yummyfinder的个人专页

琴日6月21日去食晚餐食，咖哩豬扒意粉好味但意粉是凍的豬扒是暖的。常餐正常冇特別，另外菇菌蝦球湯飯普通，凍檸茶唔夠檸檬及冇乜茶味。最特別係侍應哥哥將掉左落地下的餐牌執起就直接放回枱面，完全冇清潔就放回餐枱上，問題是我唔知地下有餐牌已採踏了多次十分污穢及整個過程係我地面前做。呢間鋪真是唔掂唔會再去。…查看更多

太興燒味出名？？？？本人以後都唔會再幫襯叫個三拼燒味飯油雞得胸又冇咩味，燒肉又係冇味豬皮位置又唔脆，燒鵝又冇乜肉。收79蚊簡直垃圾，請都唔會再去食，點解可以咁差架。餐牌款式極小冇咩選擇，不過諗住燒味出名應該ok掛，點知朋友食嘅叉燒又係好差平時佢都冇咩要求好少彈，但佢都話請都唔會再去，佢咁落去應該好快執笠。唔怪之得見佢冇咩生意啦，今次都是有coupon先諗住去，如果唔係重蝕。所以大家想去真是要三思，出面又平又好食過佢嘅大把選擇。可一不可再。…查看更多

唔好食牛腩麵嘅牛腩大舊又多渣，湯頭好咸又油，雞粥多碎骨又好杰身食落一般，炸兩條油炸鬼好乾唔好食豉油又冇乜味，油菜冇蠔油冇味，應該冇下次。起初以為呢類鋪會好過海皇粥店點知重差。下次去番海皇好過啦。…查看更多