Foodevilx_deactivated的个人专页

呢一間蝦麵店難得佢開咗喺希慎嘅foodcourt，梗係要支持下✊🏻·蝦湯蝦肉魷魚麵就係眼前紅色呢一碗，原本以為個湯會好辣點知都係小小辣，仲帶啲蝦味幾鮮甜好飲。佢都幾足料嘅，有幾隻蝦同魷魚，油麵底都煮得剛剛好😎·黃色嘅喇沙海鮮麵椰子味都幾濃，味精味唔算重，好飲又唔頸渴！🤩🤩海鮮就有一隻大蝦、魷魚、豆卜、魚蛋等等，配料呢就中規中矩啦～👌🏻·馬來沙嗲雞髀肉串燒冇咩驚喜，略帶有少少乾，不過成塊雞柳用咗香茅碎包住，係幾特別嘅👌🏻·薏米水同青檸梳打就普普通通可以唔使特別叫野飲👋🏻～·建議大家嚟食佢哋個主食多啲，因為真係明顯出色嘅🤠-蝦湯蝦肉魷魚麵｜$70喇沙海鮮麵｜$65馬來沙嗲雞髀肉串燒｜$23薏米水｜$13青檸梳打｜$13-蝦麵店 (銅鑼灣)銅鑼灣軒尼斯道500號希慎廣場11樓1109號舖-…查看更多

呢間係中環嘅小店應該好多人都聽過佢嘅大名啦，係雞翼專門店。(用左eatigo訂有九折，不過去到話Full House，叫我地遲啲再去🤭）·Menu好簡單主打成10幾款雞翼任我哋揀，想試多啲味就叫左佢哋嘅套餐Netflix and chill，可以揀三款雞翼同一款side dish呢🤤（餐牌喺後面）·我哋叫咗田園風味、紐奧良香粉、新加坡辣蟹味，又唔辣食到辣！🌶·首先嚟嘅係小食黑松露薯條。薯條整體幾長身，現炸薯條配埋黑松露醬食冇得輸😱基本上食下食下食晒之後個雞翼拼盤就會到～（速度來講可以快啲啲，不過我冇咩所謂）·整體雞翼size幾大隻，略嫌擺盤有啲空虛～🤫田園風味酸酸甜甜，做開胃菜perfect，好似食緊sour cream薯片嘅雞翼版咁～紐奧良香粉冇落啲青檸汁嘅話就只普通辣粉，好彩靠個青檸汁帶返個辣味，不過不失。新加坡辣蟹味就最推介，佢係一個亞洲風味嘅水牛城雞翼，食落有醬包住，隻辣好過癮，一定要叫呢個！！！大推🤩·其實平日有做雞翼放題可以任食雞翼，大胃王應該去挑戰下！🥰-Netflix and Chill (3 wings + 1 side dish) | $258+ 10% service charge-Wingman (中環)中環閣麟街37-43號祥興商業大廈6樓-…查看更多

之前食過佢哋賣相勁吸引嘅腐皮壽司。今次試吓佢啲外賣抵食到不得了嘅飯盒。包埋麵豉湯都係50幾蚊咋😎😎·佢用咗好靚嘅盒載住，一打開成浸香爆嘅薑蔥油味出晒嚟。塊雞扒燒得好滑，又冇骨，撈埋啲蔥油同飯一齊食眨吓眼就食咗大半個（食唔晒呀太大份啦）·至於肥牛雙拼就可以滿足兩個願望。唔使問啦，塊牛牛厚身過吉野家嗰啲多多聲啊，配埋豉油做底又係撈飯一流🤤唔好再同我食吉野家啦😼·總括來講，喺銅鑼灣返工或者經過嘅朋友應該要瘋狂幫襯啊🥳-肥牛雞扒雙拼｜$54野菜薑蔥雞扒丼｜$50-為食龍銅鑼灣耀華街3號百樂中心地下G01號舖-…查看更多

嗱嗱嗱，澄清番先，呢間麥記美食唔係連鎖金拱門🥰終於食到呢一間連續三年攞咗米芝蓮推介小食嘅麥記啦！仲要係同路人添啊喂💛·舖頭細細，主力做外賣嘅小食、麵食、餃子、小籠包。初次嚟到梗係要試吓佢嘅小籠包啦，等緊嘅同時我哋口痕買多咗串魚蛋～·估唔到魚蛋先有驚喜！整體來講都幾彈牙，重點係佢嘅辣汁配埋甜豉油，用嚟點魚蛋簡直一流呀～我覺得正過食過陳記魚蛋嗰個辣汁添🤤·等咗10分鐘小籠包終於出爐，佢個小籠包size細細地，不過勝在皮真心薄同埋豬肉餡料都幾紮實（仲有啲豬油膏好邪惡😈）—唯一敗筆嘅就係冇乜湯汁，如果expect一咬就浪花四錢嘅朋友可能會失望🤔·整體來講，我覺得性價比都算係咁上下，見到好多街坊會特登過去買酸辣湯、餃子嚟食，睇嚟係街坊親民嘅小店💛-小籠包｜$24魚蛋｜$9-麥記美食北角堡壘街21號1號地舖-…查看更多

呢間泰國菜館喺灣仔都屹立左好多年啦。由泰國人主理、侍應都識講泰文，好似去咗九龍城食泰國菜咁呀！😎身為黃店，咁啱今日又想食泰國嘢，終於有機會去食下啦💛·兩個人叫嘅嘢食唔算多：泰式小食拼盤、香葉炒河、泰式燒肉炒芥蘭。估唔到份量幾大碟，三個餸就食到我哋好飽🙉·小食拼盤叫咗泰式炸蝦餅、泰式燒豬頸肉， 前者炸粉一啲都唔厚，仲有勁彈牙嘅蝦滑😍後者炸得好香噴噴，仲帶少少豬油香🤣佢仲俾咗個泰式辣醬同泰式酸汁，點嚟食好開胃呀🥳·香葉炒河咁啱冇河粉，店員幫我哋轉咗做金邊粉，估唔到都幾辣下喎，連我平時食得辣都覺得要飲下水調劑下🥵不過整體來講，都幾有泰國風情啊·最後嘅泰式燒肉炒芥蘭就正常發揮啦， 泰式燒肉估唔到比港式燒肉鹹同硬勁多， 我自己就唔係好食得慣啦；如果芥蘭可以炒淋小小就再開心啲～·不過意料之外係居然有埋泰式甜品送，嗰個椰汁糕好好味呀😻～·整體來講，雖然舖頭裝修唔係fancy，價錢都尚算合理，小食發揮非常好，係近排食過唔錯嘅泰菜之一。唔怪得知平日去都要排下隊等位啦👍🏻-泰式小食拼盤｜$95香葉炒河｜$70泰式燒肉炒芥蘭｜$80-新曼谷泰國菜館香港灣仔軒尼詩道366號-…查看更多

·想去台灣，期待韓粉直播表演食屎🇹🇼··一直都係鹽水雞嘅忠實粉絲，冇得去台灣唯有喺香港搵食啦☹️黃店來講除咗阿土伯之外就係ET啦😝（留意番，根據和你 Eat，應該主要係葵芳店同尖沙咀店係黃💛）·叫咗個A餐即係一人餐，有雞胸或雞腿配三個配料～我哋嗰日賣晒得雞胸，配埋青瓜、蜂巢豆腐、杏鮑菇呢三個最可以索到啲汁嘅絕配😗佢仲有好多選擇揀，可以睇後面嘅點餐紙～·真心，一如既往咁好食，咁開胃！！係台灣正宗嘅味道啊！！好似去咗台灣咁！！😋·雖然呢間舖頭冇咩文宣，但我深信大家骨子裏係一樣嘅💛食完去買個芝士奶蓋飲就正啦😎-A餐｜$46-台灣ET鹽水雞 (葵芳)葵芳葵富路7號葵涌廣場地下A76A號舖-…查看更多

呢間黃店係銅鑼灣應該好多貓奴都知佢既存在～作為後知後覺既我地，為左撚貓貓緊係黎朝聖，探下啲主子🐱～·作為流浪貓之家，基本開支一定大，難得仲要表態做埋黃店，實在可貴呀！！💛·講返兩個定食，叫咗一個牛肉飯同一個雞肉飯，完全令我諗翻起吉野家嗰兩款，不過就係家庭版，味道比較普通～份量唔算多，但係賣相有啲心思。牛肉食落都係加藤屋嗰種味，不過就厚身好多～塊燒雞反而偏乾，火候控制可以再好啲～·除咗啲飯之外，仲包左一杯特飲同一碗南瓜湯，飲落其實都正常發揮偏中上😎·以嘢食質素來講，餐廳係正常發揮，呢個價錢可以再好少少🤏🏻；但考慮到餐廳環境，有得瘋狂玩貓呢啲外在因素，整體係一個好特別嘅用餐經驗🥰大家都支持下流浪貓☺️-彩蛋貓係最後🐱-和風牛肉貓飯｜$138照燒雞扒貓飯｜$138-阿貓地攤 (銅鑼灣)銅鑼灣富明街2-6號寶明大廈3樓D-E室-…查看更多

翡翠拉麵小籠包不嬲都係我中學嘅回憶，以前成日去IFC嗰間度食，人大左食嘅分店都唔同左。依家就食金鐘同銅鑼灣分店比較多。·講完啲題外話，今日嚟到銅鑼灣時代廣場地下嘅呢一間分店食返上海菜，午市來講都唔算多人唔使等位就有得直接入。·咁我哋四個人就嗌左都唔少野，不過重點影相呢就唔算多，以下係部份嘅嘢食：--除咗乾扁四季豆仲保留原有質素之外（ 不過呢碟野咁易煮基本上又好難煮得難食💩），其餘食物我覺得都有明顯嘅差別。朋友抄手一啲都唔辣，反而醋味有啲強勁，唔講仲以為食緊醋雲吞🤡；總之茄子就多油，結果食咗一舊就好濟😹；雞絲粉皮係要讚嘅係青瓜絲切得好又細，但係麻醬已經唔係以前食嗰隻味，記得以前即係苦苦重麻香，今次食呢碟反而就是偏水狀～·另外叫咗個上海炒粗炒、嫩雞燴麵，就正常發揮，冇乜上海feel，好似港式咗唔少。·整體來講，我差異嘅係同以前食既相比有落差，要知道呢個價位比普通上海嘢食定得有啲高，我自然會expect再高啲嘅質素。-上海粗炒嫩雞燴麵紅油抄手醬燒茄子乾扁四季豆雞絲粉皮-翡翠拉麵小籠包銅鑼灣時代廣場B221號舖-…查看更多

呢間粥品都算連鎖大型店，好似銅鑼灣、灣仔都有分店，朋友喉嚨痛想食清清地，就諗起呢一間粥店。·我自己就食咗牛肉粥、蘿蔔糕、腸粉，諗住清清地就實無死～·由於晏晝都幾多人買外賣嘅關係，都等咗成10分鐘先有得食。睇落正常發揮，識落就比普通其他粥鋪差。個牛肉粥食落好多味精， 基本上食咗一兩啖已經要食其他小食中和返個味精感，呢個做法應該係焗住叫你買杯豆漿解渴🥱我哋冇叫嘢飲基本上食咗半碗粥就食唔到落去。·腸粉係布拉腸粉，都幾滑㗎，豉油就偏鹹。可惜$12係齋腸粉價，其他地區可能已經送幾粒蝦米同蔥。·至於蘿蔔糕就一樣係配料比較少，蒸蘿蔔糕來講味精/胡椒味比較重，配料同樣相對刻薄，只係食到粉漿同蘿蔔嘅質感。個人比較喜歡蘿蔔糕食到淡淡絲，不過呢碟又冇。·整體來講，價錢雖然平但係師傅真係太重手，食完午餐基本上成個晏晝都keep住飲水，個喉嚨仍然好頸渴😿另外，姐姐走單嘅情況都幾頻密，佢唔記得咗朋友最重要嗰個炸兩🤡呢個要大大扣分～👋🏻-牛肉粥｜$19蘿蔔糕｜$12腸粉｜$12-忠記粥品軒尼詩道432至436號地下-…查看更多

唔知係咪因為前排告急關係，八點幾都幾多人食下。不過就算以前未畀武漢肺炎搞到香港咁冷清嘅時候已經好多人會專登泊車去食🤔·是但啦，望到個餐牌真係覺得係糧尾恩物。$50樓下有找。整體來講，米線比紅薯粉好食（紅薯粉偏幼身，似透明版嘅米線多啲）～·配料算足夠大方～比較推介嘅係似魚蛋魚片嘅魚腐、魚皮餃、竹笙，都算幾多下。·手拍青瓜就唔使講：爽脆口感正呀🤤至於是日通菜發揮正常～·整體來講，唔會呃大家話超級好食。但係粗粗地當一餐又有咩所謂呢～去食連鎖米線店不如支持下小店好過啦🤪經濟寒冬下更加要多啲消費黃店呀😎😎每日賺夠30,000 thanks🥰-過橋米線/重慶酸辣紅薯粉｜$29 （配菜另外加錢$7/$10）手帕青瓜｜$22凍檸茶｜+$7腐乳通菜｜$18（唔記得咗價錢，請自行斟酌）-金西南米線 (銅鑼灣)銅鑼灣登龍街41-51號金龍大厦地下D舖-…查看更多

呢間牛角喺和你 Eat見到😱💛長期喺銅鑼灣都超級多人排隊，有時9:00幾仲有人龍～·長期排隊嘅關係，由拎飛到實際入去大概等左大半個鐘左右～等到就快餓死啦·入到去就用電子落單嘅方式叫咗幾樣野，由於我哋每人叫咗個牛角飯嘅關係，肉類都唔係叫咗好多～·燒肉六品盛有齊牛肉、豬肉、雞肉，其實最驚呢一啲要自己燒嘅肉類好難拿捏火候😂😂我哋有好幾舊都燒到過熟，唯獨係舊雞肉真係滑滑地咁🤧·個蒜蓉牛油金菇，令我諗翻起BBQ成日食嗰啲～唔錯唔錯·牛角飯就必叫，配肉食一流，好鬼多紫菜鋪面，飯內又有肉汁🤤一人一個最開心·整體來講，我又唔會覺得呢一間特別好食，不過過吓手癮有得燒下燒下幾開心囉🤪🤟🏻-青瓜墨魚咀｜$32燒肉六品盛｜$238牛角飯｜$29-牛角日本燒肉專門店 銅鑼灣告士打道311號皇室堡1樓112-115號舖-…查看更多

呢間平民越式小食店喺OpenRice都有幾多個舔舔脷，仲係運動第一天發聲💛次次行過都錯過真係有眼不識泰山🤭🤭·早排係抗疫期間都支持下💪🏻（佢哋個陣收起左大部份嘅枱，唔清楚而家還原堂食未～）·越式法包真係驚為天人，冇諗過個包係咁完美😱。除咗個包皮係脆脆地一啲都唔乾身之外，啲餡料嘅比例係啱啱好。有齊蔥、扎肉、芫荽、有啲酸酸甜甜嘅醬汁，食落好開胃又好Fresh！！🤤🥬🥖有喺越南食嘅風味啊！！·烤豬肉撈檬唔好睇外貌好似平平庸庸，雖然小店來講我覺得外賣已經攞到七八分～但係食落都幾惹味㗎。嗰隻撈檬酸甜汁已經幫我哋落咗，酸味唔係好突出。反而配料就真係幾足下， 啲菜切成絲，配埋啲酸蘿蔔，唔使用醬汁都可以帶到個味🤪唯獨是當日嘅豬扒有啲偏硬身。所以話越南嘢都係配扎肉最開心🥳·總括來講，小店有呢個質素非常值得讚！個法包係一定要食！喺網上見到有人強推佢哋嘅牛油果沙冰，今次冇叫到真係好可惜😢-越式法包｜$45烤豬肉撈檬｜$55-第一郡 (深水埗)深水埗荔枝角道315號地舖-…查看更多

本身以為三才喺銅鑼灣已經係平價之選，行過少少去到灣仔發現呢間唔多起眼嘅黃店—肥仔記麵食💛佢有派下水咁～過嚟慳下銀包都好呀👛·佢同一般嘅港式麵店唔同，做緊一個抵到爆嘅套餐：有齊單餸麵、豆漿、油菜都係$32 ；雙餸就貴啲$38。個價錢真心賺唔到幾多，平時一碟油菜呢個價啦。🤔🤔🤔·我哋叫咗雲吞春卷麵、魚皮餃鯪魚球河、炸魚皮。·炸魚皮好脆身，唔使大力用牙咬當薯片咁食都得，一定要叫！😍雲吞、魚皮餃正常發揮，不過不失，不過都有一個乒乓波咁大。反而推介鯪魚球俾大家—唔係走彈牙路線，林林地，不過冇骨、咬下咬下就林哂，口感幾得意😱·腐乳通菜同豆漿就唔使多加描述啦，大大份又抵，點腐乳醬真係一流🤗～而可樂同其他汽水，估唔到仲係玻璃樽款😱好耐冇見過啦🤣·整體來講性價比真係超高！不過魚與熊掌，食完之後都幾頸渴，大家要避免飲佢哋嘅湯底啊🤫-雙拼套餐 （包油菜豆漿）｜$38套餐轉其他凍飲 ｜+$5炸魚皮｜$12-肥仔記麵食 (灣仔)灣仔軒尼詩道319號地下-…查看更多

同好朋友介紹吓嚟咗呢一間中環樓上鋪食fushion西餐🇫🇷～一日門口已經見到一隻大大pepe頭盔💛·環境唔算大，可以容納20個人左右，所以最好打電話訂左枱先🙉感謝美女carryme🥰·我哋叫咗一個set dinner for two，個set包左沙律、龍蝦湯、兩個前菜、兩個煮食或一個牛扒、兩杯餐飲。·重點推介佢塊西冷牛扒，我哋好少餐廳叫medium真係medium，簡單容易用海鹽去煎已經非常之唔錯，仲有小粉嫩有少少血水既肉肉，就咁食已經好香牛肉味🥩配埋佢哋嘅芥茉醬食就有另外一番體驗。盆菜有焗嘅甜番薯🍠、南瓜🎃，諗返起都正🤤🤤·兩個前菜嘅就細細份，不過係幾impressive—個帶子配左波蘭汁醃製蘿蔔、個田螺配左黑松露醬仲有薯蓉，估唔到兩者係咁夾，廚師好諗頭😎·沙律同龍蝦湯正常發揮，個龍蝦湯係幾濃烈嘅但係又未到話好香咁🤔·不過整體來講算好食🤪但餐飯比兩個原因掃掃地慶🧹：（1）上菜速度好慢好慢～等左兩個鐘先有主菜食🥱～（2）隔離枱頂級既聲量，對其他食客影響好大🥱-Set dinner for two | $588-The Balcony (中環)中環皇后大道中118號3樓…查看更多

估唔到大角咀都有咁多好味嘅店舖，有啲黃店仲開到凌晨添😗💛·今次介紹嘅呢一間餃子店其實唔係專食餃子㗎，反而仲有啲街頭小食、粥品、撚手小菜。我哋果次食正餐唔夠飽就去咗食宵夜，叫咗個辣酒煮東風螺、煎釀三寶🥳·雖然叫得好少嘢食，但足以證明佢嘅質素～辣酒煮東風螺估唔到咁有鑊氣，好似大排檔嘅小炒咁！！份量都算好多下—有成廿幾三十隻😎其實呢個配搭就真係冇得輸，啲東風螺索晒辣汁再有超多蒜蓉之後好鬼惹味🤤係差碗飯咋🍚·至於個煎釀三寶估唔到咁大舊，點埋啲任落嘅甜豉油食，終於飽肚返少少啦（我係大食怪）·當日好多人都去食宵夜，其實反而再想食佢哋嘅蒜蓉雞翼尖、生滾粥，希望佢生意興隆啦😗💛-辣酒煮東風螺｜$60煎釀茄子青椒｜$10-餃子店大角咀道157號地下-…查看更多