nee.eat.play的个人专页

跟長輩來吃午餐，人流不多，環境清靜，自然光線充足，還看到少少海景，適合傾偈 。前菜是中式泡菜 ，偏甜 。食物整體口味都偏北方，濃厚、大份 。選了烤鴨2食套餐，片皮鴨份量不少，肉和皮都有，配料選擇多 ，有哈蜜瓜、青瓜等，但乾水了點；片皮鴨醬濃而偏甜。一口酥鴨皮脆而油份超充足，能吃到一口鴨油，果然要點糖或梅醬，以平衡滋膩 。冬瓜鴨架湯，2人份量來說也是巨大，賣相也有北方粗獷的感覺，大切豆腐+冬肉蓉+鴨架 ，湯頭濃 ，鴨味則在鴨肉中 。小籠包也是北方風味，皮不會一戳即破，肉質緊實 。茶位$18/人，茶的口味有少見的選擇，今次我點的是玫瑰荔枝，喝到玫瑰荔枝味 ，會加茶，不錯 。留意番，特價餐的+1服務費，以原價計算 。…查看更多

新都會開左新餐廳肉肉大米，店舖不大，一律bar枱設計，閒日兩點零都要等位，不過都好快就入得!這裡用QR code 下單，完成線上付款才成功下單 。menu簡單，全都是漢堡排與漢堡排的變奏～我第一次食，就點左咩都有的3款肉套餐。點餐後，店員就開始上菜，包括一大碗白米飯，介紹上是每日現磨日本東北「虹煌米」、一隻加了燒汁的生蛋黃（日本蛋）、及一大碗有蜆肉的湯！睇牌面都覺得好吸引 。枱上還有醃菜和很多調味料，也有建議食法，在等肉的途中也很忙碌。每人面前就有一個爐板，有店員在店中間即煎漢堡扒和炒西蘭花，煎好後就有店員把肉和菜夾到食客面前的爐板上，發出茲茲聲響，食慾大增！先來的是原味漢堡扒，選用九州黑毛和牛與美國牛肉混製現烤，我覺得這個組合幾合理，全用和牛會太肥，溝埋美國牛會多點肉味 。第二塊上的是芝士牛！此時發現原來西蘭花也是會不斷添加的，好正！！！（同好飽！） 我以為芝士牛就係上面那樣，我錯了，店員跟手過黎即磨芝士磨到山咁高，推介鍾意食芝士嘅人一定要揀芝士漢堡扒！後期芝士在鐵板上面煎到變脆片，好好味！友人於完成第二塊牛後添了一碗飯。我覺得呢度真係好啱健身者或發育中的青少年來大吃三碗白飯！！一定飽！第三塊來的是牛油果漢堡扒，老實說，我覺份量真係唔少，牛油果軟滑 。不過芝士漢堡扒和牛油果漢堡扒已經有足夠調味，遺憾我那碟調味料沒有用武之地 。整體用餐體驗是不錯的，而且感覺都幾健康，可以全餐原型食物，好啱做完gym食呀！同埋我喜歡呢度提供的果味薄荷水 。女生挑戰3塊肉，應該會太飽，男生應該就好滿足 。對我黎講，呢間可以有下次，但我會點兩塊肉就夠了，想食多點西蘭花和蜆湯！唯一希望可以改進的是加設坐枱掛勾，掛手袋！…查看更多

Byebye工人後就好難再有機會2人晚餐，最後機會選擇了一家在銅鑼灣的樓上小西餐廳，五道菜二人餐($468)性價比超高！最重要係質素好好，估計呢度嘅廚師係高級西餐廳出身？這裏沒有堂皇冠冕的重度裝潢，食物卻有超越價錢的水準！有時探索下小店常常有驚喜，今餐很滿足呢 。-五道菜二人餐($468)1. 是日精選沙律：墨西哥雜豆沙律比起倒pac芝麻醬就係嘅沙律，我覺得這個沙律才是誠意十足，足料豐富好吃 。-2. 是日餐湯：西蘭花忌廉湯湯也是高水準，一點也不是港式頹西湯，是正經的一個軟滑足料西湯！-3. 主菜I) 威靈頓牛柳 （+$160）舖頭名就叫Wellington，當然要試一試招牌威靈頓牛柳，完全冇失望，真係好好味，蘑菇醬香濃，酥皮酥脆，牛柳有牛味，火候控制得宜，質感卓越 ，比很多西餐廳做得出色了。- 主菜II) 蟹籽蟹肉蓋飯配松葉蟹甲羅燒餐廳提供很多fusion菜式選擇，難得沒有不倫不類，配搭都是好味、正常、吸引的 。這個飯勁足料啊！！超多蟹肉和蟹籽，兩人分享都覺得飽足 。 -4. 芒果伯爵茶窩夫（半份）難得去到甜品都仍然係keep住高質lol就算黎淨食甜品都值 。5. 咖啡或茶 套餐仲包咖啡茶，可以加錢凍飲/特式咖啡，配埋甜品，真是圓滿的一餐 。…查看更多

八月我食咗半個月外賣，喺外賣app見到有間新開嘅泰菜，就係泰grill，一直都想試下，到9月出關了就過左黎堂食lunch，無加一真係好抵食！份量超巨，大男人都一定食得飽果隻！！生牛肉船麵 （$62），一上枱係有比個份量嚇親，無論牛肉同麵都好多，牛肉質量就是一般的肥牛啦，還好，湯底也ok，這個價格還是很有競爭力的。香葉肉碎煎蛋飯 （$65）又是份量超巨，肉碎也是大大粒的很有口感，甚至有肉比飯還多的錯覺！送飯一流。午餐可以用加配價加配小食，好抵。加左蝦餅（+$38），有4大粒！彈牙唔油唔多粉，下次可以再點👏🏼其實呢日仲係我拍拖12周年紀念日😂，無特別慶祝，食到餐lunch已經好好，所以加埋芒果糯米飯（$38）做個儀式，呢度黑白糯米飯仲切咗個心形架！芒果好甜，呢個好好味🤤食豪d，單點埋生蝦，大隻彈牙，大量冰粒舖在底，夠凍。午餐包埋飲品真係唔錯，既然係特別日子，就轉特飲+$15😂龍眼冰同椰子冰👏🏼可以揀少冰少甜，而且真係有比少冰少甜，都幾好呀（你知啦有時嗌少冰都係好多冰 ） 。呢度店面唔大，不過裝修好新淨，坐得都算舒服，食餐lunch都幾唔錯，可以回訪。…查看更多

我發現身邊9成朋友都係I (introvert) ，今次難得相約了一個E人(extrovert)朋友去迪士尼🤩玩完再去食燒肉！不過我作為一個得59% E的E人😂，鍾意同人交流之餘其實都好「獨」，比較喜歡自己食一個set，燒肉LIKE就好啱我 ，一人一個set，再交換肉share食，咁就好perfect! 「燒肉LIKE」全港第20 間分店最近喺新蒲崗 Mikilki 商場開幕，而今期全線分店都有【期間限定】「日本黑毛和牛前胸肉&牛板腱」套餐，配白飯、和風湯及泡菜或迷你沙律，只售$98（100g）/$158（200g）超抵食！😱日本黑毛和牛前胸肉質素都唔錯呀，脂肪同筋絡比例好，優惠做到13/8，我都想再去食一次！推介+$18 將套餐白飯轉木魚絲紫菜蛋飯，更好味！新品「雞軟骨配香辣粉」（$22/50g） 都好惹味，香辣粉用嚟蘸其他肉都得，值得加購！另一個餐我地點咗「三部合奏」套餐 （$88/200g），估唔到咁平嘅價錢就可以點到有三款肉嘅燒肉套餐！包括豬五花腩、豬頸肉、雞腿肉，有飯有沙律/泡菜有湯，大滿足 。☕️津路烏龍茶（$15）埋單每人$150，好抵食都好多人等位，快手食完再去下場就啱晒啦！…查看更多

這天約了朋友偷得浮生半日閒，去飲茶就可以好好地傾個偈，我覺得樂天皇朝係比酒樓更好的選擇，除了環境好、座位闊落，食物質素也好，可以食到京滬點心/菜，而且服務更好！普洱茶（茶位$12.0@）不錯，又一直熱住，我非常滿意這個選擇！本來是物有所值的中等價錢，但是2點後突然有一陣人潮，原來下午茶時段大量菜品點心閒日5折/週末6折😱wowwwww真的嗎😱勁抵！！！！！這餐吃了三款食品，都很滿意～🐥雲吞雞（半隻）（$168）店長推介！湯濃好喝！雞又大隻，雲吞做到主食，足料夠份量，真係不錯嘅選擇🤩🤩🥟招牌原味小籠包（6粒）（$78.0）小籠包係我嘅最愛食物之一，呢度做到皮薄汁鮮肉嫩，我覺得原味係最好食嘅😆🤤蘿蔔絲酥餅（3個）($52.0)平時酒樓叫呢啲好易中伏，呢度唔會，酥餅夠酥脆，蘿蔔一絲絲，好吃👍🏻特別一提，入座即收費的前菜（$15.0）是炆栗子花生，超淋超入味，好吃的😊，有誠意 。…查看更多

尖東希爾頓大廈LG層隱藏住一間幾大嘅鐵板燒/日式餐廳！最大賣點就係有三間VIP房，最低消費非常合理（大概係一人一個餐），超啱聚會啊！廚師發辦套餐做緊二人同行，一人免費！（$1380/位+10%），埋單即係$759/位！最吸引嘅係清酒任飲🍶😱😱! 所以都算幾抵食㗎！呢間係感覺比較casual嘅日式餐廳，上菜極快，我覺得係一個同朋友食個飯唔錯嘅選擇 ，飲下食下，值得一提的是我幾欣賞這間餐廳的餐具，幾靚。分享吓今日食到嘅菜單：🤗前菜：紅蘿蔔筍燉雞🍣刺身五品：有油甘魚、魚、新鮮赤貝、吞拿魚、海膽，都是較貴價食材，我較喜歡後3者，質量👌🏻🙂!🥩煮物：和牛面頰肉，超淋而且油份重，份量剛好，肉再多就飽了 。🍣壽司五品：有金目鯛、帆立貝、魚子赤蝦、左口魚、鯖魚和漬物，壽司呎吋拿掐得幾好，一口size，用赤醋飯，而且不會散，絕對是料多飯少，唔會食飽左 。🐟燒物：是西京燒銀鱈魚！是餐亮點！！我覺得這間的鐵板燒的確是比較出色的！食到銀鱈魚自身的魚油，魚皮脆，魚肉嫩，都想一碗白飯了！！！🍣手卷：牛油果燒拖羅手卷最後有個手卷，唔驚唔夠飽，紫菜夠脆！料超足！🥣吸物：聽講平時有魚湯，不過今日係麵豉湯😂甜品：開心果雪糕餐廳一邊主要要做鐵板燒，有一個天燈幕牆，用iPad寫上自己的願望，就會投射到天燈牆上，都幾得意 。…查看更多

幾年前食過grill room 嘅lunch, 印像中性價比好高，牛扒質素幾好！今次約了我姨食牛扒～就試下呢度嘅晚餐 。閒日晚上都幾full, 一定要訂位呢 。兩人點了一個牛扒和一個意大利飯，我們在炭燒美國16安士USDA安格斯肉眼牛扒 （$488）與炭燒美國10安士USDA頂級安格斯西冷牛扒（ $448）之間掙扎了好一會，最後選擇了份量較多的二人分享，不過一分錢一分貨真是硬道理🥲，如果一心想來食扒的，相信點Prime會比較好吃😋普通USDA 肉味稍遜 。16安士的牛扒真好巨型，適合分享，炭燒紋理靚嘅，Medium 火喉控制可以，有肉汁 ，但唔知係咪我影相影耐咗，牛扒已凍了，大大影響了食用感，牛扒真係要襯熱食 。配的薯蓉是下了很多牛油很軟很滑的風格，牛扒本身調味偏淡，如果配的牛肝菌醬汁多點就好了 。今晚覺得牛肝菌蘑菇意大利飯（$168）更得我心，無論性價比和質素都更高🤗！！醬汁超多，份量也不少，2人分享都可以，又不會太膩 。…查看更多

以可愛貓貓做招牌嘅QUE已經開到第7間分店喇！今次落戶新都會，近屋企，終於有機會試試 。呢度環境靚、出品靚、西日fusion料理又好啱港人口味，難怪午餐時間都非常Full，非常受歡迎 ！和牛蘇格蘭流心蛋配芥末籽大阪燒汁($158) 好美味！外表酥脆，和牛有肉汁，加埋流心蛋，絕！配了沙律，芥末籽畫龍點睛，好滿足 。呢個菜品唔係度度都有得食，可以一試！呢度有壽司taco幾特別，試了香蔥吞拿魚蓉牛油果果醬壽司塔可（午餐加配+$48）紫菜是天婦羅處理，脆卜卜，也好吃 。不過個人我更喜歡炸薯條配煙肉京蔥絲木魚絲及日式芥末醬（午餐加配+$48）！大大盤，日式芥末醬都幾好味 。燒春雞配自家製燒肉汁及芥末薯蓉（$158）相對普通，但啱哂要食肉嘅做gym人！肉質juicy，都係隻好味嘅春雞，薯蓉高質👌🏻午餐包沙律/湯和餐飲，當日是甘筍湯同荔枝沙律。餐飲我選了特飲熱情芒果冰茶（+$38）同凍泡沫咖啡(+$38)賣相都好靚 ，賞心悅目 。雖然全場滿座，但整體用餐體驗都好好，店員有禮helpful,裝潢清新，座位舒適！價位唔算平但出品有質素，是個可以回頭的穩陣選擇 🫶…查看更多

8月我就正式閉關一個月，仲要開始控制飲食（Join左PT呀🤪），要襯最後機會食多幾餐好吃的🤓，其中一間我嘅Top選就係湊湊🤩🤩🤩適逢7月係湊湊進駐香港五周年，而家佢做緊「5週年‧生日祭」，有全新產品，有優惠🤩！！抵🤤🥘第N次回訪湊湊，我最愛的鍋底始終是台式麻辣湯底和酸菜白肉湯底，麻辣鴨血豆腐和酸菜都可以無限續！！真係食湯底都飽1/3🤣，台式麻辣比較溫和，食極都唔厭，鴨血和豆腐都好好味；酸菜湯底都好高質，酸菜又好好味！🐂 🦞今次特別推出海陸盛宴，我揀左日本A4和牛三角胸小排🥹🥹🥹（會員換購價$98/非會員換購價$118），質素幾好，份量又多！超抵🤤🤤🤤🤤🤤（做到31/7/24） 。🤩今次仲食咗牛黃喉（灼15秒Ok! ）、鮮魷魚、新鮮即剪豆苗、和企鵝丸（墨魚漿製），點企鵝丸可以叫店院幫手set場玩企鵝跳水😂令用餐體驗更加有趣！肉肉蛋糕就最啱生日慶祝！個福袋入面係八爪魚，誠意滿分 。另外調料自助區有小食、生果、飯：小食有筍片、涼拌魚皮、炸地瓜丸；水果方面，今次見到除了西瓜、哈密瓜、還有芭樂和柑果肉，比之前更豐富🤤；最屈機係仲有肉燥飯放題，重點是全部高質，仲要每枱都送左菠蘿沙冰（每人一小杯）和甜品😂所以黎湊湊好難唔捧住個肚走🤤超滿足🤤！最後，呢度有提供一壺熱茶，又可以點台式飲料，招牌係大紅袍珍珠奶茶！大大杯🥹總結是台味滿分又沉浸在美食幸福中的一晚 ，來湊湊永遠都唔失望，除左無訂位就要等超耐之外。…查看更多

第一次光顧以手製意大利粉聞名的Mano，銅鑼灣分店位於L Square，裝修簡約別緻，乾淨整潔，店面不算大，座無虛席，充滿人氣！因為進入餐廳的時候我見到隔離枱點了這個布拉塔芝士蜜桃車厘茄沙律 （$168），作為喜歡別芝士的人，我被這一大舊BURRATA芝士吸引了！BURRATA Cheese源自意大利，外層緊實，內層是柔軟奶油狀，跟熟成的芝士不同，它是一個食用期短的新鮮芝士，口感柔軟細膩，味道清爽又帶點奶香 。沙律配了red pesto sauce和新鮮車厘茄，值得一提的是，這個蜜桃用的是新鮮蜜桃，為沙律加上一點生果的香甜，如果份量多點就好了 。香草白酒煮蜆配意式香草麵包 （$188）擺盤精緻吸引，用的大蜆很大隻，肉質彈牙，白酒汁帶帶酒香很好吃！包的質素也幾好，質地鬆軟有麵包香，有烘熱底下外脆內軟，點汁食好好味～是瞬間就清盤的一道菜！我最喜歡吃手工製意大利麵，當然要試試Mano 出品，芝士肉醬千層麵 （$188）份量睇落比較的骰，不過芝士同牛肉比例都好高，焗的火侯控制出色，外層脆、裡面軟，肉醬亦唔係預製好咸那種，整體是一個好吃的千層面，同樣秒清 。-呢度服務幾好，西餐標準，加水收碟換碟非常勤快，不過留意番呢度枱與枱之間沒有很多空間，地方小，困著聲音，氣氛比較熱鬧，整體份量偏少，但食物有質素🫶，用料挺不錯！用Openrice訂座閒日晚上有6折就好抵食了！…查看更多

天氣咁熱又想食大排檔，我一定揀楚撚記！荃灣店樓下成日都聚集咗好多等位嘅人群，我之前淨係叫過外賣，今次第一次入去堂食，感覺正好多！沿着樓梯到餐廳內部都以懷舊香港做主題，現場播著八九十年代懷舊金曲，環境非常熱鬧，好有大排檔風味，又幾有feel～但同時乾淨整潔冷氣夠！食物有水準！套餐性價比仲好高Tim，菜式懷舊味濃，但係有擺盤同符合潮流口味 ，喺呢度仲可以飲到懷舊玻璃樽可樂，服務仲好好，是一間要回頭再食嘅店！今次點咗幾個招牌菜，飛天通菜煲（$92）和香煎黑松露手打蓮藕墨魚餅（$118）都好好味！尤其是飛天通菜煲，上枱熱辣辣，顏色翠綠質感清脆，咸香惹味，屋企比較難整到呢種鑊氣 。煲仔香焗白胡椒蝦（$169）的蝦有先走過油（炸過），所以比較乾身，胡椒味好香 ，粉絲好好味～楚撚豬油撈飯（$25/碗）係我必點推介，豬油同埋豉油都係自己落，份量自控，超香超好吃 。有說豬油其實係最健康嘅食物之一，我自己覺得所有食物間唔中適量攝取都是OK的😋😋樽裝Coke Zero可樂/忌廉 （$15/支）最後仲送咗兩碗糖水，完美！不用加一！整餐下來無論氣氛、環境、食物、服務都很滿意～會再食😋…查看更多

夏至日，陽氣最盛的一天，我到屯門曾咀探個親，順道吃了一個我想吃很久了的肉骨茶！說起肉骨茶就想起蘇媽，我覺得它的肉骨茶湯溫和順喉，藥味不濃易入口，又不會很咸 。今次點了招牌肉骨茶（細雜錦） （$118），原來雜錦是有豬腳、豬腸、腩肉片，但我不吃豬腸的，下次還是選一字骨的好了🤣肉質腴嫩～我最喜歡它配了油炸鬼，能配湯吃，午市套餐還配了白飯和油菜，份量挺多的 ，一個人食，好飽…不知道午餐份量那麼多，還加了一個甜品，斑蘭椰絲卷（+$25），斑蘭和椰絲是絕配，香香甜甜。套餐還包了一杯熱飲，我點的是拉茶 ，質素也不錯的 。這裡環境很好，夠多卡位，乾淨，食得舒服 。雖然這午餐消費不算平，但份量質素環境服務都是不錯的，還是覺得物有所值，滿意，可以回頭！+10%…查看更多

早排慶祝母親節，點了到會谷的到會，整體好滿意🫶！✅性價比超高👍🏻我點的是$928/6-8人餐，8人人均不用$120！質素都OK！有些是出色，黎到仲係熱辣辣加大分 。✅百款美食任揀，實現點餐自由😍我最喜歡它的地方是它沒有限制你要選幾多款前菜/主食/甜品，而係在近百款美食之中，任揀八盤！！素食者有得揀、食肉獸點足8盤肉肉也可以！終極方便‼️可以完全滿足到不同的飲食需要！！我家有人要高蛋白增肌…我家有人只吃肉和沙律不吃澱粉…我家有人只吃肉和飯但蛋奶敏感…我不想吃甜食…(所以沒點甜品🤣）✅準時！！包裝好👍🏻呢樣超重要，雖然只送到樓下（上樓加錢），但準時又有禮，一個紙箱包裝得好好，無瀉無漏仲要熱辣辣送到，我會因為呢點而列它入我的回購清單 。面對花多眼亂的美食選擇～最後我精選了以下8盤：💝牛油果醬蟹籽煙三文魚沙律（1份）💛飛魚籽蟹肉水果撻（12件） 💛泰式惹味原隻燒魷魚伴脆脆片💝泰式滷水原隻豬手（1隻切件）💛紅酒燴牛肋條（約2磅裝）💝芫茜涼拌芝麻手撕雞（1份）💝老闆鮑魚瑤柱荷葉飯💛蝦多士💝是我的回購之選，最估唔到係手撕雞清得最快，有半盤芫荽超級大方，個芝麻手撕雞又幾好食 ！💝瑤柱荷葉飯我都好欣賞，飯係乾身同埋有荷葉味，雖然料唔算多（唔好同幾百蚊一小份果d比），但呢個飯係好食！難得找到無蛋奶的一個飯！🫶感恩 。份量超多真係夠食有餘！💝煙三文魚花份量大方，差唔多有平時買的細pack裝！沙律乾爽新鮮 。⚛️⚛️⚛️我的到會小心得⚛️⚛️⚛️我自己的叫到會技巧是盡量唔叫炸野，難控制佢唔比倒汗水焗淋，雖然今次都叫左個蝦多士（脆的！）；叫炆燉的肉通常都可以🥰飯比麵出事率少👍🏻…查看更多

記得食呢餐果時，我個人能量好低，食完滿血回復！😁最平嘅A餐只是$238（星期一至五午市），已經有77品選擇，而且款款吸引不濫竽充數 。雖然很平，但質素比想像好！可以回頭！竟然有任食哈根達斯、有酒、有鮑魚、海膽、花膠😱個人推介必點泰式鮑魚！這裡的燒物也不錯，我喜歡燒牛舌、燒紐西蘭羊鞍、也必點有機燒菠蘿，蒜蓉燒生蠔也ok 。放題必有壽司刺身，刺身蝦大隻！這裡還竟然有海膽手卷，當然是放題質素，但最少無苦味，合格！壽司我推介火炙鹽燒左口魚裙邊壽司，充滿魚油極美味！熟食還有炒蟹、花甲鍋、肥牛鍋之類，自助區也提供很多前菜選擇，竟然還看到水葡萄和即食糖心蛋 。飲品有巨量選擇，酒類有梅酒、清酒、紅酒、多款啤酒，我就試了生可樂，和中女之選熱花茶😁雪糕甜品令人滿意！有bulla frozen yoghurt 又有任食haagan daz，是超回本的放題！環境乾淨闊落、店面人員收碟爽快、服務都幾好，會想回頭再食！PS. 12:00 會有人龍排隊入座，唔介意食唔足3小時的話，12:30到就不用排了！…查看更多