬鞍上枱會用蠟燭keep warm 夠晒貼心豬鞍有成十件顏色係粉嫩嘅粉紅色食落去好滑好香加埋鹽/燒汁一齊食更將個味道提升咗食肉獸必點！巴斯克芝士蛋糕只係$48 但份量好扎實蛋糕外面焗得微焦 裡面鬆軟芝士味道好濃好香 加埋上面嘅流心芝士奶蓋帶少少咸香 好出色 伯爵茶忌廉配蜜瓜梳乎厘班戟即叫即整 令人好期待上枱嘅時候好澎湃上面淋滿咗伯爵茶醬 茶味濃郁梳乎厘滿滿空氣感 一切開就動L 食落去軟綿 充滿蛋香蜜瓜大大件 鮮甜juicy 好正Sweet Lady顏色非常討好味道如其名 微甜 非常啱女仔飲有玫瑰花嘅香味Refresh得嚟又夠香性價比超高離座嗰陣仲有人等位添人氣十足！…查看更多

Happy Saturday!!呢日喺觀塘上完堂 約咗朋友食lunch觀塘地膽帶我嚟呢間Cobber noodle and mochi地點真係有啲隱蔽 喺工廠大廈嘅1樓樓下亦冇招牌 唔係地膽帶我去都搵唔到路🙈雖然隱世 但食物賣相、味道、餐廳裝修同service都非常好性價比亦非常高 一定會再去encore!!Mozzarella 芝士焗薯蓉帶子即叫即焗 上枱熱辣辣份量十足 上層芝士焗得微燶 十分香口薯蓉好綿滑 帶子大大粒 食落鮮甜第一次食呢個combination 又幾得意蒜香蟹肉意粉超級多蟹肉 食座山咁高蟹肉好似仲多過意粉 大癲！拌勻意粉一齊食 啖啖都係蟹肉少少咸香 鮮味十足超好食😋自家製千島醬慢煮雞肉香草pizza百零蚊有8吋 真係好抵食賣相亦非常靚Pizza餅底焗得外脆內軟雞肉勁大件 食落好嫩滑唔鞋口加埋千島醬 好惹味👍🏻必點糯米窩夫要咗焦糖香蕉朱古力竹炭糯米窩夫配椰子雪糕非常適合打卡香蕉上面有燒過嘅焦糖 上面香脆下面綿滑 甜度剛剛好竹炭糯米窩夫好特別 黑色外形型格 味道好香咬落去有糯米嘅米香 外面鬆脆裡面鬆軟椰子雪糕超香椰子味 真材實料👍🏻有氣西柚咖啡午市有半價 勁抵飲西柚梳打水同one shot coffee分開上枱可以自己沖調裡面有超級多西柚 酸酸甜甜 就咁飲都已經好正加埋espresso仲正 酸甜之外有咖啡香好醒神好啱夏天飲Earl grey latte有拉花 上面仲有earl grey 茶葉未飲但視覺先滿足飲落去超香 茶同奶嘅比例非常好A chill and relax afternoon❤️…查看更多

星期日約咗個friend去沙田新城市行街Lunch time搵嘢食記得另一個friend提起過三期間Here Thai Market唔錯就決定食佢門面光猛 餐廳好大有好多位坐低睇menu見有超多選擇 花多眼亂 心大心細樣樣都想試吓先要咗個泰式牛肉火鍋一上枱就聞到勁香係牛肉船河湯底嘅味道入面有大量牛肉 好嫩滑吸滿咗湯頭 牛味香濃食到停唔到口入面仲有牛丸、牛筋同牛腱牛丸爽彈 牛筋膠原感滿滿 牛腱都好軟嫩最底仲有大量蘿蔔 同樣吸滿咗湯汁 非常鮮甜Like!豬頸肉炒飯推薦大家order!豬頸肉賣相非常靚大大塊 燒得好香 肉質好滑 有豬嘅香味炒飯亦幾唔錯 粒粒金黃 而且炒得乾身好快就清晒成碟蝦多士$48有4件 都算幾抵食 仲要每件份量都唔細 新鮮炸起 熱辣辣上面鋪滑晒蝦肉 下面多士焗得香脆 好香口燒原隻魷魚份量都比想像中大份魷魚顏色好靚燒得脆口 肉質爽彈 食落去有鮮甜味午市加$9仲可以有青檸梳打水夠refresh 抵呀！…查看更多

星期六最適合去cafe chill下呢日喺觀塘上完堂喺openrice搵到呢間Day One Cafe位於駱駝漆樓上 價錢又非常實惠就決定上去試吓Cafe走灰黑色型格路線門口有甜品bagel櫃6點幾去到都幾多人都未開始食就已經坐滿晒Menu選擇豐富$100左右就有個main course+$38仲可以升級套餐可以揀餐湯或沙律 仲包嘢飲都幾抵食👍🏻升級套餐要咗餐湯南瓜湯打得好滑好creamy南瓜味道香濃 好好飲個碗走日本風 好靚好想買個返屋企❤️香煎澳洲草飼牛扒配薯蓉$158呢個價錢都算幾大份幾抵食牛扒剛剛好5成熟 有少少嫩紅色食落牛味幾濃 肉質嫩滑 肥瘦參半 有牛脂香薯蓉綿滑 仲有我最愛嘅秋葵伴碟Like☺️三重芝士焗大啡菇$58份量唔惹小 有兩隻一放低就聞到好香上面有厚厚一層嘅芝士 切開啲汁湧晒出嚟入面有大量洋蔥同煙肉一啖食落去 有多重口感同味道出色😍Latte 仲可以揀fruity or nutty非常貼心👍🏻上枱時見到超大杯仲有拉花 好靚🫶🏻飲落果然夠nutty 堅果味道突出Perfect ending!Staff仲好貼心留意住收碟加水性價比非常高嘅一餐推薦大家要去支持🫶🏻…查看更多

Happy Friday 約咗朋友出嚟飲兩杯佢帶我嚟澳門逸園中心嘅樓上bar之前都嚟過呢幢building 食飯幾次但都冇留意呢到有間bar 少少隱世但原來係同備長同Siam 28同一家喺Bar飲嘢仲可以叫埋兩間嘅嘢食 又幾正幾得意難怪全晚都keep住唔少人上嚟中間仲有人慶祝生日 場面幾high房內有卡啦ok 如果一大班朋友嚟就啱晒同朋友一人先要咗杯cocktailSidecar 係Cognac做基底 酒味較重加咗橙汁 帶少少酸甜 打卡非常靚鍾意飲濃味嘅酒嘅人應該會勁likeSignature係bartender 為每個人嘅口味特別調製同bartender講要酒味重少少 要Tequila做底整成咗呢杯好靚好吸引嘅特調飲到一半忍唔住加點咗個燒豬頸肉係Siam 28製作嘅 出品有包證果然冇令我哋失望豬頸肉厚度適中 燒得剛剛好 入口有融化嘅感覺 嫩滑得嚟又鎖住咗肉汁一邊飲酒 一邊有呢個小食送酒 非常唔錯再一人叫多咗杯white wineMullineux Kloof Street Old Vine Chenin Blanc淺金黃色 果味較香 口感濕潤 酸度適中Valley central Chardonnay 都係淺金黃色 呢杯口感幾柔順 有餘韻食下嘢飲下酒吹下水就一晚呢度逢星期二、星期六晚仲有live band下次就啱時間上嚟再飲🍸…查看更多

Thanks God it’s Friday!朋友鍾意食叉燒呢晚約佢食飯 二話不說揀咗近排幾hit嘅發達叉燒7點幾去到有少少嘅人龍不過都keep住郁 等咗一陣好快就入得店面雖小五臟俱全 staff都非常快手喺門口睇定menu 一坐低即刻可以order1分鐘內即刻送上老火湯😆非常有效率呢晚係雪耳瘦肉湯 好清潤 唔錯👍🏻雙蘭王蛋叉燒飯$88上枱色香味俱全兩隻蘭王蛋鮮橙色 非常靚非常吸睛叉燒邊位微燶 好香口肉質嫩紅 見到已經流晒口水一放入口就知冇嚟錯地方入口好滑 咬落非常軟嫩 多汁juicy 食完口腔仲有餘香 飯粒唔乾身 有少少叉燒汁 好食 女仔都可以食得晒成碟😋茅台醬油雞燒鵝飯$80本身都有少少擔心油雞用茅台 味道唔知會唔會太濃但完全唔需要擔心佢有酒香但唔重 反而提升咗雞肉嘅香雞肉都係非常嫩滑 肉汁豐富 燒鵝都唔錯 燒得鵝皮幾香口鵝肉彈牙而不黏牙加埋酸梅醬食 送飯一流加多咗碟鵝汁時蔬$60估唔到咁大碟 2個人都食唔晒🤣鵝汁幾香 淡化咗蔬菜嘅青草味埋單每人先一百蚊左右 好抵食好高質👍🏻重點係staff service都好好而且翻桌亦較快唔止local仲有好多遊客慕名而來支持本地小店❤️…查看更多

呢晚喺港大附近收工7點幾諗住食埋飯先返去去咗馬泰食泰式嘢 人氣都幾旺餐廳雖然唔大但好光猛Menu選擇都非常之多睇到眼花撩亂 心大心細 款款都想試吓夜晚仲有晚市套餐 包埋嘢飲 小食都係加廿幾蚊 幾抵食要咗個青咖哩燒春雞配金磚蛋飯$88份量超級大呀燒春雞有半隻 燒得顏色好靚外脆內嫩 雞皮好香口入面鎖住到少少肉汁 唔會太乾柴青咖哩香而不辣 送飯一流入面仲有好多蔬菜豆角、茄子、瓜 感覺清新健康金磚蛋好好奇係啲咩原來係蛋餅入面有粉絲 幾得意加點咗個小食 馬來杏仁蝦餅+$28有4件 勁抵食煎到金黃色 好吸睛食落去非常香口 杏仁片脆卜卜 蝦餅爽彈沾少少酸甜醬食一流再叫多咗個馬拉盞炒通菜$68又係勁大碟 3-4個人食都夠炒得超級香 微辣 好惹味通菜唔會老 不錯👍🏻跟餐飲品加$10有多款泰式飲品加$28仲有椰青/香水檸檬茶要咗杯新鮮青檸梳打refresh一下好滿足嘅一餐😋…查看更多

星期中嘅時間總係特別難捱收工約咗朋友喺銅鑼灣食飯佢帶我上嚟京都廣場呢間漁火海鮮刺身火鍋話雖然店面唔大 但食物質素夠高難怪7點幾上到去都坐滿晒 人氣非常之高叫咗雙拼湯底招牌麻辣鍋火紅紅 入面有花椒、豬紅 非常惹味 松茸養生鍋好滋補 入面有大量蟲草花、松茸菇 未開始打邊爐飲咗幾啖湯好清甜湯底咁出色 火鍋配料都唔惹小即炸鬆脆響鈴 真係即整 上枱仲熱辣辣Staff提我哋淥一秒就食得 果然好正脆到一夾起就pop一聲 浸一秒即刻食 吸滿晒湯底勁香 口感仲有一半係酥脆嘅 超正呀！本地手切鮮牛頸脊（大）份量好多 一大碟鋪滿晒鮮嫩嘅紅色 加上少少嘅脂肪 淥幾下就食得 非常滑嫩 牛味幾香用麻辣鍋淥嚟食 再加花生醬 一流👍🏻墨魚滑拼蝦滑兩團大大嘅滑 非常扎實 夾開嚟淥都分到好多塊真材實料 入面真係有墨魚同蝦好爽彈 上面仲有蟹籽 口感豐富蘇格蘭蟶子王淥12秒離殼就食得大大隻 超級新鮮 肉質彈牙 鮮甜好食😋椒鹽海中蝦出色！！必點！！用炸蒜、椒鹽炸過嘅大蝦超級香口超級惹味大蝦好大隻 蝦肉爽彈 soooo good!打邊爐必點竹蔗茅根清熱潤喉滿足嘅一餐😋…查看更多

黑色暴雨後兩個人近近地落荃灣食晚餐見citywalk新開咗間Lizto裝修夠光猛 位同位中間都有好大嘅距離成個環境幾舒服 決定入去試吓Dinner Set Menu百零蚊有餐湯、頭盤同主菜加少少錢仲可以食埋甜品 幾抵食難怪keep住有人入座是日餐湯係南瓜湯飲落去好香好綿滑 南瓜味道好香濃好甜加咗少少橄欖油 非常好飲頭盤：香草油炸薯條即叫即整 新鮮炸起 非常香口黑松露醬好香 like👍🏻另一個頭盤要咗吉列mozzarella 芝士條芝士條咸香 外脆內軟仲有少少拉絲 好出色 千層麵$128勁耐冇食過千層麵呢到整得幾出色麵條有咬口 每一層中間有大量肉碎加埋頂層嘅芝士 同埋大量嘅新鮮蕃茄醬好香 味道有好多層次😋花椒日本蟹肉意粉$138Mix & match得好好花椒好香 攞嚟炒意粉有意外驚喜蟹肉勁多勁香 每一啖都食到 好食🙂‍↕️意粉爽彈 掛起蟹肉、花椒同少少花椒油一齊食 勁正😋牛奶奶凍+$8上面有果醬 下面係濃郁嘅牛奶布甸一𢳂落去dum一聲Perfect ending👍🏻…查看更多