domodomomomo的個人專頁

原來是第二次來哩間濟州食堂鍋邊嘅蛋同芝士係任添嘅，前菜也可以任添。可以散叫也可以叫餐，我哋叫咗濟州品味饗宴，$688，有牛小排，和牛西冷，安格斯牛，厚切濟州黑毛豬梅花肉，五花肉同雞肉。有專人邦你燒埋啲肉。雖然殘廢餐同埋佢哋應該燒得好啲嘅，但自己就唔習慣比人服侍😅我都係鐘意自己慢慢燒。個餐仲有薯仔排骨湯同紫菜飯，真係飽到捧住個肚😅啲肉好靚好優質同朋友一直傾一直傾由5點半傾到9點幾都冇比人趕走，服務也周到，底讚。最後餐廳話加$9可以換月餅，就換了😅…查看更多

路過哩間四面泰火鍋，比佢個冬陰公湯底吸引住。好想試吓。不過出面門口就寫住100分鐘限時。蝦片同醬料都係可以任添嘅叫咗哩個海鮮盒，$498，有兩隻生蠔。4塊脆肉鯇，兩粒丸丸，4隻鮮鮑魚，4隻生猛蝦，仲有4塊桂花蚌。底唔底食見仁見智啦。湯底㨂雙拼冬陰公湯同椰子雞湯，啲湯好足料，好好飲，忍唔住狂飲啲湯😂自己比較鍾意冬陰公湯，好合自己口味最後我哋加咗個河粉，因為我哋都係細食，好飽😂100分鐘好似真係唔夠時間，如果真係想再叫其他嘢食係絕對唔夠時間🙃（因為自己食嘢慢）消費唔算平，而且又唔係任食，雖然服務好周到，底讚，但唔太明要限時（中間1個鐘倒已經放低脹單感覺催單，之後未夠鐘又來先埋單，就是不喜歡限時😅…查看更多

早幾年來過邦襯午餐，那時好像是疫情期間，服務很周到，印象非常良好，一直都想再回頭。今次回來試吓個慶祝晚餐，網上預訂有75折，幾抵，因適逢慶祝生日，所以預先請餐廳準備吓基本甜品寫字及安排窗邊坐位。响門口未入來已離遠見倒準備咗大型燈光生日牌，算是驚喜心思位，抵讚。麵包熱辣辣很好吃。頭盤係燒龍蝦，煎帶子，蟹餅及燒八爪魚。我哋都覺得燒龍蝦比較好味，肉質彈牙。其餘則沒有味道，例如帶子沒有帶子味，八爪魚係好大條，但沒有味道，想是雪藏了很久很久？龍蝦湯沒有變，依然覺得好濃好味道！主菜放在一起share食，煎鱈魚及安格斯牛柳。安格斯牛柳非常有水準，肉味豐富煎得剛剛好，有很多肉汁。鱈魚鮮味肉質嫩滑。兩道主菜做得不錯。配菜有6款可以選擇，我哋選嘅炒磨菇普普通通，沒有特別。慶祝套餐有半磅signature 蛋糕送。入面係有4層嘅忌廉桃肉蛋糕，由於我哋太飽，所以蛋糕帶走了。餐廳整體氣氛沒有了先前一次去的好。待應生急急趕趕，匆匆忙忙。非常切合香港人性格，但我哋本想慢慢細味。而且不知道點解餐廳入面有兩枱食自助餐的客人！雖然知道現在生意難做，但也絕對不是為求填滿空坐位而張隔離爆滿的自助餐客人移過來，感覺氣氛怪異，不倫不類！破壞了餐廳氣氛！…查看更多

媽咪從來都未試過哩啲米之連餐廳，今年決定帶佢來試吓。本來天文台預測天氣差又落大雨，最後天公做美。可以睇到無敵大海景加上藍天白雲，感恩。經過the lounge & bar嘅走廊盡頭到達天龍軒哩個係普通嘅龍軒午餐，我哋幾個都細食。夠晒。最後都係食唔晒，要打包😅第一道菜係蜜汁叉燒拼海鱸魚燒賣。我覺得叉燒係有少少韌嘅（可能因為有筋）如果黑毛豬叉燒應該係正好多。而海鱸魚燒賣食得出好有魚味，都唔錯嘅。天公做美，好靚！第二道菜係我最鍾意嘅糖醋脆鱔球拼三文魚子燉蛋，脆鱔球甜甜哋好好味，肉好彈牙好鮮味。食完兩道菜已經有啲飽飽哋啦😅跟住係黃金蝦仁配蒜片炒芥蘭，蝦肉好彈牙夠新鮮，不過咸蛋黃真係比較漏，食兩隻飽晒😆芥蘭我覺得煮得剛剛好，不過媽咪就話較硬，可能真係年紀大唔夠牙力。最後係炒牛肋肉配蝦乾鮑粒荷葉飯。牛肋肉好有牛味，至於荷葉飯實在太飽，要打包。媽咪生日，送上鮮花一束，氹得媽咪很開心🥳有壽桃生日蛋糕送，甜品係桑寄生桂圓紅棗茶，媽咪覺得太甜，我又覺得剛剛好甜品時間，給媽咪驚喜，由高大威猛靚仔侍應生送上鮮花一束，夠晒sweet😆媽咪很開心☺️☺️☺️後記，荷葉飯入面有4-5隻大蝦乾。感覺很足料，冇渣流灘。另外媽咪大讚侍應生服務好好👍最緊要佢開心🥰不過我都想讚一讚服務真的很好，每個細節也非常貼心，服務100分…查看更多

今年生日，留港消費，老公帶我來位於港島區嘅香格里拉酒店56樓嘅一星米之蓮餐廳食法國菜。餐廳可以飽覽維港景色。前菜有5個選擇，我哋㨂咗兩款海鮮，紅蝦+$388，聽聞西班牙紅蝦蝦肉鮮甜，蝦頭爆膏，必試，所以雖然都想試青蛙腳😅（田雞）最後都係㨂咗紅蝦。由侍酒師調較嘅無酒精飲品兩杯配合前菜及主菜，兩杯分別係茉莉花茶味及大吉嶺紅茶味無酒精氣泡飲品，飲落幾舒服清新。三款不同口味生蠔，超鮮甜蠔味，雖然細細隻但好厚肉，好creamy ，欣賞！主菜選了挪威三文魚配三文魚子同A5和牛主菜嘅飲品係熱情果肉氣泡飲品配合三文魚及青瓜檸檬+咖啡配A5和牛甜品㨂了朱古力souffle配朱古力雪糕。梳乎厘焗得好高好靚，鬆軟濃濃朱古力味。另外原來有三款甜品送嘅😅飽到上心口。有杏仁味波波，鳥結糖及牛奶朱古力。最後侍應攞住一座唱機出來，我真係以為播生日歌比我聽，睇真啲有蠟燭响唱片上面，原來係生日蛋糕來！逼真情度爆分，真心好驚喜！唱片蛋糕真係造得好靚。但因為太飽😅，蛋糕拿回家吃。連續幾年得到米之蓮後記： 蛋糕面層係超薄黑朱古力薄片，中間係濃郁朱古力mousse，底下係餅底。成個蛋糕都好出色！…查看更多

以前成日都邦襯沙嗲王，成日都會食白咖喱豬扒飯/蟹粉豆腐煲（原來係三大巨頭）😅，真係覺得好好味，不過而家已經執剩得返幾間，驚佢又執埋，快啲再試試先都好多嘢都好抵咁啦白咖哩豬扒，至愛加$15可以轉芒果椰汁沙冰配寒天波波，大大杯，抵飲！另加$12蚊小食，煙肉炒娃娃菜，飯就真係唔夠熱辣辣，其他都幾好。不過人流就真係唔多，希望仲可以頂住！…查看更多

假期碰上天氣不穩，時晴時雨，又唔方便去效區玩，又唔想留在家吽菇菇，唸住到大埔走走。睇google map哩間餐廳食評好唔錯，便順路來試試見話有豬手食，不過來到見menu沒有，想應該是晚餐才有豬手。前菜沙律及羅宋湯，正正常常。主菜安格斯手打牛肉漢堡拼薯條，牛肉漢堡好juicy ，唔錯。燒豬仔骨就普普通通，不過不失。不知是否假期，人流也很多，證明哩間餐廳係幾受歡迎。Lunch後順道行行鐵路博物館，也有不少遊客。…查看更多

之前一直想試試哩間嘉里酒店嘅中菜廳紅糖，一來貪佢有海景，今日決定中午來試吓佢嘅商務午餐午餐嘅湯今日係老黃瓜瘦肉湯，飲完冇口渴，無味精（不過無味精應該係基本啦）點心拼盤，有鱘龍魚子富貴蝦餃，黑松路野菌餃同炸蝦春卷瑤柱蛋白炒飯，完全唔油膩，做得唔錯野菌餸皮薄餡料多，唔錯富貴蝦餃入面有一隻瀨尿蝦，一隻大蝦，彈牙爽口，水晶皮夠薄又夠煙韌，都幾好味。反而蝦春卷較失色，好似冇乜蝦餡料咁主菜選了我最喜歡嘅蒸銀鱈魚，有滑豆腐墊底，不過豆腐好似配帶子夾啲另一道選了翡翠帶子蝦球，蘆筍炒得夠嫩今日飲菊花普洱茶最後甜品係木瓜雪耳糖水，好滋潤整體係唔錯嘅，服務也周道，不過眼見服務員係對外籍人士較殷勤，係有一點點分別…查看更多

瑰麗酒店啲蛋糕真係好好味，今日心思思又走咗去行一轉，發現好似出咗啲新款蛋糕，個樣好吸引，即刻買番去試吓。哩款個名叫雲石朱古力胡桃法式撻，始終對朱古力情有獨鍾，必試撻皮係香脆嘅牛油皮，中間係幼滑濃郁嘅朱古力吉士忌廉，再加面頭有果仁及黑朱古力葉裝飾，味道配合得天衣無縫，真係好好味回味無窮…查看更多

今日half day，放工唔知食咩好，心思思好想食雞煲，搜尋吓附近有咩雞煲好食見哩度又有午市套餐，好抵食咁。雞煲係鮑魚雞煲，而且半隻雞仲有鮑魚，好抵！我哋少少怕辣，㨂了bb辣，完全唔辣咁濟，下次可以㨂少辣😅仲點了一個花菜炒腩片午市套餐，係大件夾抵食，味道也不錯。鮑魚雞煲好大煲，熱辣辣，正！半隻雞煲入面有4隻鮑魚，雞煲沒有gas爐熱住，不過煲身用錫紙封住都可以一直保溫，夠熱。另午市不用加一，感覺良好👍…查看更多

聽講係過江龍，見食評獲得一致性好評，午餐未唸倒食咩，就去試吓。入到餐廳，非常多人，係自助形式，自己㨂位，自己嘟qr code落單，員工非常忙碌，完全冇人會得閒理你咁。似去了國內一樣，qr code落單及即時付款後，耐心等待（應該是因為太多order)食物會自行送上我們分別點了紅碗碗雜麵加滷蛋（微辣）及番茄肥牛麵等了又等，先來了番茄肥牛麵，同伴食了大半才來紅碗碗雜麵，飲品就等了很久才出現。兩款麵都正正常常，又講唔上好好味，但又唔係難食嘅，普普通通，微辣嘅紅碗碗雜麵可以話完全唔辣咁濟。公道啲講，價錢唔係話特別平嘅，麵也不特別出色，差唔多價錢嘅麵食附近選擇都唔少，如果要等位嘅就唔會再特別去邦襯。不過眼見邦襯嘅真係國內人居多，大約比例係7:3，可能過江龍點都啱返佢哋嘅口味？飲品點了白玉厚椰乳及熱檸茶’所有的事 都是小事‘哩句就幾啱聽👍椰奶加愛玉冰？都ok嘅😅整體感覺員工非常非常忙碌，唔混亂嘅，但就完全冇停手，沒有什麼服務可言，只見佢哋密密手機械式操作…查看更多

初三跟傳統唔去拜年😅而且我覺得而家跟本越來越冇新年氣氛。不如去飲個靚茶凱悅軒之前都有來過飲茶。唔經唔覺，而家$388一位，不過都多點心選擇嘅，而且食物都算唔錯😌應該係新年嘅菜牌😅，有好意頭點心，好似髮菜蠔豉粥，髮菜鯪魚球咁蝦餃燒賣都係我最鍾意嘅點心叉燒熱騰騰好味😋蝦餃皮薄餡靚蠔豉🦪粥都好重蠔豉味，髮菜鯪魚球同牛肉球就較普通，XO醬蘿蔔糕正在常常唔算突出上湯芥蘭好嫩細細嘙正，又試了鮮蝦炸雲吞同肉鬆豆腐。覺得較出色嘅係桂花蓮藕片，好爽脆好有桂花香味差唔多滿座，只有兩張吉枱最後一定要食甜品才完滿，陳皮紅豆沙同桂花糕都不過不失…查看更多

今日到新開嘅啟德體育園逛逛。原來有幾個新商場。周圍都好多食市好多嘢食咁。不過如果真係有5萬人活動，商舖及餐廳就應該未必能夠消化咁多人啦😅可能人流會過去啟德嗰邊嗰幾個新商場或者🤔土瓜灣嗰邊？逛吓逛吓行到好攰，見有幾間台飲店。哩間倆仨杯有嘢食有嘢飲又有位坐，就入嚟抖抖休息吓叫了招牌鹽酥雞同黑糖烏龍珍珠奶茶，鹽酥雞夠野味及脆口，黑糖烏龍珍珠奶茶好正喎，啲珍珠好煙靭好味喎。$60有嘢食又有嘢飲，抵！食完抖夠又可以再逛過😅…查看更多

聖誕節大節日個個都㨂西餐食大餐，我哋都應該過咗大時大節要食大餐嘅年紀😅所以㨂中菜就唔洗等位兼人少少，坐得闊落坐得舒適。仲可以靜靜哋裝修好靚，感覺貴氣😅價錢平民，賺咗😂都有成8個選擇，睇落樣樣都想試吓，不過未食過未知質素如何既然未試過，都係㨂平嘅試咗先🤣㨂咗燒豬髀骨配蒽油飯同埋臘味糯米飯，仲有超級足料大碗靚湯，個湯的確要讚一下，飲完好滋潤☺️燒豬髀骨就略嫌乾咗啲臘味糯米飯有好多菜伴碟，菜炒得好好味份量我認為剛剛好，如果太多我哋會食唔晒…查看更多

覺得哩個超級無敵大海景真係勁吸引。其實真係望住個景都抵返晒，加上食物唔貴，決定以後每個月都來一次☺️午餐可以㨂set lunch或自助沙律吧中午陽光普照，天朗氣清，係有啲煙霞前菜點了意式芝士伴番茄及凱撒沙律伴煎雞，兩個前菜我都覺得好正主菜就試了牛面頰配蒜香薯蓉及全素漢堡Ice cappuccino 加無㪣海景正呀！整體感覺服務態度專業，食物質素高，抵食，難怪咁多人😅差唔滿坐，好彩我們預早book咗窗邊位置…查看更多