車小亮的个人专页

8月初時揀咗呢間餐廳同朋友慶祝生日我覺得自己冇揀錯地方，餐廳背景會不停轉畫面，當食生日甜品時更會顯示Happy Birtday 確係有驚喜同啱晒影相。食物嘅味道亦很不錯！個人推介飛天炒麵，打卡一流之餘味道都很出色生蝦夠新鮮爽口炒通菜惹咪，菜不會老另外個係甜品嘅糯米飯，我哋當生日蛋糕咁切！ 唔會太甜，有啲椰味！之於個香蕉pancakes 有有啲失望，因為食落有啲膠味整體食物味道不錯環境氣氛都好好適合慶祝飯局…查看更多

今次係我第二次呢間餐廳，之前係行過被餐廳內幅牆吸引咗而幫襯，估唔到啲嘢食又唔差wor, 所以今次就帶朋友再嚟食飯再影吓相打吓卡講番啲嘢食先椒鹽鮮魷，超惹味又脆口，鮮魷爽口彈牙， 最重要係味道同水準係同上次一樣keep到😋😋 呢個真心推介魚香茄子班腩煲，好夠火喉，又唔太油，班腩肉又唔會散，好味咸蛋蒸肉餅， 肉質軟硬適中 ，因為我最怕遇到啲太硬或會散嘅肉餅 肉餅再配埋個甜甜哋嘅鼓油用嚟餸飯簡直係無敵呀西蘭花杏飽菇簡單得嚟又好夠味最後嚟個甜品~三色雪糕紅豆冰三色雪糕係細個時食果隻（暴露年齡系列）, 啲紅豆超正，真係要試整體食物唔會太油，keep到水準值得一試👍#純粹個人口味#有下次…查看更多

朋友生日特地搵間環境靚靚可以影相嘅嚟同佢慶祝一下， 滿足一下佢愛影相的喜好！餐廳唔係大， 但裡面掛滿花花， 影相確係一流。我哋兩個人眼闊肚窄， order咗兩個小食兩個主菜這個地獄辣子雞爆谷$72，辣辣哋，幾香口白酒忌廉藍青口$89 就冇乜特別， 如果忌廉味燶啲會再好啲！這個紫醉金迷$158, 除了賣相靚之餘味道也很不錯， 很有驚喜， 不是我不太喜歡食意大利飯的， 都好中意食，一啖接一啖！ 到了今晚重頭戲生日漢堡$118, 捨棄了用生尸蛋糕轉用這個pancake漢堡， 一路食朋友一路話覺得自己係度食緊早餐成個漢堡有蛋，蕃茄，煙肉，生菜，3塊pancake, 飽到不得了！最後這個White Hse Cookie Cup $58, 就是一杯牛奶加一個杯裝的維他消化餅的感覺， 沒什麼特別， 但影相卻不錯! 整體來說， 食物不錯， 環境不錯。有下次！#純粹個人口味…查看更多

到朋友係orange elephant 食完晚餐，唔洗轉場就可以了食到呢度嘅甜品， 咁梗係唔可以錯過我至愛嘅芒果甜品啦芒果冰特飲 $33 超濃郁芒果味，就好似原個芒果沙冰咁，超冰涼， 仲有啖啖嘅菓肉增添口感， 芒果新鮮超甜，沒有假甜，而家諗起都忍唔住呑口水，好想再飲呀芒果冰磚 $70冰磚由有芒果雪糕，芒果粒粒，綿綿雪花冰和花奶組成。芒果味嘅雪糕可以改良一下嘅， 大大粒嘅菓肉超鮮甜，綿綿冰好滑加埋花奶一齊食，再加埋個芒果汁，甜度剛好唔會漏。另外仲有個迷你糯米飯，糯米飯上加上暖暖嘅椰漿，唔太甜，啱晒我口味。#純粹個人口味#有下次系列…查看更多

好耐冇見朋友嘅我，今日最終出山喇！冇得去旅行就去食吓泰國菜滿足一下旅行嘅慾望先！望到餐牌就咩都想食我嘅泰菜必選之一菜式 ~ 生蝦刺身$97夠晒新鮮， 爽口彈牙，配苦瓜甘甘哋又幾特別今次捨棄咗唔食生菜包試下個菜名幾得意嘅醉貓豬頸肉沙律$75，雖然名係沙律，但食法就似生菜包， 肉質腍，有啲似叉燒，豬頸肉入口時冇乜嘢，咬多兩啖啲辣就開始嚟， 對我嚟講都幾辣，要包生菜一齊食中和一下。焗大頭蝦粉絲煲$159 ， 大頭蝦實肉爽口，粉絲夠晒惹味我哋order咗兩款食物仲有可以用$1享用泰式明爐烏頭魚， 真係好超值，用$1就食到價值$169嘅明爐魚， 唔食就真係對唔住自己個胃。湯汁帶酸酸哋好開胃， 魚肉鮮嫩很滑最開心嘅係可以係度直接order埋mango mina嘅甜品，唔洗轉場真方便。…查看更多

我想講呢度個麻辣蕃茄牛肉湯底真係好好味呀！再叫埋佢嘅鴨血， 對我來說真係無得頂！ 我被這個湯底吸引咗， 返唔到轉頭！大家鍾意食麻辣嘅不妨可以試吓！而另一邊嘅椰子雞湯亦很不錯， 很濃椰子味， 我同朋友開始淥食物前，都會先飲咗佢嘅湯先， 好夠味，飲完唔會好口渴。食物方便，相隔半年冇食嘅， 質素都依然keep到！呢度任食任飲仲任坐， 真心推介！！但就真係要預早book , 我之前試過幾次預早幾日book都book 唔到-_-” …查看更多

今次輪到我負責食lunch 嘅地方, 同事話想食日本菜, 咁我就即刻上網揀吓先! 我好快就揀咗呢間居酒屋, 入到店內見到牆上掛了很多舊式玩具, 超人面具等裝飾物, 但人太多, 我就沒拍照了午餐價格由幾十元至二百元都有, 選擇都算多我自己就食~人氣武士丼$108 赤蝦刺身大大隻, 蝦肉厚身爽口彈牙厚切三文魚同帆立貝夠晒新鮮啖啖肉同事食嘅滿滿幸福海膽丼$198 相當吸引 , 海膽鮮甜可口仲有同事不停推介嘅原條炭火燒鰻魚飯$128 , 賣相確係贏咗, 魚身厚厚啖啖肉, 味道亦很好味整體來說, 除了餐廳有啲熱外, 其他的確係很不錯我的有下次系列又多一個選擇了。…查看更多

好耐都冇出街食飯了! 朋友今日帶咗我去時代呢間餐廳, 環境不錯, 但服務就一般般! 可以落單嘅員工不多, 有個裝西裝的人嚟幫我哋落單, 但未落單前佢係我哋張檯隔離call mic 並用粗口表達來分派其他同事嘅工作岡位.... 果刻我同朋友都O咗咀！無諗過高級嘅環境, 有茶餐廳嘅表達方式! 雖然唔係對我哋講, 但總會扣分的! 至於食物都算OK Pizza 厚薄剛剛好, 餅邊焗得趣趣的! 兩個意粉口感都有煙靱感乳豬皮夠脆肉質嫰滑慢煮豬架就冇乜特別牛我沒有食, 但朋友說很不錯炒什菜最好食, 但份量就少咗啲梳乎里超失望, 同職員反映時得來的答回覆時梳乎里唔係蛋糕, 係咁的! 我夠知梳乎里唔係蛋糕, 但一定唔會係流質囉！ 擺咗十幾二十分鐘都仲有水狀! 幸好有個醒目教高級的職員見狀, 自動幫減收呢個梳乎里! 呢個職員係值得讚, 因佢有細心觀察到個情況。總括 : 食物係正常接受的(除了梳乎里)服務 : 茶餐廳質素…查看更多

星期六約埋媽媽同朋友一齊去海怡食晚餐, 知道間餐廳多人等位已經提前晚餐時間及早啲去等位! 第一次去嘅我真係冇諗過多人都咁, 5:30到達已全場滿, 攞位要等8張檯, 媽媽話已經算少😣 幸好大部份客人都食完就走, 所以翻檯嘅速度都算快! 坐低望吓個餐牌, 每款食物嘅價錢都唔貴, 有啲種類仲有分兩個size , 確係唔錯! 食物嘅質素都幾好, 性價比高👍卡邦尼意粉很好食, 意粉煮得好好有啲煙靭嘅感覺雞翼就只有辣味一款, 如食唔到辣嘅就冇緣了焗蒜蓉青口幾juicy 又冇雪味三文魚蝦薄餅餅邊焗得脆脆的, 餅底又唔會好油, 幾好鐵板魷魚爽口彈牙鐵板腸仔雖然肉質juicy , 但外皮頗乾, 沒有醬汁配埋就失色咗啲!總括來說食物唔錯, 可以有下次!#純粹個人口味…查看更多

襯住呢幾日天氣仲涼涼哋就特登搭港鐵去黃竹坑南朗山道熟食市場食泰菜! 幸好早了一步到達如果唔係就要等位了! (其實我已經好早 6:30pm)今次都係食最愛食嘅泰式生菜包, 蔗蝦, 酥餅, 同埋試咗新嘢咖哩羊架! 嚟到大排檔總是覺得要飲番杯啤酒先襯呢個環境😂飲番杯象啤係唔少得嘅泰式豬肉生菜包keep 到水準, 辣得嚟又唔會太過刺激, 辣度控制得啱啱好! 蔗蝦今次就好似炸得有啲燶, 但蝦肉依然係爽口彈牙酥餅今日就失色咗, 有啲黏口咖哩羊無係錯配... 羊架有啲鹹, 同埋香草味蓋過晒啲咖哩味, 下次還是配其他肉類好了天氣涼的時候還會來☺…查看更多

襯住今日係銅鑼灣收工就約埋個朋友一齊去食飯聚吓☺朋友提議去食簡簡單單又一餐嘅車仔麵店舖環境幾光猛乾淨, 同過往的其實車仔麵檔給我的印象很不同, 又坐得舒適, 感覺很不錯!一嚟就叫咗個班蘭咖央$16上試吓先, 幾好食, 如果再熱啲就更加好!朋友就揀咗個大碗麵配凍檸茶(跟餐), 而我就揀五餸麵配紅豆奶茶冰(跟餐)! 大碗都有十個餸(豬腸,豬皮,豬紅,蘿蔔,魚旦,雞翼, 雞翼尖,紅腸,魷魚,時菜)朋友分享咗豬腸,豬皮,蘿蔔比我食, 豬腸處理得幾乾淨,豬皮同蘿蔔夠晒味, 蘿蔔好腍覺得有少少咖哩味而我就揀咗雞翼尖, 豬紅,魷魚, 流心蛋, 枝竹球再配油麵雞翼尖同豬紅都入晒味, 特別是豬紅有啲楜椒粉辣很好味😋 枝竹球口感就係好多層枝竹疊在一咬咁樣, 食到中段先發現我遺忘了的流心蛋, 當時有啲擔心會唔會唔再流心, 好彩依然好流心❤紅豆奶茶冰賣相很不錯, 甜度適中,茶味都夠! 下次要食時要試吓佢哋嘅辣先😆…查看更多

今日約咗兩個好耐冇見嘅舊同事一聚! 去邊度食咩就由佢哋決定! 結果佢哋就帶咗我平時好少去嘅海港城其中一間餐廳! 餐廳裡環境相當唔相, 有卡位, 有方檯, 有露台, 餐廳裡仲可以欣賞住個維港景色享用晚餐! 遇著時間啱仲可以一邊食飯一邊欣賞個幻彩耀香江添😆 但好可惜我竟然冇影到個環境同大家分享一下環境分享唔到就分享吓食物啦！ 美人鍋 ~ 個湯底嚟嘅時候好似一個布丁咁, 然後熱住咁溶化, 材料就另外盛載的! 湯底熱到咁上下, 侍應會首先建議我哋飲吓啲湯先, 然後再幫我哋煮! 個湯底夠晒濃很好喝😋芝士豚肉飯團以為會好膩, 結果係最好味(個人認為)👍芝士溶溶哋係個豚肉上面, 要襯熱食先得! 小亮推介梳乎里玉子燒(蟹肉), 口感真係梳乎里咁, 內裡軟軟得, 微微甜幾好食即切沙律菜~侍應會係你面前切切切撈撈撈, 噱頭嘢, 不過都新鮮好味嘅! 炭燒走地雞可能因為我哋掛住影相搞到過了火喉, 所以食落有啲乾咁!其他食物,甜品就不過不失雖然沒有影環境相, 但望住個維港食晚餐心情很好呢！…查看更多

襯住農曆新年快到就搵個藉口約吓朋友去食團年飯!😁今日就去近期好多同事都有去嘅橙象試吓佢哋啲泰菜先😀我哋兩個一人揀咗一個菜! 發現原來叫兩個菜可以以$1換購佢哋嘅每日精選, 咁抵嘅都唔叫就真係對唔住個胃今日精選係黃咖哩雞, 真係名符其實的1蚊雞黃咖哩雞聞落都幾香咖哩味, 微微辣, 薯仔好入味, 雞肉夠滑嫩!飛天通菜 $60 ~ 小辣, 菜唔會老幾脆口, 越食越開胃焗大蝦粉絲$152 ~ 蝦肉厚實, 粉絲唔會一餅咁, 好香金不換嘅味, 炒得唔錯, 好惹味! 小亮推介朋友愛食牛油薄餅又點可以唔叫呢 ～ 薄餅厚薄適中, 食落唔會漿住個口, 都幾好! 牛油味如果再多啲就perfect 喇!食到中段見隔離檯嘅生蝦好似幾吸引, 又忍唔住叫嚟食, 點解我哋兩個人咁大食ga👩😲😆🙈生蝦刺身6隻 $90 ~ 生蝦夠新鮮彈牙爽口 飲品就叫咗青檸梳打同鹹檸雪碧, 鹹檸夠晒味, 好飲總括來說食物味道真不錯, 我嘅有下次餐廳名單又多間選擇了! #純粹個人口味…查看更多

餓咗幾個鐘嘅我原本打算去食燒味飯, 臨入去前眼尾稍到有間食韓國菜嘅餐廳, 愛韓國菜嘅我二話不說就轉軚了!Brunch 炸雞便當盒$88咩都有啲唔洗煩, 啱晒心多嘅我! 餐檯上擺放了一盒泡菜比你隨意食! 不太喜好泡菜的我只覺辣!便當盒都幾豐富有炸雞, 韓式魚旦, 炒粉絲, 腸仔壽司, 炸泡菜餃子, 前菜及泡菜, 食晒嘅都會幾飽! 炸雞肉質幾嫩滑, 泡菜餃子有啲辣, 炒粉絲雖然沒有配料不花巧但幾夠味! 其他嘅就冇乜特別! 飲品熱薑蜜夠晒濃郁暖胃驅寒…查看更多

朋友生日同去咗銅鑼灣一間樓上Cafe , 餐廳嘅職員廚師都係外國人, 所以全程嘅交流就留比我朋友負責啦😝到達餐廳時,時間尚早所以佢哋可以比我哋自由選擇坐露台位置還是坐室內。我哋就選擇咗坐露台, 雖然係望街但環境一啲都唔嘈！整體餐廳環境感覺覺得幾舒服寫意! 食物方面味道都唔錯: 煙三文魚沙律 ~ 三文魚嘅份量比想像中的多, 沙律菜夠新鮮, 朋友平時不愛吃沙律都讚了兩次個沙律好食😋卡邦尼意粉 ~ 份量其實都幾多, 食到尾有點膩, 味道係好食嘅我哋揀咗鹹法式薄餅 La Roma ~ 有Parma Ham, Mushrooms, Olive, tomatoes, mozzarella cheese! 我個人較鍾意幾樣嘢一齊放入口一起食, 幾有口感,唔覺得漏, 餅底煙煙靭靭, 但有少許燶味😅 熱朱古力幾香濃略甜餐廳環境唔錯, 食物唔錯, 服務唔錯, 雖然要講英文但我又多一間有下次餐廳了! ☺#純粹個人口味…查看更多