iresxxhxx的个人专页

早聽人講Hemma嘅甜品好掂今次特意試咗招牌嘅rum burnt cheesecake、Oreo cheesecake，仲點咗主食cream mushroom tubettini食完覺得好滿足 完全冇失望rum burnt cheesecake呢款巴斯克真係有驚喜用匙羹挖落去 內餡好滑入口即融 十分creamyRum 酒嘅香味好淡 唔會搶咗芝士本身嘅濃味反而中和咗甜膩 食晒一舊都唔覺得漏餅底厚度啱啱好 鬆鬆軟軟又帶少少實淨 同內餡夾埋一齊口感好豐富Oreo cheesecake 芝士餡滑到離譜十分有驚喜入口就好似食緊冰淇淋芝士味好濃但又唔會覺得滯成件蛋糕由餅底到餡料都有Oreo碎 餅底脆卜卜 餡料入面嘅餅乾碎就吸咗少少汁 變得軟糯兩種口感夾埋好正朱古力嘅微苦平衡咗芝士嘅甜每啖都食到Oreo嘅香味cream mushroom tubettini作為主食真係好合格 管狀意粉煮得啱啱好 彈牙又掛汁 蘑菇醬好creamy 濃稠度啱晒 仲食到一粒粒蘑菇碎奶香味同菌香味好搭 唔會因為厚身而覺得油膩醬料嘅鹹淡岩岩好 配埋意粉本身嘅麥香食完一碗好飽肚 蘑菇俾得好足料 啖啖都係蘑菇今次試嘅三款嘢都冇踩雷無論甜品嘅細膩口感定係主食嘅扎實味道都feel到餐廳嘅用心好適合同朋友hea下聚會時點嚟分享…查看更多

「小滿定律」嘅乳酪雪糕真係幾正🥄尤其係杯裝可以自選三款toppings加一款醬汁 自由度佢地主打嘅希臘乳酪雪糕口感軟滑 味道唔會過酸我揀咗最多人選擇嘅配料頭三名 · 芒果：香甜又多汁 唔會酸 而且係新鮮現切 份量都唔少· 海鹽焦糖脆脆：呢個係唔少人嘅心水之選✨焦糖味濃郁得嚟又有微微鹹香 口感脆卜卜能增加唔少層次感不過個脆脆好大舊 食完會有啲黐牙如果細舊啲就更好啦· 綠茶糯米糍：鍾意煙韌口感嘅 應該會幾鍾意 綠茶味幾濃 帶微微甘香 唔苦澀 糯米皮Q彈次次做完水上活動之後都想食一杯 感覺特別 refreshing雖然價錢唔算平 但份量足料 兩個人 share 一杯都夠醬汁方面，蜜糖和熱情果醬似乎最多人揀我揀咗蜜糖 不過我覺得有啲太甜了⚠️ 小小要注意· 如果你好怕黐牙 食海鹽焦糖脆脆時可能要多啲水· 西貢店都幾旺場 閒日都可能要排隊 要有少少心理準備…查看更多

呢間隱世cafe藏身係成業工業大廈裏面要穿過升降梯大堂 個人覺得位置有啲偏僻朋友帶我行果陣已經非常驚訝咁隱蔽嘅地方會有好嘢食？推開門 不到5點已經坐滿客人好彩等咗幾分鐘 我地已經可以入座明太子軟殼蟹意大利粉🍝每一啖麵條都被濃郁的明太子醬汁包裹住意粉彈牙有嚼勁 蟹肉鮮甜份量多軟殼蟹炸得金黃香脆 兩個人吃就剛剛好特濃開心果疏乎厘班戟🥞開心果迷怎麼能錯過！軟綿綿密的疏乎厘入口即化 空氣感十足麻糬夾心煙韌 開心果醬濃郁 有堅果香墨西哥牛肉餡餅🥙令人十分驚喜！熱辣辣的餡餅每一口都有拉絲的芝士牛肉的肉香和芝士的鹹香配合得十分完美餅皮很薄 所以每一啖都係滿滿的肉口感豐富 …查看更多

用嘅係北海道十勝牛乳味道香醇不會太膩奶味和冰感搭配得很好的確和普通嘅牛奶雪糕有啲分別不過又未去到令人回味無窮朱古力味果個令人印象深刻一點朱古力味道濃郁 整體層次分明…查看更多

平時已經食咗好多次 今次又同同事黎食嚕座銀嘅menu選擇唔多有雞白湯沾麵 雞白湯拉麵 雞肉海鮮拉麵我地恰好一人叫咗一碗仲額外加咗炸雞同糖心蛋（我真係好鍾意食蛋）上菜速度都好快我果碗係🍜雞白湯沾麵麵底唔太熱 硬度適中 沾麵湯底濃郁微熱 放入麵之後 每一條麵都沾滿香濃醇厚嘅湯汁有雞肉本身嘅香味 雞肉滑嫩 可惜淨係得一片不過可能因為冷氣太凍 湯同麵底好快就涼咗🍜雞肉海鮮拉麵試咗一啖 湯底係蝦 蝦味濃郁唔會過鹹🍗炸雞新鮮出爐 差啲燙傷我上顎不過肉質真係鮮嫩多汁…查看更多

和同事選餐廳食午飯諗唔到食咩好就翻兜呢間之前試過佢嘅椰香青咖喱雞肉配白飯🫑我一向都鍾意食咖喱 所以感覺唔錯不過唔可以食嘅調味料有啲多例如啲辣椒 薄荷葉今次我就試咗佢嘅泰式蝦球炒金邊粉🌶️失策了 如果大家唔食得辣千其唔好撈哂佢嘅調味料見到旁邊附的調味料 下意識撈哂結果辣度爆棚！辣到我冇辦法品嚐佢真正嘅味道跟餐附上薄荷青檸蘇打🍋‍🟩薄荷味道好濃 TY芒果糯米飯🥭椰子雪糕好好味 味道真實 椰子味香濃椰奶同糯米飯都好襯本身糯米飯味道較淡椰奶嘅清甜令糯米飯更容易入口更容易勾人味蕾…查看更多

🍗香辣炸雞FFC炸皮很薄又唔會太油 與平日食嘅炸雞唔同 唔係常見嘅一舊舊雞球而係薄薄一層肉夾心 上下有兩層更薄嘅炸衣包裹住一啖咬落去 既脆身又有咬口炸雞本身唔辣 附帶嘅醬汁都唔係普通常見嘅辣椒醬鍾意食辣嘅應該覺得唔夠辣怕辣嘅應該覺得會有啲辣😂🍕黑松露蘑菇薄餅遠遠送過黎已經聞到一陣香濃嘅黑松露味夾雜著焦香嘅蘑菇味 撕開果陣仲要冒煙薄餅餅底好薄 烤得啱啱好 邊脆心軟一層層疊加芝士同蘑菇 最上層係一片片黑松露 蘑菇鮮嫩 芝士暖笠笠咁拉絲 同松露嗰陣獨特嘅「泥香」真係好夾食落去 成個口腔都係嗰種豐腴同滿足份量都夠三四個人share🍝芝士肉醬千層度度都有肉醬千層但點樣整得好食真係好睇師傅一刀切落去 啲肉多到湧出嚟肉醬鹹香濃郁 番茄嘅微酸吊出鮮味夾住軟滑嘅闊麵一啖咬落去 層次好豐富成個口充滿濃郁奶香同肉香 飽滿又治癒佢嘅闊麵唔會太厚 夾住肉醬同芝士啱啱好 同frd share一份 所以食完都唔會太heavy最後我地做咗一個錯誤嘅決定😂🤫🍕香蕉榛子棉花糖薄餅諗住叫個甜品試下 就叫咗個最特別嘅結果——真係要4個人share!!!成餐都係澱粉炸彈💣一上枱 就已經聞到焦糖香蕉嘅甜香同烤棉花糖嘅焦香薄餅底烘到脆卜卜 一啖咬落去 外脆到「咔嚓」聲 面頭堆滿燒濃嘅棉花糖 軟淋淋嘅焦糖香蕉榛子醬黐脷又濃郁 口感豐富多層次香蕉唔會太厚同榛子醬嘅配合恰到好處佢有啲似泰式香蕉pancake嘅感覺但泰式餅皮更薄更軟 食多咗會覺得「漏」呢個就唔會 薄餅底中和咗過度嘅「甜」熱辣辣新鮮出爐 暖笠笠嘅棉花糖呈融化狀態熱辣辣 黏滋滋 邪惡到極點但超級滿足…查看更多

短短一個月期間 已經叫咗三次外賣試咗唔同嘅椰子飲品係網上外賣平合買 而家仲有買一送一添今次試咗 🥄鮮椰貓山王 性價比好高 榴蓮味濃郁 柔滑嘅榴蓮肉同椰奶好襯椰奶味道好真實 係椰奶天然嘅味道裏面仲有水晶凍 馬蹄爆珠 口感好豐富🥄貓山王生椰拿鐵原本嘅生椰拿鐵已經好飲冇諗過生椰拿鐵同榴蓮都好襯榴蓮蓉化成絲狀 每啖都有榴蓮嘅香味同香濃醇厚嘅咖啡口感🥄貓山王小奶凍奶凍淨係面果層有榴蓮底部就係清甜嘅椰奶凍不過呢 佢額外倒上去嘅椰絲糖就好好味令普通嘅椰奶凍都昇華不少其實我仲試咗好多其他嘅產品例如玫瑰椰 芒果小奶凍 鮮椰雪燕 芒芒椰沙冰⋯⋯不過冇特登紀錄 就下次再分享啦🤣我應該會不停回購㗎啦…查看更多

唔係我朋友提起住觀塘咁耐 都好少到近海邊嘅海濱匯行行成個海濱匯有好多唔同嘅店舖入駐見到有間裝修靚有空間感就諗住入去試試🫕奶油蘑菇湯有冇人都係鍾意奶油糖多過羅宋湯每次食西餐 有得加就一定飲白湯白湯先考驗廚師嘅心意 功夫同材料呢碗蘑菇湯絲滑淳厚 唔會太稀 份量都唔少每啖都有一粒粒蘑菇同薯仔薯仔入口即融 蘑菇令湯嘅口感更豐富仲可以聞到一陣淡淡嘅烤蘑菇香味🍗避風塘雞翼新鮮出爐嘅雞翼皮薄肉厚多汁 一碟六隻(唔係單骨) 啱兩三個人share雞翼新鮮炸完再撒上調味品 鎖住了肉汁 咬開仲冒煙添(´▽｀)唔同顏色嘅食材撒滿雞翼 味道偏濃辣椒粉 提子乾 花生碎 調味豐富有層次會有微微嘅辣感係舌尖蔓延佢仲有種獨特嘅調味品香味 唔會太突兀 用黎勾人食欲就啱啱好🍤燒大蝦三文魚籽龍蝦汁意粉大蝦比想像中細 仲要開邊蝦 肉質有啲老不過三文魚籽同龍蝦汁十分合襯可惜三文魚籽唔多如果可以用魚籽撈意粉相信個口感會更加豐富 啖啖都係精華!🍕四重芝士披薩超級超級推介!!!!!用大焗爐烤出嘅邊沿帶著焦香披薩餅底薄脆 番茄搭配芝士恰到好處唔會太膩 酸酸甜甜嘅醬汁同餅底又好襯一撕開熱辣辣嘅煙氣溶化上層嘅芝士中間厚厚嘅芝士中間仲有啲涼意每一啖熱與涼意結合 口感極為豐富食咗兩三塊都唔會覺得好滯芝士 薄餅同番茄醬嘅比例拿捏得十分準確雖然睇上去細細一碟 但三個人食都綽綽有餘!整體而言個人更推介四重芝士披薩同蘑菇湯!我地成日講食美食要用肚容量去衡量呢兩道菜式係令人想用quota再叫嘅美食!!…查看更多

放工果陣參觀完附近嘅一個唐樓展覽前往地鐵站途經鴨巴甸街就諗住試下呢間gelato邊個叫我同成班同事都係gelato addict🤣我地share咗一個三球 $106（加咗窩夫杯）Premium口味一球$78 兩球$88 三球$98三種口味係：Sea Salt Parmesan cheese flavor海鹽芝士兩個鹹鹹的 但唔會過鹹 味道十分特別Matcha抹茶味濃郁 不會太苦 Pistachio口感香濃綿滑 真材實料 味道天然 又唔會太甜（香港人嘅唔會太甜 係好味嘅認證🤣）特登揀咗三種唔同口味中和下所以鹹嘅苦嘅甜嘅都有 口感豐富 大家不妨一試！#hkfoodshare #hkfoodstagram #hkcentralfood #hkcentral #中環美食 #中環街市 #hkfoodies #centralgelato #中環雪糕 …查看更多

行完花墟太熱了，想食泰國嘢就入咗呢間。Menu第一頁大大個冬陰功海鮮麵鍋，十分吸引，就即刻揀咗！冬陰功海鮮鍋🥘$168海鮮份量好多，有兩三個大扇貝，同圖片一致，上菜速度好快。麵條比較幼身，不過如果係韓式方便麵果種口感應該更好。我地兩個人食都綽綽有餘，食得超級飽。除此之外，還叫了一個肉碎生菜包$88蔬菜新鮮，睇上去細細一兜，但都好味。芒果沙冰，芒果好甜，十分真實。最後，仲食咗七色糯米飯。每種顏色都係唔同嘅味道，黃色嘅係菠蘿，我就麻麻地黃色。但其他顏色嘅味道不會太突出，所以配上椰汁，真係啱啱好！…查看更多

因為同事想食拉麵，食完又要返工，就係附近搵咗間。1130開門，一去到，店內已經有唔少顧客，不過裏面比較細，一眼就可以睇完。既然叫得no.1，緊係要食no.1拉麵啦！長浜No.1拉麵🍜 $115我鍾意軟麵，湯底啱啱好，不太濃不太稠。性價比最高，有肉有菜有蛋，仲要係一隻完整嘅蛋（好多餐廳淨係俾半隻，次次都再加錢買多一隻）。除此之外，仲叫咗好多小食，冇特登影。柚子蘿蔔好驚喜，酸酸甜甜，令人大開胃口；餃子係椰菜肉碎餡（如果冇記錯），都好好味，唔洗點醬汁，蔬菜嘅汁水都已經好足夠，口感豐富；芥末八爪魚，好似刺身咁，又係十分令人開胃。價錢都係2X左右，小菜有驚喜，不妨一試！…查看更多

之前一直係外賣app見到，但都未試過。放工經過就諗住試一試，畢竟本人都真係好鍾意食米線。我同frd一人叫咗一碗🍜九五至尊 $88（貪心小狗唔想諗🤣，揀咗最多食材嘅配搭，呢碗足足有7.8樣食材）而家諗返，令我印象最深刻嘅係大啡菇！大啡菇十分入味，應該煮咗好耐好冧；咖喱魷魚好爽口，豬頸肉好大塊，仲要有兩塊。成碗好足料，唔係每樣材料得一個，而係塞到爆滿。我鍾意食紅薯粉，叫咗沙爹湯，味道濃郁好夾。最後食唔哂就打包咗半碗。除此之外，仲有叫魚皮 $48魚皮爽口偏辣，都可以一試。今日一試，價錢有啲貴（但其實性價比okay），店內裝修樓底有啲低，冇咩人入黎食，感覺有啲可惜。…查看更多

食過另一間cobber noodle，果間真係令我好surprise，想回味，所以book咗呢間。不過睇到menu果下先發現原來兩間嘅菜式唔同。🍝日式明太子大蝦意粉（轉蒟蒻意粉）$156蒟蒻意粉令我驚喜！之前試過坊間嘅蒟蒻意粉，好脆，反而冇意粉嘅感覺。呢間嘅蒟蒻意粉比普通義大利意粉好食，明太子醬汁佈滿每一條麵條，醬汁唔會太膩，啱啱好。大蝦都爽口，整體味道不錯！🍕日式大阪燒配八爪魚pizza $118海鮮好多，八爪魚好大隻，不過好爽口，所以我嘅小夥伴擔心會唔會未煮熟🤔，但我就覺得八爪魚幾好味，不過沙律醬太多了。我地三個人分成個pizza，我食咗第一塊就膩到麻麻地想食第二塊，如果沙律醬可以清爽啲，或者有啲菜定青瓜絲中和下可能會好啲（？）🤔🧇藍莓提子伯爵茶糯米窩夫 $96糯米窩夫好食！唔記得倒醬，淨係同椰子雪糕一起食都覺得好味。伯爵茶味道好出，同椰子味配合得好好。🍧士多啤梨乳酪碎冰 $24一般😂 冇咩士多啤梨味，就係普通沙冰。除此之外，地點比想像中難搵，冇諗過係喺電梯banner後面要轉入後巷先係。不過裏面環境就好開陽，坐得幾舒服，但有時間限制。都係第一間cobber noodle好食🤣…查看更多

咁啱想食嘅兩間店舖都係筷子基，就黎覓食啦！筷子基呢個位置都算偏僻，唔係多人流嘅地區，附近都係小舖頭、本地人。我地搵咗一陣，好彩有個善良嘅ee指點我地，話呢間多遊客特登黎食。Menu同室內poster都好吸引🤩，好彩我地有四個人，先可以叫得多啲野食！上菜嘅速度真係好快！🥘招牌喇沙豬扒米粉 $43呢個份量呢個質素，性價比好高！肉好多，豬扒焦香而不油膩，肉質鮮美多汁，湯底濃郁但不重味精。🥪招牌蔥花蛋治 $26蔥花蛋好厚，蛋不會太熟或者太生，係剛剛好，鮮美嫩滑。麵包中間夾住黃油，入口果陣蔥花蛋同黃油合而為一，口感豐富，入口即化。蔥花味道不會好濃，唔生，反正有種鮮味。🥪魔鬼西多士 $35非常邪惡，不愧係魔鬼！！烘烤過的西多士淋上朱古力醬和朱古力餅乾碎，真係好吸引！一切開，仲有流心。不過個人覺得，如果一個人食一整個，應該會好「漏」，同朋友仔一起分享就啱啱好。總結：✨呢個價錢、呢個質素，冇得挑剔。唯一可以挑剔嘅係，香港冇。不過，我地都諗過，如果香港有，就唔係呢個價錢啦😂如果你咁啱去筷子基，可以一試！…查看更多