Kkchung0308的个人专页

打風過後又要開餐, 選擇到佐敦食日本野。 餐廳用餐人數不多, 所以獲安排坐卡位。兩人點咁六樣食物, 食到好飽, 逐樣食物介紹下~ 第一樣係角切魚生飯（$88）, 主要材料係三文魚, 三文魚子同玉子。魚生種類略少, 三文魚生魚子正常發揮, 飯唔夠酸。第二樣係魷魚鬚唐揚（$48）, 魷魚味好濃, 炸得好香口, 唔會好硬, 值得一試。第三樣係炸雞軟骨（$38）, 同魷魚一樣, 都係炸得脆, 香口, 但份量比較少。第四樣係厚切牛舌（$55）, 咁多款食物最好食係燒牛舌, 燒得唔會太生哈會太熟, 非常彈牙, 牛味濃郁, 厚度剛剛好, 每串有三塊, 食完都飽咗三成~好味。第五樣係芝士鐵板燒豆腐（$50）, 豆腐炸完再淋上忌廉汁最後燒左層芝士係上面, 本人唔太中意太多汁, 但佢個芝士燒到脆脆地, 加埋熱辣辣嘅豆腐, 都算好食。最後一樣係雜錦魚生冷拉麵（$62）, 最難食係依個, 魚生份量極少, 加上麻醬, 個味道唔係太夾, 啲麵繞埋一舊, 好難先夾得起, 唔建議食。員工態度良好, 會主動倒水, 有笑容, 提出要調位時都好快安排得到。…查看更多

經飲食雜誌見到麵館有二人套餐, 有龍蝦又有小食先一百蚊, 好似幾抵食。晚上八時到麵館, 店鋪人唔多好靜, 環境配上暗暗的鎢絲燈, 的確係一個幾好嘅食野氣氛。店員服務態度非常良好, 會主動講解各款菜式, 又會熱心詢問有咩幫到手, 唔該前多謝後, 令人覺得態度真誠有禮。我哋點咗精選二人套餐（$198）, 點咗nachos on the boat,  芝士焗龍蝦拌龍蝦汁手工麵, 芝士焗龍蝦配魚湯料理雪白魚麵同埋有兩杯野飲。首先講下nachos on the boat,  其實係一個炸魚皮配上肉醬同埋牛油果醬。佢肉醬味太濃, 完全蓋過咗魚皮同埋牛油果味, 亦都可能有太多肉醬, 令到魚皮變得唔太脆同太酸, 建議可以落少啲肉醬。兩款麵都有配半隻細龍蝦, 龍蝦肉就焗得有啲老, 搞到肉質硬, 芝士味唔太出。每個麵都有一碟配菜, 有剝咗皮甜甜地車厘茄, 酸醋木耳同埋薯蓉。龍蝦汁手工麵係幾好食, 個醬汁好厚好濃味好似忌廉汁, 麵條質地軟硬適中, 同正常麵嘅質地相似。加上爽脆嘅青椒紅椒, 口感味道整體黎講係幾好。魚湯料理雪白魚麵就比較特別, 個魚湯聞上黎就幾香, 有啲似細個呀媽煲個啲煎魚尾湯, 但佢個湯就淡啡色, 無腥味。 魚麵質地就好特別, 爽口好似食緊唧唧魚蛋咁, 自己唔太喜歡依隻口感, 感覺上唔飽肚, 但好似成份有50%係魚制成, 好似健康啲？！總括而言, 麵麵服務好環境好, 比較推薦係龍蝦汁手工麵。…查看更多

朋友介紹到尖沙咀熱點打邊爐, 話去過好多次, 都幾好食咁話。我哋一行四人八點到, 唔知係咪間餐廳係地庫關係定新學年開學關係, 餐廳出奇地少人, 10個都無, 朋友話貪佢依度夠靜, 可以慢慢坐, 雖然門口貼住用膳時間為90分鐘, 但我哋坐咗兩個鐘都無俾人趕走。我點咗沙茶肥牛窩, 好快送到, 一見到個鍋都幾驚自己食唔晒, 因為好大兜, 好多配料。首先講 啲正常配料, 裡面有三到四塊肥牛, 金菇, 粉絲, 娃娃菜, 蟹柳, 花枝丸, 豬紅, 粟米, 豬大腸同蜂巢豆腐。最好食係個飛魚子魚蛋腸, 好彈牙, 味道就似細個食嘅即食魚腸。最難食就係麻吉燒, 鳴門卷, 軟淋淋, 口感唔好！所有配料有一至兩舊, 希望佢可以俾多幾舊蜂巢豆腐！個窩聞就聞到有沙茶未, 但食出黎個味又唔係話好濃, 唔咸, 做得算係好。侍應服務還算可以, 成間餐廳嘅侍應都幾搞笑, 幫我地落單個位女侍應唔係好幾得我地點咗咩, 會返轉頭問, 好似好驚咁。仲有一位男侍應幫我地加火時唔小心加咗四舊固體酒精, 就話無事嘅, 好彩我地唔係麻煩客人, 反而覺得佢地幾搞笑。…查看更多

女朋友之前黎食過話好食, 同埋好快會賣晒, 所以今日特登早啲黎食魚生飯！環境裝修歐日風, 位置比較窄, 但坐得還算舒服。餐牌睇都唔駛睇, 點咗兩個角切櫻花魚生飯（唔太記得個名）。 隨餐附送蒸蛋, 面鼓湯, 沙律同埋糯米糍。點餐後好快送到, 份量多足夠有突嘅份量, 魚生粒佈滿全個碗加咗一隻生蛋, 撈埋一齊就開始食得喇！ 魚生飯入面有三文魚, 油甘魚, 章魚, 蝦子, 帶子, 青瓜, 芽菜等等！略嫌飯唔夠酸, 但勝在份量多, 魚生好味！會再光顧！唯一有唔好就廁所個水龍頭無咩水出, 難啲洗手！…查看更多

係社交媒體見到長沙灣有間漢堡包店, 近派開咗好多間, 間間都差唔多, 但今次見到幾便, 所以就去喇。舖頭唔大, 美式裝修, 人唔算多。黑色枱黑色凳, 張枱比較細, 如果叫得多野就會唔夠放。點咗大烤菇牛肉漢煲（$60）, 鄰居漢堡（$60）同埋黑松露芝士薯條（$34）。大烤菇牛肉漢堡有驚喜！大啡菇好多汁好香, 一咬落去全部汁都爆晒出黎, 牛肉唔會整到太熟, 有肉味。鄰居漢堡有菠蘿, 同成個包好夾, 甜得黎帶啲微酸, 好開胃, 好清新。最大驚喜係個薯條！薯條上佈滿黑松露醬, 超香, 但芝士味略嫌不足。職員服務態度好, 都幾靚仔高大。環境清潔, 簡約, 去食個下午茶係唔錯嘅選擇！…查看更多

中環IFC開左間美式漢堡包店, 慕名一試, 但極為失望。一入到IFC mall見到隻暴龍標本, 再枱頭一望就清楚見到餐廳標誌, 好快就到左餐廳平台。星期五夜晚7點左右無雨, 極多人排隊, 超過70人輪候, 但排左半小時左右就可以落order, 速度算快。 我地點左single smokeshake ($62), single shackburger ($50), 2盒cheese fries ($36 each), 1杯香港特有嘅milk tea shake ($42)。大概等左20分鐘, 係等嘅時候就要不斷搵位, 室外室內都坐滿左人, 環境比較嘈, 好彩地係攞到餐時俾我地搵到一個室內位。要讚嘅係職員服務態度良好, 佢地收餐好迅速, 有禮貌, 就連問佢地有關洗手部機嘅野都會答, 充滿笑容。但要彈嘅就係食物嘅質素, 首先講杯milk tea shake, 太過甜, 完全飲唔到茶同奶味, 得個甜字, 真係唔好話俾外國人聽依杯係有香港特色嘅奶茶, 影衰香港其他奶茶。第二個要彈嘅係芝士薯條, 薯條好淋, 芝士味唔夠, 用支佢俾嘅叉一拮就會爛, 完全食唔到薯條應有嘅外脆內軟個口感, 可以話係難食。最後要彈嘅係佢個漢堡包, 我食smokeshake burger, 外觀似足麥當勞最普通個芝士漢堡包, 塊漢堡扒完全食唔到牛味, 塊煙肉仲硬過紙皮, 又細個, 4啖就食完。餐廳環境似大學飯堂, 冷氣滴水, 食過一次影過一次相, 做完港女之後就唔會再黎, 去麥當勞都好過, 起碼價錢低啲。…查看更多

I have ordered a beef and egg rice bowl. The amount of beef was amazingly small. Just 4 pieces of sliced beef. You can tell from the taste that the sliced beef was refrigerated meat with no taste at all. The egg was overcooked. The color of the rice was like vomitus or coffee brown aspirate. It is so disgusting  to put something without taste and with v omitus color into stomach. It costs $78 with 10% service charge ($86 in total). The price and the quality of the food was not matched. I will never go to this restaurant again. …查看更多

媽聽到黃秋生分享間餐廳嘅牛扒好食, 提議一家人去食。 我地中午1點30分入坐, 去到都要等位, 侍應告知牛扒同臚魚無貨, 極之失望, 社交網站亦都無寫會缺貨, 但一場黎到, 試下無妨。我地5個人點左4個餐, 分別係咖哩雞飯, 意大利飯配鵝肝, 海鮮焗飯同西冷羊排。首先到嘅係咖哩雞飯, 咖哩味唔重, 雞排有啲“鞋”, 份量少, 幸好調味適中, 唔太咸, 係一個好普通嘅咖哩雞飯。接著係意大利飯, 飯煮得好有頭,唔會太軟身, 菌味香濃, 鵝肝煎得外層脆裡面軟, 好香脂肪味, 但飯份量略為少。值得一試係羊排, 羊排煎到好淋, 肉質無渣, 脂肪比例剛剛好, 加上酸酸地嘅薄荷汁, 都算係比較好食。最後係焗海鮮飯, 海鮮份量足夠, 有兩隻蝦, 兩隻青口, 一塊龍脷柳。汁唔夠多, 將飯焗得硬邦邦, 有啲似食緊飯焦, 質素不過不失。侍應手腳好快, 快到我都未食完就收左我隻碟, 對餐牌有咩飲料唔太熟悉, 但態度還好, 起碼唔會黑面, 有問必答。 價錢方面, 如果係午餐就貴左少少, 我地5個人食左393蚊, 但已經八折左同叫4個餐, 如果唔係每人應該要100蚊。…查看更多

星期五夜晚6時到odelice!食晚餐, 因為預先訂位, 所以不用等位, 侍應好快安排我地入座卡位, 位置尚且闊落。 店內牆壁掛滿畫, 係幽暗燈光下都幾有情調。我們點了侍應推薦的法國黑青口, 另外點了燒黑毛豬同雜錦搭丁拼盤。食物好快送到, 首先係拼盤($158)。三文魚正常發揮; 風乾牛肉同帕爾馬火腿比較咸, 配上多士同濃郁牛油果醬, 算係一個開胃嘅小食。再黎係燒黑毛豬配薯蓉雜菜($188), 雜菜燒得爽口, 配上燒汁的確幾好食, 藩茄仔多汁唔酸, 一咬啲汁就爆出黎。 另外個驚喜就係啲薯蓉, 並唔係全部爛蓉蓉, 有一粒粒薯仔粒, 口感非常好。主角黑毛豬香味燶郁, 好有獨特嘅味道, 就好似牛肉加豬肉味, 口感彈牙但唔煙韌。但個份量就略少, 如果一個人食都會唔夠飽。最後係青口($175), 侍應向每枱都推薦依個, 唔知係要散貨定真係好新鮮。依個菜係配埋幼薯條, 薯條外面好脆好熱, 食每一條薯條隔離枱都會聽到脆卜卜嘅聲, 入面係接近空心, 入口即化, 非常好食。 青口真係好鮮嫩, 海水味濃, 無渣, 應該係bb青口, 配上藩茄洋蔥加上份量多, 應該有30隻, 侍應算係無推薦錯。…查看更多