太陽媽媽的个人专页

嚟左尖沙咀咁多次都唔知呢間香港第一間拉麵店難得有時間就嚟試下一入去幸福中心已經感受到嗰種懷舊...成個商場得返幾間餐廳開都擔心伏入到餐廳環境算光猛整潔人唔算多 見大家都係悠閒咁食喺餐牌見到個二人餐就試下喺套餐叫左2個拉麵：特製低溫叉燒麵、雞白湯拉麵小食：明太子煎蛋、蔥花牛舌叉燒拉麵湯底幾香濃 但勝在份量十足雞白湯會相對清少少 但就會細碗少少對明太子煎蛋就比較失望純粹係煎完蛋加篤明太子醬小食基本上冇咩驚喜建議嚟都係focus食拉麵不過價錢嚟算係咁 有機會會再嚟試其他嘢…查看更多

最近因為有啲平台出左宣傳呢間麵包舖多左 勁 多 人 排隊...眾所周知，香港人都係好鍾意排隊，見到出過宣傳，已經有心理準備。佢貼嘅告示話，12:30pm後開始供應，咁我就當12:30pm開始有得賣啦我12:15pm開始排，排到around 1pm條隊先開始郁。排到1:15pm嗰陣，我排到差唔多隊頭時，有個店員走出嚟。佢話暫時得返櫻米味同原味，其他要再焗，問有冇人想要左先。咁大部份人都係想排其他味嘅，我就因為係隊頭嗰堆 即比排後面嘅人等得耐，所以都想買幾個先。但入到舖裡面想買時，見到佢地安排都幾混亂。A店員出嚟話有得賣原味同櫻米味B店員又叫返我地出去排睇住佢地傾完，先真係買得成。買梗嘅中途，我仲要見到廚房裡啲師傅(有男有女)，喺度鬧梗交....有個仲要冇戴口罩買完再去返原位排，等多半個鐘左右，終於等到多一款出，就係菠蘿包款。以味道嚟講，我覺得係ok的，濕潤煙韌菠蘿包款，其實同櫻米味差唔多只係上面舖嘅嘢唔同，兩者都好似冇乜味🤣價錢都唔係貴但再排？不了！佢教識我，有時網上做宣傳都唔一定要咁心急走去試。坊間大把選擇，正所謂高手在民間。…查看更多

今日去搵男朋友食晏，見某餐廳都有宣傳過呢間新店，所以嚟試下。可能係試業期間，入到去冇乜人。好在播正viutv，有波睇住送飯LOL因為見係冰室，初初預都係普通茶記嘢食。不過睇完個餐牌都有啲驚喜，款式叫比較新同多。我地一開始嗌左個卡邦尼烏冬 同埋 牛脷焗飯，但可惜呢兩樣都冇:(於是後來改左做咖喱牛筋腩飯 同 香蔥醬油豬軟骨撈丁。講下個咖喱飯先︰因為未撈勻，就睇落比較多油。但值得一讚嘅係 食到好香嘅椰香味，同埋薯仔切得偏細，變相放得多左牛筋腩。可以改善嘅係...加返啲辣度，呢種偏向係甜咖喱。跟住係我嘅豬軟骨撈丁︰香蔥醬油味 值得推介以為係好似燒味舖嗰種，不過食落冇嗰種好鹹好油嘅感覺，同埋蔥都算新鮮唔係比油浸左好耐嘅質地。豬軟骨就差啲，因為偏鹹同韌，下次可能叫其他。飲品嗌左熱杏霜︰中規中矩，淡淡地。好就好在唔係多到一舊粉「鯨」喺底，一杯乾完整體嚟講就一般，期待下次食到個卡邦尼烏冬。…查看更多

嘢食冇問題，係偏貴。主要係服務態度爭啲。唔係話有服務費就一定會比好嘅服務，但態度可以好少少😂我同朋友中途想加嘢食，同staff講，跟住staff話食梗飯遲啲先整明白係需要食飯嘅，但比較少見因為staff要食飯所以成間要遲出嘢食嘅情況。建議大家去嘅時候，要預返多啲銀兩 同埋 focus返食物質素好啲。…查看更多

同朋友約左喺D2 place睇戲。睇戲之前想食少少嘢，發現呢間餐廳就入左去。喺門口望到餐牌已經有啲驚喜，因為啲組合都算新穎，同埋價錢嚟講算抵食。冰室內見威頓牛扒已經癲覆我想像....我地叫左個$198二人餐：乳豬卡邦尼意粉+斧頭豬扒配蘋果蓉黑醋醬，朋友本身好擔心要等好耐先有，會趕唔切睇戲，但出餐快，又再加分。乳豬卡邦尼意粉斧頭豬扒配蘋果蓉黑醋醬:)飲品方面都一樣多選擇，有羅漢果、洛神花茶，又有蘋果伯爵茶等，任君選擇。所以決定會翻桌。…查看更多

近日因為喺呢間咖哩屋門外，見到宣傳有225g牛扒套餐。我估係因為隔離嘅牛扒店太多客人，所以佢出類似套餐去吸引多啲客。不過實物同相片真係爭好遠，同埋做同隔離類似嘅套餐好不利，太容易有比較，反而令食客嘅預期高左(?)。如果有朋友好似我咁，因為見到呢個宣傳而走入去嘅話，請三思~老闆就好好人，服務態度不錯，不過食物同環境質素真係差啲啦。佢地啲餐具直接擺枱面，有少少唔衛生...套餐如下:忌廉雞湯，三個字，非常稀。係我飲過最稀嘅忌廉雞湯，冇乜忌廉湯嘅黏稠感覺，裡面嘅蘿蔔粒爽口( 亦可以理解為煲湯嘅時間短，所以唔淋)， 仲有少少連雞皮嘅雞肉。我朋友嘅牛扒跟住呢份我自己感覺上兩份牛扒嘅份量都有分別，到底係咪都有225g就唔知...我叫左7成熟，但呢隻紅色...嗯…我睇就唔似7成。 同埋食到某啲位又好韌，咬唔到。反而個薄餅不錯，夠熱同軟熟，點咖喱幾好食。(p.s. 咖喱汁要加$10)最後我嗌左最穩陣嘅檸水飲...飲完就埋單走了。整體嚟講，嗯，都係忍唔住要講 係伏。其實本身個餐係冇咩問題，普通茶餐廳水準，我平時都食開。只係因為個宣傳板嘅牛扒相太多誤導成份。同埋咖喱屋，始終係以咖喱做王牌比較好！…查看更多

有晚朋友話想食香蕉船，見呢度有所以就揀咗呢度食。入到去第一件好笑嘅事係....同其他客人一齊玩「爭櫈仔」。鋪頭裏面有一行二人位拍埋嘅長枱，我同朋友坐近門口，左邊仲有位。跟住staff話因為多人，要我同右邊嘅人一齊向左移。幾乎半張長枱嘅人都要移。所以我第一個感覺係間店好逼。之後最驚訝嘅係....香蕉船嘅雪糕有好多粒冰，仲要好大粒。如果1個雪糕係咁就算啦，個甜品有3個雪糕，3個有冰。都唔知食雪糕定食冰...如果有朋友想去呢度食雪糕/香蕉船，要考慮下先啦~…查看更多

之前一直聽朋友介紹這間店，難得今天自己一個逛街，就試試Majesty。一到門外，見到很多人排隊。幸好我今次做獨行俠，一個人坐哪兒都可，店員就很快安排外面的露天座位給我。難得叫意粉，就想配搭飲品。點了薄荷朱古力，700ml $25，合理價錢。不過我覺得朱古力太甜，飲到後半開始不想喝(我有努力喝完就是了)。下面是我今次點的「沙嗲雞粒意粉」。環視整個餐廳都是卡邦尼亞，所以想來點不同的。就叫個好像沒甚麼人評論的沙嗲吧！最初有點失望，因為裝在錫紙盤令我覺得意粉和其他餐廳的大小差不多。誰知：(不用說明了吧抱歉因忘記拍照，唯有放ig story的照片)味道方面，沙嗲一向偏油，這份也是。吃到淡淡花生香，有飽足感。雞肉....有點韌，好像牛肉。不過因為我平時吃沙嗲都配牛肉，覺得這質感還好。最後埋單$63。之後我帶飯盒回家，和另一個家人分享。再加多點菜，也夠做第二日的午飯盒了！窮人恩物呀！如果我沒有點飲品....一餐基本上只需$38/3=$12.3 左右下次會再去的。…查看更多

返工之前諗住食啲嘢，又唔想食麥記，就行入去呢度試下。午餐價錢唔算貴加$4仲有杯咖啡我叫左個照燒鯖魚便當我好鍾意個擺盤因為以木為主，夠簡約味道方面，主菜其實就一般般，反而係個飯好食。用珍珠米，同埋煲得夠水份，上面舖埋飯素....淨係食個飯都好滿足不過講到最吸引我嘅地方，就係店內2隻貓相裡面係其中一隻貓，你去摸佢嗰陣佢好識做，比你摸完一邊，會擰轉第二邊比你摸lol 咁識做生意，真係唔嚟都唔得。最後我先發現，原來呢間店係自助形式。點餐唔係舉手嗌人，而係要自己走去reception；食完要自己攞餐盤去收集區。埋單$62，lunch都坐得舒服。不過唔係好接受到貓味嘅朋友，真係要留意了。因為室內好大陣貓味的。…查看更多

平日經過家樓下，一定會看見這餐廳。某一天，因為一些事不開心，我跑到這裡吃個飯。誰知，有點驚喜：首先是餐湯和包，淨是包有烤過我已很欣賞(我的要求到底有多低...😂)我覺得至少這是一種誠意吧，小小的餐廳大可以做最普通那種，奉上裝餐包和牛油的籃子。但這種是照出我對他們的預期，所以有點驚喜了。然後，我點了"Delicious 豬扒"，看看有多Delicious XD超大塊豬扒！感覺大過我的臉還有兩塊應該可以吃得飽飽的。見加$8可以配特飲，就特別叫一杯 藍色多瑙河。個人認為一般。最後甜品。我對這餐廳的評價是：擺盤和味道尚可，價錢便宜，飽肚感十足。埋單不過$60，總是吃不飽的我會再來的…查看更多

豬仔骨、三文魚pizza、黑松露意大利飯....呢類餐點多數要去有點貴嘅cafe食先有，我嘅經驗一款$100或以上。但呢度真係好抵食呀！一份豬仔骨$80都唔駛，仲好大份！薯條實心，又熱又脆，good~ 初初覺得左手邊嘅焦糖蘋果好特別，但食落普通。煙三文魚卷得好靚，睇得出廚師有花心機做。每一份有兩片三文魚，算足料。雖然三文魚有啲鹹，但我欣賞個底好脆，幾好味。凱撒沙律...一般XD 不過估唔到咁大碗，有點小驚喜。唯一有啲美中不足嘅係：呢個意大利飯好細…反而個豬仔骨平佢少少，又大份過佢lol我叫左杯紫薯鮮奶，唔甜，所以飲得到好濃奶香。p.s 餐湯：多料， 飲一啖已經有好多洋蔥同埋蘿蔔粒。呢間算係不錯嘅餐廳，因為好抵食。平時同朋友一齊食呢類西餐，平均$150一位，今次$95咋！最後，環境算係舒適，雖然多人但唔會感到好逼。想優悠享受晚餐？不妨考慮呢間！…查看更多

我喜歡一個人獨處，所以趁今天假期自己出外走走。上次在街上看見他們的街招，就被吸引了。進去坐下後，店員很細心地講解每一種咖啡豆的特性、香氣等，又打開裝咖啡豆的小瓶子，讓我聞香氣。很欣賞店員的專業，但是！我還未定神就聽他說一大堆，所以有點混亂。我連咖啡價錢都不知道就點了咖啡。建議店員先說明他們會講解咖啡，以及可供客人選擇的食品之類。方便客人知道發生了甚麼事(?)因為我人較有耐性，所以就算吧(笑)店員問我：平時喜歡喝甚麼？我說：我比較喜歡Latte。所以店員推薦了Dreampresso Roast的咖啡豆給我，雖然我不太熟悉咖啡豆，但應該是較適合製作Latte的豆吧。隔了一會兒，店員端出這個小盤。說真的，我有點意外。因為一般到「cafe」，就是坐下先看餐牌，吃意粉、甜品，再配咖啡/花茶，多數咖啡會變成配角。但這次咖啡有好好地成為cafe的主角了。一小杯深色expresso，用來細嚐店員推薦的咖啡豆。那白色小杯盛著咖啡粉，不只有舌頭品嚐咖啡，手也能觸摸咖啡的質感。然後，我要欣賞的當然是上圖右邊的Latte了:)就這樣喝著坐著，我就享受了3小時...因此，我會再去的，希望下次水準依舊。謝謝閱讀！…查看更多

呢間餐廳，除左「正」之外，都只能用「很正」嚟形容事不宜遲，重點嚟啦。食物方面：朋友叫左呢個青龍拉麵，感覺比其他拉麵健康。(不過拉面本身就好邪惡嘅XD)湯底味濃，嘗到豬同菠菜嘅味道。我自己叫左火魂拉麵，因為本身就鍾意食辣。估計平時喺譚仔食十小辣嘅朋友，都可以食到呢個。唔會好辣，主角仍然係豬骨味:)湯底濃郁，份量飽足，食得好滿足呀！不過要講我最欣賞嘅地方，係服務態度。服務方面：有耐性初初打電話去訂位，我表示需要雙人座位。店員好有耐心解釋有邊幾種座位我可以選擇。比起平時聽唔到佢講咩就收線嘅訂枱電話，呢個舉動已經加分。親切及勤奮我同朋友因為三年冇見，所以坐耐左。店員仍然不厭其煩咁酙水，酙左4-5次，講真我自己都唔好意思。但店員一次黑面都冇。加上好主動地比佐料我地，令我覺得佢有考慮我地嘅需要。可能去得太多服務唔太好嘅餐廳，所以有啲誇張左，但因為呢個服務態度，我會願意去多次。(仲有係toilet乾淨)最後埋單：祝你去到嘅時候用餐快樂！…查看更多

[希望短短地帶到重點]今日約左幾位朋友，平時好少機會可一齊坐低傾計， 所以約個可慢慢食慢慢傾嘅地方。最初揀呢度，係因為想試佢個手工啤酒。結果，鍾意試特別嘢嘅我...揀左呢個紅酒洋蔥特飲好酸，好強醋味，非常刺激lol是日餐點：火車頭湯河燒豬頸肉撈檬咖哩雞碎米飯越式拼盤以上咁多款...我最推薦係咖哩雞碎米飯~~~唔算非常辣又夠咖哩味，出面有啲咖哩就得個辣字但食唔到咖哩味，呢一間平衡得好好。我地都為咖哩嗌多碗白飯。整體上，我今次最滿意嘅唔係食物，係人同環境。坐得舒適、燈光溫和令人安心，伙記雖然係食鹽多過我食米嘅老友記，但好笑容又有禮貌，不錯。越老，加油！…查看更多

唔知你有冇呢個經歷，就係入糖水舖食糖水，比左幾十蚊，但出到嚟係勁細碗。糖水比我既印象係「價貴量少」，所以多數都係想同一班人有個聚腳點先會幫襯。但係今次呢間又真係...有驚喜同一位朋友夜媽媽，想坐低傾偈，所以嚟到食糖水。當我準備好接受「比四十幾蚊食細細碗」時...好多生果呀好滿呀生果搭到高過碗呀今次既好評係因為份量而比。再睇埋款榴槤撈珠真係滿瀉出嚟至於味道...今次重點地講個份量，可見味道唔係亮點(笑)。西米露都係普通出面食開既味道，榴槤撈珠就較淡味。如果你係啱啱食完飯唔夠飽，就可以去呢間為自己寫返個滿足既句號:)…查看更多