羅密斯的個人專頁

入天水圍打完波返返出黎荃灣食野，路經依間餐廳未試過就試試佢，反正本身都係打算去福來邨食兩餸飯。我喺是日午餐嘅豉汁豆卜蒸排骨，蔥油雞，魚香茄子中零秒踢走左魚香茄子之後就陷入選擇困難症中，隨口問句侍應邊款好，又係hea應我一句唔知乜野就算數，唉~!!又要靠自己，好在我靈機一觸，諗到排骨咁樣蒸法應該好肥，都係食蔥油雞好，一於咁話啦! go ~!先上燉湯，佢係落完單10秒唔使就上，仲快過食西餐上個湯，就咁喺廚房拎走個蓋就成個燉盅拎出黎咁，憑我丫媽多年煲湯不燉湯嘅經驗，或者用眼睇下個燉盅有D乜，都會見到係椰子黨參(應該冇認錯)燉一舊仔瘦肉，椰子味係幾香，熱辣辣幾好飲原本以為蔥油雞係酒樓嗰種，切好蔥絲然後灒熟油豉油上去，點知原來係白切雞配薑蓉，即刻有少少失望，不過轉念一想，OK~!減肥，少油鹽糖!!雖然賣相同做法有少少失望，但質素就有少少喜出望外，雞有𩨨有胸，唔食雞皮，有雞味，墊底嘅小棠菜都唔係白烚有少少調味，時間亦掌握得岩岩好，唔會太生唔會太腍，我最怕就食菜烚到腍晒好似一pat野咁。另外個薑蓉都應該係心機之作，留意返，佢雖然話就話係蔥油雞，但配嘅反而係薑蓉，仲要係將D薑剁到纖維都爛晒，我媽依家都冇咁好心機，出面叫燒味D雞就更加係蔥蓉而唔係薑蓉，依度真係抵讚，一小碟係薑蓉就夠撈晒成碗飯有突。其實58蚊有個咁有心機嘅客飯餐，仲包埋燉湯真係好抵，但唔知點解成間鋪星期日lunch time都冇人食咁滯，反而附近過2個街口位嘅茶記之類就人山人海排晒長龍，希望依間小店都可以繼續生存落去，帶多D選擇俾香港人。…查看更多

難得同師兄聚舊，食完飯吹多陣水先啦，去左諾士佛臺搵間bar飲杯野。間野好特別，有個四大美人嘅collection，不過其實都係噱頭野，我咪又係睇返入面有D乜，杯貂嬋有vodka有bailey又有奶茶，岩飲，就一於試試佢，仲話有麻糬添。上到枱真係好似menu幅圖咁，有樽有茶杯，麻糬就考下大家眼力睇下搵唔搵到喇，我地個位係黑到冇朋友，menu都要開電筒照，我諗應該得我咁柒會咁做.....咁大個仔都係第一次用咁古色古香嘅茶杯黎飲酒，睇黎屋企都應該買返隻類似嘅，weekend沖完咖啡唔好用普通杯裝，轉用茶杯加whiskey/bailey飲師兄比較輕口妹叫左杯又果又清酒嘅黎飲，擺盤係幾靚，不過我未飲都好似已經醉左咁影到佢杯野斜晒lol…查看更多

成日都返黎荃灣食飯，就黎食到唔知食乜好，見到依間拉麵openrice好多好評，又唔使等位，一於試下。細食嘅我就咁叫左一碗蔥山拉麵，價錢黎講唔算特別貴，屬於正常水平，上菜嗰刻更加覺得抵，唔使加錢都有齊晒成隻溏心蛋、真係堆積如山嘅蔥，紫菜、叉燒就不在話下。溏心蛋整得相當好，半流心而且有少許醬油味，後尾俾我望入廚房發現有成兜汁浸住好多隻蛋，可能就係咁樣浸法所以夠入味依度嘅筍係比較甜、腍身，相信應該有預先制煮過，麵質有曲有直揀，我就比較鍾意掛湯多少少所以揀左曲麵，可惜湯底比較輕口，利申拉麵我係鍾意食極濃厚湯底。火灸叉燒係成碗最回味嘅地方，肥瘦相間，腍滑不失口感，再帶點點火灸香，好想食多幾舊，最好打包一盒，帶飯叮2塊黎食。全碗麵反而係個蔥出最大問題，唔係D蔥唔靚，而係真係太多嘅同時我唔係真係鍾意食蔥鍾意到嗰個地步，可能係我揀錯，可能揀櫻花蝦味會更好。個蔥係好足料好濃味，但反而正正係太多太濃蔥味，霸道左，而令到本身唔係太濃厚嘅湯底唔足以平衡返，好鍾意食蔥嘅應該會好鍾意。另外其實有倨地方我幾鍾意，就係枱面放左樽檸檬水俾我任飲任斟，有時有D鋪頭係就咁凍水我又覺得寡左少少，檸檬水帶丁點酸味，解膩消滯一向為我鍾愛。…查看更多

今晚媽媽罷工，唯有同朋友去食飯，搵左依間石一燒黎試下佢有2間分店，一間喺大角咀，一間喺九龍城，由於九龍城開左屯馬線，就梗係揀九龍城啦本身揀1人餐揀得好辛苦，幾樣都想試，然後發覺原來友人眼大得滯，淨係睇到2個最貴嘅2人餐，小毒毒眼細發現有個$598 2人餐，有得試埋3款前菜，肉又有3款，就去馬了先上嘅係沙律，本身我地仲諗2人餐會唔會唔夠食，點知見完碟沙律即係打消依個念頭，隻碟都有成40CM咁長，放左好多菜同木魚同胡麻醬，唔會唔好食啦食沙律食到一半上埋個櫻花蝦味噌湯，巨量櫻花蝦，幾好飲幾順口又大碗店員上3款前菜嘅時候亦有介紹係炸甜薯條，唔知咩菇，帶子裙邊，分別為甜、酸、辣，亦可以跟返依個次序黎食炸甜薯條，夠熱，軟糯，簡單中見不平凡另外2款都幾好食，夠晒開胃，唯一覺得可能帶子裙邊加少少白芝麻粒會再香DD主菜上場~!最平2人餐都有3款肉，分別係日本豬梅肉，美國牛小排，英國羊西冷一個價錢，食晒3個地方嘅肉，我諗真係香港先做得到由於3款肉都各有特色，實在難分高下，唯一共通點係質素都係算唔錯，而且份量都比想像中多另一抵讚嘅地方係舊石下邊一直有火燒住保溫，唔會因為時間耐左就溫度下降搞到D肉燒得唔好但唔明白嘅地方係點解要客人問先提供牛脂肪黎俾我燒肉，明知個餐包埋菇、洋蔥、椰菜，依D野唔俾油我點燒......最後甜品係抹茶配雲呢拿雪糕，雪糕夠滑夠香甜係唔錯，抹茶亦係比較特別地客人可以用茶刷黎加水開抹茶，但要留意嘅地方係提供水嘅份量未必同茶粉嘅份量匹配，我已經只係落左8成水都已經有點兒太稀，大家去食的話就要小心…查看更多

留意左依間Le Reveur好耐喇，之前睇過D介紹，然後睇食評唔錯，仲同同事分享過，不過大家都仲未去過食，今次終於約到fd一齊去試，朋友有揸車，門口就有咪錶，今晚好好彩俾佢泊正門口咁滯，開心死佢。餐牌唔算特別多選擇，但菜式黎講比較特別，搞到樣樣都想試咁先上嘅係是日餐湯 - 莞茜湯作為本身都鍾意食莞茜嘅我，第一次聽到食西餐有莞茜湯，冇理由唔試啦下話，飲落口感淳滑，睇黎落唔少忌廉，唉，肥，但真係好好飲，又大碗，莞茜唔算話特別太重，但叫個fd試一啖仔都唔肯然後好快就上劍魚腩tataki，依個係唯一大家唔使諗一定揀嘅Entrees劍魚腩作為主角份量一D都唔少，以我之前都買過黎計應該淨係幾舊腩買返屋企都要4,5十蚊，劍魚腩表面燒得少少焦脆，再加上牛油果醬，好好味丫再黎就係主菜，牛西冷(5成) 同埋 鮭魚柳牛西冷order 5成，而師傅真係整到5成熟，火侯掌握好好，肉質非常粉嫰，雖然唔係和牛嗰種入口即溶嘅口感，但明顯食到香濃牛肉味，配上嘅薯絲餅就略為失色，可能因為我地將佢擺得比較耐先食，餅邊見到有少少焦但已經完全唔脆由於友人唔肯食油封鴨腿嘅關係就揀左鮭魚柳，一上枱我地就有共識應該係用錫紙包住扔入焗爐焗，肉質保持充足水份，嫰滑不在話下，油脂亦都保留返喺魚肉，等到入口先散發返出黎，不過依道菜嘅重點唔係舊魚，而係我地聽都未聽過嘅配菜，分別係Lentils同Capers Fruit，道菜一上枱我地見配菜咁得意未見過就已經問侍應，問完個名都係唔知咩黎，Lentils就係一D豆咁，應該用上湯煮足時間，有食豆要嘅粉粉口感又唔會乾，Capers fruit我就覺得係酸版橄欖，配上魚肉同豆同椰菜一齊食好好feel甜品方面我地揀share一個Crepe Suzette橙酒pancake，超級好食~!!!! 酒味、焦糖、橙香、蛋香濃得黎平衡得好好，連埋橙片一齊食再加上一股果澀味，令成個感覺唔係得甜同香，作用有D似個酒味但又唔係酒，大家如果去的話一定要叫!! 順路可以幫我試埋個開心果creme brulee再俾返feedback我plz黎得食西餐冇理由飲水咁dry嘅，一人叫左壺茶，我叫french earl grey，友人叫eternal summer tea2壺茶都唔錯，earl grey除左有本身應有嘅味之餘仲好滑身，eternal summer就係濃郁提子莓果嗰種香味…查看更多

放個中秋長假就搵間cafe食個tea，嘆杯咖啡睇下小說，反正出開街玩poker就搵左間順路嘅cafe，唔使成日屈喺沙田區所以去左新蒲崗依間cafe，一出鑽石山站行2分鐘就到，不過個門口真係細到差D搵唔到，出面又冇招牌叫左個牛油果蟹肉他他配窩夫，套餐包是日蘑菇湯，加錢轉飲天然蜂巢咖啡光速5分鐘內上晒3樣野俾我都心知不妙，飲得個湯黎杯咖啡都凍晒，更唔好講個窩夫快快口口飲左個湯先，唔錯，濃郁蘑菇味，有少少忌廉，口感算滑牛油果蟹肉他他，蟹肉都有嘅，不過唔太食得出，紅蔥味比較濃，而且牛油果真係少左D窩夫有2件，第一件都算有少少脆口嘅，第二件就已經完全腍晒，而2件都唔夠熱....天然蜂巢咖啡個樣係幾靚嘅，但我飲完個湯之後已經得個暖字，嗱嗱臨試左一啖先，酸苦味算比較平衡，但咖啡味唔算太濃，先加蜂巢，原來個蜂巢係唔溶嫁~!!等我仲好似篤檸檬咁篤爛佢，搞到成杯蜂巢渣，中大伏，慢慢挑返晒佢地出黎啦.....環境係幾舒服，如果杯咖啡襟飲D的話，我都希望可以坐多幾個鐘…查看更多

星期六收工諗住約fd做gym然後tea，點知有人冇掃安心搞到成間physical封鋪，唯有碌陣街就去食野，weekend旺角真係好多人，所以行左去旺角東過埋火車橋，真係少人好多又平，見到依間樓上酒吧擺左個menu喺樓下，都係58/68左右搞得掂，一於上樓試試佢，點知入座要做快測，好在餐廳like FB就有快測提供埋。日日帶飯唔係雞就魚，放假都俾我抖抖氣，揀返個$68蚊櫻花蝦大蝦炒意粉，要加10蚊先有湯有包，咁我就梗係冇加啦。等上菜嘅時候就扔住鋪701等啦，一鋪都未扔完就已經到，俾fd吊打埋鏢就收場食野。老老豆豆，碟意粉真係比想像中大好多同足料好多，去Pina 1920成2舊幾水先得幾啖，依度一碟等於2碟嘅size，有成堆櫻花蝦，離遠都聞到好香，肯定有烘過先灑上去，"大蝦"老實就唔算大又唔係靚野，都係雪藏貨色，但勝在都有5,6隻，大慨有我隻食指粗幼，意粉炒得幾乾身惹味，亦有少少菇片作配料。+$2將餐飲轉做蘋果汁，依個就係成餐最唔抵嘅地方，因為D冰真係溝稀左D汁，下次都係老老實實咁飲杯檸茶檸水算。總結:一定會返食，尤其食餐飯仲可以扔埋鏢，本身已經好抵食，旺角區搵間少人D嘅餐廳都難，難得依度唔貴又少人又有得扔鏢，仲要D野真係足晒料，仲要冇加一，真心誇張。…查看更多

早前IG見到有媒體介紹依間新開和牛火鍋，即刻share俾fd睇，夾好時間就book位食7半黎到先order湯底，已經冇晒招牌個豆乳玫瑰芝士鍋，傷心，打算食清少少就揀左個黑松露野生竹笙松茸鍋湯底都好足料，幾有黑松露味，符合食清少少嘅目標上得最快嘅其實唔係湯底，而係以下嘅太極墨魚滑同雞滑(見唔多地方有就試下)，墨魚滑好足料，啖啖香濃墨魚味~!雞滑就黏性唔夠重，會比較容易散，唔太特別，下次再黎唔會叫然後就係主角A5和牛，有成7,8款，第一round就試過晒先啦，但有D唔記得左影相，試完結論係，要重牛味就要牛頸脊，而無限encore嘅就一定係特上霜降牛小排，又有肉味又有油香，依家講起都想再食本身expect入座即送嘅海鮮拼盤同配料拼盤應該一早到，但反而係食完第一輪先上海鮮，仲要蒸3個字，質素亦比唔上和牛，帆立貝同蠔都還好，蝦肉係不堪配料拼盤更加食完半餐先上，亦冇咩太特別嘅地方用餐有order過豚肉但冇上過，想試都冇得試但又冇話係賣晒，月見後腰肉就入座叫都已經賣晒，應該真係好好食(?)蝦滑叫左2盤都俾我食晒，真係好足料好好食，其他配料都冇叫太多，但友人叫左份枝竹好似幾好食幾滑身總結，如果價錢同質素都不變的話肯定會無限翻食，依個價錢食依個質素真係好抵食，而且又方便，唯一可以改善一下服務員工作量，始終環境唔太寬敞，要上菜加水整海鮮拼盤真係唔太夠人手，明白餐廳未臻完美，希望大家作為食客都多多體諒。題外話：食完120分鐘到9點半俾餐廳催交枱，本身都打左個突，9點幾都仲有人黎?點知門口真係有客仲等緊位，真係好誇張~!…查看更多

早前旅發局嘅夏日賞賞你活動搶左張coupon一直都未有機會用到，最後一個星期咁岩黎到九龍灣打羽毛球就逼個fd同我食牛角次男坊用左佢本身喺荃灣活動開其實一直都知荃廣有一間，但由於周圍太多野食，所以一直都未試過優惠券set好左2個飯，冇得揀，方便我選舉困難症，如果唔係睇到個menu有成十零款我應該又玩十分鐘但落單都有D困難，普通落order就係掃QR code，而用coupon要員工俾個code我掃，但staff又難搵，又唔多知發生緊乜事，搞左一大輪先落到餐落完仲要等勁耐先有得食，本身唔餓都等到餓眼見上枱賣相唔錯，用料相當充足，我食右手邊嘅鴨肝燒豬肉飯，左手邊就係燒牛肉飯雖然賣相睇落唔錯，可惜上枱嘅時候D野食全部都已經唔熱，得個暖字，個鴨肝已經同個炸漿半分離，好似D放題炸物咁，燒豬肉同燒牛肉(同朋友交換左2舊)都燒得好老，仲要唔熱，差D嬲左，好彩個飯好好食，原來牛角個飯出名好食真係名不虛傳，加上又肚餓，都係食快2啖算數。總結，餐廳自助服務，上餐慢，價錢唔平，隻碗又修身，睇相好似好多，但其實唔飽，未打完波都已經好肚餓，如果可以淨係外賣個飯走的話，牛角應該排晒長龍，冇咩事都應該唔會翻食。…查看更多

舊同事又帶我去食好西，有錢人食個pho都要黎Prime Pho，仲要特登叫我早D出發，好在老細冇捉我山長水遠夏日炎炎行成十分鐘仲要上到黎街市隔離，見就見依度有個新樓盤咁，但真係差D連路都搵唔到行入去，仲要搭電梯上黎2樓，唔係舊同事帶路真係搵路都搵多5分鐘，一上到去大把位，但坐落5分鐘就已經full晒，痴線，好彩偷偷早D走出黎望一望menu其實除左有pho之外仲有撈檬同飯，D飯餐幾特別下次可以試下，第一次黎都係食返Pho呢D招牌野算叫左個牛腩片牛展pho，加牛丸($20)，表面有一堆金不換再灑上少許黑胡椒牛腩片腍滑重牛味，牛展腍到連筋都煮到腍晒，牛丸有牛味但相對唔太特別，粉質口感腍滑但尚有少少咬口舊同事就加左個燒豬肉($20(?))，好好食，幅相係食左2舊之後先影，依個價錢有咁多好抵食，重點係醃得好好，食得出有黑椒、香茅等幾種味，而且燒得岩岩好，唔會係咬緊煲湯瘦肉咁，肉嘅纖維仲係一絲絲咁最後臨走見到有happy hour menu勁平，開心左，然後埋單去到counter一問之下，淨係weekend先有........完......如果有機會weekend過開黎的話一定會試總結，可以翻食，食pho一定會加燒豬肉，但下次可能試下D飯餐先，極邪惡。…查看更多

同同事Happy Monday揀左依間中環soho區嘅小店夠晒方便，行上黎嘅途中發覺疫情真係好多小店都執左，希望大家都支持多D小店啦E____o book枱6點同6半都有半價3個人叫左3樣野，2杯酒，1個甜品先黎前菜CARPACCIO DI BRESAOLA，滑嫰牛肉+Parmesan咸香+我至愛火箭菜獨有嘅味道，平衡得好好，好快就食晒另外配有一人一舊仔包，表層有少少脆，店舖同時奉上陳醋同橄欖油，黎多幾舊都食得落丫~!叫左個RISOTTO AL PORCINO唔記得影相，份量正常，但3個人share食都差唔多。第3樣就係AL SALAME嘅PIZZA，餅邊焗到脆一脆，8吋pizza分6塊，每一塊都有salami仲分分鐘唔止一塊，芝士拉絲拉到周圍都係一路坐一路傾完全唔會催人走催交枱，再叫杯酒飲同埋個甜品就夠晒滿足，tiramisu好香濃又幼滑總結，半價都有好野食，埋單每人唔使百五蚊真係好抵，野食高質環境又舒服又少人，如果唔係叫酒飲冇半價應該會仲平，真係超級抵，希望小店長做長有。…查看更多

最近朋友喺網上見到依間壽喜燒以棉花糖作招倈，見有D特別，就應約去試一試地點非常方便，旺角/油麻地站行5分鐘唔使就到，食完仲可以行下旺角消滯。一入門口就有大大個武田信玄(?)喺門口，好有心機嘅擺設，有大大塊玻璃隔住，一定唔怕有小朋友撞跌整爛啦。餐具都好有特色，尤其係個杯墊，一面係餐廳名，一面係武士公仔。餐牌唔算多野揀，簡單叫個二人餐盛惠($898)，另外再叫多杯招牌whiskey叫Juji/十侍($98)。二人餐主要包6片A5鹿兒島和牛西冷/肉眼，野菜盛合主打個棉花糖隨爐奉上，然後店員就開始幫我地準備，會先問我地打算食幾熟。但小弟真係唔太清楚究竟依間係關東定關西風壽喜燒，烹煮過程如下：1)先落醬汁至棉花糖以煮溶棉花糖2)汁未滾就落大蔥3)落牛肉煮至心儀生熟度夾起奉上4)煮好食晒6塊牛肉5)將野茶盛合所有材料一次過加入烹煮6)煮好食晒所有野菜7)落烏冬烹煮撇開烹煮過程同員工揸筷子能力，牛肉質素係唔錯，油花夠均衡，但肉味欠奉，比起早前於尖沙咀打邊爐嘅A5和牛差，野菜盛合中嘅豆腐最佳，有濃郁豆味再配上壽喜燒汁煮，一流，其他食物質素皆不錯就不逐一細評。Whiskey，十侍飲落真如餐牌形容有陣辛辣味，但後勁唔夠淳厚，小弟味覺遲鈍亦品唔出椰子同香草味。總結係，野食係唔錯，但性價比唔高…查看更多

早排有fd黎依間餃子店食過話唔錯，然後碌openrice又見到上左得獎熱店，見今日要毒食dinner就一於去試下叫左個莞茜豬肉餃麵($42)+原味芝士蛋糕($28)莞茜豬肉餃係幾好食，皮好滑，餡都足，但感覺上未係去到得獎咁誇張，然後個麵更加係敗筆，比起我認知中嘅上海麵黎講太腍太幼冇彈性，下次去嘅話我會直接叫8隻餃子算，反正同價全餐重點其實係個芝士蛋糕，本身見到有開心果味都想試下點知冇貨，超級濃香幼滑嘅芝士蛋糕，雖然個面好似比較深色，但又冇巴斯克嘅焦香味，唔知究竟係想整埋個焦香定唔suppose有，不過佢都叫日式芝士蛋糕所以我諗冇焦香味都正常但唔太明點解會咁深色…查看更多

上次食完個delifrance早餐覺得唔錯，一於走去公司隔離間delifrance度食個早飯，陴間趕住去Element睇免費戲，估唔到6點前仲有tea set，幾十蚊食個飯質素算係唔錯又夠晒飽，勝在方便、清靜、舒服，如果唔係趕時間的話應該可以慢慢繼續坐。個牛角包冇上次咁熱咁脆但都算合格火雞肉蘑菇湯長通粉，算係有D菇味，長通粉唔會太腍幾好，不過得2塊仔火雞肉就......唔多符合我預期囉煙三文魚炒蛋算足料，有少少紅椒粒帶返D口感，而且幾香幾有椒味仲有15蚊2隻好足味嘅雞槌，補償返我今日lunch俾筷子記漏左塊即炸豬扒杯熱檸蜜亦真係落蜜糖，好足蜜糖味，唔係喺茶記/快餐廳嗰種…查看更多

好耐冇見嘅中同約食飯，原來廿一堂係佢飯堂，之前食過一兩次但都好耐冇黎食了，依家好似唔見晒D魚生飯，得返燒肉丼，本身仲話諗住食輕盈D，最後揀左個漢堡扒煎蛋飯。塊漢堡一切開就勁多油標出黎，嚇死寶寶，煎蛋冇燶邊失敗紫菜飯素撈飯零技術唔會難食，唯一重點係落得夠重手，多到遮晒見唔到飯咁滯杯凍檸茶明明叫左少甜都覺得仲係比較甜，睇黎下次要叫走甜先得，最後有埋件大福作結，個皮夠薄又煙韌軟熟，餡料足又唔太甜，，係全餐最特別嘅地方。喺中環閒閒地食個"日本野"都要81蚊埋單，希望公司快D加我多D人工🙏🏼🙏🏼如果唔係就都係繼續帶飯啦我…查看更多