qwerty614的個人專頁

二個人叫三樣坐買四個鐘，吹水同睇風景係唔錯既選擇。 但要有心理準備，食物質素十分一般，我叫金錢肚可以係變咗酸味。 好多點心係預先蒸好，並非即叫即蒸，你要兩件就夾兩件落個竹籠。 蒸餃既皮太厚，尤其有做形既金魚餃。 廿幾蚊一件點心，好食都算，唔好食既其實同價錢有更多更好選擇。 服務方面認真麻麻，得幾枱客班亞姐無野做就响側邊傾計，大姐，我嚟酒店食就係想靜， 經理唔該攪攪佢。 泊車優惠方面，幫襯400蚊就有一個鐘，800蚊就兩個鐘，但記著要泊酒店下面，隔離商場$30／hr 但無優惠。 備註：酒店住客有8折。唉，早知食樓下自助餐算！！！！！ …查看更多

刺身：原條日本空運五六佰蚊大大條又夠新鮮，抵食。 仲免費送骨煮麵豉湯。 七品刺身，每款兩件夠兩三人份量，中拖羅非常鮮甜。壽司：價錢合理，推介火炙類同卷類。串燒：相對壽司串燒略為失色，以居酒屋嚟講，可以有進步空間。天婦羅：不錯，海老及蔬菜件頭較細口感較不滿足，但份量絕對足及價錢合理，如果有虎蝦選擇可以一試。茶碗蒸：普通，湯比例不足，料亦不夠服務：很好環境：很好，不會擠迫及嘈吵。 廁所整潔，加分。 另外，有 VIP 房平日暫時唔使最低消費，六個人嚟可以 whatsapp 試吓問有冇房。位置較偏一般人流唔多會路經，而且附近競爭有不少新舊日本菜舖頭，要多點宣傳才可。 平日街坊生意為主，價錢可能要多點親民既選擇。 假日遊客嚟九龍城又未必選擇日本菜，要稔吓宣傳策略先得。…查看更多

過澳門, 基本上不愁吃不飽, 只會恨胃納不長進。 快閃十小時之行, 除了林記燒烤(總店在港豬大橋關口附近, 搭102x到), 晚上就在德興火鍋(粵菜)用餐。 沒有旅居澳門多年的家人引路, 根本不曉得在新葡京對面有這間體面的舊式酒家 (午市點心不錯)。 兩老兩中, 因服務一流的侍應說碟頭大,上菜後不夠再加吧, 故只點了三個菜 : 順德煎焗走地雞, 冬菇火腩炆風鱔煲, 大地魚乾炒芥蘭。 雞味不強, 但煮功一流, 清碟。 冬菇厚肉, 火腩半肥瘦, 風鱔爽脆, 清碟。 魚乾香, 芥蘭嫩, 清碟。 最後, 送上果盤, 飽。 終於一嘗心願, 在澳門吃到美味粵菜。 下次同老人家到澳門玩, 不妨一試。…查看更多

貴，唔緊要，行得入嚟預咗使錢，但兩分錢一分貨，絕對唔值得為個景入嚟。 三道菜：居然前菜最後先上，以一間包裝到咁高級既餐廳，服務水準實在九流 (忽然稔起鹿鳴春服務一流)。 另外，最簡單連上茶都唔識先沖一沖、泡一泡先攞出嚟，因為一個人飲，最終飲到最後一杯先出味，無癮！第一道上既係餐廳推介既黑毛豬义燒，老實講，用料係靚，但煮功普通，落蜜糖亦太重手。第二道，北海道牛奶炒龍蝦，期待煮功，可惜牛奶似蒸多過炒，同鳳城差得遠 (屯門分店係近期最愛)。 另外龍蝦肉唔多，唔似足一隻份量。第三道，前菜凍蝦球 (Chilled Prawn)，原來係黑松露味，唔係好屬開胃菜，可能廚房都知所以放在最後。 自己有點失敗，連續兩道是蝦肉，可惜經理都無主動提醒。比較滿意係杯雞尾酒：香茅椰子酒 (個人推介)。上菜速度太急，似要趕做多幾轉咁。 性價比實在低。 不過，眼見十枱有八、九枱都係遊客，都希望佢地賺多點，繼續為香港經濟作出貢獻。…查看更多

每兩個月點都會嚟三聖食一次海鮮，以前例牌係 “ 發 記 ” 買料 “ 棠 記 ”煮，剛巧今次棠記無得訂七點，榕龍又滿咗，唯有試新野：“ 鳳 城 ”！ 太子同尖東就去得多，必食炸子雞同西米布甸 …… 海鮮加工？好似九唔搭八，不過，天生有冒險精神既我，當然唔怕喇 …… 去到發記，口痕叫咗隻三斤龍蝦，加埋其他六七種海鮮，埋單 $3000，合理喇！ 去到鳳城，加工只係 $1300，正常偏低喎！ 如果唔計湯料，只需 $1000，咁就真係好抵、好抵、好抵！平還平，都要好食先得㗎 …… 得！真係好得：蒸帶子、炒蟶子無過火，辣酒花螺湯頭風味十足，豉油王中蝦、上湯龍蝦、椒鹽賴尿蝦、羌沖蠔 …… 全部都高水準！ 差點想同經理講：「唔該，幫我叫大廚出嚟表揚一下！」服務同環境方面亦非常好，經理招呼主動，姐姐細心又勤力，加上態度親切，唔迫、唔嘈、唔會催你埋單。 最後，當然要有蓮蓉西米布甸做甜品喇，大滿足！以後去三聖買完海鮮就直接嚟鳳城，唔使稔喇 ……P.S. 泊唔到商場停車場就去泳池停車場，距離約五分鐘腳程，$8 /30分鐘。…查看更多

甫坐下，店長便推介：原條魴鮄刺身 (本州靜岡直送）一魚兩食，味道指數：＊＊＊＊＊ 。不過＄498，略貴。下次應該唔會咁衝動。海膽、帶子、三文魚子、赤貝全部鮮味十足，可惜是壽司飯既品質略為不足，而且調味不足，溫度亦不足，有待改進。串燒類出品水準很高，不過“師傅”可以低調一點。如果喜歡飲啤酒，＄88/1.5小時任飲，加半打串燒其實都好化算。個人推介，燒白鱔。雖然唔夠厚身，不過皮脆肉嫩，送酒一流。炒飯類可以一試，但火鍋類就可以不用試，實在太多“師傅”了！性價比合理，啱哂我地哩班西人 (新界西居民）可以方方便便食好西，都算唔錯既地方。…查看更多

難得請客、當然不能失禮，先來一隻凍蟹(中 $800)、一隻龍蝦(中 $800)。 其實都覺得有點貴，因為一向食海鮮都是在三勝找偉哥買料、然後自家烹調。 不過創發的凍蟹確是高一級，羔白肉甜，龍蝦亦實肉，六個人不消一刻便把頭盤消滅了。 之後來的只有普通餸菜；但簡簡單單的菜式更顯老店廚師的功力。荀蝦粿皮彈餡靚，之前來幾次都未有嘗過半口，今次一試已成日後必點菜之一！ 煎牙帶，材料的新鮮加上師傅的功力，滿分。炆齋菜亦是驚喜之作，材料入味而且有咬口，並沒有那種爛溶的口感。反沙芋當然是好吃；可惜是糖水、薑薯的份量不多。是晚服務滿分，功夫茶亦上了四轉，當然明白是因為一蟹一蝦的功勞。其實創發食物質素是高，可惜是服務問題令人卻步。雖然下次未必可以再扮豪客，不過天生面皮厚的我，仍會為美食而再來的。你呢？…查看更多

海魚湯米，$35。真係有兩條4、5両既鮮魚，即叫即炸，廚藝及誠意絕對滿分！見到好多特色小菜，真係想即刻食埋個晚餐。海魚湯米，$35。真係有兩條4、5両既鮮魚，即叫即炸，廚藝及誠意絕對滿分！見到好多特色小菜，真係想即刻食埋個晚餐。(好味所以講兩次)…查看更多