poyan1217的个人专页

因為見到廣告，所以專登由將軍澳搭車過去觀塘自己本身好鍾意食芝麻糊呢間龍記甜品嘅芝麻糊真係驚為天人首先，價錢相當經濟$25 喺出邊確確實實都食到，但食到咁有質素嘅石磨芝麻糊真係好開心芝麻糊足料，結身，幼滑，而且低糖即場就買多幾碗外賣返去俾屋企人食不過堂食應該會抵啲，因為真係裝到滿一滿反而外賣嘅話，就唔係裝滿個外賣碗既舖頭裝修都好精緻位置我覺得都OK啦，出咗地鐵站唔算行得好遠…查看更多

喺開業初期其實幫襯過一次，嗰時買完先知係椰水（本身suppose 椰奶），同埋覺得個杯細細個，性價比唔高，就冇特別再幫襯而家舖頭開業咗一段時間，見佢嘅產品種類越來越多，今日經過竟然見到有我最鍾意嘅麻糬新產品😭睇Menu見個杯都比較大，所以我就試吓本來想試芝麻，不過話冇啦，我就試Oreo麻糬，其實佢都係用椰水做底，但今次我就覺得成個飲品嘅味道Mix埋一齊好香好好飲，內裏Oreo, 麻糬，同埋丸子都足料，成杯飲完其實好飽，雖然飲品我覺得都係偏細杯，但係我覺得性價比就高過佢剛剛開店推出嘅產品好少見飲品會有麻糬，而且麻糬系列有好幾款，佢今次呢個Oreo仲要好聰明，入邊有溝一啲類似奶cream，令到成杯飲落去係好香同埋唔會話好稀，有奶香有Oreo香亦都有椰水香，mix 得好好👏👏如果大杯多些少就好啦👍…查看更多

嘉季已經開業數年，係一間我會恆常幫襯既食店黎，佢既餃子係有自家拿手制法，話說我長老都好叻煮野食，但都讚嘉季餃子寧舍香口，食得出無味精平時諗吾到幫小朋友煮咩，都會黎呢度買餃子，成人既話會推介食套餐，者係連小米粥/酸辣湯，會飽肚d , 個人就鍾意食小米粥多啲，感覺開胃啲，可以中和返餃子嘅香辣，同埋佢嘅小米粥好足料，吾稀有時我會買生餃第日做早餐，生餃就平 d 同多兩粒😆…查看更多

平日星期二晚黎到，入座率應該4至5 成左右，見到吾少食評都有分享reception 肥肥地個女 staff 態度吾好，今次親身領教過又真係所言非虛。佢全程好似嬲罷罷咁，連比menu 問我地選邊個套餐時，吾係擺低menu, 係揸住張 menu 係枱面反轉兩下，然後望住我地，好似迫我地拿拿臨咁，後期問佢拎雪糕，又係揸住張牌乜都吾講，講完要咩味之後直接擰轉身就入單，無眼神接觸咁制，所以先形容佢嬲爆爆咁。。。講返食物質素先熟身選擇吾多，所以我無試，有幾樣野我覺得係好食既：1醬油蝦[ 好爽好入味，仲要任點] 2芝士撻 [ 呢個真係好正，脆皮芝士味重，我正程覺得佢地可以拎出去賣，又係任點]3 牛肉 [吾un, 有肉味，嗌左兩款都好食，我地正程無乜點匙油調味]4 泡菜餃 [好香餡又多，好食]5 飲品方面會推介佢地自家檸檬茶同冬瓜茶佢地環境算正常，見到有食評反映話好迫，咁可能我去個晚吾笠多客，行出行入都方便。另外佢地有sell 即場撈蝦，不過個晚d 蝦其實都無乜活力[未瓜] , 任你撈任你碌，肉質都一般，醬油蝦會更佳刺身方面任食，我點三文魚多，口感都ok, 不過後期落左 2 次都甩單，問返跑場既男 staff , 佢自己拎比我地，但得兩塊。。。😂同埋湯底我選左壽喜鍋，但呢個湯底後期會愈煲愈甜，所以煲到到半左右好加水，如果吾係真係甜到頂吾順綜合黎講我滿意個用餐既，我會覺得未食過確實可以黎食，不過我就未必會encore, 感覺特色同食物係令人滿意，但未去到令人好深刻…查看更多

叫左個類似叫芋泥肉鬆吐司既食物，但我相信佢既芋泥應該係無乜味道，因為成個吐司基本只有肉鬆味，完全感受吾到芋泥同肉鬆之間究竟有乜融合。肉鬆味完全係蓋過哂所有，而且呢款吐司亦無醬料，食到1/3 已經比肉鬆味搞到好滯，又因為無醬汁既關係，吐司口感好乾爭爭，最後幾淡都忌吾住叫朋友幫手食埋佢。價錢又吾平，感覺好一般，我會寧願買肉鬆食好過另外都叫左杯黑糖珍珠鮮奶，未去到話好驚喜，但好過佢既食物同埋餐廳無坐位，買完只係自己坐係張長凳度食。。。…查看更多

初時聽到餐廳去種印度嘢食，覺得好驚喜，因為真係好少聽將軍澳有印度嘢食，選扯係慧安園其實有d 風險，呢間商埸人流其實好少，去到現場既時候，亦見餐廳坐位吾算多，大家吾好期望話會有高級商埸式既格局初頭都會擔心食咖喱會唔會好辣，咁我就選擇咗香料咖喱牛腩飯，原來口感係會酸酸地，但由吾係話酸辣好嗰種口感，而係帶少少酸味既香料感覺，味覺上都幾得意，辣嘅感覺就偏向差唔多食到三份二嘅時候先感覺到，係後勁慢慢黎，我會忍吾住係咁飲芒果乳酪😂咁由於我就唔係太食得辣，所以我覺得個味道係適合我，而牛腩嘅份量我覺得係適中，薯仔反而少左d老實講，我會想再encore，因為都見佢仲有其他特色飯菜，不過現場所見座位唔多，可能選擇非繁忙時間去or 外賣會好dp.s. 芒果乳酪好飲🤣…查看更多

自己其實係爆谷迷，睇戲一定會手執一包爆谷，平時追劇都會食下爆谷過口癮。我幫襯呢間店已經好多年，由舊包裝幫襯到新包裝。以前正程會特登坐車去觀塘買。但自從20 定吾知21 年，應該佢地換咗新包裝無耐，我買咗一包海鹽焦糖味，發覺啲爆谷冇咁脆，我就喺社交平台msg 佢地，問係咪新包裝問題，佢地話可能係焦糖落得吾夠平均，所以啲爆谷冇咁脆。大佬，個時係講緊成包都吾脆，爆谷吾脆我買來做乜呢？我覺得佢哋嘅答覆令我好失望，跟住就好少再幫襯。呢幾日行開新都城，見佢哋擺咗個檔位，有件新年，所以就買咗一包焦糖食，覺得ok, 又返去再買過，今次因為買三包有優惠，所以我又買返海鹽焦糖，點知一打開，有一樣係大半包都係白色既。。。吾夠焦糖，吾脆。。。諗返起佢哋以前嘅爆谷，真係一打開就停唔到口，一日可以K.O.一大包。而家退步咗咁多，真係有啲失望。…查看更多

我地係 book 星期三既，本黎想 book 早 d ,但店員建議我地 book 8點半，而上到去大概得5成入座。由於我地得2 個人，食量有限，第一次食就選擇左$3xx 套餐試下先，反正經 openrice 會有埋和牛菜色放題。食物既點選係用QR code 進行，一開始點既時候，頭兩款美國頂級牛肉已經顯示售罄。者係本身八款牛肉得返六款可以選擇，其實牛肉，豬腩肉，和牛菜色放題的食物係好味，但未到高水準。8 點半既時間入座，9點半已經 last order, 而個爐亦吾夠大火，基本只有中間既位置先可以燒熟 d 肉，好彩係兩個人，如果吾係相信會好趕而且肉既質素亦吾平均，我地叫左四輪，最後個輪既豬頸肉正程肥膏黎。。。。約莫10點左右，職員會逐台講佢地預備清場。總結黎講，我會覺得呢個價位有更好既選擇，同埋如果兩個人食得個半鐘時間既話，會令我對佢地既$5xx 套餐更加卻步。…查看更多